Эбзеланы Абу-Юсуф хаджиге къонакъгъа барабыз!

Девушка Гор 18.10.2011 12:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле.

Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди.
Абу-Юсуф хаджиге соруулары болгъанла, былайда джазыгъыз!
Абу Юсуфну кесини энчи сайты барды www.ebze.ru , ма былайда къараргъа боллукъсуз анга
Бу назмулагъа бир тынгылагъыз, мадары болгъан
http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA

http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA

Бу назмугъа уа тынгыламай боллукъ тюлдю. Артыкъсыз да джаш адамлагъа
http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA

Ответы

Sabr 06.05.2015 12:40:35
Сообщений: 7228
Эбзеланы Абу-Юсуф хаджи

КЪУРАН НЕДИ?

Къуран Уллу Аллахдан бизни ючюн эннгенди.
Ары дери арабны бек джахиллик дженгнгенди.

Аны джахиллик хорлаб, кетгенди ол аманнга,
Араблыла бузулуб ушаш болуб хайуаннга.

Адеб, намыс не хурмет, игини не аманны,
Айыралмай джашалла, аллай кийик заманны.

Аллах да аны ючюн, ийди законун бизге,
Муну къаты тутугъуз, бу насыб джолду сизге!

Аллахым бизни аяб, берди бизге рахматын.
Хар тюрлю чомартлыгъын, хар бир тюрлю нигъматын.

Файгъамбар да, тохтаусуз, аны айтды хар кимге,
Уллугъа, гитчеге да, къартха, джашха, сабийге.

Джабраил анга окъуб, ол да халкъгъа айтханды,
Халкъ да ол ауаз была керти диннге къайтханды.

Окъуй, джаза билмегенд, ауаз айтыб тургъанды,
Миллетин алай была ол тюз джолгъа бургъанды.

Сора хакъгъа къайтдыла, кёбле анга тынгылаб,
Уллукёллюлюк этмей, ол айтханны ангылаб.

Расулдан сора артда, джазылыб китаб болду,
Османны заманында джыйылыб бирге толду.

Ары дери джыйылмай, бёлек-бёлек болгъанды,
Бирер затда джазылыб, бир болмайын тургъанды.

Терилеге джазгъанла эмда агъач къабукъгъа,
Артда барын китабха джыйдыла, окъурукъгъа.

Кеслерин тюзетдиле хар бири, аны окъуб,
Ол айтхандан чыкъмайын, Уллу Аллахдан къоркъуб.

Болду баш къайгъылары ала аны англаргъа,
Аллахны сёзюн бузмай, Ол айтханча атларгъа.

Къуран джазылгъан затха эс бёлюб кюрешмелле,
Аны къуру окъургъа, биздеча эришмелле.

Аллах не буюрад деб, эсни анга бёлгенле,
Къуран айтханча атлаб, хакъ джолгъа тюзелгенле.

Не табсала джазгъанла, озаман къагъыт болмай,
Тынчлыкъ табмагъандыла, Аллахны сёзю толмай.

Энди бизде ичине кюрешмейле эс бёлюб,
Эси окъургъа кетиб, къуру джазыуун кёрюб.

Ариу къагъыты болса, эсни анга иебиз,
Джазыуу ариу болса, къуру аны сюебиз.

Сабий кибик алданыб, эсибиз анга кетед,
Ма бу ауруу джайылыб, хар къалайгъа да джетед.

Къагъытына сый бериб, чырмаб ёрге салабыз,
Ол айтханны эштмейин, санграу болуб къалабыз.

Ичин багъалатайыкъ, тышына эс бёлмейин,
Ол айтханны этейик ариулугъун кёрмейин.

Сыйны орнун билейик, ариулукъгъа къарамай,
Магъанасын англайыкъ, къалмаз бизге джарамай.

Къагъытында не барды, ол этилед агъачдан,
Агъачдан а ишлейле адамла гяуур къач да.

Харифлерин ангылаб, бир-бирине тагъыуда,
Аны окъургъа излеб, ол айтхандан къачыуда,

Ол ассылыкъ тюлмюдю аны окъургъа чабыу,
Намаз, ораза этмей, Къуранны окъуб джабыу?!

Аллахны буйрукъларын алыб, олтуруб, окъуб,
Аллахындан болмаса, аны джюреги къоркъуб.

Я, Аллахым, Сен болуш бизге тюзюн англаргъа,
Ёлген андан не англайд, сауларыбыз тынгларгъа.

Къуранны да биз сыйлаб, ол айтханны этерге,
Аллахны сёзюн эштиб, разы этиб кетерге!

Я, Аллахым, джазыкъсын, Къуран джолгъа тюзетиб,
Биз аллынга баргъан кюн, ол айтханча тюз элтиб!

Ол айтхандан чыгъарма биз болумсуз къулланы,
Тилеклеге бир къара, къуру къоймай къолланы!
Эбзе улу Абу-Юсуф 28.05.2015 16:51:51
Сообщений: 26

1 0

ВОЗНИКНОВЕНИЕ ВСЕЛЕННОЙ

Во все времена людей волновал вопрос о том, как возникла наша бескрайняя Вселенная, существует ли она в покое или в движении, как работают законы, поддерживающие в ней порядок и равновесие. Однако еще в начале 20-го столетия ученые не вдавались в углубленное изучение этого вопроса, ибо согласно научному видению, распространенному в 19-ом веке, Вселенная существовала извечно и не имела начала. Ученые принимали это утверждение как доказанный факт, а потому не возникало и мысли обсуждать проблему возникновения. Полагалось, что Вселенная - это единство материй, существовавших извечно. Это представление получило название “модели статичной Вселенной”. Таким образом само понятие “ сотворение ” не приходило на ум, ведь, как утверждалось единогласно, Вселенная была всегда, а значит, говорить о ее возможном начале было как минимум нелогично.

Это утверждение составляло основу материалистического мировоззрения, ибо, признавая извечность, статичность и неизменность материи, наука тем самым отвергала существование Творца, создавшего Вселенную из небытия. Однако открытия науки и технологий, непрерывно развивавшихся в 20-ом веке, сокрушили все примитивные воззрения того времени и основу материалистической философии, поскольку тезис о статичности и извечности Вселенной был опровергнут…

Сегодня же, в начале века 21-го современная физика и астрономия в результате многочисленных экспериментов, наблюдений и расчетов доказали, что Вселенная имела совершенно определенный момент начала существования и возникла из небытия в результате взрыва колоссальной мощности. Кроме того, было доказано, что Вселенная вовсе не статична и неизменна, но подвержена беспрерывному движению и изменению. Сегодня эти факты признаны научным миром как очевидные процессы...

Однако еще 14 веков тому назад Коран сообщал верующим в Коране о том, как возникла Вселенная:

Он - Тот, Кто создал небеса и землю из небытия ...
(Коран, Сура “Скот”, 6:101)

Это знание, ниспосланное человечеству в Коране, полностью соответствует открытиям современной науки. Бесспорные факты, установленные астрофизикой, привели ученый мир к заключению: Вселенная, включая ее материальную и временную величины, произошла одномоментно, в результате мощнейшего взрыва. Теория “Большого Взрыва”, или, иначе, теория “Биг Бэнга” доказывала возникновение Вселенной из Небытия в результате колоссального взрыва одной точки в момент нулевого времени, произошедшего около 15-ти миллиардов лет назад.

До момента “Большого Взрыва” в пространстве не существовало никакой субстанции, которую можно было бы назвать материей. Среда, в которой нет ни вещества, ни энергии, ни даже времени, метафизически характеризуется как Небытие . Большой Взрыв одномоментно породил все вышеперечисленные категории. Факты, установленные современной астрофизикой, были сообщены человечеству еще 1400 лет тому назад в ниспосланном Коране
Сэстренка 29.05.2015 12:29:01
Сообщений: 9456
Эбзе улу Абу-Юсуф, айыб эмегиз, биир затны бир бек билирим келеди.
Энди школда устазларыбыз да болгъандыла, джазыучуларыбыз да болгъандыла, алай а аланы грамотный болгъанларына сеиир болмайма. Не ючюн дегеннге, ала апендиле тюлдюле. Сиз апенди да болуб, грамотный да болуб къалай болгъансыз? Ол джыллада грамотный болгъан атеист болгъанды, окъуу бергени бла бирге Совет власть Аллах джокъду деб да башларына къуюб тургъанды. СИз грамотагъа къайда окъугъансыз, грамотаны да алыб, динден да терен билим алырча?

Я самая классная на форуме))))))))))))))
Сэстренка 29.05.2015 12:37:05
Сообщений: 9456
Асаламу алейкум уа рахматуЛлахи уа баракатуху!

Я самая классная на форуме))))))))))))))
Sabr 30.05.2015 00:47:02
Сообщений: 7228
Bilal LAYPAN

Акъбайланы Чокуна-афенди — Каппушланы Ахия-мубарек — Эбзеланы Абу-Юсуф хаджи... Къарачай адабиятны дин бёлюмюн къургъан адамла. Хакъ сёзню Акъ сёз бла да айталгъан адамла...
Бу назмум да былайгъа салынса, зараны болмаз деб умут этеме.


ЧОКУНА АПЕНДИ

1
Чокуна апендиден башланады
биринчи китабы Къарачайны:
«Ана тилинден» джайылады бизге
джарыгъы джулдузну, Айны.

Тамблабызгъа сала джол,
басма ишни да къурадЫ ол.
Динни, тилни, халкъны, джуртну да
сакълар джанындан болду ол.

«Хакъ сёз бла Акъ сёздюле
къутхарлыкъ адамны, халкъны...».
Билгени себебли аны,
кюрешди джайыб окъуу-билим.

Гаспыралыны сохтасы -
изледи кимге да игилик:
арада айрылыкъ тохтасын -
"Тилде, фикирде, ишде да — бирлик!"

Супий апенди Чокуна,
сен этдинг Аллахха къуллукъ,
аны ючюн джетди санга
ёлюм бла бошалгъан зорлукъ.

Элиблени ичинде
биринчи элиб болдунг бизге:
тюз болургъа юретдинг
диннге, тилге, адамгъа, джерге.

Къара таныгъан эмда джайгъан
Чокуна супийибиз бизни.
Шакай улу Хаджи да
бек багъалатханды сени.

Абдуллах шыйыхны нюрю да
этгенди санга нёгерлик.
Гаспыралыны да этгенсе разы:
Тилде, фикирде, ишде да — бирлик.

Джюрек разылыгъыбызны
биз да айта турабыз сеннге.
Кечгинлик бер, супий апенди,
кечиксек да, къайытабыз сеннге.

2
Кечгинлик бер, супий апенди!
Сен Кёкге джууукъ эте халкъны,
ангылатыргъа кюрешдинг хакъны.

Таяна китабха, къаламгъа,
джараргъа кюрешдинг адамгъа.

Къозгъай ангысын, эсин да,
миллетинги джуртун, кесин да
кюрешдинг къорургъа, сакъларгъа...

Алай а, ибилисге
кеслерин алдатхан джахилле,
имансызла берген балта, мычхы бла,
сен «сакъла, кесме» деген джашил терекни,
солургъа хауа берген терекни,
минг-минг джылны ёсген терекни
тамырындан кесиб атдыла.

Не этгин... Исса файгъамбарны да
ёз халкъындан чыкъгъан адамла
кердиргенлерин билебиз джоргъа...

Сени да аллайла тутдурдула,
джойдурдула, къурутдула.
Алагъа — налат берирча халкъынг -
хар бирини тукъумун, атын
къара багъанагъа такъсакъ...
Огъесе, аны хайырындан
заранымы озар? Къайдам...
Чокуна афенди,
сени кесинги, терегинги да
кесгенлеге не айтаса сен?

Иги кесегине аланы
Ибилис берген эди саугъа.
Артда уа, атыб чалдышха,
термилтиб алгъан эди джанларын.

Аллайланы итликлеринден
бютеу халкъгъа да джетген эди палах.
Алай а, бизни атыб къоймады Аллах -
ызыбызгъа къайтарды сюргюнден.

Алай а, ибилис джорукъдан, зулмудан
къутулгъандан сора да биз,
тирилталмай эсек Терегинги -
сора, алкъын, ангыбыз, эсибиз
китабда, къаламда тюлдю бизни.

3
Чокуна эфенди, сен юретдинг:

«Дин да, тил да, джурт да бериб,
бизни къауум этиб, джаратханды Аллах.
Аллах бергенни сакълАмау, айнЫтмау -
олду эм уллу гюнах».

Сен кесинг джашадынг алай -
Хакъны аллында бетинг къызармазча.
Халкъынг ючюн кюрешгенлей турдунг,
ол динсиз, тилсиз, джуртсуз да къалмазча.

Бюгюннгю имамла, афендиле
нек алмайдыла сенден юлгю?
Орус тилде берселе ауаз,
не айта болур ёсюб келген тёлю?

Эбзеланы Абюсюб болмаса,
сени джолунгда баргъан кёрмейме.
Динине, тилине къайытмаса халкъ,
аны сакъларыкъ неди — билмейме.

Каппушланы Ахия афенди,
джандетли болсун, тюшдю эсиме:
ол ушай эди сени кесинге,
энди Абюсюб хаджи къалгъанды джангыз.

Алай а, болмайым ассы:
заман тюлдю джассы -
алкъын халкъдан чыгъарла имамла,
чыкъгъан кибик алимле, шайырла.

Чокуна-эфендим, огъурлу тюрсюнюнг
Рашид чыгъаргъан китабдан да къарайды,
халкъынг джашайды, сен да джашайса,
келе тебрегенди сени кёзюуюнг -
бу джыйылыу да шагъатды анга,
Харун тукъумдашынг да шагъатды анга.
Дуния, ахырат да санга
энди кенгден кенг бола барлыкъла...

Барыбыз да разыбыз санга,
шейит болгъан Исмайыл Акъбай.
Ёмюрде да унутмаз сени,
сау-эсен болса халкъынг Къарачай.
Sabr 03.06.2015 21:57:30
Сообщений: 7228
http://www.ebze.ru/

Бу Эбзеланы Абу-Юсуф хаджини сайтыды. Анда быллай бёлюмле бардыла:Биография Къуран Назмула Китабла Яхья Билим:

Башында айтханымча, Акъбайланы Чокуна-афенди, Каппушланы Ахия-мубарек (джандетли болсунла), Эбзеланы Абу-Юсуф хаджи Къарачай адабиятны дин бёлюмюн къургъан, Хакъ сёзню Акъ сёз бла да айтхан адамладыла.
Эбзе улу Абу-Юсуф 15.06.2015 14:54:56
Сообщений: 26
Цитата
Сэстренка пишет:
Эбзе улу Абу-Юсуф , айыб эмегиз, биир затны бир бек билирим келеди.
Энди школда устазларыбыз да болгъандыла, джазыучуларыбыз да болгъандыла, алай а аланы грамотный болгъанларына сеиир болмайма. Не ючюн дегеннге, ала апендиле тюлдюле. Сиз апенди да болуб, грамотный да болуб къалай болгъансыз? Ол джыллада грамотный болгъан атеист болгъанды, окъуу бергени бла бирге Совет власть Аллах джокъду деб да башларына къуюб тургъанды. СИз грамотагъа къайда окъугъансыз, грамотаны да алыб, динден да терен билим алырча?
Уа алейкум ассалам уа рахматуллахи уа баракатуху. Аллах разы болсун. Нек айыб этеме, бек разы болуб джууаб берейим, мени къалай окъугъанымы билирге излеген, бу эгечиме. Бизни кёчюрген заманда Орта Азияда Къыргъызтанда къуру алты класс окъугъан эдим. Андан башха анда-мында светский окъуу окъугъаным болмагъанды. Кавказгъа къайытхандан сора араб тилни уа джашыртын джюрюб, сен айтханча, тилчиледен да къоркъа-къоркъа окъугъанма. Конзаводдан Первомайскийге джюрюб. Устазым уллу алим эди, араб тилде назмула да джаза эди.
Аны бла къоюб олтурмай, Къуран наука бла къалай келишгенин билирим келиб, кёб научный китабла къармагъанма. Сёз ючюн, сизге предлагать этерге боллукъма аланы бирин - "Библия, Коран и наука" деб, французлу Морис Бюкай, учёный джазгъан китабны. Дагъыда башхаланы, араб тилде да окъугъанма. Къарачай тилни грамотасын а юйде кесим школ китабланы окъуб юреннгенме.


Айыб этмегиз, сиз кесигиз а устаз болубму ишлейсиз?
Сэстренка 15.06.2015 18:13:52
Сообщений: 9456
Эбзе улу Абу-Юсуф, Абу-Юсуф, сау болугъуз, Аллах разы болсун, Аллах кючюгюзню кеб этсин. Эртдеракъ болса "тоба-тоба" дерик эдим)), алай айтылмайды, джукъгъа сеирсинсенг "Субханаллах" деб айтыргъа керекди деб Эльбрусоидде джашчыкъла юретгендиле). Алайды да, СУБХАНАЛЛАХ! Керти келюм бла сеирсиндим). Меннге уллу загадка болуб тура эди Сизни къайда, къалай окъугъаныгъыз, къайдан билгенигиз. Аллах берген фахму болур эшта. Алай а, фахмуну да Аллах аз адамгъа бере болмаз, аны да тас этмей, хайырландырыргъан адамла аздан да азыракъ болурла ансы... ансы мен дун-нуниямда эшитмегенме, кермегенме, не философлада, не затда блай самостоятельно билимни табыб алгъан...

Тюзю, бусагъатда бир затла эсиме келедиле, келишдириб хапар айталлыкъ тюлме ансы. Къыйырын ачыкъларгъа бир кюрешеим да, не Сиз, не башха кимни хапары болгъанын билиб айтыб къояр эсегиз а. Бир джашчыкъ бир уллу ученыйге (Исламдан алимми эди, ким эсе да бир философму эди, билялмайма) сохта болур муратда "меннге окъут" деб тилегенди. Ол ученый унамагъанды. Хы, ол ученый тюз ученый болмагъанды, ученыйлеге тамадалыкъ этиб тургъан ученый болгъанды. Ол джашчыкъ "огъай" дегенине къарамай, кюн сайы келиб тилеб тургъанды "окъут мени" деб. Кеси уа къайдан эсе да узакъ джерден джюрюб келиб тургъанды. Сора ол ученый ахыры не деб башын алыргъа билмегенинде бу сабиден, бу эталмазча бир уллу китабны аллындан артына дери назму этсенг окъутурма дегенди. Быллай бир заманнга деб заман да белгелегенди, башха ученыйле да эшитиб тургъанлай. Кюлгендиле ученыйле. Джашчыкъ а шанс чыкъды деб къууаннганды. Экинчи кюн ученыйле келселе тамадаларына, ол джашчыкъ арбазда къоз терекни тюбюнде олтуруб тура, уллу китабны окъуй. Кюн сайын алай бола тургъанды. Ученыйле дажшчыкъгъа кюлгендиле, алай а джашчыкъ алагъа къарамай кюн сайын келиб ол къоз терекни тюбюнде олтуруб назму этиб тургъанды китабны ичин. Таб ачыуу да келгенди, обижаться да болгъанды ученыйле мекямны ичинде салкъында олтуруб, ьу да кюн иссиде эшикде олтуруб тургъанына. Алай бла мынга берилген заман етгенди. Ну, в общем, дальше все как в сказке: мальчик все выучил, ученые поразились - удивились, этому великому ученому некуда было деться - при свидетелях же обещал, и этот мальчик стал его учеником)).
Эсимде болмагъан затны алдаб келишдириб къоярым келмейди)), ансы Къуранны юреннген болса ариу келишиб къаллыкъ эди)).

Цитата
Эбзе улу Абу-Юсуф пишет:
Уа алейкум ассалам уа рахматуллахи уа баракатуху. Аллах разы болсун. Нек айыб этеме, бек разы болуб джууаб берейим, мени къалай окъугъанымы билирге излеген, бу эгечиме.Бизни кёчюрген заманда Орта Азияда Къыргъызтанда къуру алты класс окъугъан эдим. Андан башха анда-мында светский окъуу окъугъаным болмагъанды. Кавказгъа къайытхандан сора араб тилни уа джашыртын джюрюб, сен айтханча, тилчиледен да къоркъа-къоркъа окъугъанма. Конзаводдан Первомайскийге джюрюб. Устазым уллу алим эди, араб тилде назмула да джаза эди.
Ол устаз да къарачайлымы эди экен? Атын тукъумун айтырчамыды?

Цитата
Эбзе улу Абу-Юсуф пишет:
Аны бла къоюб олтурмай, Къуран наука бла къалай келишгенин билирим келиб, кёб научный китабла къармагъанма. Сёз ючюн, сизге предлагать этерге боллукъма аланы бирин - "Библия, Коран и наука" деб, французлу Морис Бюкай, учёный джазгъан китабны. Дагъыда башхаланы, араб тилде да окъугъанма.
Энди туура Морис Бюкай-гъа етюб кетиб къалалмазма, Абу-Юсуф))), сезге устача керюннгенлигиме, джаншагъандан ары терен билимим джокъду). Менден башхагъа джарар эсе уа, шо, энтда болур талай источник сиз окъугъан, артыкъ да бек араб тилде.

Цитата
Эбзе улу Абу-Юсуф пишет:
Къарачай тилни грамотасын а юйде кесим школ китабланы окъуб юреннгенме.
Абу-Юсуф, къачан? Азиядан къайтханлай, огъесе кесигиз китаб джазыб башлагъаныгъызда?
Сора назмула да джазасыз да ана тилде. Ненча джылыгъызда джазыб башлагъан эдигиз назму?

Я самая классная на форуме))))))))))))))
Эбзе улу Абу-Юсуф 16.06.2015 09:52:09
Сообщений: 26
Цитата
Сэстренка пишет:
Ол устаз да къарачайлымы эди экен? Атын тукъумун айтырчамыды?
Устазым Каппушланы Яхъя апенди эди, аны толу биографиясы мени сайтымда барды
http://www.ebze.ru/yahya?op=view&key=aglyYXN1bGViemVyDwsSB1lhaHlhRGIYydYFDA

Цитата
Сэстренка пишет:
Энди туура Морис Бюкай-гъа етюб кетиб къалалмазма, Абу-Юсуф))), сезге устача керюннгенлигиме, джаншагъандан ары терен билимим джокъду). Менден башхагъа джарар эсе уа, шо, энтда болур талай источник сиз окъугъан, артыкъ да бек араб тилде.

Араб тилде - Абдуль-Маджид Зинданини китабы "Таухид", бек аламат китабды.
Орус тилде да Али Вячеслав Полосинни китаблары.
Интернетни ичинде кёб зат барды, сёз ючюн ма бу сайт http://koranru.ru/scientific_58.html

Цитата
Сэстренка пишет:
Абу-Юсуф, къачан? Азиядан къайтханлай, огъесе кесигиз китаб джазыб башлагъаныгъызда?
Сора назмула да джазасыз да ана тилде. Ненча джылыгъызда джазыб башлагъан эдигиз назму?

Назмугъа да, джазаргъа да, грамотагъа да бир заманда, 50 джылымдан атлаб юрениб башлагъанма.
всезнайка 25.06.2015 07:53:25
Сообщений: 1156
Сабахуль хайри! кейфа сиххатукум? ин ша Аллах, кулли тамам! Ли суал иляикум.Хал яджуз хатмиль Къурана ли арбагъата ашхас маррата уахида?

псори тамам
Sabr 25.06.2015 13:13:15
Сообщений: 7228
Цитата
всезнайка пишет:
Сабахуль хайри! кейфа сиххатукум? ин ша Аллах, кулли тамам! Ли суал иляикум.Хал яджуз хатмиль Къурана ли арбагъата ашхас маррата уахида?
всезнайка, Сен арабча джазыб, Абюсюб мубарек да арабча джууаб къайтарса, менича къарангы къарачайлыла не ангыларыкъдыла?
Иги къызча, бизни тилге да кёчюре бар арабчангы. Болсунму?
всезнайка 25.06.2015 17:04:04
Сообщений: 1156
Цитата
Sabr пишет:
Сен арабча джазыб, Абюсюб мубарек да арабча джууаб къайтарса, менича къарангы къарачайлыла не ангыларыкъдыла?
Иги къызча, бизни тилге да кёчюре бар арабчангы. Болсунму?
Болсун1 Абу Юсуф хаджи Мадина хаджиге джууаб берсе, кёчюрюрме. А пока бир кесек сабрчыкъ этеийк)))

псори тамам
Эбзе улу Абу-Юсуф 27.06.2015 16:50:04
Сообщений: 26
Цитата
всезнайка пишет:
Сабахуль хайри! кейфа сиххатукум? ин ша Аллах, кулли тамам! Ли суал иляикум.Хал яджуз хатмиль Къурана ли арбагъата ашхас маррата уахида?
Сабахун-нуур! Бихайр уал хамду лилляях! Нагъам, йаджуузу.

Мени да барды сеннге сорууум - сен болгъанны да билгенинг кертимиди?)
Изменено: Эбзе улу Абу-Юсуф - 27.06.2015 16:54:00
всезнайка 07.07.2015 08:22:35
Сообщений: 1156
Шукуран джазиилян!
Цитата
Эбзе улу Абу-Юсуф пишет:
Мени да барды сеннге сорууум - сен болгъанны да билгенинг кертимиди?)
Бу соруу меня ставит в тупик.Болгъанны билеме-деб къалай айтырма, Субхана Аллах.

псори тамам
Sabr 19.08.2017 14:37:01
Сообщений: 7228
БИЛДИРИУ

Джазыучуланы, окъуучуланы да эслерине салыргъа излейме: Эбзеланы Абюсюб хадижни джангы сайты барды: https://www.ebze.biz/
Абу-Юсуф(Абюсюб) хаджини китаблары, ауаз берген бериулери да бардыла сайтында. Аллах ёмюрюн узакъ этсин Абюсюб мубарекни. Халкъыбызда динни джаяр ючюн мардасыз кёб иш этгенди. Къуранны къарачай тилге кёчюргени - ёмюрледе да айтылыб турлукъ ишди. Эбзе улуну сайтында кёб сейир материал табарыкъды окъуучу
https://www.ebze.biz/kuran
Conundrum 07.06.2019 15:07:03
Сообщений: 347
Дошла скорбная весть из Карачая , что ушёл из жизни Абу Юсуф Хаджи . Пусть Аллах будет благосклонен к нему и дарует ему прощение и довольство . Семье желаю стойкости в этот тяжёлый и трудный момент , долгих лет жизни, счастья и благополучия.
бездушный кролик 07.06.2019 18:09:40
Сообщений: 14723
Жаннетли болсун!

Религиозность – это не только нахождение в мечети, но и хорошие взаимоотношения с людьми и благой нрав. Вот на эти качества должна обратить внимание молодежь при выборе второй половинки.
Sabr 09.06.2019 00:00:02
Сообщений: 7228
байрым кюн, июн айны 7-де 2019 джыл Эбзеланы Абу-Юсуф хаджини ауушханын билдирдиле. Къуранны магъанасын, ангылатыулары бла бирге, бизни тилге кёчюрген, кёб дин китаб, назму да джазгъан, кесини устазы Каппушланы Ахия мубарекни араб тилде назмуларын къарачай тилге да бургъан, диндар къарнашыбыз эди Абюсюб. Аллах джандетли этсин. Бу тюбюндеги джазыуну, аны эскере салама, ол с ау заманда джазылгъаныча къояма.


КЪУРАН КЪАРАЧАЙ ТИЛДЕ

Къарачайда, Малкъарда да Къуранны ана тилибизге кёчюрюрге кюрешгенле болгъандыла. Аллай джууаблы ишге таукелликлери джетгенине да сейирсинеме. Ёзге, кими орусчадан кёчюрюрге кюрешгенди, кими магъанасын назмула бла айтыргъа кюрешгенди. Мен ала бла шагъырей болгъандан сора, этгенлери кёлюме джетмей, Къуранны башха тюрк тиллеге кёчюрюлгенлерин къатыма салыб, араб тилге уста бир джашны да джаныма олтуртуб, алгъа арабча окъутуб, макъамына тынгылаб, ызы бла хар бир сурада сёзлени, аятланы магъаналарын соруб, джангыдан кесим да окъуб (Москвада Кърал Университетде эки джылны араб тилге юреннгеним ол затха джарады), ууакъ-ууакъ кёчюре башладым. Сёз ючюн, Аль-Фатиханы мен былай кёчюргенме.
Агъузу-бил-ляhи минаш-шайтанир-раджим
Бисмилляhир-рахманир-рахим
1. Рахман эм рахим болгъан Аллаhны аты бла
2. Хар махтау Аллаhхады – бютеу Аламланы Иесине,
3. Чексиз хатерлиги, джумшакълыгъы болгъан
4. Къыямат кюнню Тёресине!
5. Джангыз Сеннге къуллукъ этебиз эмда умутчубуз джангыз Сенден:
6. Тюз джолгъа тюзет бизни,
7. Сени чамландыргъанла эмда аджашханла баргъан джолгъа тюл,
Сен разылыгъынгы бергенле баргъан джолгъа.
Амин.
Бу халда сураланы кёчюре тургъанлайыма, бир кюн Гитче Къарачайдан эл башчы эмда джазыучу Лайпанланы Нюр-Магомет къууаныб меннге телефон этди: «Эбзеланы Абу-Юсуф (Абюсюб) хаджи Къуранны къарачай тилге кёчюргенди. Окъугъанла бек джаратхандыла». Абюсюб афендини кесин да таныгъаным себебли, «кёчюргени къолубузгъа тюшсе, «Ас-Алан» журналны эндиги номерине салайыкъ» дедим. Алай бла, 2002-чи джыл Эбзеланы Абюсюб афендини сууаблы иши дуния джарыгъын кёрдю. Мен да Къуранны ана тилге кёчюрюб башлагъанымы тохтатдым – Абюсюбнюкюнден иги эталмазымы ангылагъаным себебли. Абюсюб афенди къуру мийик дараджада кёчюрген бла къалмай, хар сураны магъанасын ачыкълаб, къайсы бирибиз да хапарлы болурча этиб баргъанды. Юлгюге биринчи сураны келтирейик. Абюсюб къысха хапар да айтыб, аны былай ачыкълайды:

«Къуран бютеу да 114 сурагъа бёлюнеди. Ала Къураннга Аллахдан келгенича тюшмегендиле: таблыгъына кёре, узунланы Китабны аллына, къысхаланы да ахырына салгъандыла. Аланы биринчиси Фаатихады. Бу сураны талай аты барды: аланы бири Алхамды, бизде да ол аты бла джюрюйдю; бири да Фаатиха – Къуранны ачхычы; бири да Уммул Китаб – китабны анасы...

[ АЧЫУЧУ ]
Рахматлы, джумушакъ Аллахны аты бла
Бисмилляхны юсюнден имамланы арасында тартыш барды. Абу-Ханифа, ол хар сура аны бла башланнган башыды,- дегенди. Бирси юч имам а, къалгъан сурала да аны бла башлансала да, аны Алхамны биринчи аятына санагъандыла. Ол себебден, Абу-Ханифаны мазхабында имам, намазда аны ичинден окъуйду. Шафигъый мазхабында имам тышындан окъуйду.
Муслиман адам хар не тукъум ишин Уллу Аллахны аты бла башларгъа керекди, къуру мал кесген бла кеси кереклисине эшикге къарагъаны болмаса. Мал, Бисмилляяхи Аллаху Акбар, деб кесиледи.

1. Махтаула бары да дунияланы Иеси –
2. Рахматлы, Джумушакъ Аллаххады
3. (тюзлюк бла) сюд боллукъ кюнню патчахына.
4. (Эй Аллах!) Биз къуру Сеннге къуллукъ этебиз.
5. Болушлукъ да къуру Сенден излейбиз (къуру Сеннге таянабыз).
6. (Энди) Сен бизни тюз джолгъа бир тюзет,
7. ол Сен насыб этгенлени джолуна,
чамланылгъанладан да, аджашханладан да тышында болгъан!

(Аллах чамланнганлагъа уа – Тауратны тутхан къауумну санайдыла. Нек десенг, ала Аллахны бирлегенликге, эм аллындан да ислам диннге джау болуб, къаршчы чыкъгъандыла. Аны ючюн Аллаху Тагъала алагъа налат бергенди. Аджашханла уа – христианлыладыла. Нек десенг, ала юч аллах этедиле. Бир Аллахха Мариямны юй бийчеге, Гъыйсаны да анга джашха теджейдиле)».

Былай барады къалгъан сураланы да ачыкълау эмда кёчюрюу. 2002-чи джыл «Ас-Алан» дергиде-журналда чыкъгъандан сора, Къуран къарачай тилде Китаб болуб юч джылдан чыкъгъанды. Ол заманны ичинде Абюсюб мубарек, кёчюргенлерине джангыдан къараб, тюзетиб, игилендириб кюрешгенди.

Журналда чыкъгъанына ал сёзню джаза, Тоторкъулланы Алий бу затланы чертген эди: «Бизни халкъны джашауунда эмда культурасында Къуранны ана тилибизге кёчюрюлгени бир белгили затды эмда бир белгиди. Абюсюб афендини къыйыны бизни къолубузгъа сыйлы Рамадан айда тюшгени да иги ышанды. Бизни борчубуз бу Китабны хар бир къарачайлы окъурча этиудю. Алай а, аны деменгили Китаб этиб чыгъарырдан алгъа, журналда басмалансын, алимле, джазыучула, тюз окъуучула да кёллерине келгенни билдирсинле. Сора, тюз-терс айтханланы барысына да автор кеси къараб, халатлы джерлерин тюзетсе, Инша Аллах, энчи Китаб этиуню сагъышына кёчербиз...

Халкъны ичинде, араб тилни билиб, Къуранны магъанасын айталлыкъ аз адам барды. Орус тилге кёчюрюлгенле бла хайырланыучанбыз. Сураланы, аятланы адамла бирча англаялмагъанларындан, кёб дау-дауур да чыгъыучанды. Таб, имамланы арасында да болуучандыла аллай затла. «Джарты молла дин бузар» деб да, аны ючюн айтылгъанды. Аллах айтса, Абюсюбню бу къыйыны барыбызгъа да Къуранны тюз ангыларгъа болушур деб умут этебиз. Китабны иги этер джанындан не оюмугъуз бар эсе да, авторгъа билдиригиз деб тилейбиз. Османов былай джазады: «Къуранны араб тилде эмда ачыкъламалары бла ажымсыз кёчюрюлген ана тилде окъуялгъан ангыларыкъды: Ислам бютеу адам улуну таянчагъыды, аны ангысын, культурасын да ёрге кёлтюрген Хакъ керти динди...Ол бютеу адам улугъа джораланнганды, Аллаху Тагъала 7-чи ёмюрде Мухаммад келечисинден билдиргенди аны бизге. Аны себебли бу Сыйлы Китабны – Аллахны Сёзюн окъуса адам, Хакъ джолгъа къайытыргъа не да Хакъ джолда барыргъа кюч-къарыу табар деб умут этебиз».
Бютеу джашауун Аллахха къуллукъ этиуге берген Эбзеланы Абюсюб афендиге разылыгъыбызны билдиребиз эмда саулукъ, узакъ ёмюр тилейбиз анга Аллахдан».

Эбзеланы Абу Юсуф хаджи дин китабла бла, чыгъармала бла бизни шагъырей эте тургъанды. Алай а, аны эм уллу иши – сыйлы Къуранны Ана тилибизге кёчюргениди, хар сураны ким да ангыларча ачыкълагъаныды. Журналда чыкъгъандан сора, юч джылны сюйген, сюймеген да не айтырын сакълагъанды. Юч джылны ичинде джукъ айтмай, эслеген халатларын да джашырыб, энди сёз этерге кюрешгенле бар эселе – гюнахха киредиле: Китаб чыкъгъынчы айтыргъа керек эди аллай затланы. Алай болса да, олсагъатда окъуялмай, энди окъуб, джангылыч джерлерин кёргенле бар эселе, авторгъа билдирсинле: китаб экинчи кере да чыгъар. Джангыз, айтырларын авторгъа айтмай, джер-джерде сёз чыгъарыб айланыу – адамлыкъгъа-муслиманлыкъгъа келишген зат тюлдю.

Мени оюмум: Абюсюб афенди бизде, дин джаны бла, не бир алим, не бир тылмач, не бир джазыучу эталмагъан ишни этгенди. Адамлагъа ауаз бериую бла да, динни юсюнден джазгъанлары бла да, дин китабланы кёчюрюую, чыгъарыуу, джайыуу бла да, халкъыбызны Хакъ джолгъа тартыб кюрешеди. Аны ол къыйыны – халкъыбызны азабдан къутхарыргъа кюрешген иши-сёзю – тыйыншлы багъасын бизден табмаса да, Аллахдан табар деб, ийнанабыз: Абюсюбню кючю бла Аллахны сёзюн биз Ана тилибизде эшитебиз, кёребиз, окъуйбуз. Ахыр файгъамбардан – Мухаммад файгъамбарыбыздан – адам улугъа билдирилген Аллахны сёзю бютеу дунияны кючлей барады. Дунияда Къуран кёчюрюлмеген тил къалгъан болмаз. Башха тюрк тиллеге ол эртделеде огъуна кёчюрюлгенди. Къуранны къарачайча чыкъгъаны динибизни, тилибизни, адамлыгъыбызны, халкълыгъыбызны да сакъланырына себеб боллукъду. Не джаны бла алыб айтсакъ да, бизни джашауубузда, культурабызда, тилибизде, тарихибизде да уллу ишди бу. Тюрлю-тюрлю китабланы, тыйыншлы, тыйыншлы тюл эселе да, баямлаб, хахайлаб, презентацияла этиб кюрешедиле. Къуранны ана тилибизде чыкъгъанын а – бютеу муслиман халкъыбыз, бютеу республика белгилерге керек эди. Джукъ этилмегени, айтылмагъаны – республиканы башчыларына да, муфтиятха да, дин аралыкълагъа да, джазыучуланы, журналистлени бирлешликлерине да сый тюлдю. Абу-Юсуф хаджини бизни адабиятха къошхан къыйыны ючюн, джазыучуланы тизимине алыргъа керек эди. Мен кюрешиб, башхаланы да болушдуруб къурагъан Къарачай джазыучуланы Союзун къурутуб къоймасала эди, быллай ишлени этген тынч боллукъ эди...Алай болса да, Абюсюб афенди – Къуранны къарачай тилге кёчюрген мубарек – кёб джашасын, муратлары толсунла, Уллу Аллах кеси къууандырсын аны.
Сэстренка 17.07.2019 17:59:06
Сообщений: 9456
Цитата
Sabr пишет:
байрым кюн, июн айны 7-де 2019 джыл Эбзеланы Абу-Юсуф хаджини ауушханын билдирдиле. Къуранны магъанасын, ангылатыулары бла бирге, бизни тилге кёчюрген, кёб дин китаб, назму да джазгъан, кесини устазы Каппушланы Ахия мубарекни араб тилде назмуларын къарачай тилге да бургъан, диндар къарнашыбыз эди Абюсюб. Аллах джандетли этсин. Бу тюбюндеги джазыуну, аны эскере салама, ол с ау заманда джазылгъаныча къояма.
Аллах рахмат этсин.
Абу-Юсуф хаджини бир кере да кермесем да, бек джууукъ адамыма къууаннганча къууана эдим, не джазгъанын окъусам, не хапарын эшитсем. Мени Анамда Абу-Юсуф хаджини "Намаз керек" деген джашил китабчыгъы барды, биргеме бериб ийген эди, Анам айтханны запомнить этиб къоялмагъанымда. Намаз керекни ол китабчыкъдан юреннген эдим. АНдан да алгъа уа Къурман Эльбруосидде къарачай тилге Эбзеланы Абу-Юсуф хаджи кечюрген "Ас-Алан" журналда басмаланнган Къуран китабны берген эди. Бюгюн-бюгече да эсимдеди, къалай сеир болуб окъугъаным. Сора Эльбруосид уллу саугъа этди: Къуранны ана тилибизде аудио этиб чыгъарды да. Бюгюн-бюгече да приложение телефонумда, тынгылайма, Абу-Юсуф хаджини эсиме тюшюре, Аллахдан анга тилек тилей.

Эсиме тюшюре десем да, эм бек эсимден кетмеген неди десегиз, мен бир кере соргъан этген эдим, къачан къалай окъуб башлагъанын араб тилде. Абу-Юсуф орусча да, къарачайча да, арабча да 50 джылында юрениб башлагъанын айтыб бек сеирсиндирген эди. Аллахны сайлагъан къулу болуб ол фахму 50 джылында берилгенди деб мени келюм алайды.

Ма быллай адамларыбызны танытхан, быллай адамларыбызгъа джуукълашыргъа мадар берген Эльбруосидни къурагъан, ишине къошулгъанлагъа да барысына Аллах сууаб китабларына джазсын тюз акъылларын, сан къыйынларын.

Я самая классная на форуме))))))))))))))
Читают тему (гостей: 1)

Форум  Мобильный | Стационарный