- Ишни ахырын ойламай, аллын башлама.
- Къумурсхала джыйылсала, пилни да джыгъадыла.
- Ётген ёмюр – акъгъан суу.
- Чыбыкълыкъда бюгюлмеген, къазыкълыкъда бюгюлмей эди.
- Аджашханны ызындагъы кёреди, джангылгъанны джанындагъы биледи.
- Ач отунчуну ачыуу – бурнунда.
- Атлыны ашхысы, ат тизгининден билинир
- Ханнга да келеди хариблик.
- Хоншуну тауугъу къаз кёрюнюр, келини къыз кёрюнюр.
- Билим – акъылны чырагъы.
- Ышармагъан – кюлмез, кюлмеген – къууанчны билмез.
- Окъуу – билимни ачхычы, окъуу – дунияны бачхычы.
- Ишлегенден, къарагъан уста.
- Тойгъандан сора, ашны сёкме.
- Ач къалгъандан, кеч къалгъан къолай.
- Аз айтсам, кёб ангылагъыз.
- Элни кючю – эмеген.
- Игини сыйлагъан адетди.
- Намысы джокъну – дуниясы джокъ.
- Джюрекге ариу – кёзге да ариу.
- Айтылгъан сёз ызына къайтмаз.
- Кесине гебен этелмеген, биреуге черен эте эди.
- Байлыкъ келсе, акъыл кетер.
- Мал кёб болса, джууукъ кёб болур.
- Ата Джуртча джер болмаз, туугъан элча эл болмаз.
- Тёрдеги кюлсе, эшикдеги ышарыр.
- Эшекге миннген – биринчи айыб, андан джыгъылгъан – экинчи айыб.
- Джиби бир къат джетмей эди да, эки къат тарта эди.
- Кёб джат да, бек чаб.
- Билими азны – ауузунда кирит.
- Чакъырылгъанны аты, чакъырылмагъанны багъасы болур.
- Адебни адебсизден юрен.
- Суугъа – чабакъ, къаягъа – ыргъакъ.
- Ауузу бла къуш тута айланады.
- «Ёгюз, джаргъа джууукъ барма, меннге джюк боллукъса», - дегенди эшек.
- Къартны сыйын кёрмеген, къартлыгъында сыйлы болмаз.
- Насыб бютеу халкъны юлюшюдю.
- Уясында не кёрсе, учханында аны этер.
- Аджал соруб келмез, келсе, къайтыб кетмез.
- Юйюнг бла джау болгъандан эсе, элинг бла джау бол.
- Элде адам къалмаса, ит тахтагъа минер.
- Келгинчи, къонакъ уялыр, келгенден сора, къонакъбай уялыр.
- Ариу сёз аурууунгу алыр.
- Дуния малгъа сатылма, кесингден телиге къатылма.
- Къартха ушагъан джаш – акъыллы, джашха ушагъан къарт – тели.
- Къар – келтирди, суу – элтди.
- Къартны бурнун сюрт да, оноугъа тут.
- Аман адамны тепсинге олтуртсанг, къызынгы тилер.
- Тойну къарнашы – харс, джырны къарнашы – эжиу.
- Ишни аллы бла къууанма да, арты бла къууан.