- Аш хазыр болса, иш харам болур.
- Акъдан къара болмаз.
- Окъугъанны бети джарыкъ.
- Тура эдим джата, къайдан чыкъды хата?
- Аман эсирсе, юйюн ояр.
- Тамбла алтындан бюгюн багъыр ашхы.
- Ёксюзню къалачы уллу кёрюнюр.
- Ат да турмайды бир териде.
- Джюрекге ариу – кёзге да ариу.
- Эркишиге тары кебек танг кёрюнюр.
- Адебсиз адам – джюгенсиз ат.
- Таш бла ургъанны, аш бла ур.
- Ата Джуртун танымагъан, атасын да танымаз.
- Тамырсыз терекге таянма – джыгъылырса.
- Чабакъсыз кёлге къармакъ салгъанлыкъгъа, чабакъ тутмазса.
- Акъыллы айтыр эди, акъылсыз къоймайды.
- Ашда – бёрю, ишде – ёлю.
- Билмейме деген – бир сёз
- Къонагъынгы артмагъын алма да, алгъышын ал.
- Нёгер болсанг, тенг бол, тенг болмасанг, кенг бол.
- Ариу – кёзге, акъыл – джюрекге.
- Аш иеси бла татлыды.
- Адеб этмеген, адеб кёрмез.
- Сабийни джумушха джибер да, ызындан бар.
- Келинин тута билмеген, къул этер, къызын тута билмеген, тул этер.
- Айранны сюйген, ийнек тутар.
- Къонакъ кёб келюучю юйню, къазаны отдан тюшмез.
- Ариуну – ауруу кёб.
- Къартны бурнун сюрт да, оноугъа тут.
- Ат басханны джер билед.
- Бек ашыкъгъан меннге джетсин, дегенди аракъы.
- Юй ишлеген балта эшикде къалыр.
- Ариу сёз аурууунгу алыр.
- Чакъырылмагъан къонакъ тёрге атламаз.
- Башланнган иш битер, къымылдагъан тиш тюшер.
- Билим къая тешер.
- Ариу сёз – къылычдан джити.
- Илму – джашауну джолу.
- Магъанасыз сёз – тауушсуз сыбызгъы.
- Къонакъны къачан кетерин сорма, къачан келлигин сор.
- Накъырданы арты керти болур.
- Кёбден умут этиб, аздан къуру къалма.
- Уллу къазанда бишген эт, чий къалмаз.
- Тулпарлыкъ, билекден тюл – джюрекден.
- Намыс сатылыб алынмайды.
- Ариу сёз – джаннга азыкъ, аман сёз – башха къазыкъ.
- Ариу сёз джыланны орнундан чыгъарыр.
- Ашына кёре табагъы, балына кёре къалагъы.
- Джылкъыдан – ат чыгъар, тукъумдан – джаш чыгъар.
- Аджалсыз ёлюм болмаз.