- Ашхылыкъ джерде джатмайды, аманлыкъ суугъа батмайды.
- Уллу айтханны этмеген – уллаймаз.
- Эл тойса, тоймагъан, эл къойса, къоймагъан.
- Тойгъа барсанг, тоюб бар, эски тонунгу къоюб бар.
- Къартны бурнун сюрт да, оноугъа тут.
- Тешик этген тынчды, аны джамагъан къыйынды.
- Рысхысына кёре, джаш ёсер, къышлыгъына кёре, мал ёсер.
- Биреуню къыйынлыгъы бла кесинге джол ишлеме.
- Минг тенг да азды, бир джау да кёбдю.
- Джарлыны тону джаз битер.
- Джарашыу сюйген – джалынчакъ.
- Тиширыусуз юй – отсуз от джагъа.
- Накъырда – кертини келечиси.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ата Джуртун танымагъан, атасын да танымаз.
- Насыб бютеу халкъны юлюшюдю.
- Аллахха ийнаннган кишини, Аллах онгдурур ишин.
- Башынга джетмегенни сорма.
- Сакъламагъан затынга джолукъсанг, не бек къууанаса, не бек ачыйса.
- Айырылмаз джууугъунга, унутмаз сёзню айтма.
- Эски джаугъа ышанма.
- Ичимден чыкъды хата, къайры барайым сата?
- Бал ашаргъа сюе эсенг, чибин ургъаннга тёз.
- Мухар, кеси тойса да, кёзю тоймаз.
- Кёбге таш атма.
- Тура эдим джата, къайдан чыкъды хата?
- Чакъырылмагъан къонакъ тёрге атламаз.
- Халкъгъа джарагъан, джарлы къалмаз.
- Чоюнну башы ачыкъ болса, итге уят керекди.
- Къая джолда джортма, ачыкъ сёзден къоркъма.
- Гырджын – тепсини тамадасы.
- Арыгъан къош чамчы болур.
- Ёмюрлюк шохлукъну джел элтмез.
- Къартха ушагъан джаш – акъыллы, джашха ушагъан къарт – тели.
- Иги болса, тамадама – махтау, аман болса, меннге – айыб.
- Ач отунчуну ачыуу – бурнунда.
- Адамны аманы адамны бети бла ойнар.
- Уллу сёлешме да, уллу къаб.
- Билген билмегенни юретген адетди.
- Биреуге аманлыкъ этиб, кесинге игилик табмазса.
- Кесине гебен этелмеген, биреуге черен эте эди.
- Халкъны джырын джырласанг, халкъ санга эжиу этер.
- Къар – келтирди, суу – элтди.
- Аякъларынгы джууургъанынга кёре узат.
- Къалгъан ишге къар джауар.
- Аманны тукъумуна къарама, игини тукъумун сорма.
- Къарнынг къанлынга кийирир.
- Чёбню кёлтюрсенг, тюбюнден сёз чыгъар.
- Мал тутхан – май джалар.
- Акъыллы – эл иеси, тели – эл баласы.
