- Чомарт бергенин айтмаз.
- Ачлыкъ отха секиртир.
- Дженгил джетерикме деб, узун джолну къоюб, къысхасын барма.
- Мухарны эси – ашарыкъда.
- Аш иеси бла татлыды.
- Атынг аманнга чыкъгъандан эсе, джанынг тамагъынгдан чыкъсын.
- Арба аугъандан сора, джол кёргюзтюучю кёб болур.
- Намыс болмагъан джерде, насыб болмаз.
- Тюкюрюк баш джармаз, налат кёз чыгъармаз!
- Къарын къуру болса, джюрек уру болур.
- Аман хансны – урлугъу кёб.
- Байлыкъ келсе, акъыл кетер.
- Ата джурт – алтын бешик.
- Орну джокъну – сыйы джокъ.
- Нарт сёз – тилни бети.
- Эркиши – от, тиширыу – суу.
- Этек чакъмакълары баш джаргъан, сёлешген сёзлери таш джаргъан.
- Аз сёлешген, къайгъысыз турур.
- Ханнга да келеди хариблик.
- Джахил болса анасы, не билликди баласы?
- Къарнынг бла ёч алма.
- Сууда джау джокъ, кёб сёзде магъана джокъ.
- Алтыда кюлмеген, алтмышда кюлмез.
- Нарт сёз къарт болмаз.
- Чакъырылмагъан джерге барма, чакъырылгъан джерден къалма.
- Келгинчи, къонакъ уялыр, келгенден сора, къонакъбай уялыр.
- Эл ауузу – элия.
- Джырына кёре эжиую.
- Джан саулукъ бермей, сан саулукъ бермезсе.
- Ана кёлю – балада, бала кёлю – талада.
- Окъуусуз билим – джокъ, билимсиз кюнюнг – джокъ.
- Бал – татлы, балдан да бала – татлы.
- Аджалсыз ёлюм болмаз.
- Махтаннган къыз, тойда джукълар.
- Къатын къылыкъсыз, эр тынчлыкъсыз.
- Бичгенде ашыкъма, тикгенде ашыкъ.
- Накъырданы арты керти болур.
- Кёб джашагъан – кёб билир.
- Къазанда болса, чолпугъа чыгъар.
- Къаллай салам берсенг, аллай джууаб алырса.
- Тёрдеги кюлсе, эшикдеги ышарыр.
- Акъыл сабырлыкъ берир.
- Баланы адам этген анады.
- Акъыл неден да кючлюдю.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашхы атаны – джашы ашхы, ашхы ананы – къызы ашхы.
- Кёб ант этген, кёб ётюрюк айтыр.
- Тин – байлыгъынг, терен саулугъунг.
- Эр сокъур болсун, къатын тилсиз болсун.
- Уллу атлама – абынырса, уллу къабма – къарылырса.
Новый альбом
03.08.2016