- Юре билмеген ит, къонакъ келтирир.
- Элге къуллукъ этмеген, элге ие болмаз.
- Тойну къарнашы – харс, джырны къарнашы – эжиу.
- Эки итни арасына сюек атма, эки адамны арасында сёз чыгъарма.
- Аман эсирсе, юйюн ояр.
- Эринчекни аурууу – кёб.
- Таш бла ургъанны, аш бла ур.
- Сёз – кюмюш, джыр – алтын.
- Къарт болгъан джерде, берекет болур, сабий болгъан джерде, оюн болур.
- Адам сёзюнден белгили.
- Аман адам элни бир-бирине джау этер.
- Кюн кёрмеген, кюн кёрсе, кюндюз чыракъ джандырыр.
- Ышармагъан – кюлмез, кюлмеген – къууанчны билмез.
- Кийиминг бла танылма, адамлыкъ бла таныл.
- Адамны джюреги нени кёрюрге сюйсе, кёзю да аны кёрюрге ёч болады.
- Чарсда алчыны эл кёреди.
- Эр сокъур болсун, къатын тилсиз болсун.
- Юйюнг бла джау болгъандан эсе, элинг бла джау бол.
- Къонакъ аз олтурур, кёб сынар.
- Мал кёб болса, джууукъ кёб болур.
- Ашхы – джыяр, аман – джояр.
- Тёрени джагъы джокъ.
- Ишин билген, аны сыйын чыгъарады.
- Уясында не кёрсе, учханында аны этер.
- Хатерли къул болур.
- Артына баргъанны, къатына барма.
- Эринчекни эр алмаз, эр алса да, кёл салмаз, кёл салса да, кёб бармаз!
- Къарт бла баш аша, джаш бла аякъ аша.
- Таукел къуру къалмаз.
- Бал – татлы, балдан да бала – татлы.
- Сормай – алма, чакъырылмай – барма.
- Чакъырылмай келген къонакъ сыйланмай кетер.
- Этим кетсе да, сюегим къалыр.
- Айырылгъанланы айю ашар, бёлюннгенлени бёрю ашар.
- Джаш къарыу бла кючлю, къарт акъыл бла кючлю.
- Аз сёлеш, кёб ишле.
- Ашхы болсанг, атынг чыгъар, аман болсанг, джанынг чыгъар.
- Айтылгъан буйрукъ, сёгюлмез
- Окъугъан – асыу, окъумагъан – джарсыу.
- Джырчы ёлсе, джыры къалыр.
- Малны кют, джерни тюрт.
- Джолунга кёре – джюрюшюнг, джагъанга кёре – юлюшюнг.
- Кимни – тили, тиши онглу, кимни – къолу, иши онглу.
- Тенгни тенглиги джашай барсанг билинир.
- Чомарт бергенин айтмаз.
- Баргъанынга кёре болур келгенинг.
- Туз, гырджын аша, тюзлюк бла джаша.
- Халкъны джырын джырласанг, халкъ санга эжиу этер.
- Сабий кёргенин унутмаз.
- Чабар ат – джетген къыз.
