- Эки къатын алгъан – эки ташны ортасына башын салгъан.
- Мухарны эси – ашарыкъда.
- Керек ташны ауурлугъу джокъ.
- Ауругъанны сау билмез, ач къарынны токъ билмез.
- Бир онгсуз адам адет чыгъарды, деб эштирик тюлсе.
- Айтханы чапыракъдан ётмеген.
- Къазанны башы ачыкъ болса, итге уят керекди.
- Чомартны къолу берекет.
- Кёлсюзден сёзсюз тууар.
- Татлы тилде – сёз ариу, чемер къолда – иш ариу.
- Байны оноуу, джарлыгъа джарамаз.
- Уллу сёзде уят джокъ.
- Аш берме да, къаш бер.
- Суу ичген шауданынга тюкюрме.
- Алтыннга тот къонмаз.
- Байлыкъдан саулукъ ашхыды.
- Сангырау къулакъ эл бузар.
- Керти сёзге тёре джокъ.
- Билимсиз иш бармаз.
- Кесинг сынамагъан затны, адамгъа буюрма.
- Къазанда болса, чолпугъа чыгъар.
- Къонакъны къачан кетерин сорма, къачан келлигин сор.
- Адеб этмеген, адеб кёрмез.
- Айырылгъанланы айю ашар, бёлюннгенлени бёрю ашар.
- Ётюрюкню башын керти кесер.
- Ашаса, ашамаса да, бёрюню ауузу – къан.
- Гугурук къычырмаса да, тангны атары къалмаз.
- Тил джюрекге джол ишлейди.
- Акъыллы эркиши атын махтар, акъылсыз эркиши къатынын махтар.
- Гитче джилтин уллу элни джандырыр.
- Нафысынгы айтханын этме, намысынгы айтханын эт.
- Ата Джуртуму башы болмасам да, босагъасында ташы болайым.
- Экеулен сёлеше тура эселе, орталарына барыб кирме.
- Тойгъан антын унутур.
- Ёлюк кебинсиз къалмаз.
- Джогъун бар этген, барын бал этген.
- Рысхы джалгъанды: келген да этер, кетген да этер.
- Къозулугъунда тоймагъан, къойлугъунда тоймаз.
- Билеги кючлю, бирни джыгъар, билими кючлю, мингни джыгъар.
- Къонагъынгы артмагъын алма да, алгъышын ал.
- Акъыллы – эл иеси, тели – эл баласы.
- Халкъгъа джарагъан, джарлы къалмаз.
- Накъырда – кертини келечиси.
- Ойнай билмеген, уруб къачар.
- Ач къарным, тынч къулагъым.
- Чомарт къолда мал къалмаз.
- Сёз къанатсыз учар.
- Айранны сюйген, ийнек тутар.
- Адам къаллай бир ишленмесе, аллай бир кесин уллу кёреди.
- Эл ауузу – элия.