Расширенный поиск
24 Апреля  2019 года
Логин: Регистрация
Пароль: Забыли пароль?
  • Атадан ёксюз – бир ёксюз, анадан ёксюз – эки ёксюз.
  • Кёз – сюйген джерде, къол – ауругъан джерде.
  • Тешик этген тынчды, аны джамагъан къыйынды.
  • Ашхылыкъ джерде джатмайды, аманлыкъ суугъа батмайды.
  • Байлыкъ тауусулур, билим тауусулмаз.
  • Уллу къазанда бишген эт, чий къалмаз.
  • Сакъ юйюне сау барыр.
  • Ишин билген, аны сыйын чыгъарады.
  • Аууздан келген, къолдан келсе, ким да патчах болур эди.
  • Агъач халкъгъа алтынды, иссиликге салкъынды.
  • Адамны аты башхача, акъылы да башхады.
  • Джумушакъ терекни къурт ашар.
  • Акъылсызны джууукъгъа алма, акъыллыны кенгнге салма.
  • Къыз тиширыу кеси юйюнде да къонакъды.
  • Аманнга алтын чыдамаз.
  • Джюрекге ариу – кёзге да ариу.
  • Аман эсирсе, юйюн ояр.
  • Адамны аманы адамны бети бла ойнар.
  • Ётюрюкню къуйругъу – бир тутум.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Джюрекден джюрекге джол барды.
  • Кютгени беш эчки, сызгъыргъаны уа, джерни джарады.
  • Иги адамны бир сёзю эки болмаз.
  • Арба аугъандан сора, джол кёргюзтюучю кёб болур.
  • Ишлерге уял да, ашаргъа табма.
  • Къатын къылыкъсыз, эр тынчлыкъсыз.
  • Аманнга да, игиге да оноусуз къатышма.
  • Хунаны тюбюн къазсанг, юсюнге ауар.
  • Сёз – кюмюш, джыр – алтын.
  • Азыгъы аз, алгъа къабар, аты аман, алгъа чабар.
  • Ач келгенни – тойдур, кеч келгенни – къондур.
  • Джиби бир къат джетмей эди да, эки къат тарта эди.
  • Ётюрюкчюню шагъаты – къатында.
  • Болджал ишни бёрю ашар.
  • Тилде сюек болмаса да, сюек сындырыр.
  • Тил – кесген бычакъ, сёз – атылгъан окъ.
  • Суугъа – таянма, джаугъа – ийнанма.
  • Бек анасы джыламаз.
  • Ачлыкъ отха секиртир.
  • Адамны джюреги нени кёрюрге сюйсе, кёзю да аны кёрюрге ёч болады.
  • Хар сёзню орну барды.
  • Къолу уллу – асыу, аягъы уллу – джарсыу.
  • Адеб базарда сатылмаз.
  • Джахил болса анасы, не билликди баласы?
  • Дуния аламаты сен эсенг да, игиме деб айтма.
  • Хоншуну тауугъу къаз кёрюнюр, келини къыз кёрюнюр.
  • Кийим тукъум сордурур.
  • Ашатыргъа иш – ашхы, ишлетирге аш – ашхы.
  • Ариу сёз джыланны орнундан чыгъарыр.
  • Къонагъынгы артмагъын алма да, алгъышын ал.

Rashid Kurdanov

4 Июля 2012

Фотографий - 71