Дайте, пожалуйста,ссылочки или даже стихи на родном языке. Заранее благодарна!!!

Ханума

Биджиланы Асхат

БОРАН

Боран буруб, боранлаб,
Ёрге-энгишге чабады,
Джанлы къойну сюргенча,
Къарны сюрюб барады.

Къар да, борандан къоркъуб,
Ышыкълагъа къысылад.
Ууакъ-ууакъ джыйыла,
Аны арты кюрт болад.

Юйге къонакъ болургъа
Сууукъ боран сюеди.
Адам эшик ачмаса,
Эшиклени тюеди...




Анам алгъан чана бла
Мен баргъанма агъачха
Чанагъа назы жюклеп
Къайтып келдим ызыма

Энди жасайма аны
Жулдуз салдым башына
Тюбюне саугъа салдым
Аны берликме анама

эти стихи мы уже учим

Мая
Аллах кюч-къарыу берсин

Ханума
сайбол, кюч-къарыу точно керекти, времени- то совсем мало

мы тоже не нашли пока ничего , хоть сама сочиняй), может есть еще стишки)?

Карачаевскийчиле, бери бир талай назмучукъ джазыгъыз, халкъны джалындырмагъызда

Ханума
Карачаевскийчиле болмаса джазаргъа боллукъмуду?
Боран, къобуб боранлаб,
Юй оджакъда сарнайды,
Ана да джашын бёлеб,
Былай айтыб джырлайды:

- Тынчы боран, улума
Сен тюз оджакъ тешикде,
Балам къалкъыб турады,
Отджагъада, бешикде.

Тынмай эсенг, боран, сен
Баламы уятаса.
Кючден тынчайгъанем мен,
Тынчлыгъымы бузаса

Чаначыкъ
(Магаяева Аминат)

Мен чаначыкъ, чаначыкъ,
Къарда, бузда учама,
Чёрчек сабий минcе уа,
Джыгъылыб да къалама.

Бек тиклени сюймейме, Т
аммам къызыб кетеме,
Тыялмайма кесими,
Хатала да этеме.

Суу джагъада, къапхакъда,
Мине турмагъыз манга,
Къардан буздан да ётюб,
Ёчме суугъа чынгаргъа.

Таб джерледе минсегиз,
Мен да джууаш болама,
Къайры салсагъыз да джол,
Эринмейин барама.



Эгешчик бла къарнашчыкъ
(Магаяева Аминат)

Гитче добар балачыкъ
Бешигинде джукълайды.
Эгешчиги Алачыкъ,
Аны къатын сакълайды.

Къарнашчыгъын Алачыкъ
Тамам кемсиз сюеди,
Бирде сынгсый тебресе,
Ариу айта биледи.

Тебретеди бешигин
Джукълар заманы джетсе,
Эмизигин береди,
Балачыкъ къылыкъ этсе.

Ойнатады эринмей,
Ол джукъусундан тойса,
Аналары рахатды
Экисин бирге къойса.





Балий терекчик
(Магаяева Аминат)

Орнатханды Муратчыкъ
Гитче балий терекчик.
Ол алгъанды тюкенден
Гитче къолан челекчик.

Липичикге барады
Эки кере хар кюнде.
Суу келтириб къуяды
Эртденде эм ингирде.

Кюн иссиде терекге
Суу къуймайла, биледи,
Кюнден кюнге балийчик
Мийик ёсюб келеди.

Эки джылдан балийчик
Уллу терек боллукъду
Андан ора юсю да
Гоккаладан толлукъду.

Битерикле тизилиб
Къыппа-къызыл балийле,
Келликдиле къонакъгъа
Муратчыкъгъа сабийле.




Джулдузла
(Магаяева Аминат)

Джолоучула, алимле
Кече алагъа къарайла,
Хар бирини аты бар,
Бирер затха джарайла.

Джулдузладан толуд кёк,
Ала кюнден бугъалла,
Ашхам къараннгъы келсе
Къотарылыб чыгъалла.

Къаллай бирдиле ала?
Белгисизди санлары,
Джарыкь, мутхуз, гитче, уллу,
Бирча тюлдю халлары.

Сейирликле джулдузла,
Сиз да къарай туругъуз.
Къайсы къалай болгъанын,
Уллулагъа соругъуз.




Кишиуум
(Магаяева Аминат)

Кишиу, кишиу, кишиучукъ,
Мыйыкъларынг акъчыкъла.
Кишиу, кишиу, кишиучукъ,
Ууртларынг токъчукъла.

Кишиу, кишиу, кишиучукъ,
Орундукъдан бери тюш.
Анам какчыкъ этгенди
Сеннге къойгъанбыз юлюш.

Кишиу, кишиу, кишиучукъ,
Джукълагъанынг боллукъду.
Баш къагъыб турсанг былай,
Кюн бузулуб къаллыкъды.




Агъач къоянчыкъ
(Магаяева Аминат)
Агъач къоян терекде
Уясындан къарайды,
Чёртлеуюкле джыйгъанды,
Энди аланы санайды.

Тюлкю чарсха чабады,
Джер сибире къуйругъу.
Хыйлачыгъа не истем
Табигъатны буйругъу.





Тайчыкъ
(народное)

Мийик тауда джашайма,
Арпа, бичен ашайма,
Арба, чана тартама,
Ары-бери джортама





- Парий, неге юресе?
- Бёрюлени къоркъутама.
- Парий, къуйругъунгу нек къысханса?
- Берюледен къоркъама.

- Кишиу, кишиу!
- Мяу, мяу!
- Ачмы болдунг?
- Хау, хау!
- Не ашайса?
- Джау, джау!
- Джатаса, мурулдай,
Джукълайса, хурулдай.
Чычханланы къоймайса,
Этлеринден тоймайса.




Мусукаланы Сакинат

- Туугъан кюнюмде манга
Берликдиле саугъала:
Уллу гинжи, чурукъла,
Къышха жылы уюкъла,
Сары къолан кёлекчик,
Резин баулу кёнчекчик,
Тап сырылгъан чыптама...
Бёрюге у а - хатлама! ?




Скороговорк

ОЙ, АЙМЕЛЕК, АЙМЕЛЕК


Ой, Аймёлек, Аймёлек,
Джыйылгъанбыз бир белек.
Ойнарыкъбыз бир кесек.
Сырт юсюнде тал терек,
Къурманлыкъгьа мал керек,
Къонакълыкъгьа къой керек,
Къобузчу джокъ - той керек.
Эл ныгьышда уллу той,
Эл башында - белек къой,
Къашха къойну тут да сой,
Сюрюучюге юлюш къой.

ДЖАУ, ДЖАУ, ДЖАУ, ДЖАНГУР!..

Джау, джау, джау джангур,
Булутланы сау, джангур,
Джаулу гюттю берейим,
Сабан битим кёрейим.
Къуй, къуй, къуй, джангур,
Иссиликни джуу, джангур.
Къуймакъ, къалач берейим,
Ындыр толуб кёрейим.
Кюл гюттюле туурайым,
Чыпчыкъ болуб учайым,
Суу сюммекден уртлайым!..



КЪАКЪ, КЪАКЪ, КЪАКЪ, КЪАРГЬА

Къак, къакъ, къакъ, къаргьа,
Къанатланы къакъ, къаргьа,
Къулагъы, кёзю сакъ къаргьа,
Къамиш тюбге чаб къаргъа,
Къамиш тюбюн къарма да,
Къамиш мынчакъ такъ къаргъа,
Тереклени аула да,
Бизге алма ат, къаргъа.

Сылпагъарланы К.





Акъбашланы Мухаммат

Алан миллет болуб эки,
Бирер атны алдыла.
Биртилни этибэки,
Алимле айыб алдыла.



Акъбашланы Мухаммат

Итчигим

Атам меннге къоланчыкъ,
Тюклю итчикалгъанды.
Ол - бир эсли, бир сакъчыкъ,
Арбазгьа ие болгьанды.

Адам келсе арбазгьа,
Хау-хау этиб чабады.
Кече-кюн деб джокъ анга,
"Аскер къуллукъ" барады.

Ашчыкъ къуйсам табакъгъа,
Шап-шуп этиб джалайды.
"Менме сизни сакълагъан!"-
Деб хамхотун сылайды.




Семенланы Аминат

Сынты элим

Сынтыдача кирсиз хауа
Джокъду бир элде.
Башха къаиры барсам да,
Сынты турад эсимде.
Мен сюеме Сынты элни,
Багъалыды ол манга.
Мен кесими элими
Ауушдурмам башхагьа.



БИЗНИ КИШИУ

Бизни Кишиу чычханладан
Юйню, арбазны сакълайды.
Хатачыны туталса,
Истемейге барады...

Текеланы Азрет



Джантотайланы Алина

АНА ТИЛИМ

Ана тилим - анамы тили,
Ана джюрекни татлы сёзлери.
Анам тили ? мени тилим,
Унутмайыкъ биз ана тилни.
Ана тилим - татлы тилим,
Сюе билейик биз ана тилни.



Эбеккуланы Фатима

Кючюкчюк

Кючюк, кючюк, кючюкчюк,
Салпыкъулакъ, тюключюк.
Бек сюеди ойнаргъа,
Сюед болса кючлючюк.

Мен сюеме Кючюкню,
Ойнайма аны бла.
Мени кёрсе, аллыма
Чабады ол томала.

Кючюк адамгъа нёгерди,
Ангылайды иесин.
Керти Парий болургъа
Хазырлаиды кесчигин.



Бедраланы Зухра

МЕНИ ЭЛИМ

Бир джанында ? ариу къая,
Бир джанында ? сейир къала.
Ортасында ? кюнлю тала,
Арасында ? Сынты элим.




Эсеккуланы Фатима


Киштикчик


Менде барды киштикчик:
Ол бир ариу, кирсизчик,
Кёзчюклери тум-къарачыкъ,
Иесине ушагъанчыкъ.



Ижаланы М.

АНА ТИЛ

Къарачаи тил, ана тил,
Сенсе бизни тилибиз!
Ана тилим, баба тилим,
Сенсе баилыкъ, сыйыбыз!




Аджиланы А.

КИРПИЧИК

Кирпи, Кирпи, Кирпичик,
Гитче джуммакъ кирпичик.
Кеси бурху болса да,
Урунургъа тиричик.

Джитиинесырт кирпичик
Терек тюбде бугьады.
Эте къышны оноуун,
Алма, кертме джыяды.

Акъыллыды кирпичик,
Амал таба биледи:
Джаратханын сыртына
Илиндириб элтеди...



Эрикгенланы Рада

ТЕБЕРДИ

Ким да таныгъан
Теберди элим,
Кавказ тёрюнде
Тамаша джерим.

Сен ёсдюргенсе
Къойнунгда мени,
Анамы кибик
Сюеме сени.

Назлы, наратлы
Бурма чегетинг,
Таурухдачады
Сыйлы келбетинг!..

Кёкге узала
Акъбаш тауларынг,
Джырлай агъыучу
Чокъуракъ сууларынг.

Шохлукъ, къарнашлыкъ
Болуб иннетинг,
Кавказ тёрюнде
Джашайса, элим!



игра

КЪАЗЛА БАА БЁРЮ
(Орусчадан)

Къазчы: Къазла, къазла!
Къазла: Гъо-гьо-гьо!
Къазчы: Ашарыгьыз келемиди?
Къазла: Хо-хо-хо!
Къазчы: Сора юйге къайтыгъыз!
Къазла: Тау этекде кёк бёрю
Бизни юйге иймейди!
Къазчы: Сора учуб джанлагъыз,
Къанатланы сакълагъыз!

(Къазла, бёрю бир джанына бу-рулгъанын мараб туруб, учуб юй таба къачадыла, бёрю сюреди. Туталса, тутады, туталмагьанлары къу-туладыла. Тутулгьанла оюндан чыгьа барадыла. Оюн кёб сабий тутулгьун-чу барады. Оюн "джолда сакъ джю-рюгюз, джолда кесигизни эслеб ту-тугьуз, уллу кёллю болмагьыз" деген оюмну береди).

Аламат назмула! МашаАллах!

пожалуйста, подскажите стихотворение для подруги)
хотелось бы обрадовать ее

Ищу песни в исполнении детей на карачаевском языке, желательно с хорошим вокалом, кому-нибудь попадались?

Ханума
была такая песенка-загадка, аллай-быллай, аллай-быллай! Кимди ол? Къоянчикъ, къоянчикъ! Ее пел, правда на балкарском, Исмаил Жанатаев с детским хором. Спилбергден сорсакъ, билирге керекди. И ритм хороший.


ПС: С хорошим вокалом дегенинг неди?

Ее пел, правда на балкарском, Исмаил Жанатаев с детским хором
энди сенге да мы барды башхасы?))))))))))
NN_NN
где детки поют обученные, может музшколы, а не самодеятельность.

песни в исполнении детей на карачаевском языке,
Ханума

NN_NN
говорю карачаевский, подразумеваем...родной

БАРМАКЪЛА
Башчылары ? баш бармакъ,
Джол кёргюзген ? башала,
Эм узун ? орта бармакъ,
Ызындан ? сансыз бара,
Гитче бармакъ ? шохайчыкъ,
Барысын да айтыб чыкъ.

Джашдан туугъан джашчыгъым барды деген адетден тышындамыды,огъесе алай айтыргъа болады?

Къушджетерланы Айшат

КЪАРА СУУЧУКЪ

Джаз алада, боркъулдай,
къара суучукъ чыгъады,
кёз къамата, джылтырай,
ойнай, кюле, саркъады.

Ханс ичинде джашына,
джолчукъ таба биледи,
ташчыкълада абына,
джарыкъ таууш этеди.

Цитата
Айшат пишет: Къушджетерланы Айшат КЪАРА СУУЧУКЪ Джаз алада, боркъулдай, къара суучукъ чыгъады, кёз къамата, джылтырай, ойнай, кюле, саркъады. Ханс ичинде джашына, джолчукъ таба биледи, ташчыкълада абына, джарыкъ таууш этеди.

Айшат, къалай иги назмучукъду))). Тамам сабийлеге джарагъан))), тынч окъулады, къууандырадды (радостныйчикди)))

Айшат,
ас–саляму алейкум.))) Сени назмуларынгы сагъынайым деп, кирген эдим, кеч къалдым бу жол. )) Кесинге да, назмуларынга да тансыкъ этгенсе, Айшат.

shaudan,
У алейкум Ассалям! Сау бол))

Кюн тууушда кишиучукъ,
Хурулдаб джукълайды.
Юсю таза, ариучукъ
Кюнде джылтырайды.
Кёзчюклери къысылыб,
Бир зат мурулдайды.
Тёгерекчик бурулуб,
Тюшюне къарайды.
Кишиу, кишиу, кишиуум,
Башчыгъын сылайма.
Татлы чукъла, кишиуум,
Мен сенге джырлайма.

Кущетерова Айшат.

Айшат,
«Тюшюне къарайды» деген тизгиннге бир къол жетдирирми эдинг дейме. Тюш кёреди... Огъесе, жангыламы турама? Тюшюне къарайды дерге боламыды, ишеклиме.

Айшат, «Къыш бузла кёлню кебге джыйгъанча...» назмуну стилинде жазгъанынг бармыд? Алай жаратама ол назмунгу, Есенин эсиме тюшеди.)

Цитата
Айшат пишет: shaudan, У алейкум Ассалям! Сау бол)) Кюн тууушда кишиучукъ, Хурулдаб джукълайды. Юсю таза, ариучукъ Кюнде джылтырайды. Кёзчюклери къысылыб, Бир зат мурулдайды. Тёгерекчик бурулуб, Тюшюне къарайды. Кишиу, кишиу, кишиуум, Башчыгъын сылайма. Татлы чукъла, кишиуум, ДЖУКЪЛА Мен сенге джырлайма. сЕН+НГЕ Кущетерова Айшат.

Тюшюне къарайды - хорошее выражение. - смотрит свой сон

Sabr,
ас–саляму алейкум. Сау болугъуз, Билал, терсине бура тура эдим.

Цитата
shaudan пишет: Sabr, ас–саляму алейкум. Сау болугъуз, Билал, терсине бура тура эдим.

Салам .Бош къошулдум - Айшатны не айтырын сакъламай. Назмуда кемликле джокъмудула?

Sabr,
Айшат мен юйретир керекли тюйюлдю. ) Тюшюне къарагъанны юсюнден бир ангыламагъаным барды, не да болсун, алай а аны къоямы турайым, дейме.