- Тешик этген тынчды, аны джамагъан къыйынды.
- Сабыр джетер муратха, сабырсыз къалыр уятха.
- Бек ашыкъгъан меннге джетсин, дегенди аракъы.
- Тилсиз миллет джокъ болур.
- Джаш болсун, къыз болсун, акъылы, саны тюз болсун.
- Эл ауузу – элия.
- Тилчи бир сагъатха айлыкъ хата этер.
- Бермеген къол, алмайды.
- Ауругъаннга – кийик саулукъ, джетген къызгъа – чилле джаулукъ.
- Артына баргъанны, къатына барма.
- Ат басханны джер билед.
- Баш – акъыл ючюн, акъылман – халкъ ючюн.
- Акъыллы эркиши атын махтар, акъылсыз эркиши къатынын махтар.
- Кеси юйюмде мен да ханма.
- Тилчи тилден къаныкъмаз.
- Адамны адамлыгъы къыйынлыкъда айгъакъланады.
- Атадан ёксюз – бир ёксюз, анадан ёксюз – эки ёксюз.
- Къызын тута билмеген, тул этер, джашын тута билмеген, къул этер.
- Баланы адам этген анады.
- Джылкъыдан – ат чыгъар, тукъумдан – джаш чыгъар.
- Садакъачыны джаны – къапчыгъында.
- Къазанда болса, чолпугъа чыгъар.
- Сабийни джумушха джибер да, ызындан бар.
- Уллу атлама – абынырса, уллу къабма – къарылырса.
- Джахил болса анасы, не билликди баласы?
- Кюлме джашха – келир башха.
- Ашлыкъ – бюртюкден, джюн – тюкден.
- Акъыл сабырлыкъ берир.
- Кёл – къызбай, къол – батыр.
- Бозанг болмагъан джерге, къалагъынгы сукъма.
- Юй ишлеген балта эшикде къалыр.
- Аш хазыр болса, иш харам болур.
- Эки элинги тыйсанг, джети элде махталырса.
- Бичгенде ашыкъма, тикгенде ашыкъ.
- Къарт бла баш аша, джаш бла аякъ аша.
- Джеринден айырылгъан – джети джылар, джуртундан айырылгъан – ёлгюнчю джылар.
- Айырылгъанланы айю ашар, бёлюннгенлени бёрю ашар.
- Ётюрюкчюню шагъаты – къатында.
- Билим – акъылны чырагъы.
- Иги сеники эсе да, сюйген кесимикин этеме.
- Къалгъан ишге къар джауар.
- Аманны эки битли тону болур, бирин сеннге кийдирир, бирин кеси киер.
- Чомартны къолу берекет.
- Джолда аягъынга сакъ бол, ушакъда тилинге сакъ бол.
- Къартны бурнун сюрт да, оноугъа тут.
- Ёлюр джаннга, ёкюл джокъ.
- Бозаны арты дауур болур.
- Тюз сёз баргъан сууну тыяр.
- Окъуусуз билим – джокъ, билимсиз кюнюнг – джокъ.
- Аджашхан тёгерек айланыр.
Gasprom
|
Список альбомов пуст.