Эсимде сен къалырса


Эсимде сен къалырса,
Минг джылдан сора мен,
Кёргенлей да танырча,
Аллымда тюбесенг,
Эсимде сен къалырса,
Тюбесем къучакъларча,
Джылыуунгу сезиб,
Джангыдан ийнакъларча,
Эсимде сен къалырса,
Биягъынлай алдарча,
Тансыкъ болмадым деб,
Бир джанына къарарча,
Эсимде сен къалырса
Бир тутсам чырт иймезча,
Нек туталмадым деб,
Кесими терслемезча

Айрылыуну сууукълугъундан да
Къоркъма. Тюшюрсе да кёлекке
Бюгюнюгюзге , салса да ол тамгъа,
Кюч эталмаз джарыкъ тюненеге

Хар насыблы ётген ингиригиз,
Ингир къой, хар насыблы сагъат,
Хар ышаргъаныгъыз, кюлгенигиз,
Ёмюрлюкде сизни бла къалад