Навигация

Elbrusoid.org

Словарь

Ёлген эшек бёрюден къоркъмайды.
Джылар джаш, атасыны сакъалы бла ойнар.
Джарлы эскисин джамаса, къууаныр.
Джеринден айырылгъан – джети джылар, джуртундан айырылгъан – ёлгюнчю джылар.
Тойгъан джерден туугъан джер игиди.
Телини эшигин, махтау джабар.
Сагъыш – къартлыкъгъа сюйюмчю.
Адебни адебсизден юрен.
Адамны аты башхача, акъылы да башхады.
Адам сёзге тынгыла, акъыл сёзню ангыла.
Ана къолу ачытмаз.
Адамны джюреги нени кёрюрге сюйсе, кёзю да аны кёрюрге ёч болады.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эшекге миннген – биринчи айыб, андан джыгъылгъан – экинчи айыб.
Джырына кёре эжиую.
Аман адамны тепсинге олтуртсанг, къызынгы тилер.
«Ёгюз, джаргъа джууукъ барма, меннге джюк боллукъса», - дегенди эшек.
Атадан ёксюз – бир ёксюз, анадан ёксюз – эки ёксюз.
Ат басханны джер билед.
Биреуню эскиси биреуге джангы болмайды.
Ач къарынны, токъ билмез
Ёлген ийнек сютлю болур.
Башда акъыл болмаса, эки аякъгъа кюч джетер.
Къаллай салам берсенг, аллай джууаб алырса.
Акъыл неден да кючлюдю.
Аманны эки битли тону болур, бирин сеннге кийдирир, бирин кеси киер.
Къайтырыкъ эшигинги, къаты уруб чыкъма.
Ашхы адам – халкъ байлыгъы, ашхы джер – джашау байлыгъы.
Элиб деген, элге болушур.
Эртде тургъан бла эртде юйленнген сокъуранмаз.
Ауругъан – джашаудан умутчу.
Джырчы ёлсе, джыры къалыр.
Айтханы чапыракъдан ётмеген.
Къарнынг тойгъунчу аша да, белинг талгъынчы ишле.
Башы джабылгъан челекге, кир тюшмез.
Эринчекге кюн узун.
Арыгъан къош чамчы болур.
Телиге акъыл салгъандан эсе, ёлгеннге джан салырса.
Айныгъанлы алты кюн, тогъайгъанлы тогъуз кюн.
Атлыны кёрсе, джаяуну буту талыр.
Ханнга да келеди хариблик.
Къарт бла баш аша, джаш бла аякъ аша.
Окъ къызбайны джокълайды.
Хатерли къул болур.
Ашлыкъ – бюртюкден, джюн – тюкден.
Аджашханны ызындагъы кёреди, джангылгъанны джанындагъы биледи.
Мал тутхан – май джалар.
Джырчы джырчыгъа – къарнаш.
Эринчекни аурууу – кёб.
Ана къойну – балагъа джандет.