- Телиге акъыл салгъандан эсе, ёлгеннге джан салырса.
- Сютню башын джалагъан къутулур, тюбюн ичген тутулур.
- Дженгил джетерикме деб, узун джолну къоюб, къысхасын барма.
- Магъанасыз сёз – тауушсуз сыбызгъы.
- Тил бла келеди джыр да.
- Къатыны харакетли болса, эри къымсыз болур.
- Ичимден чыкъды хата, къайры барайым сата?
- Келинни – келгинчи, бёркню кийгинчи кёр.
- Ач къарынны, токъ билмез
- Эки итни арасына сюек атма, эки адамны арасында сёз чыгъарма.
- Бастасын ашагъан, хантусун да ичер.
- Джарлы эскисин джамаса, къууаныр.
- Къонакъны къачан кетерин сорма, къачан келлигин сор.
- Бети – къучакълар, джюреги – бычакълар.
- Тай асырагъан, атха минер.
- Накъырда – кертини келечиси.
- Джылыгъа джылан илешир.
- Къонакъ аз олтурур, кёб сынар.
- Хар адамгъа кеси миннген тау кибик.
- Ашхы тенг джолгъа салыр, аман тенг джолдан тайдырыр.
- Тойгъандан сора, ашны сёкме.
- Тиширыусуз юй – отсуз от джагъа.
- Арбаз къынгырды да, ийнек сауалмайма.
- Татлы сёз – балдан татлы.
- Таукелге нюр джауар.
- Чабакъсыз кёлге къармакъ салгъанлыкъгъа, чабакъ тутмазса.
- Аз сёлешген, къайгъысыз турур.
- От кюйдюрген, сау болса да, тот кюйдюрген, сау болмаз.
- Алма терегинден кери кетмез.
- Итли къонакъ джарашмаз.
- Минг тенг да азды, бир джау да кёбдю.
- Байны къызы баймакъ болса да, юйде къалмаз!
- Ётюрюкню башын керти кесер.
- Ашха уста, юйюнде болсун
- Юйюнгден чыкъдынг – кюнюнгден чыкъдынг.
- Ойнай билмеген, оюн бузар.
- Ётюрюкден тюбю джокъ, кёлтюрюрге джиби джокъ.
- Садакъачыны джаны – къапчыгъында.
- Ашатыргъа иш – ашхы, ишлетирге аш – ашхы.
- Босагъагъа джууукъ орун болса, ашыгъыб тёрге озма.
- Ауругъаннга – кийик саулукъ, джетген къызгъа – чилле джаулукъ.
- Агъач – джерни чырайы, кийим – эрни чырайы.
- Акъыллы башны – тили къысха.
- Рысхы – насыбха къор.
- Аманны эки битли тону болур, бирин сеннге кийдирир, бирин кеси киер.
- «Ёгюз, джаргъа джууукъ барма, меннге джюк боллукъса», - дегенди эшек.
- Джылкъыдан – ат чыгъар, тукъумдан – джаш чыгъар.
- Нёгер болсанг, тенг бол, тенг болмасанг, кенг бол.
- Тёгюлген тюгел джыйылмайды.
- Нафысынгы айтханын этме, намысынгы айтханын эт.