Alla ^_^ / Альбомы пользователей / Alla
| 20 Апреля | 2024 года |
Навигация
- Дуния аламаты сен эсенг да, игиме деб айтма.
- Уллу къазанда бишген эт, чий къалмаз.
- Эки къатын алгъан – эки ташны ортасына башын салгъан.
- Адебсиз адам – джюгенсиз ат.
- Ач бёрюге мекям джокъ.
- Ач, тоймам, дейди, тойгъан, ач болмам, дейди.
- Къайгъы тюбю – тенгиз.
- Адамгъа аман кюн соруб келмейди.
- Тас болгъан бычакъны сабы – алтын.
- Билимсиз иш бармаз.
- Огъурлуну сёзю – суу, огъурсузну сёзю – уу.
- Айранын берсенг, челегин да къызгъанма.
- Тойгъандан сора, ашны сёкме.
- Иги сеники эсе да, сюйген кесимикин этеме.
- Ариу – кёзге, акъыл – джюрекге.
- Къошда джокъгъа – юлюш джокъ.
- Окъдан джара эртде-кеч болса да бителир, сёз джара, ёмюрге къалыр.
- Абынмазлыкъ аякъ джокъ, джангылмазлыкъ джаякъ джокъ.
- Ётюрюкден тюбю джокъ, кёлтюрюрге джиби джокъ.
- Бёрю да ач къалмасын, эчки да ашалмасын.
- Нарт сёз къарт болмаз.
- Ашхы болсанг, атынг чыгъар, аман болсанг, джанынг чыгъар.
- Ашыкъгъан cуу, тенгизге джетмез.
- Иги адамны бир сёзю эки болмаз.
- Тау башында, тау болмаз, джангыз терек, бау болмаз.
- Тойгъан джерге джети къайт.
- Хар зат кесини орнуна иги.
- Кютгени беш эчки, сызгъыргъаны уа, джерни джарады.
- Келлик заман – къартлыкъ келтирир, кетген заман – джашлыкъ ёлтюрюр.
- Адеб этмеген, адеб кёрмез.
- Илму – джашауну джолу.
- Кёбню кёрген – кёб билир.
- Бюгюн дуния кибик, тамбла ахыратды.
- Къалгъан ишге къар джауар.
- Чакъырылмагъан къонакъ тёрге атламаз.
- Рысхы джалгъанды: келген да этер, кетген да этер.
- Насыблы элин сюер, насыбсыз кесин сюер.
- Аз сёлешген, къайгъысыз турур.
- Ашха уста, юйюнде болсун
- Эри аманны, къатыны – аман.
- Аманнга алтын чыдамаз.
- Джан саулукъ бермей, сан саулукъ бермезсе.
- Джеринден айырылгъан – джети джылар, джуртундан айырылгъан – ёлгюнчю джылар.
- Тёрени джагъы джокъ.
- Къонакъ кёб келюучю юйню, къазаны отдан тюшмез.
- Дуния малгъа сатылма, кесингден телиге къатылма.
- Мал ёлсе, сюек къалыр, адам ёлсе, иши къалыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Сангырау къулакъ эл бузар.
- Акъыллы эркиши атын махтар, акъылсыз эркиши къатынын махтар.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
