- Ашда уялгъан – мухар, ишде уялгъан – хомух.
- Джигер – джаннга къыйынлыкъ.
- Тау башында, тау болмаз, джангыз терек, бау болмаз.
- Юйлю уругъа ит чабмаз.
- Аджаллыгъа окъсуз шкок атылыр.
- Билген билмегенни юретген адетди.
- Эринчекни аурууу – кёб.
- Джан саулукъ бермей, сан саулукъ бермезсе.
- Эшекни не къадар тюйсенг да, ат болмаз.
- Билмегенинги, билгеннге сор.
- Келинин тута билмеген, къул этер, къызын тута билмеген, тул этер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Акъыллы айтыр эди, акъылсыз къоймайды.
- Кечеси – аяз, кюню – къыш, джарлы къаргъагъа бир аш тюш!
- Мени джылытмагъан кюн, меннге тиймесин!
- Адамгъа аман кюн соруб келмейди.
- Туз, гырджын аша, тюзлюк бла джаша.
- Иги – алгъыш этер, аман – къаргъыш этер.
- Этим кетсе да, сюегим къалыр.
- Суугъа – таянма, джаугъа – ийнанма.
- Джарлы джети элни сёзюн этер.
- Эшекге миннген – биринчи айыб, андан джыгъылгъан – экинчи айыб.
- Ата – баланы уясы.
- Джетген къыз джерли эшекни танымаз.
- Аурууну келиую тынч, кетиую – къыйын.
- Акъыл неден да кючлюдю.
- Кёзюнде тереги болгъан, чёбю болгъаннга кюле эди.
- Айтылгъан буйрукъ, сёгюлмез
- Ишлемеген – тишлемез.
- Тиширыусуз юй – отсуз от джагъа.
- Сагъыш – къартлыкъгъа сюйюмчю.
- Къазанны башы ачыкъ болса, итге уят керекди.
- Булут кёкге джарашыу, уят бетге джарашыу.
- Адеби болмагъан къыз – тузсуз хант.
- Итли къонакъ джарашмаз.
- Минг тенг да азды, бир джау да кёбдю.
- Таякъ этден ётер, тил сюекден ётер.
- Кёб джат да, бек чаб.
- Къарны аманнга къазан такъдырма, къолу аманнга от джакъдырма.
- Тенгинг джокъ эсе – изле, бар эсе – сакъла!
- Арба аугъандан сора, джол кёргюзтюучю кёб болур.
- Ашхы болсанг, атынг чыгъар, аман болсанг, джанынг чыгъар.
- Азыкъ аз болса, эртде орун сал.
- Къууут – джелге, берне – бошха.
- Ханнга да келеди хариблик.
- Сабий болмагъан джерде, мёлек болмаз.
- Джашда акъыл джокъ, къартда къарыу джокъ.
- Чомартха Тейри да борчлуду.
- Босагъа таш юйге кирмей эди, тыбыр таш эшикге чыкъмай эди.
- Айранын берсенг, челегин да къызгъанма.