Эльбрусоид :: Эльбрусоид

Юйюнгден чыкъдынг – кюнюнгден чыкъдынг.
Байны къызы баймакъ болса да, юйде къалмаз!
Эринчекге кюн узун.
Босагъагъа джууукъ орун болса, ашыгъыб тёрге озма.
Ургъан суудан башынгы сакъла.
Байлыкъдан саулукъ ашхыды.
Шапа кёб болса, аш татымсыз болур.
Эте билген, этген этеди, эте билмеген, юретген этеди!
Игилик игилик бла сингдирилиучю затды.
Келинни – келгинчи, бёркню кийгинчи кёр.
Чакъырылмагъан къонакъ – орунсуз.
Билими азны – ауузунда кирит.
Ёпкелегенни ашы татлы болады.
Тойну къарнашы – харс, джырны къарнашы – эжиу.
Ашхы тенг джолгъа салыр, аман тенг джолдан тайдырыр.
Ашын ашагъанынгы, башын да сыйла.
Хазыр ашха – терен къашыкъ.
Элни кючю – эмеген.
Аджалсыз ёлюм болмаз.
Кютгени беш эчки, сызгъыргъаны уа, джерни джарады.
Ариу сёз джыланны орнундан чыгъарыр.
Юй ишлеген балта эшикде къалыр.
Суу кетер, таш къалыр.
Къонакъ болсанг, ийнакъ бол.
Тилчи бир сагъатха айлыкъ хата этер.
Джан саулукъ бермей, сан саулукъ бермезсе.
Ана къойну – балагъа джандет.
Эки элинги тыйсанг, джети элде махталырса.
Ата Джуртча джер болмаз, туугъан элча эл болмаз.
Ишленмеген джаш – джюгенсиз ат, ишленмеген къыз – тузсуз хант.
Эртде тургъан бла эртде юйленнген сокъуранмаз.
Къыйынлы джети элге оноу этер.
Аз айтсам, кёб ангылагъыз.
Сескекли кесин билдирир.
Джахил болса анасы, не билликди баласы?
Айтханы чапыракъдан ётмеген.
Иги бла джюрюсенг, джетерсе муратынга, аман бла джюрюсенг, къалырса уятха.
Уруну арты – къуру.
Юйюнг бла джау болгъандан эсе, элинг бла джау бол.
Кеси юйюмде мен да ханма.
Къазанда болса, чолпугъа чыгъар.
Суу ичген шауданынга тюкюрме.
Уллу сёзде уят джокъ.
Кёрмегеннге кебек – танг, битмегеннге сакъал – танг.
Элиб деген, элге болушур.
Аз сёлешген, къайгъысыз турур.
Башы ишлегенни, ауузу да ишлер.
Ётген ёмюр – акъгъан суу.
Джарлы тюеге минсе да, ит къабар.
Тил – кесген бычакъ, сёз – атылгъан окъ.