СТАРАЯ ЮНОСТЬ ТЮРКСКОЙ ПОЭЗИИ. Писатели о творчестве Билала Лайпанова.

СТАРАЯ ЮНОСТЬ ТЮРКСКОЙ ПОЭЗИИ. Писатели о творчестве Билала Лайпанова.

ШАТ 08.02.2015 17:42:05
Сообщений: 1421

1 0

Билалны юсюнден, анда - мында джаза турмай, кесине атаб, бу бетни ачдым

Ответы

Sabr 22.02.2020 05:37:11
Сообщений: 7254
https://www.youtube.com/watch?v=jt9oxFWLJaU

Ана тиллени халкълаарасы кюннге аталгъан радиобериу.

Billal LAYPAN

ТИЛ БЛА ПОЭТ

1
Ангысыз адамланы палахларындан
Экибиз да турабыз ёле.
Кесинг да къаты ауруб тургъанлай,
Мен зауаллыны келгенсе кёре.


60 джыл бола турады манга,
Сен а минг къатха тамадаса менден.
Бюгюнлеге сау-эсен джетгенсе
Ётюб минг джылдан, палахдан, ёлюмден.

Бюгюнлюкде уа санга да тюшгенди къоркъуу –
Душмандан-джауданмы? Огъай.
Сени туугъан халкъынг этеди харам –
Аны ангылагъан къыйынды къалай.
Къайдады ангы-эс, билим-окъуу –
Халкъ – Тил терегин кеси эте эсе къуу.

Халкъыбыздан тарыгъаса – тийгенле джанынга.
Тынгылайма, джокъду менден джууукъ санга.
Сенден джууукъ да джокъду манга.

Мен – бир бурху, сен а – минги.
Дагъыда, унутмай, джокълайса мени.

Билеме, билесе – сенден алгъА
Кетерикме бу дуниядан мен.
Алай а, сен болсанг эсен –
Манга да къатылаллыкъ тюлдю ёлюм.

2
Сорама:

-Халкъ нек айырылады сенден?
-Да керек болмай къалгъанма мен.
Халкъгъа керекди кърал тил, ингилиз тил,
Неда бир къолан тил, орам тил – ибилис тил.
Джангыз бир ишин тындыралмайды халкъ мени бла.
Гюнахды ол затда терслесек аны да.
Халкъны тилин, кесин да
аллай болумгъа салгъанды кърал.
Да кете барайым, поэт –
джашаргъа кюреш, сау къал.

3
Ызындан къычырама:

-Менден кетсенг да, халкъдан кетме.
Аны насыбсыз этме, ёксюз этме.
Халкъ дуния малгъа ауушдурады сени,
Дуния тилге ауушдурады сени.
Ангыламайды – болгъанлай сенсиз,
Къалгъанлай тилсиз –
Къошуллукъду башха халкъгъа,
Кёрюннюкдю башха халда.
Кесини джолу тауусуллукъду.
Ол бир башха халкъ бла боллукъду,
Ой, ол бир башха халкъ боллукъду.

4
Кетсе да, къалады мени бла Тил.
Мен Ана тилде этеме сагъыш.
Байлыгъына, ариулугъуна да
Сейирсиннгенлей турама аны.

Тилни уланыма мен.
Къартлыкъ джашы, тюнгюч уланы да тюлме, огъай.
Тюнгюч уланы ёлгенди эртде,
Белгисизди ким болгъаны да.
Къартлыкъ джашы уа туугъан болмаз алкъын.

Къарайма кетиб баргъан Тилге.
Узаямы барады халкъдан,
Къайытамы барады халкъгъа –
Иги ангылаялмай турама алкъын.

5
Тилни бир кесегиме мен.
Башчысы, хапарчысы да болмам,
Джаны, тёнгеги да болмам,
Аты, сыфаты, къанаты да болмам.
Неси эсем да –
Мени бла бирге
Кетерикди андан бир зат.

Алай а, насыбым тутса,
Бир дуа сёз болуб,
Тагъылыб бойнуна,
Аны сакълаб турургъа да болурма.

Иги джорала да эте,
Тил да, мен да барабыз кете.
Изменено: Sabr - 22.02.2020 05:52:05
Сэстренка 22.02.2020 22:08:13
Сообщений: 9922
Цитата
Sabr пишет:
https://www.youtube.com/watch?v=jt9oxFWLJaU
Ариу (выразительно) окъуду назмуну Къоркъмазланы Салима. Керти ариу окъуду!
Назмуну да джаратдым бек)
Цитата
Sabr пишет:
Иги джорала да эте,
Тил да, мен да барабыз кете.
Не къадар узун болсун джашау джолугъуз экигизни да! Узунлугъу бла биргелей или да болсун!)

Я самая классная на форуме))))))))))))))
Sabr 24.02.2020 04:17:25
Сообщений: 7254
Цитата
Сэстренка пишет:
Цитата
Sabr пишет:
https://www.youtube.com/watch?v=jt9oxFWLJaU
Ариу (выразительно) окъуду назмуну Къоркъмазланы Салима. Керти ариу окъуду!
Назмуну да джаратдым бек)
Цитата
Sabr пишет:
Иги джорала да эте,
Тил да, мен да барабыз кете.
Не къадар узун болсун джашау джолугъуз экигизни да! Узунлугъу бла биргелей или да болсун!)

Сау бол, Сэстренка. Муратларынг тола, кесинг сюйген чакълы бир джаша!
Читают тему (гостей: 1)

Форум  Мобильный | Стационарный