ИНЖИ БЮРТЮКЛЕ

ИНЖИ БЮРТЮКЛЕ

elbars 24.03.2019 17:28:16
Сообщений: 2237
ИНЖИ БЮРТЮКЛЕ
ФАРС ХАЛКЪ БЛА АНЫ НАЗМУЧУЛАРЫ АЙТХАН АКЪЫЛ (УЧУКЪ) СЁЗЛЕ

Хурметли окъуучу, бу акъыл-учукъ сёзлени окъуп башлардан алгъа, санга бир-эки сёз айтыргъа сюеме. Бу китап – китапла китабыды, кёп айтхылыкъ чыгъармаланы инжи бюртюклеринден тизилген тамаша боюнчакъ. Аны жазгъанла – битеу адам улусуна белгили, фарс тилли шайырла, акъылманладыла – таматалары Рудаки IX-чу, кичилери Бахар а – XX-чы ёмюрде жашагъан. Айтхылкъ шайырла бла бирге, мында белгисиз акъылманланы къачан эсе да бирде айтхан акъыл сёзлери да бардыла. Ёмюрден ёмюрге, аууздан ауузгъа ёте, халкъ аланы бюгюннге дери, сыйлы кёрюп, сакълагъанды. Кесигиз билгенликден, акъыл-учукъ сёзлени бири да – нарт сёзлени да алагъа къошуп – не салым[1], не таза ахыр хакъ тюйюлдю. Кече кюнню ёнгюча[2], хар нени да эки бети-жаны. Бир бир акъыл сёзлени оюмлары, кёз къарамлары уа бизни бюгюннгю ангылауубузгъа чюйре окъуна келеди. Алай анга сейир этерге керек болмаз – андан бери, не азындан, XII ёмюр озгъанды. Алайды да, багъалы окъуучу, китапны ачханса, аны ахырына дери окъуп чыкъсанг, санга саугъа, манга уа насып болур деп умут этеме.

Ёлмезланы Мурадин


[1] Салым – тёре, закон.
[2] Ёнг – затны башха жаны, оборотная сторона.
Изменено: elbars - 24.03.2019 17:29:15

Ответы

elbars 20.06.2019 17:55:10
Сообщений: 2237
*
Мамырлыкъ керек эсе жаугъа,
Тёз да къой ууакъ-тюек даугъа.
Зынгырдасала уа къылычла,
Къоркъма, сен да яра къылычла.
(Саади)


*
Кючюнг пилни кючюча юч
Эсе да, алф жигит,
Уруш тохтап, къыйнамай кюч,
Мамыр жашау иги.
(Саади)

*
Бош жерде къылычха
Жабышхан, къабынып,
Кетучюдю къысха
Къылычдан къабылып.
(Джами)

*
Намысы кирсиз эрни, азат
Жюреги кючлю, аузу – таза.

*
Махтаныу зат болмай, сур
Базантур[1] улан къаты
Сермеше эсе, аты
Дайым махтаулу болур.




[1] Базантур – базгъын.
elbars 21.06.2019 20:37:22
Сообщений: 2237
*
Уруш тюзде сакълыкъ
Тюйюлдю къоркъакълыкъ.
Батыр болса къолунг,
Ма ол – керти къорунг.


*
Сабаннга соханг бла,
Къадырынг бла баргъын,
Къоймасала, сен къылыч
Мадарынг бла баргъын!


*
Тамам ючдюле, хау,
Эрликни шартлары:
Кертилик, сабырлыкъ,
Батырлыкъ – атлары.


*
Ётю болгъан къоркъуп къалмаз,
Сакълыкъ этген махтау алмаз.

*
Уруш – сёнгмез тажал,
Сытсанг, ёллюксе, жаш,
Къоркъман бла ажал –
Эгеч бла къардаш.

*
Къоркъманны кёзю къырау:
Журчукъну жуслан сунады.
Сакъ атлай келген гырнау
Киштикни аслан сунады.

*
Сёз бла этерикни
Къылычха буюргъанла,
Эслилелле дерикни
Тапмазла бизде ханла.
elbars 22.06.2019 18:31:10
Сообщений: 2237
XI . СЮЙМЕКЛИК-ГЪАШИК

*
Тюнене магъанасын
Кёрмедик сыйлы лалны.
Билмедик да багъасын,
Бюгюн тас этдик аны.
(Асади Туси)


*
Кёзден кетген кёлден
Кетип башлайды да,
Суууйду сюймеклик,
Ариу жашнайды да.
(Гургани)


*
Гъашиг а жол биледи
Жюрек тахха, тёрге.
Насып а аз келеди
Аны бла бирге.
(Гургани)


*
Гъашик бла шугу –
Жауладыла ала.
Шугу – ауур таш, хау,
Гъашиг а – мияла.
(Гургани)
elbars 23.06.2019 23:54:51
Сообщений: 2237
*
Гъашик сени жесир этип алдымы?
Жюрегинги жаннган отха салдымы?
Алай турма сен кёлкъалды болгъанлай.–
Сюймекликден ёзге насып къалдымы?
(Омар Хайям)


*
Хайран этгинчи башынгы, арман[1] дерти,
Андан билгенчигинг бек аз эди, керти.
(Хакани)


*
Гъашикден ёнгелеген,
Неда сюймеген ахыр да,
Хау, эртте ёлгенсе сен, –
Жокъ санга жылыу да, жыр да.
(Низами)




[1] Арман – тансыкълыкъ инжилиу, томление, тоска.
elbars 24.06.2019 18:55:01
Сообщений: 2237
*
Бир айтчыгъыз, омакъ сёзле неге
Керекдиле ариу сюйгенлеге?
Ушакъ эте эки жалан жюрек,
Толгъан айлы жарыкъ шошлукъ керек.
(Руми)


*
Бер жюрегинги эсли
Уланнга,
Жюрегин бере эсе
Ол санга.
(Саади)


*
Арман – саугъа. Уллу
Насыпды тузагъы.
Патчах аны къулу,
Къойчу да – къазагъы.
(Саади)


*
Сюймеклик имгекде[1] уланнга
Инжилеме:
«Дуньяда дарман жокъду анга,
Бош излеме».
(Саади)




[1] Имгек – къыйналыу, мука, мучение.
elbars 26.06.2019 22:21:20
Сообщений: 2237
*
Жашауунгу, тартынма да, келтир
Жюрек сюйгенинге толу.
Ансыз сени къула тюзге элтир
Сюймекликни жагъын жолу.
(Джами)


*
Жууапсыз эсе уллу
Гъашигинг, да не амал?
Болма сен аны къулу,
Къазагъа да. Кет да къал.
(Джами)


*
Сюйгенлени жюреклери
Къуру да бир шекли уралла.
Гюнахлары, терсликлери,
Жокъда да, къыйналып туралла.
(Джами)


*
Гъашик имгек
Къыйынды бек.
Алай ансыз
Жанмаз жюрек.
(Джами)
elbars 27.06.2019 20:11:47
Сообщений: 2237
*
Гъашиг а, хау,
Оюн тюйюл.
Бирде – жайнау,
Бирде уа – кюл.
(Кашиф)


*
Сюйгени тургъан юйге жете, батыр да
Къоркъаракъ болур, къалтырауукъ татыр да.
(Зебуннисо)


*
Гъашик – сантла тюшю тюйюл,
Акъыл бла шуёхду деп да.
Гъашик жаныуары асланды, пил. –
Ойнама, досум, безиреп да.

*
Саулукъ сууун ичип-тогъуп,
Санларынга сепген эсенг да,
Сен, досум, – адамны жогъу:
Сюймекликсиз ёлюпсе сен да.

*
Кёзюнг сайлагъан ариучукъ
Келтиреди жаланда жарсыу.
Жанынг сайлагъан а, – очукъ
Кёзюнге, кёлюнге да – асыу.
elbars 28.06.2019 18:16:43
Сообщений: 2237
XII . АДАМ КЪЫЯЛЫ[1]


*
Халынг, къыялынг да оуда,
Узакъ жайылады ууунг.
Болмазча къолунг бугъоуда,
Турсун бугъауда ачыуунг.
(Рудаки)

*
Намыс-къылыкъ билип,
Кесин ариу тутхан – жигит.
Онгсузлагъа кюлюп,
Тюйюп, жегип тургъан а – ит.
(Рудаки)


*
Будай ёсер, иги эсенг,
Аман эсенг – шинжи ёсер.
Къалай алай да, не сепсенг,
Аны береди дайым жер.
(Абу Шукур)


*
Шугу къыялынгды жауунг,
Кесинг да кёресе.
Барады кетип жашауунг,
Сен а юресе, юресе.
(Абу Шукур)




[1] Къыял – нрав.
elbars 29.06.2019 15:26:45
Сообщений: 2237
*
Хау, бир кере ажым этеди эр жалан да.
Эки кере уу къапмайды бир жан да.
(Абу Шукур)


*
Дауурда озгъур къылыч
Кенг тура турсун.
Къаугъаны ариу сёз тынч,
Тюзюне бурсун.
(Абу Шукур)


*
Гюнахы болгъан киши,
Дайым кир тёгюп,
Башханы осал ишин
Турмайды сёгюп.
(Фирдоуси)


*
Ингирлик жете эсе
Кюн, этек жыйып, кетеди.
Къутуруш, ачыу келсе,
Уялыу, айып кетеди.
(Фирдоуси)
elbars 30.06.2019 19:38:39
Сообщений: 2237
*
Уллу махтау да жигитден,
Уллу хурмет да,
Кетелле. Къыялы итден
Къачады бет да.
(Фирдоуси)


*
Кечгинлик тилегеннге
Тутма дерт.
Кеч да къой тенгнге, кенгнге,
Эрме деп.
(Фирдоуси)


*
Ким да жаз бахча салады,
Не салса – аны алады.
(Фирдоуси)


*
Шугугъа шугу этген тёреди,
Акъылман анда тюзлюк кёреди.
(Фирдоуси)


*
Къаргъыш – уллу акъылсызлыкъды,
Кенг бол сёзден, дертден, даудан.
Да не бек тийиншли къаргъыш да
Иги тюйюл тынгылаудан.
(Фирдоуси)
elbars 01.07.2019 19:30:33
Сообщений: 2237
*
Дерт тутуп турмаз, кечер да эр.
Шуёху, тенги анга хурмет этер.
(Фирдоуси)


*
Итча къутурдунг да, акъылынг, эсинг
Тот кесген къылыч кибик гумух,
Сюйдюмлю сыйдам бетинг а жух
Болдула. Да къалгъанын ойла кесинг.
(Фирдоуси)


*
Тёзюмлюк – тюзлюкню тамалы,
Аны кёпдю чыгъыш амалы.
Тёзюмсюз а, этер да къылыкъ,
Кётюрюр учузлукъ, сыныкълыкъ.
(Фирдоуси)


*
Ауруулагъа хорлатмай тур,
Кёзбау имгегине – бютюн да.
Къырслыкъ деген осал, ауур
Ауруу солутмайды бир кюн да.
(Унсури)
elbars 02.07.2019 20:50:48
Сообщений: 2237
*
Болур болуп кетди эсе, анга
Ажымсыныу себеп болмаз санга.
(Бейхаки)

*
Айырмайбыз терсни, тюзню,
Сёгебиз, бал къапханча.
Кёрсе эдик кесибизни,
Юрмез эдик биз анча.
(Бейхаки)

*
Къыял – адам халы – бизден таша,
Бийден, къулдан тюйюлдю:
Бутакъчыкъда ёселле жанаша
Шинжи да, байрымгюл да.
(Асади Туси)

*
Шугут эсенг бёрюча,
Сен уу чачаса, кир.
Элинг тынчлыкъ кёрюрча,
Тынсанг а, гамиж[1], бир.
(Асади Туси)

*
Къан тёкме сен, адам хатда
Жашамасанг, насып татмазса.
Ажым этгенликге артда
Жюрегинге тынчлыкъ тапмазса.
(Асади Туси)




[1] Гамиж – ничтожество.
elbars 03.07.2019 17:08:49
Сообщений: 2237
*
Шугут жолу къанлыды, чыкъма,
Адам эсенг.
Онгсузланы, уруп, ачытма,
Адам эсенг.
(Насир Хосров)


*
Бёрю бёрю эсе да, ол
Башхаланы жырта келгенди.
Эй, адам, сен аныча бол:
Кесингчаны ёлтюрме сен да.
(Насир Хосров)


*
Ачымасын не сёз, не къол
Жетип, жерде бир жан да.
Огъурлулукъ салады жол
Жюреклеге жалан да.
(Насир Хосров)


*
Ариулугъунг – огъурлулукъ,
Сени асыл этеди ол.
Огъурсузлукъ, осал къылыкъ
Этген эрге жетеди къол.
(Насир Хосров)
elbars 04.07.2019 18:30:08
Сообщений: 2237
*
Генезирни кёлтенлиги –
Палах. Ышанма сен анга.
Керек тюйюлдю тенглиги –
Ол жетдирир дертге, къаннга.
(Насир Хосров)


*
«Къарыулума, – деп кичиме, –
Неди ким да?!»
Табылыр сенден кючлюме
Дер залим да!
(Насир Хосров)


*
Кёлтенлиди бай улу, кесин
Тап жюрютмей, бездиреди, махтана.
Досум, не къадар толу эсе,
Ол къадар ийис этеди жахтана.
(Насир Хосров)


*
Къарыуунг алгъа ургъан,
Кючюнге махтанма бош.
Къарыусузлугъунгду шош
Ызынгдан келе тургъан.
(Насир Хосров)
elbars 05.07.2019 18:48:11
Сообщений: 2237
*
Намысы-сыйы болгъан бир жан да
Алдамаз: ала таза жашайдыла.
Адамла бир бирине жалан да
Адепликлери бла ушайдыла.
(Насир Хосров)


*
Тёзюм берсин Аллах, бирде
Кеси жангыз къалды эсенг.
Андан керти, иги да тенг
Тапмазса, досум, ёмюрде.
(Насир Хосров)


*
Кёк кёкде жарыкъ жулдуз бир кёп.
Туугъанлы адам кёкге багъады.
Биз тёзюмлюкню басхыч сюеп,
Бир кюн бир жетербиз алагъа да.
(Насир Хосров)


*
Харам адам – гырнау киштик –
Сени, керек болсанг, жокълар.
Жиляр ёксюз сабий кибик,
Амал табып да тырнакълар.
(Насир Хосров)

elbars 06.07.2019 21:33:35
Сообщений: 2237
*
Зарлыкъ аурууду. Сакъ,
Эсли болсанг иги.
Кёзбау жолу – батакъ,[1]
Къабыр – ахыр чеги.
(Насир Хосров)


*
Жаны баргъа чаян – ажал.
Аны да бил:
Шугу адам андан мажал
Тюйюл.
(Насир Хосров)


*
Болмаса керти сылтау,
«Кеч» деген къыйынды, хау,
Белингдеди къылычынг,
Не къаты къысса да жау.
(Гургани)


*
Не келсе да кёлюне,
Уятсыз аны этеди.
Бет дей билмегеннге не?!
Ышара-кюле кетеди.
(Гургани)




[1] Батакъ – мырды, жипи, болото, топь.
elbars 07.07.2019 16:49:59
Сообщений: 2237
*
Махтаулуду ат – кючю уллу,
Адамны уа акъылыды махтаулу.
(Санаи)


*
Сабырлыкъ – къалкъан,
Ачыу – болат семсер.
Экисинден къайсын
Этесе сен нёгер?
(Санаи)


*
Уруш бара, хыйсап этеди эр,
Махтанчакъны башы уа терк тюшер.
(Низами)


*
Хауру[1] болду юйюнг.
Алай кюйгенине
Жарсыгъанынг-кюйюнг,
Айт, не берликди, не?
(Низами)


*
Осал къылыкъларынг сени да бар,
Къутулмасанг, жашау санга да тар.
(Аттар)




[1] Хауру – кюл, кюлтюн, пепел, прах
elbars 08.07.2019 20:19:51
Сообщений: 2237
*
Къыллай эсе да къадарынг,
Мырыкъ[1] жюйюсханнга
Баш урма, тап да мадарын,
Ийилме сен анга.
(Аттар)


*
Жумушакъ сёзню къачы
Бир-бир аскерден кючлю.
Басымлыкъ, хошлукъ ачы,
Къурч да семсерден кючлю.
(Руми)


*
Алим хоншум: «Бети болгъан,
Кёлтен тюйюл, – деучюдю. –
Жалан да кёгети болгъан
Бутакъ ийилиучюдю».
(Саади)


*
Да бийикге чыкъгъанса,
Кёзбау этип,
Бирде жилярса ансы
Андан кетип.
(Саади)




[1] Мырыкъ – гнусный.
elbars 09.07.2019 19:06:04
Сообщений: 2237
*
Ачыу къылычына мычымай узалады,
Артда уа ажымы ауур, узакъ болады.
(Саади)


*
Къыйынлыкъла къорай, ачарса кёз.
Алай болур ючюн а, досум, тёз.
(Саади)


*
Салалыр эдинг къаугъачыгъа нохта,
Кесинги тыя билсенг, тохта.
(Саади)


*
Къажаулукъну отун жакъгъан,
Ол ким эсе да,
Бир кюн бир къусады къан,
Кеси да.
(Саади)


*
Тенглерине башдан аякъ
Уялмай, тынмай, кир тёгеди.
Сени да къоймайды аяп,
Сени да ызынгдан сёгеди.
(Саади)

elbars 10.07.2019 18:05:23
Сообщений: 2237
*
Кишини да аманлама,
Къардашым, не сёкме,
Кир оюн ойнайса хаман,
Сёз – къама: къан тёкме.
(Саади)


*
Къулпайны халал адам махтар,
Ол кесин хангуш сунуп тохтар.
(Саади)


*
Биреуню ачы, сылыкъ,
Кир аузун жапханча, сен
Кесинги тыя билсенг, –
Досум, олду асыллыкъ.
(Саади)


*
Терс тюйюл эсенг, къаты
Соруугъа сёзюнг жууапды.
Кир кийимлени къатын,
Кёр, таякъ ура, жууады.
(Саади)

*
Ол кёзбауду: тилинден тамады бал,
Сен аны махтаууна къууанма да – уял.
(Аухададдин Аухади)
elbars 11.07.2019 19:14:42
Сообщений: 2237
*
Не бетинг бла угъай,
Не да бир жугъунг бла –
Адам, аламатса жай
Огъурлулугъунг бла.
(Амир Хосров)


*
Тёзюм хорламлагъа ачады жол.
Талан а, – ызындан келеди ол.
(Хафиз)

*
Татлыкъсыныргъа керек тюйюл,
Кесинги бир аламат сунуп.
Алданнганма мен да, тенгим, гюл
Дегеним артда мурса болуп.
(Хафиз)

*
Къарыулу – бай-бий тюйюл,
Къарыусуз а – мигидил.
Ол къадарына шукур –
Ханды, къул а – къырс мугур.
(Хафиз)

*
Къуллукъ кётюрмейди чынты эрни
Даражасын,
Эр кётюреди ол къуллукъ жерни
Даражасын.
(Джами)
elbars 12.07.2019 18:05:25
Сообщений: 2237
*
Табыш[1] болгъан жер табылады,
Алай а аллай жер – даулукъ.
Ырайымынг[2] мууал болады,
Татлы шуёхлугъунг – жаулукъ.
(Джами)


*
Тёзюм ташы бла сен эрт[3], нафсы[4]
Къошунунгу ууат да къой.
Гамиж къарангылыкъ чарсын
Билим бла къорат да къой.
(Джами)


*
Къуллукъ, алтын, кёзбау,
Къырслыкъ, чокун,[5] махтау
Эшек эталмагъан –
Чынты кишиди, хау.
(Навои)


*
Тёзюмю болгъан эрни
Селирекди арманы.
Имгеги да сел, эрти
Нафсысы да аз аны.
(Хилоли)




[1] Табыш – файда, корысть.


[2] Ырайым – милость, милосердие.


[3] Эрт – похоть.


[4] Нафсы – страсть.


[5] Чокун – поклон, поклониться в пояс.
elbars 13.07.2019 19:59:00
Сообщений: 2237
*
Ол акъмакъ болур: къуру да
Ышармиш этип турады.
Къоз женгил эсе – къуруду.
Тал къуруп эсе – пурады.
(Хилоли)



*
Ариулукъ насып эсе да,
Бир кеси уа азды. Гюл
Кюнча ышарса, кюлсе да,
Хайбатсыз[1] а жукъ тюйюл.
(Хилоли)


*
Озгъурса, къыз. Онгуп къалыр
Бирде ариу бетинг, гюллей.
Айбатлыгъынг мууал болур:
Озгъур сырынг – къургъакъ желлей.
(Хилоли)


*
Къарама сен жалан да тюрюне.
Къыйын тюйюлдю базарда алданыргъа.
Кёзюнг къарап омакъ иерине
Ашыкъма ат, эшек болса да алыргъа.
(Алишах Самарканди)




[1] Хайбат – ариу ийис.
elbars 14.07.2019 21:14:24
Сообщений: 2237
*
Сыйлы абанг бла киресе тёшекге да,
Бек омакъланаса, махтана.
Бош гынттылыса ансы, эшекге да
Къапларгъа болукъду герхана.
(Бедиль)

*
Душманым гыжырды[1] деп,
Бош тюйюлсе, досум, сакъ.
Гитчечик эсе да, дерт
Жетдирир къойчу бичакъ.
(Бедиль)

*
Жилтин дерти учхан жерде –
Бушуу, къаугъа, палах, оу-шау да.
Къумдан ургъан къургъакъ желде
Салам тишлей жанады тау да.
(Бедиль)

*
Сагъай, бир бош элли дертли эсе,
Бютюн да къоркъ эсли эсе бузукъ.
Чыракъ жалын этип тебиресе,
Андан ачы, къара да жокъду жукъ.
(Бедиль)

*
Бек ариуду къыз тюрю,
Алай кем эсе нюрю –
Жокъ аны уятчыгъы.
Не ариу эсе да гюл,
Ол ингил, тазий[2], тюйюл,
Жокъ эсе тамчы чыгъы.
(Бедиль)




[1] Гыжыр – гитче, алаша адам.
[2] Тазий – свежий.
Изменено: elbars - 14.07.2019 21:15:09
elbars 15.07.2019 19:17:26
Сообщений: 2237
*
Къызчыкъ, намыслыса, бек
Тийиншлисе махтаугъа.
Ариулукъ – таза жюрек,
Ол къызгъа уллу саугъа.
(Бедиль)

*
Зар, кюйюк адам
Бир къамамайды,
Къан тёгер хатам
Деп къарамайды.
(Асири)

*
Кесинде эслемеген халны адам
Бютюн да сюймейди башхалада.

*
Иги билебиз халларын, –
Ол телиге тёреди. –
Юсюндеги зиянларын
Башхалада кёреди.

*
Башхагъа кёзюнг –
Къуш, кече – уку.
Сора нексе сен
Кесинге зукку[1]?




[1] Зукку – алас, ауана кёрген.
elbars 16.07.2019 20:10:11
Сообщений: 2237
*
Жаугъа кечсенг эртте
Тюшен жараланы,
Зауукълугъу дертден
Кем, аз тюйюл аны.


*
Керир да имбашларын эр
Жетген кюнде,
Къылыч тагъып, атын жерлер –
Жетген кюнде.

*
Шугу уа уу жилянды
Жюрегингде,
Уят аны жалан да
Жетген кюнде.

*
Аман бла жашайды зар.
Ёлсе – анга къабыр да тар.

*
Намысынгы сакълай,
Сен жанынгы да бер.
Уруш тюзде алай
Этеди дайым эр.

*
Кёлтенлик, къырслыкъ, эртлик,
Тилчилик – была дертлик.

*
Сакъ бол, чаян урур.
Ургъан а, амалы
Алай болуп угъай –
Осалды къыялы.


*
Нафсыларын хорлаялгъан –
Эрди, айыпсыз къалгъан.
elbars 17.07.2019 17:54:30
Сообщений: 2237
XIII . ЮЙЮР

*
Олду эм иги къатын –
Жашлыгъы узакъ кетген
Къарт болса да, сыфатын
Чал эри жулдуз этген.
(Фирдоуси)

*
Жаш атасыны халын,
Къылыгъын алса – иги.
Кёп къууандырыр халкъын
Къылычы, эслилиги.
(Фирдоуси)

*
Къатынынг – ишинг кырты –
Дерт тутхан эсе санга.
Сынатыр да жаханим,
Сукъланырса жиляннга.
(Гургани)

*
Да кетеди дуньядан
Ёкюне, тыкъсый, жиляй,
Сабийи тентек адам
Не да къатыны жилян.
(Асади Туси)
elbars 18.07.2019 19:22:41
Сообщений: 2237
*
Къатыннга хурмет
Этерге борчлуду.
Сабийге да бет
Этерге борчлуду.
(Насир Хосров)

*
Сени ананг игиди, хау,
Жерде башха аналадан,
Бергенди да санга жашау,
Андан артыкъды аладан.
(Руми)

*
Сабийинги сюе эсенг,
Миндирме чырт да башынга.
Бирде аны тюе эсенг,
Тюй, дерс болурча жашынга.
(Саади)

*
Сен гёдюсе[1] да – кирде.
Къатынынг, кюе, азар.
Ол, тёзе кетип, бирде
Ёз тазалыгъын бузар.
(Аухададдин Аухади)

*
Бир къолгъа эки харбыз
Сыйынмаз.
Жюрекге да эки къыз
Сыйынмаз.




[1] Гёдю – развратный, распутный
elbars 19.07.2019 19:41:10
Сообщений: 2237

*
Атангы ангыларса анда –
Жашынг къыйнагъан заманда.


*
Тырмансыз, сёзсюз къатын,
Эриши эсе да:
Ол – созгъан сары алтын,
Ариука – кеси да.


*
Жашды къатынчыкъ, да ким
Сукъланмаз ариу жаннга.
Къартайгъанды деп кишим,
Ол къарайды уланнга.


*
Намысы-сыйы болгъан къатын
Айтдырмаз аман бла атын.


*
Тиширыучукъ ариу эсе –
Насып. Алай анга жюрек
Ариулугъу да бёленсе,
Анда болады ол мёлек.
elbars 20.07.2019 18:46:42
Сообщений: 2237

*
Сакъ бол – жашыса – ананга.
Хурмет да эт, разы да бол.
Кемсиз да сюй аны: санга
Ёшюн салып тургъанды ол.

*
Алайды жюрюген адет:
Бошха урушма, урма.
Сабийинги къаты юйрет,
Алай кёлюн сындырма.

*
Уланы сырлы эсе, таза
Атасыча ким
Къууанады? Досум, абаза[1],
Сер жаш – жаханим.

*
Жашы тели, шугу къыял эсе,
Ата-ана насыплары туманды, кюл.
Артыкъ бармакъча, ол керек тюйюл,
Алай ачытырыкъды бек, кесе.




[1] Абаза – тели.
Читают тему (гостей: 1)

Форум  Мобильный | Стационарный