- Эл бла кёргенинг эрелей.
- Къуллукъчума, деб махтанма, къуллукъ – хаух джамчыды!
- Аякъларынгы джууургъанынга кёре узат.
- Урама да – ёледи, сатама да – келеди.
- Ёмюрлюк шохлукъну джел элтмез.
- Эртде тургъан бла эртде юйленнген сокъуранмаз.
- Сакъалы текени да бар, мыйыгъы киштикни да бар.
- Джарлы тюеге минсе да, ит къабар.
- Джылкъыдан – ат чыгъар, тукъумдан – джаш чыгъар.
- Ата – билек, ана – джюрек!
- Ач отунчуну ачыуу – бурнунда.
- Эринчекге кюн узун.
- Таугъа чыгъаллыкъ эсенг, тюзде къалма.
- Айран ичген – къутулду, джугъусун джалагъан – тутулду.
- Джюрекге ариу – кёзге да ариу.
- Къатыны харакетли болса, эри къымсыз болур.
- Кийимни бичсенг, кенг бич, тар этген къыйын тюлдю.
- Адеб этмеген, адеб кёрмез.
- Ашлыкъны арба юйге келтирир, чана базаргъа элтир.
- Акъыллы – эл иеси, тели – эл баласы.
- Къыйынлы джети элге оноу этер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ата Джуртуму башы болмасам да, босагъасында ташы болайым.
- Олтуруб кёрюнмей эди да, ёрге туруб кёрюне эди.
- Эл тойса, тоймагъан, эл къойса, къоймагъан.
- Аз сёлеш, кёб ишле.
- Сабий кёргенин унутмаз.
- Хар ишни да аллы къыйынды.
- Сабийликде юретмесенг, уллу болса – тюзелмез.
- Сёз къанатсыз учар.
- Таула не мийик болсала да, аууш табылыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Тёрени джагъы джокъ.
- Таукелге нюр джауар.
- Намысы болмагъанны, сыйы болмаз.
- Ойнай билмеген, уруб къачар.
- Джырчы ёлсе, джыры къалыр.
- Билимден уллу байлыкъ джокъду.
- Хансыз джомакъ болмаз.
- Эки къатын алгъан – эки ташны ортасына башын салгъан.
- Джахил болса анасы, не билликди баласы?
- Таш ата билмеген, башына урур.
- Ана – юйню кюн джарыгъы.
- Аууз сакълагъан – джан сакълар.
- Сабийни джумушха джибер да, ызындан бар.
- Акъыл сабырлыкъ берир.
- Къонакъ хазыр болгъанлыкъгъа, къонакъбай хазыр тюлдю.
- Сормай – алма, чакъырылмай – барма.
- Элде адам къалмаса, ит тахтагъа минер.
- Ата – баланы уясы.
Новый альбом
03.08.2016