- Чабар ат – джетген къыз.
- Атынг аманнга чыкъгъандан эсе, джанынг тамагъынгдан чыкъсын.
- Намысы болмагъанны, сыйы болмаз.
- Джол бла сёзню къыйыры джокъ.
- Ач уят къоймаз.
- Эринчекни аурууу – кёб.
- Адам къаллай бир ишленмесе, аллай бир кесин уллу кёреди.
- Окъумагъан сокъурду, сокъур ташха абыныр!
- Джан саулукъ бермей, сан саулукъ бермезсе.
- Бек анасы джыламаз.
- Тюзлюк шохлукъну бегитир.
- Хансыз джомакъ болмаз.
- Ач къалгъандан, кеч къалгъан къолай.
- Къралынгы – душмандан, башынгы от бла суудан сакъла.
- Кюл тюбюндеги от кёрюнмейди.
- Акъыллы айтыр эди, акъылсыз къоймайды.
- Арпа, будай – ащды, алтын, кюмюш а – ташды.
- Аллахха ийнаннган кишини, Аллах онгдурур ишин.
- Садакъачыны джаны – къапчыгъында.
- Ачлыкъда тары гырджын халыуадан татлы.
- Ишлерге уял да, ашаргъа табма.
- Джерни букъусу кёкге къонмаз.
- Тил джюрекге джол ишлейди.
- Сууда джау джокъ, кёб сёзде магъана джокъ.
- Ариу сёз – къылычдан джити.
- Ёксюзню къалачы уллу кёрюнюр.
- Шекер бла туз – бир болмаз, ушамагъан – юй болмаз.
- Аджалсыз ёлюм болмаз.
- Джахил болса анасы, не билликди баласы?
- Акъыл неден да кючлюдю.
- Дууулдаса – бал чибин, къонса – къара чибин.
- Эски джаугъа ышанма.
- Узун джолну барсанг, бюгюн келирсе, къысха джолну барсанг, тамбла келирсе.
- Ауругъан – джашаудан умутчу.
- Хар адамгъа кеси миннген тау кибик.
- Къартны бурнун сюрт да, оноугъа тут.
- Кёб джашагъан – кёб билир.
- Джылар джаш, атасыны сакъалы бла ойнар.
- Келинни – келгинчи, бёркню кийгинчи кёр.
- Адам туугъан джеринде, ит тойгъан джеринде.
- Уясында не кёрсе, учханында аны этер.
- Адеб джокъда, намыс джокъ.
- Олтуруб кёрюнмей эди да, ёрге туруб кёрюне эди.
- Сёз – кюмюш, джыр – алтын.
- Тюзлюк тас болмайды.
- Гырджын – тепсини тамадасы.
- Насыб бютеу халкъны юлюшюдю.
- Кесинге джетмегенни, кёб сёлешме.
- Элни кючю – эмеген.
- Орундукъ тюбюнде атылсам да, орта джиликме, де да айлан.
