- Аманны тукъумуна къарама, игини тукъумун сорма.
- Бичгенде ашыкъма, тикгенде ашыкъ.
- Адамны сыфатына къарама, сёзюне къара.
- Кёзню ачылгъаны – иги, ауузну джабылгъаны – иги.
- Тилсиз миллет джокъ болур.
- Къарны аманнга къазан такъдырма, къолу аманнга от джакъдырма.
- Чомарт джарлы болмаз.
- Ана – юйню кюн джарыгъы.
- Нарт сёз – тилни бети.
- Айыбны суу бла джууалмазса.
- Билим насыб берир, билим джолну керир.
- Тин – байлыгъынг, терен саулугъунг.
- Ашын ашагъанынгы, башын да сыйла.
- Билмейме деген – бир сёз
- Ач отунчуну ачыуу – бурнунда.
- Билим ат болуб да чабар, къуш болуб да учар.
- Ачны эсинде – аш.
- Акъыл аздырмаз, билим тоздурмаз.
- Эки къатын алгъан – эки ташны ортасына башын салгъан.
- Башда акъыл болмаса, эки аякъгъа кюч джетер.
- Бюгюн дуния кибик, тамбла ахыратды.
- Урунуу – насыбны анасы.
- Ачылгъан эт джабылыр, кёрген кёз унутмаз.
- Хунаны тюбюн къазсанг, юсюнге ауар.
- Телиге от эт десенг, юйюнге от салыр.
- Тешигини къатында, чычхан да батыр болур.
- Ач уят къоймаз.
- Эрни эр этерик да, къара джер этерик да, тиширыуду.
- Сууда джау джокъ, кёб сёзде магъана джокъ.
- Юре билмеген ит, къонакъ келтирир.
- Мухар, кеси тойса да, кёзю тоймаз.
- Адамны бетине къарама, адетине къара.
- Ишин билген, аны сыйын чыгъарады.
- Тюкюрюк баш джармаз, налат кёз чыгъармаз!
- Ашына кёре табагъы, балына кёре къалагъы.
- Адам къыйынлыгъын кёлтюрюр, зауукълугъун кёлтюрмез.
- Ётюрюкден тюбю джокъ, кёлтюрюрге джиби джокъ.
- Кесине оноу эте билмеген, халкъына да эте билмез.
- Сакъалы текени да бар, мыйыгъы киштикни да бар.
- Къызны минг тилер, бир алыр.
- Арыгъан къош чамчы болур.
- Аз сёлешген, къайгъысыз турур.
- Башсыз урчукъ тюзюне айланмаз.
- Иши джокъну, сыйы джокъ.
- Байлыкъдан саулукъ ашхыды.
- Къозулугъунда тоймагъан, къойлугъунда тоймаз.
- Ата Джуртун танымагъан, атасын да танымаз.
- Эр абынмай, эл танымаз.
- Эрине къаргъыш этген къатын, эрнин къабар.
- Къарын къуру болса, джюрек уру болур.
