- Баш – акъыл ючюн, акъылман – халкъ ючюн.
- Керек ташны ауурлугъу джокъ.
- Алим болгъандан эсе, адам болгъан къыйынды.
- Таукелге нюр джауар.
- Къонакъны къачан кетерин сорма, къачан келлигин сор.
- Адам туугъан джеринде, ит тойгъан джеринде.
- Джарлы эскисин джамаса, къууаныр.
- Чакъырылмагъан джерге барма, чакъырылгъан джерден къалма.
- Гитче джилтин уллу элни джандырыр.
- Суу кетер, таш къалыр.
- Къарт бла баш аша, джаш бла аякъ аша.
- Аджашхан тёгерек айланыр.
- Мен да «сен», дейме, сен да «кесим», дейсе.
- Aдам боллукъ, сыфатындан белгили.
- Чомарт бергенин айтмаз.
- Эркишиге тары кебек танг кёрюнюр.
- Биреуню къыйынлыгъы бла кесинге джол ишлеме.
- Ишлегенден, къарагъан уста.
- Байдан умут эте, джарлыдан ёгюз багъасы къорады.
- Мал ёлсе, сюек къалыр, адам ёлсе, иши къалыр.
- Аллахха ийнаннган кишини, Аллах онгдурур ишин.
- Ишлерге уял да, ашаргъа табма.
- Агъач – джерни чырайы, кийим – эрни чырайы.
- Иги – алгъыш этер, аман – къаргъыш этер.
- Джашлыкъ этмеген, башлыкъ этмез.
- Акъыл къартда, джашда тюйюлдю – башдады.
- Ётюрюк хапар аякъ тюбю бла джюрюйдю.
- Сормай – алма, чакъырылмай – барма.
- Билмейме деген – бир сёз
- Къатын байлыкъны сюер, эр саулукъну сюер.
- Ётюрюкден тюбю джокъ, кёлтюрюрге джиби джокъ.
- Тай асырагъан, атха минер.
- Хата – гитчеден.
- Айранын берсенг, челегин да къызгъанма.
- Рысхы – сют юсюнде кёмюк кибикди.
- Аманны къуугъан, аманлыкъ табар.
- Бойнуму джети джерден кессенг да, мен ол ишни этеллик тюлме.
- Чабар ат – джетген къыз.
- Ариу сёз джыланны орнундан чыгъарыр.
- Аман эсирсе, юйюн ояр.
- Джюрек кёзден алгъа кёрюр.
- Сабийликде юретмесенг, уллу болса – тюзелмез.
- Аджашханны ызындагъы кёреди, джангылгъанны джанындагъы биледи.
- Тойгъа барсанг, тоюб бар, эски тонунгу къоюб бар.
- Джаным-тиним – окъуу, билим.
- Къонакъ болсанг, ийнакъ бол.
- Айраннга суу къош, телиге джол бош.
- Сыфатында болмагъаны, суратында болмаз.
- Бети – къучакълар, джюреги – бычакълар.
- Таякъ этден ётер, тил сюекден ётер.