- Билмейме деген – бир сёз
- Джыйырма къойну юч джыйырма эбзе кюте эди.
- Ариу джол аджал келтирмез.
- Сагъыш – къартлыкъгъа сюйюмчю.
- Тилчиден кери бол.
- Ашда – бёрю, ишде – ёлю.
- Керти сёзге тёре джокъ.
- Джыланны къуйругъундан басарынг келсе, аны башы болгъанын унутма.
- Этни да ашады, бетни да ашады.
- Тёзген – тёш ашар!
- Къазанда болса, чолпугъа чыгъар.
- Ариу сёз – къылычдан джити.
- Аурууну келиую тынч, кетиую – къыйын.
- Байлыкъ келсе, акъыл кетер.
- Тели турса – той бузар.
- Джангыз терек къынгыр ёсер.
- Биреуге аманлыкъ этиб, кесинге игилик табмазса.
- Ачлыкъда тары гырджын халыуадан татлы.
- Ишленмеген джаш – джюгенсиз ат, ишленмеген къыз – тузсуз хант.
- Айтылгъан буйрукъ, сёгюлмез
- Тойгъа алгъа да барма, тойда артха да къалма.
- Урунуу – насыбны анасы.
- Джумушакъ сёз къаты таякъны сындырыр.
- Суу ичген шауданынга тюкюрме.
- Тамчы таш тешер.
- Джюрек кёзден алгъа кёрюр.
- Аман хансны – урлугъу кёб.
- Бек ашыкъгъан меннге джетсин, дегенди аракъы.
- Бермеген къол, алмайды.
- Джылар джаш, атасыны сакъалы бла ойнар.
- Адамны аты башхача, акъылы да башхады.
- Адамгъа аман кюн соруб келмейди.
- Ат да турмайды бир териде.
- Aдам боллукъ, сыфатындан белгили.
- Къызбайны юйюне дери сюрсенг, батыр болур.
- Къанны къан бла джуума, аманны аман бла къуума.
- Хазыр ашха – терен къашыкъ.
- Акъыллы – эл иеси, тели – эл баласы.
- Тёрде – темир таякълы, къаяда – чыпчыкъ аякълы.
- Эки къатын алгъанны къулагъы тынгнгаймаз.
- Тыш элде солтан болгъандан эсе, кесинги элде олтан болгъан игиди!
- Тилсиз миллет джокъ болур.
- Къонакъ хазыр болгъанлыкъгъа, къонакъбай хазыр тюлдю.
- Чабакъсыз кёлге къармакъ салгъанлыкъгъа, чабакъ тутмазса.
- Сютню башын джалагъан къутулур, тюбюн ичген тутулур.
- Башланнган иш битер, къымылдагъан тиш тюшер.
- Ауругъан – джашаудан умутчу.
- Эки итни арасына сюек атма, эки адамны арасында сёз чыгъарма.
- Хар зат кесини орнуна иги.
- Сакъ юйюне сау барыр.
