- Ашхы тенг джолгъа салыр, аман тенг джолдан тайдырыр.
- Юйюнгден чыкъдынг – кюнюнгден чыкъдынг.
- Экеу тутушса, биреу джыгъылыр.
- Къуллукъчума, деб махтанма, къуллукъ – хаух джамчыды!
- Аман адамны тепсинге олтуртсанг, къызынгы тилер.
- Джерни букъусу кёкге къонмаз.
- Ариу – кёзге, акъыл – джюрекге.
- Ауузу аманнга «иги», деме.
- Биреуню тёрюнден, кесинги эшик артынг игиди.
- Иги джашны ышаны – аз сёлешиб, кёб тынгылар.
- Таш ата билмеген, башына урур.
- Ач къарынны, токъ билмез
- Атынг аманнга чыкъгъандан эсе, джанынг тамагъынгдан чыкъсын.
- Бети – къучакълар, джюреги – бычакълар.
- Ата Джуртуму башы болмасам да, босагъасында ташы болайым.
- Чабакъ башындан чирийди.
- Ат басханны джер билед.
- Эр сокъур болсун, къатын тилсиз болсун.
- Тилчи бир сагъатха айлыкъ хата этер.
- Байлыкъдан саулукъ ашхыды.
- Башы ишлегенни, ауузу да ишлер.
- Джумушакъ терекни къурт ашар.
- Ханы къызы буюгъа-буюгъа киштик болду.
- Сёз къанатсыз учар.
- Ачылгъан эт джабылыр, кёрген кёз унутмаз.
- Мухар, кеси тойса да, кёзю тоймаз.
- Биреу къой излей, биреу той излей.
- Чыкълы кюнде чыкъмагъан, чыкъса къуру кирмеген.
- Керилген да, ургъан кибикди.
- Джюрек кёзден алгъа кёрюр.
- Ишлерге уял да, ашаргъа табма.
- Айтылгъан сёз ызына къайтмаз.
- Ёгюзню мюйюзлери ауурлукъ этмейдиле.
- Тил джюрекге джол ишлейди.
- Чабакъсыз кёлге къармакъ салгъанлыкъгъа, чабакъ тутмазса.
- Экеулен сёлеше тура эселе, орталарына барыб кирме.
- Нафысынгы айтханын этме, намысынгы айтханын эт.
- Олтуруб кёрюнмей эди да, ёрге туруб кёрюне эди.
- Къралынгы – душмандан, башынгы от бла суудан сакъла.
- Къыз чыгъаргъан – къызыл къымжа.
- Джаш къарыу бла кючлю, къарт акъыл бла кючлю.
- Арба аугъандан сора, джол кёргюзтюучю кёб болур.
- Ашатыргъа иш – ашхы, ишлетирге аш – ашхы.
- Джахил болса анасы, не билликди баласы?
- Окъумагъан сокъурду, сокъур ташха абыныр!
- Этек чакъмакълары баш джаргъан, сёлешген сёзлери таш джаргъан.
- Айтхан – тынч, этген – къыйын.
- Кесинг сынамагъан затны, адамгъа буюрма.
- Рысхы – сют юсюнде кёмюк кибикди.
- Чомартха хар кюн да байрамды.