- Джангыз торгъай джырламаз.
- Шайтан алдады, тюзлюк къаргъады.
- Сабийликде юретмесенг, уллу болса – тюзелмез.
- Башы ишлегенни, ауузу да ишлер.
- Ёпкелегенни ашы татлы болады.
- Ачны эсинде – аш.
- Къарнынг бла ёч алма.
- Къатыны харакетли болса, эри къымсыз болур.
- Нёгерсизни джолу узун.
- Эркишини аманы тиширыуну джылатыр.
- Чыкълы кюнде чыкъмагъан, чыкъса къуру кирмеген.
- Ана – юйню кюн джарыгъы.
- Ёгюзню мюйюзлери ауурлукъ этмейдиле.
- Эртде тургъан бла эртде юйленнген сокъуранмаз.
- «Ма», - дегенни билмесенг, «бер», - дегенни билмезсе.
- Чыбыкълыкъда бюгюлмеген, къазыкълыкъда бюгюлмей эди.
- Минг тенг да азды, бир джау да кёбдю.
- Аман адам элни бир-бирине джау этер.
- Ишленмеклик адамлыкъды.
- Чоюнну башы ачыкъ болса, итге уят керекди.
- Чакъырылмагъан къонакъ къачан кетерин сормаз.
- Тойгъа барсанг, тоюб бар, эски тонунгу къоюб бар.
- Ёмюрлюк шохлукъну джел элтмез.
- Джарлы эскисин джамаса, къууаныр.
- Чомартха хар кюн да байрамды.
- Къарыусузгъа кюлме, онгсузгъа тийме.
- Башынга джетмегенни сорма.
- Ач къарынны, токъ билмез
- Душманны тышы – акъ, ичи – къара.
- Таула не мийик болсала да, аууш табылыр.
- Накъырданы арты керти болур.
- Огъурлуну сёзю – суу, огъурсузну сёзю – уу.
- Тюзлюк шохлукъну бегитир.
- Чомартха Тейри да борчлуду.
- Садакъачыны джаны – къапчыгъында.
- Тенгни тенглиги джашай барсанг билинир.
- Джарашыу сюйген – джалынчакъ.
- Джюрекден джюрекге джол барды.
- Адамны бетине къарама, адетине къара.
- Ойнай билмеген, оюн бузар.
- Кёл – къызбай, къол – батыр.
- Берекет берсин деген джерде, берекет болур.
- Арба аугъандан сора, джол кёргюзтюучю кёб болур.
- Хаухну атма, ёнгкючню сатма.
- Къарнынг къанлынга кийирир.
- Ётюрюкчюню шагъаты – къатында.
- Ашда – бёрю, ишде – ёлю.
- Кёзден кетген, кёлден да кетеди.
- Окъуусуз билим – джокъ, билимсиз кюнюнг – джокъ.
- Тил джюрекге джол ишлейди.