Ана тилибизде селешейик!!!

Ванхельсинг 29.11.2006 15:12:49

1 0

Аланла, былайда нени юсюнден джазсакъда, кесибизни ана тилибизде джазаргъа кюрешейик. Билмеген сёзлерибиз болса сорайыкъ, алайсыз иш этиб орусча джазылгъан сёзлени кетериб баргъа борчум бардыАллай хатачыкъларымы кече турлукъсуз деб ышанама сизге

Ответы

всезнайка 23.08.2017 01:51:18
Сообщений: 1164
кече ашхы болсун! Мен Эрдоганны къолун тутуб келеиим тамбла барыб, мени джокълагъан хапары барды :lol:

псори тамам
Katik 23.08.2017 02:58:22
Сообщений: 6628
Цитата
Тылмач пишет:
Цитата
Katik пишет:
)) Энди ёпкелемегиелле экиси да))
ёбгелегеннге ёбге хычын дейдиле бизде)) алай а ёбгеден хычын этиб чыртда кёрмегенме)) сизде былай айтамыдыла билмейме, алай а ёбге хычынларыгъыз да бола болурму дейме, джангылмай эсем)) ёбге хычынланы излеб эте болурла))
Бизде ёбге билмейме, баурчукъ къоша болурла дейме хычинге)) Баурну уа мен сохтада бегирек сюеме))

Лучше орел в небе, чем попугай под каблуком!
Гаечка 25.08.2017 04:05:14
Сообщений: 892
Мен билиб, кече/кюн/ингир/танг ашхы болсун деб - къуру эркиши айтыргъа боллукъду, тышыруугъа айланыб. Тышыруу тышыруугъа, тышыруу эркишиге, неда эркиши эркишиге - алай айтмайды. Тюзмюдю ол?

В любой ситуации.. не спешите реагировать.. тогда всегда всё будет хорошо..
Сэстренка 25.08.2017 11:21:05
Сообщений: 9927
Цитата
Гаечка пишет:
Мен билиб, кече/кюн/ингир/танг ашхы болсун деб -къуру эркиши айтыргъа боллукъду, тышыруугъа айланыб. Тышыруу тышыруугъа, тышыруу эркишиге, неда эркиши эркишиге - алай айтмайды. Тюзмюдю ол?
Малкъарда къызла да, джашла да айтадыла.

Я самая классная на форуме))))))))))))))
Сэстренка 25.08.2017 11:24:30
Сообщений: 9927
Цитата
всезнайка пишет:
кече ашхы болсун! Мен Эрдоганны къолун тутуб келеиим тамбла барыб, мени джокълагъан хапары барды
Эрдоганны унутуб къойдунг дейме, тенгизнины кергенлей))))

Я самая классная на форуме))))))))))))))
Nasib&Namis 28.08.2017 09:47:21
Сообщений: 3072
Эйле,быйыл 1 окъуу кюн бла Къурман бир кюннге тюшедиле !!!)
Тылмач 17.09.2017 00:24:37
Сообщений: 1392
Ассаламу алейкум!
Къач келди, кёгетле бишдиле. Быйыл биз табада кёгетле бир кёбдюле: зырма-зырма алма, кертме, эрик терекле. Кёгет джанындан быйыл бек берекетли болду. Аллахха шукур!
Мен да кёгетлени бек сюеме, къайсы тюрлюсюн да сюйюб ашайма. Харбыз, хауун огъуна керек болмайды, кесибизни быллай бир кёгетибиз болгъан заманлада. Бир къауум кёгетлени ашамагъан, неда бир къауумун ашаб, кёбюне да эс бёлмей къойгъанланы да эслейме, сейирсинеме. Сиз а къалайсыз кёгетле бла?

Быйыл сора да джангкъылычланы кёб болгъанын эследим мен. Кёб болмай да бир-бири юсю бла эки джанкъылыч кёрюндю да, мешна келе эдик хоншуларыбыз бла, бир кесек къоркъуу огъуна болду хоншубуз тиширыу.

Ёргеде эмен терекге мен жёлудь дегенимде дуб деб тюзетген эди Хоштан, энди кертисин англадым - оруслула жёлудь деб дубну кёгетине (къозуна десем тюзюрек боллукъ болурму, къайдам) айтадыла)))

всезнайка, къалайды, кёрдюнг ол кишини. Къой, керек тюлдю аны къолун тутуб айланыргъа. Арт заманлада къралларын оюб барады...((

Nasib&Namis, къалай ётдю Къурман бла окъууну 1-чи бир кюнде?))
всезнайка 27.09.2017 15:05:00
Сообщений: 1164

1 0

Цитата
Тылмач пишет:
всезнайка , къалайды, кёрдюнг ол кишини. Къой, керек тюлдю аны къолун тутуб айланыргъа. Арт заманлада къралларын оюб барады...((
энтда келирме - деб кетдим :lol:

псори тамам
Nasib&Namis 04.10.2017 01:03:09
Сообщений: 3072

1 0

Цитата

Тылмач пишет:
Ассаламу алейкум!
Къач келди, кёгетле бишдиле. Быйыл биз табада кёгетле бир кёбдюле: зырма-зырма алма, кертме, эрик терекле. Кёгет джанындан быйыл бек берекетли болду. Аллахха шукур!
Мен да кёгетлени бек сюеме, къайсы тюрлюсюн да сюйюб ашайма. Харбыз, хауун огъуна керек болмайды, кесибизни быллай бир кёгетибиз болгъан заманлада. Бир къауум кёгетлени ашамагъан, неда бир къауумун ашаб, кёбюне да эс бёлмей къойгъанланы да эслейме, сейирсинеме. Сиз а къалайсыз кёгетле бла?

Быйыл сора да джангкъылычланы кёб болгъанын эследим мен. Кёб болмай да бир-бири юсю бла эки джанкъылыч кёрюндю да, мешна келе эдик хоншуларыбыз бла, бир кесек къоркъуу огъуна болду хоншубуз тиширыу.

Ёргеде эмен терекге мен жёлудь дегенимде дуб деб тюзетген эди Хоштан, энди кертисин англадым - оруслула жёлудь деб дубну кёгетине (къозуна десем тюзюрек боллукъ болурму, къайдам) айтадыла)))

всезнайка, къалайды, кёрдюнг ол кишини. Къой, керек тюлдю аны къолун тутуб айланыргъа. Арт заманлада къралларын оюб барады...((

Nasib&Namis, къалай ётдю Къурман бла окъууну 1-чи бир кюнде?))

Ачыуум келди ийнаныгъыз... 1 сентябрны Къурман кюннге тюшгени ючюн ары кёчюрмедиле...Выходной джокъ ол кюн. День КЧР деб а бу байрым кюнню солуу кюн этдиле) безсовестныйле
Тылмач 09.10.2017 00:55:03
Сообщений: 1392
Цитата
всезнайка пишет:
энтда келирме - деб кетдим
табханса джолну, барлыкъса баш кюн бла бош кюн))) мен бармагъанлы уа къаллай бир заман болду(( Бир 5 джыл алгъа эки-юч кюннге баргъан эдим бир къауум болуб, ары бла бери чабхандан джукъну да англамагъан эдим))
Тылмач 09.10.2017 02:04:20
Сообщений: 1392
Тюзлюк
Биз табалагъа келликмисе эке?
Келирча кёрюнемиди сизни сагъышыгъыз бла? Келирча джукъ этилемиди? Бир затла этилирге уа керекди да?
Бир-бирде къарасам адамла тюзлюкню болурундан тюнгюлюб бошаб, излеген да этмейдиле, аллай зат болуруна да ийнанмайдыла дегенча болама. Тюзлюксюз адамны джашаууну уллу магъанасы болурму? Тюзлюк болмагъан джерде джашарчамыды? Тюзлюк чыртда болмазлыкъ болуб, аллай джашаудан татыуу алырмы адам (тюнгюлгенлени сагъышыча болса)?

Джокъду тюзлюксюз джашауда бир татыу да, берекет да, магъана да. Тюзлюкню излегенле, англагъанла бу айтханыма огъай дерик болмазла. Алай эсе не да этиб, тюзлюкню излерге, тюзлюкчю болургъа, тюзлюкню джанында болургъа керекди, артыкъсыз да муслиман адамлагъа.

Тюзлюкню юсюнден Къуранда айтылгъанлагъа къарай, Къуранны къарачайчагъа Абу Юсюбню китабына къарасам, анда Къуранны аятын берген бла къалмай, ачыкълау да этгенди. Аны бла мен экисин да бери салама:

135. Эй, ийман салгъанла! Тюзлюкге кючлю къатыгъыз, анга Аллахны шагъатлары да болугъуз, ариу кесигизге, не ата-анагъа, не джууукъгъа табсыз болса да! (Даучула) бай, джарлы болсала да –аланы экисине да Аллах джууугъуракъды. Сиз, тюзлюкден таймаз ючюн, нафсыгъыз айтханнга бармагъыз! Сиз(сѐлешген заманда) тиллеригизни ары-бери бурдуруб тюзлюкден тайсагъыз а, Аллах сизни не этгенигизден толу хапарлыды.

(Не джууугъумду, не ахлумду, не тенгимди деб, муслиман, гяуур болса да, муслиман адамгъа не терслик этерге, не терс джанлы болургъа эркинлик джокъду. Нек десенг, дин тюзлюкге келгенди. Не терс сѐлешген, не терслик этген адам муслиман болалмаз. Тюзлюк этиучю деген –Ол Уллу Аллахны Кесини 99 атыны бириди. Тюзлюкню тутмаучу адам, не къадар дин тутса да, Аллахына джууукъ болаллыкъ тюлдю).


Аллахны эки аты огъуна Тюзлюкчю магъана келедиле - Адль бла Мукъсит.

Мындан башха аятла бла хадисле да тюзлюкню юсюнден кёб айтылады, бек узамасын деб.аланы къояйым.

Абу Юсюб хаджини уа тюзлюкню юсюнден бир талай назмусу бар кёреме, аладан бири былайгъа салама. Сайтында аудиолары да бардыла, тынглагъанны тюзге санагъанлагъа. Аллах разы болсун, сууаб базманына джазсын, бек кёб кюрешгенди, кёб затны джазгъанды, энтда бир кере эследим.


ТЮЗЛЮК КЪАЙДАДЫ?
Бу миллет халкъ болурму, тюзлюкню излемеген,
Джарлы, онгсуз демеген, гюнах- сууаб билмеген?
Бир-бирлерини хакъын, тартынмайын ашагьан,
Халал-харам айырмай, хайуан кибик джашагъан.
Бусагъатда джигитлик - онгсузланы талауду,
Сора онгсуз не этсин, къуру таргъыу, джылауду.
Ёнгкюч берген алалмайд кеси хакъын ызына,
Ол борчун къалай берсин, кийим керек къызына.
Артыкъ ачхасы къалса, юйдегисин тындырыб,
Кёзю къыйыб бералса, аладан джукъ сыдырыб,
Бир ыйыкъ деб алгъаны - бир джыл болуб да къалыр,
Джокълаб ызындан барсанг, ол сеннге айыб салыр.
«Ашабмы кетерикме, нек тураса сен даулаб,
Кёб затмыды сора ол, турурча аны джаулаб?
Сом тюшгенлей, узаймай, бериргеди акъылым,
Сатыучукъгьа барлыкъма, хазырдыла хар затым».
Сатыуун эталмаса, къалдынг энтда сен джылай,
Эталса да айланыр сени тёздюрюб, джырлай.
Къаты айтыу джарамаз, ёлтюрюрге болурла,
Мурдарланы джибериб, бек дженгил къурутурла.
Ёнгкючге джукъну бериу аны ызына алыу,
Къыйынлыкъ болуб къалды, ызындан джокълаб барыу.
Къаллай бир уятсызлыкъ керекди, бир сагъыш эт,
Кеси келтириб берир орнуна - ол не этед?
Кёбюсюне аны да къутургъанла алалла,
Джарлыла, онгсузла уа джылай-джылай къалалла.
Малларын да хар кимни бачхасында кютелле,
Харам малланы ала садакъала этелле.
Стадчыны аллына малчыкъларын этелле,
Аны хакъчыгъын бермей, юйлеге джюрютелле.
Садакъачыча джарлы арбаз-арбазгъа барад,
Бир баргъан бла болмайын, бир талай да айланад.
Нёгер болсала ишде, тенглик кёраллыкъ тюлсе,
Джюрегинг джарыл да къал, хыликке этиб кюлсе.
Нёгеринден джашыртын, хар ким кесине тартыр,
Табханын юйге ташыр, ишде сени арытыр.
Джокъду хазна ышаныу, сатыу-алыу этселе,
Кёзюнг кёре алдайла, базманда джукъ чекселе.
Базманы уа къаллайды, аны да ким биледи,
Къаллай хыйлала этди, алайда ким кёреди?!
Ариу ышанмасанг да, джукъ айтыргъа уяласа,
Бирде ышаныб кетиб, артда англаб уянаса.
Базарда сен бир къара, ётюрюк антларына,
Бир-бири бла талаша, чабышыб алларына.
Джыйылыуда къонакъча, ашаб кетиб къалмайла,
Хар бири оноу джасаб, санга оноу къоймайла.
Келин алсанг, къыз берсенг, аладыла оноучу,
Ёлюм кёрген адамны, эл джыйылыб тоноучу.
Инджилген, ауругъанны джазыкъсына билмейле,
Ол джарлыны бир кёрсем, не болушсам демейле.
Юйде джатсанг, сыйынг джокъ, ашаялмай ашынгы,
Сыйынг чыгъар ючюн ат больницагъа башынгы.
Болушхан адет джокъду, джарлыгъа джан аурутуб,
Ол ёлсе уа кетелле болгъанчыгъын къурутуб.
Ёлюр кюнюн сакълайла, джетиб аны таларгъа,
Джыйылыб келиб ала тепсилени джаларгъа.
Игиликге бюсюреу этмейдиле хазнасы,
Этилген игиликни - гурушхады багъасы.
Игиликге аманлыкъ алыргъа да боллукъса,
Нек къатышдым мынга деб, сокъурана турлукъса.
Умут этиб келиннге бир къыз сорулса санга,
Арт сагъышын этмейин, джукъ айталмайса анга.
Таб болса ол къууаныб, сауболну да айталмаз,
Алайсыз сени терслер, джазыууна бой салмаз.
Бу заманда игиси - къатышмайын турууду,
Тюзлюкню тас этгенбиз, энди ара бурууду.



Бизни эски Джангы форумубузда салыннган биреуленни (форумчуну аты джазылмагъан нёгери) назмусуну салайым:


Тюзлюк.

Хар инсанны адам этеди тюзлюк.
Ол адамгъа бираз болмаз ауур джюк.
Тюзлюк джол бла барыр ючюн хар инсан,
Болургъа керекди джюрекде иман.
Мусульманда биринчи иман барады,
Биргесине ол тюзлюкню алады.
Тюзлюк болмай къалса бизни дунияда,
Къаллыкъ тюлед бир инсан да санында.
Тюзлюк ючюн кюрешгенди халкъыбыз,
Тюзлюк ючюн кюрешейик бюгюн биз.
Биз тюзлюкню хар джерге да джаяйыкъ,
Адам улу, халал хакъны ашайыкъ.
Тюзлюк ючюн кюрешейик биз талмай,
Саныбызны, джаныбызны аямай.
Мени тилим къулу болсун тюзлюкню,
АЛЛАХ айтса, келтюрлюкме ол ?джюкню?.
1999 джыл 30 ноябрда



Алайды да, тюзлюкге энтда бир кере эс белёиик! Джокъду башха тюрлю мадар!
Изменено: Тылмач - 09.10.2017 02:05:09
Тылмач 09.10.2017 02:15:04
Сообщений: 1392
* Унутуб барама: джазгъанларымы форум бла байламы бек кёб тюлдю, форум тышында керти (олбир дуния тюл, бу дуния))) джашауубузгъа къарай эсге келген сагъышладыла. Форум бла байламы уа джангыз былайгъа да тюзлюк керекди, хар джерге керек болгъанча, дагъыда былайда тюзлюк болмагъаннга, болмазчагъа санагъан кирмей огъуна къояр эди, керти джашауубузгъа аллай мадар джокъду.
всезнайка 17.11.2017 15:51:23
Сообщений: 1164
Кюнюгюз ашхы болсун, хурметли джамагъат! тылмач тюзлюкню излегенча керюнесе, табсанг , меннге да айтырса

псори тамам
Тылмач 22.11.2017 15:48:47
Сообщений: 1392
Цитата
всезнайка пишет:
Кюнюгюз ашхы болсун, хурметли джамагъат! тылмач тюзлюкню излегенча керюнесе, табсанг , меннге да айтырса
сау бол, биргелей)) Кел, бирге-бирге излейик тюзлюкню, бек теренлеге джашырылгъанды да джангыз мен алай къолай табалгъа эдим))
Тылмач 22.11.2017 15:51:17
Сообщений: 1392
Бир апендини айтханындан юзюк:
Аракъы тонгуздан эсе бегирек харамды. Ким болса да юйюнде тонгузну тагъыб, багъыб турлукъмуду? Джууабыгъыз, ишексиз, "огъай" боллукъ болур. Алай эсе, аракъыланы къалай асыраб турасыз?
всезнайка 22.11.2017 18:27:28
Сообщений: 1164
Цитата
Тылмач пишет:
Бир апендини айтханындан юзюк:
Аракъы тонгуздан эсе бегирек харамды. Ким болса да юйюнде тонгузну тагъыб, багъыб турлукъмуду? Джууабыгъыз, ишексиз, "огъай" боллукъ болур. Алай эсе, аракъыланы къалай асыраб турасыз?
мен айтыу а Къуранда бир бири къатында джазыдыб турады аракъы да тонгуз эт да, через запятую. сора аркъыны халал этедиле да, ол бирин харам этедиле

псори тамам
ALANULAN 04.12.2017 13:14:03
Сообщений: 856
Цитата
Тылмач пишет:
Тюзлюк.

Хар инсанны адам этеди тюзлюк.
Ол адамгъа бираз болмаз ауур джюк.
Тюзлюк джол бла барыр ючюн хар инсан,
Болургъа керекди джюрекде иман.
Мусульманда биринчи иман барады,
Биргесине ол тюзлюкню алады.
Тюзлюк болмай къалса бизни дунияда,
Къаллыкъ тюлед бир инсан да санында.
Тюзлюк ючюн кюрешгенди халкъыбыз,
Тюзлюк ючюн кюрешейик бюгюн биз.
Биз тюзлюкню хар джерге да джаяйыкъ,
Адам улу, халал хакъны ашайыкъ.
Тюзлюк ючюн кюрешейик биз талмай,
Саныбызны, джаныбызны аямай.
Мени тилим къулу болсун тюзлюкню,
АЛЛАХ айтса, келтюрлюкме ол ?джюкню?.
МАШАА АЛЛАХ! АЛАМАТ САГЪАШЛА ..! ДЖАШ АДАМЛА МА БУНУ БИР КЕРЕ БОЛСАДА ЭШТИРГЕ КЕРЕКДИЛЕ (ОКЪУМАСАЛАДА)



Цитата
всезнайка пишет:
тылмач тюзлюкню излегенча керюнесе, табсанг , меннге да айтырса

)))! КЕРТИДА БУ БЕК СЕИР ТЕМАДЫ, ДУНИЯДА ТЮЗЛЮК ИЗЛЕГЕН,
(ИНШАА АЛЛААХ) ДУНИЯДА КЪУРУДА ТЮЗЛЮКДЮ! АЛАЙ А АДАМЛАНЫ КЁБ ЮСЮ ТЮЗЛЮК ДЖОКЪДУ ДЕГЕНЧА БОЛУБ, УЛЛУ ТЕРСЛИКЛЕ БЛА УЛЛУ ТЕРСЛИКЧИЛЕДЕН(ЗУЛМУЧУ(АКУЛА)) ДЖАНЛАБ, ДЖАН САКЪЛАБ,, ОНГСУЗУРАКЪ (ТЕЛИРЕК,ТЫНЧЫРАКЪ,ДЖАКЪСЫЗ..) АДАМЛАНЫ ИЗЛЕБ . АЛАГЪА БИЙ БОЛУРГЪА КЮРЕШИБ (ТЕРСЛИКЧИКле ЭТИБ) ДЖАШАУЛАРЫН ЁТДЮРЮБ БАРАДЫЛА,, БУНДАН СОРА ДЖОЛ(МАДАР) ДЖОКЪДУ ДЕБ!
АЛАЙ А ОЛ ТЕРСДИ!
........................................
АДАМ УЛУ ДА, БАШХА ДЖЕР ЮСЮНДЕ БОЛГЪАН ЗАТДА, ИЩ ЭТИБ ТЕРСЛИК ЭТИБ КЮРЕШСЕЛЕДА, КЪАЙДА ДА КЪАЧАНДА БОЛУБ ТУРГЪАН ТЮЗЛЮКДЮ, ДЖАЗЫУДУ!

МА, СЁЗ ЮЧЮН, БИР ДЖАШ, АЯКЪ МЕШИНАГЪА АРТЫ АЛЛЫНА ОЛТУРУБ, ТИК ЭНГИШГЕ КЁЗЛЕРИН ДЖАБЫБ КЕТДИДА , БАШЫ ТЁБЕН БОЛУБ СОЙЛАНДЫ... АЛАЙДА ТАЛАЙ БИР ТЕРСЛИК БАРДЫДА?!, АЛАЙ А БОЛГЪАН ЗАТХА ДА БИРГЕЛЕЙ КЪАРАСАНГ . БЕК ТЮЗ БОЛАДЫ! )))))

с УВАЖЕНИЕм !
Тылмач 20.12.2017 13:13:19
Сообщений: 1392
Ма энтда тюзлюк бла ётюрюкню юсюнден бир хапар:

Ол бир ыйыкъда Черкеский кёгет базардан мандарин алама. Тёрт джанында абхаз мандаринле деб джазыуланы окъуйма. Башха тюрлю мандарин да болмаз сагъыш бла, бир къарачай тиширыудан (40-ла тёгерегинде) мандаринлени сайлаб, чектире тургъанлай, къатыма бир таныш келеди. Саламлашабыз, тиширыу анга да сайласын деб, пакетчик джыртыб береди. Мен да сеннге бергенди, ал деб кюрешеме, ол а алмайды. Сора соруб тебрейди: "Мандаринлеринг къайдандыла, меннге Абхазияны мандарини керекди". Тиширыу джазыуну кёргюзгеди ышарыб, бир джанындан да: "Мен ётюрюк айта билмейме, меникиле тюрк мандаринледиле, былайда барыбызныкъыла да Тюркдендиле". "Джазылгъаны уа абхаз мандаринле джазылыбды" десе. Сатыучу: "Джазгъанны не сюйсенг джазаса" - деб сиреледи. Дагъыда адам тохтамай, керти абхаз мандаринле кёргюзт деб тилегенинде, сатыучу тиширыу былай айтды: "Ма, ол къыйырдагъы машинада абхаз мандаринле бардыла, багъасы бир 15 сомгъа кёбдю" - деб, ашырады.

Энди ол тиширыу билиб айтдымы, огъесе иги билмейми, мени билир къарыуум джокъду, анга ийнансакъ (алдай билмейме дей эди), барысы ётюрюк джазыб тура эдиле. Тюрк мандаринни абхаз мандарининден кем джерин мен билмейме, быллай бир ётюрюкге, мен "тюрк" джазылыб турса да аллыкъ эдим. Хар кимде уа мода болгъанмыды, неди, аллай сейирликге шагъат болдум.

Болумубуз былайды...
Сэстренка 21.12.2017 17:01:08
Сообщений: 9927
Цитата
Тылмач пишет:
Тиширыу джазыуну кёргюзгеди ышарыб, бир джанындан да: "Мен ётюрюк айта билмейме, меникиле тюрк мандаринледиле, былайда барыбызныкъыла да Тюркдендиле". "Джазылгъаны уа абхаз мандаринле джазылыбды" десе. Сатыучу: "Джазгъанны не сюйсенг джазаса" - деб сиреледи.
Кюлюб елдюм)))))) чам хапарлагъа джазаргъа боллукъ эди бу хапарынгы да)))))

Я самая классная на форуме))))))))))))))
Тылмач 24.12.2017 01:04:20
Сообщений: 1392
Цитата
Сэстренка пишет:
Кюлюб елдюм)))))) чам хапарлагъа джазаргъа боллукъ эди бу хапарынгы да)))))
трагикомикады бу))) къалгъанбыз оюннга, ойнасакъмы, джыласакъмы, башха бир затмы этсек, анга да болумубуз джокъ...((
Сэстренка 24.12.2017 01:45:22
Сообщений: 9927

1 0

Цитата
Тылмач пишет:
трагикомикады бу))) къалгъанбыз оюннга, ойнасакъмы, джыласакъмы, башха бир затмы этсек, анга да болумубуз джокъ...((
Алайды, алайды...
Алай болса да, кюлгеними магъанасы: " "Джазгъанны не сюйсенг джазаса", - дегенин алай таб келишдиргенди!))) Мен ёкюл ишими юсюнде кеб тюртюлеме ол затха: адамла джазылгъаннга къол салыб къоядыла, айтыргъа уа алай тынч болмайды, айтыб къоялмайдыла алдауукъну. Джазгъанны уа къулакъгъа да алмай джазадыла, хазыр джазыб берсе не следователь, не юрист, анга къол салыб къоядыла.

Я самая классная на форуме))))))))))))))
Тылмач 27.12.2017 14:37:00
Сообщений: 1392
Ассаламу алейкум!
Энтда джууукълашады бир Зангы Зыл, биягъы тереклени базаргъа чыгъаргъандыла. Аллай ариу терекчиклени кёб-кёб туураб, экинчи ючюнчю багушха атаргъа керекмиди? :тохта: Анга да ачха бериб. Чырт болмай эсе, пластмасс терекле да сатыладыла бусагъатда. :тсс:

Тургъаныча турсун таш-агъач. :тактак:
Сэстренка 27.12.2017 14:46:30
Сообщений: 9927
Тылмач, андан да бек, ма бусагъан Осетиягъа эришиб, бизникиле а барыб 200-джыллыкъ терекни кесиб алыб келликдиле Архыздан(((((

Я самая классная на форуме))))))))))))))
lighthouse 30.12.2017 10:17:43
Сообщений: 1158
Цитата
Сэстренка пишет:
Тылмач , андан да бек, ма бусагъан Осетиягъа эришиб, бизникиле а барыб 200-джыллыкъ терекни кесиб алыб келликдиле Архыздан(((((
Хорошо бы приняли закон, перед тем как приобрести ёлку, покупатель должен предъявить бумагу о том что он посадил две ели, а продавец за каждую проданую ель, должен предъявить бумагу о посадке 10 деревьев. А начальником по отслеживанию всего этого процесса назначить меня)))
Сэстренка 30.12.2017 18:11:38
Сообщений: 9927
Цитата
lighthouse пишет:
Хорошо бы приняли закон, перед тем как приобрести ёлку, покупатель должен предъявить бумагу о том что он посадил две ели, а продавец за каждую проданую ель, должен предъявить бумагу о посадке 10 деревьев. А начальником по отслеживанию всего этого процесса назначить меня)))
Ч третьим пунктом я согласна)), согласна даже стать у тебя секретарем)))), но покупателя обязывать посадитьь елку))))) - ты еще жестче законодатель, чем я))))

Шутки-шутками, но как вспомню, как в прошлом году 200-летнюю елку срубили((, до сих пор переживаю, нек этедиле алай(((((
В этом году Осетия уже отрапортовала: 180-летнюю елку срубили((
Сейчас наши постараются обогнать(((

Я самая классная на форуме))))))))))))))
lighthouse 04.01.2018 11:18:15
Сообщений: 1158
Цитата

Сэстренка пишет:
Шутки-шутками, но как вспомню, как в прошлом году 200-летнюю елку срубили((, до сих пор переживаю, нек этедиле алай(((((
В этом году Осетия уже отрапортовала: 180-летнюю елку срубили((
Сейчас наши постараются обогнать(((

Негодяи)) эти люди видимо сильно здоровые, тут итак дышать нечем, задыхаешься, они ещё с топорами по лесу бегают.
Правильно говорит Тылмач, надо здраво мыслить и переходить на исскуственные ели.
Изменено: lighthouse - 04.01.2018 11:20:35
Nasib&Namis 08.01.2018 03:07:33
Сообщений: 3072
Тюз айтасыз.
Кертиден айыралмай къарарса ол пластмасс ёлкалагъа уа..... Алыгъыз аланы!Чегетлеге къол тийирмейик!
Тылмач 10.01.2018 23:46:01
Сообщений: 1392
Ассаламу алейкум!
Бир талай замандан бери эсимден кетмей тургъан бир соруууму ёкюллеге бир сорайым.
Кёб болмай Зеленчюк болгъан, 5 джаш адамны терроризмге къатышханлары деген чурум бла къырыб кетгенлерин эшитмеген хазна къалды болмаз, муну юсюнден кърал сми-леде кёб хапар айтылмаса да. Не тынглау баргъанын, быллай хапарланы уллу джаймай, башын джабыу да джангы адет болуб тебрегенин мен англаялмайма. Танышлары барысы ёлгенле джарлы юйдегиледен болуб, ачха-бочха къайгъылы болгъандан ары, джукъ бла кюреширча адамла тюл эдиле дейдиле бир аууздан. Танымагъан, билмеген адамларымы юсюнден кёб джазаргъа, алагъа ёкюл болургъа бек мадарым джокъду.
Мени сорууум: бюгюннге дери кишиге заранлары джетмеген адамланы, не эсе да бир террорист группагъа къошулургъа излгенлени тутаргъа излегенлей, ала да кеслерин тутдурмай, окъ атсала, барысын да къырыб кетерге эркинликлери бармыды чырт бир аскерни? Бир талай заманны марлаб туруб, тюрлю-тюрлю методла бла сау тутуб, сюд этерге керек тюлмюдюле? Тута туруб, кимге не джара салгъандыла, кимге не этгендиле, быллай бир джаш адамны уруб алырча? Киши аллында джууаблы тюлмюдюле бу мурдарлыкъны этгенле? Киши нек сормайды чырт бир джерде бу сорууланы?
всезнайка 11.01.2018 19:15:06
Сообщений: 1164
уа гъалейкум ас салам! Тылмач, аллайланы тутхан джерлеринде къагъыб барыргъа деб къырал башчыны бегими барды- деб эшитгенме

псори тамам
Тылмач 26.01.2018 00:27:32
Сообщений: 1392
Цитата
всезнайка пишет:
уа гъалейкум ас салам! Тылмач, аллайланы тутхан джерлеринде къагъыб барыргъа деб къырал башчыны бегими барды- деб эшитгенме
бу хапар кертимиди экен? Башха джукъ къошары болгъан джокъмуду...
Читают тему (гостей: 1)

Форум  Мобильный | Стационарный