Песен: 13 Создан:
06.05.2015 Обновлен:
29.01.2018
| 19 Мая | 2024 года |
Навигация
- Бал чибинни ургъаны – ачы, балы – татлы.
- Тили узунну, намысы – къысха.
- Окъумагъан сокъурду, сокъур ташха абыныр!
- Акъыллы башны – тили къысха.
- Уллу къазанда бишген эт, чий къалмаз.
- Ач отунчуну ачыуу – бурнунда.
- Арпа, будай – ащды, алтын, кюмюш а – ташды.
- Сагъыш – къартлыкъгъа сюйюмчю.
- Башы ишлегенни, ауузу да ишлер.
- Сёз садакъдан кючлюдю.
- Аманны къуугъан, аманлыкъ табар.
- Билмезни кёзю кёрмез, этмезни къулагъы эшитмез.
- Ауругъан – джашаудан умутчу.
- Чомарт джарлы болмаз.
- Кютгени беш эчки, сызгъыргъаны уа, джерни джарады.
- Тойгъан антын унутур.
- Кесинге джетмегенни, кёб сёлешме.
- Джарлы джети элни сёзюн этер.
- Айран ичген – къутулду, джугъусун джалагъан – тутулду.
- Агъач халкъгъа алтынды, иссиликге салкъынды.
- Ашхы тенг джолгъа салыр, аман тенг джолдан тайдырыр.
- Ашлыкъ – бюртюкден, джюн – тюкден.
- Кечеси – аяз, кюню – къыш, джарлы къаргъагъа бир аш тюш!
- Ашда – бёрю, ишде – ёлю.
- Тау башында, тау болмаз, джангыз терек, бау болмаз.
- Башда акъыл болмаса, эки аякъгъа кюч джетер.
- Къонакъ хазыр болгъанлыкъгъа, къонакъбай хазыр тюлдю.
- Иги бла джюрюсенг, джетерсе муратынга, аман бла джюрюсенг, къалырса уятха.
- От кюйдюрген, сау болса да, тот кюйдюрген, сау болмаз.
- Тюзлюк шохлукъну бегитир.
- Кёрмегеннге кебек – танг, битмегеннге сакъал – танг.
- Этни бети бла шорпасы.
- Игиге айтсанг – билир, аманнга айтсанг – кюлюр.
- Джашда акъыл джокъ, къартда къарыу джокъ.
- Тилде сюек болмаса да, сюек сындырыр.
- Ач – эснер, ат – кишнер.
- Узун джолну барсанг, бюгюн келирсе, къысха джолну барсанг, тамбла келирсе.
- Айтханы чапыракъдан ётмеген.
- Дженгил джетерикме деб, узун джолну къоюб, къысхасын барма.
- Тилчи тилден къаныкъмаз.
- Къоркъакъны кёзю экили кёрюр.
- Кесине гебен этелмеген, биреуге черен эте эди.
- Тенгни тенглиги джашай барсанг билинир.
- Айтхан сёзюне табылгъан.
- Билим ат болуб да чабар, къуш болуб да учар.
- Уясында не кёрсе, учханында аны этер.
- Билимден уллу байлыкъ джокъду.
- Ойнай-ойнай кёз чыгъар.
- Къонагъынгы артмагъын алма да, алгъышын ал.
- Адеби болмагъан къыз – тузсуз хант.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
