Расширенный поиск
24 Января  2018 года
Логин: Регистрация
Пароль: Забыли пароль?
  • Бойнуму джети джерден кессенг да, мен ол ишни этеллик тюлме.
  • Кёпюр салгъан кеси ётер, уру къазгъан кеси кетер.
  • Бёрю да ач къалмасын, эчки да ашалмасын.
  • Джахил болса анасы, не билликди баласы?
  • Ётюрюк хапар аякъ тюбю бла джюрюйдю.
  • Ётюрюкден тюбю джокъ, кёлтюрюрге джиби джокъ.
  • Ариу сёз аурууунгу алыр.
  • Таукелге нюр джауар.
  • Садакъачыны джаны – къапчыгъында.
  • Башланнган иш битер, къымылдагъан тиш тюшер.
  • Аджалсыз ёлюм болмаз.
  • Ётюрюкню башын керти кесер.
  • Билмезни кёзю кёрмез, этмезни къулагъы эшитмез.
  • Экеулен сёлеше тура эселе, орталарына барыб кирме.
  • Сёз сёзню айтдырыр.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Кийимни бичсенг, кенг бич, тар этген къыйын тюлдю.
  • Сабыр джетер муратха, сабырсыз къалыр уятха.
  • Эм ашхы къайын ана мамукъ бла башынгы тешер.
  • Уясында не кёрсе, учханында аны этер.
  • Ашына кёре табагъы, балына кёре къалагъы.
  • Тенги кёбню джау алмаз, акъылы кёбню дау алмаз.
  • Аманнга игилик этсенг, юйюнге сау бармазса.
  • Ашхы адам – халкъ байлыгъы, ашхы джер – джашау байлыгъы.
  • Адамны бетине къарама, адетине къара.
  • Аманны къуугъан, аманлыкъ табар.
  • Дуния мал дунияда къалады.
  • Ач да бол, токъ да бол – намысынга бек бол.
  • Джерни букъусу кёкге къонмаз.
  • Эртде тургъан бла эртде юйленнген сокъуранмаз.
  • Элге къуллукъ этмеген, элге ие болмаз.
  • Акъыл аздырмаз, билим тоздурмаз.
  • Орну джокъну – сыйы джокъ.
  • Къозулугъунда тоймагъан, къойлугъунда тоймаз.
  • Сакъалы текени да бар, мыйыгъы киштикни да бар.
  • Соргъан айыб тюлдю, билмеген айыбды.
  • Окъугъан озар, окъумагъан тозар.
  • Тёгюлген тюгел джыйылмайды.
  • Рысхы джалгъанды: келген да этер, кетген да этер.
  • Намыс сатылыб алынмайды.
  • Тюз сёз баргъан сууну тыяр.
  • Джети тилни билген джети кишиди.
  • Эри аманны, къатыны – аман.
  • Кюлме джашха – келир башха.
  • Ётюрюкню къуйругъу – бир тутум.
  • Кесинге джетмегенни, кёб сёлешме.
  • Ургъан суудан башынгы сакъла.
  • Ата джурт – алтын бешик.
  • Кюн кёрмеген, кюн кёрсе, кюндюз чыракъ джандырыр.
  • Чыбыкълыкъда бюгюлмеген, къазыкълыкъда бюгюлмей эди.

Алан той Кёнделен элде

15.04.2017

Фотографий - 112