Расширенный поиск
5 Декабря  2021 года
Логин: Регистрация
Пароль: Забыли пароль?
  • Ашыкъгъан cуу, тенгизге джетмез.
  • Къая джолда джортма, ачыкъ сёзден къоркъма.
  • Кёпюр салгъан кеси ётер, уру къазгъан кеси кетер.
  • Керилген да, ургъан кибикди.
  • Кёлю джокъну – джолу джокъ.
  • Сууда джау джокъ, кёб сёзде магъана джокъ.
  • Ётюрюкчюню шагъаты – къатында.
  • Эки итни арасына сюек атма, эки адамны арасында сёз чыгъарма.
  • Къазанда болса, чолпугъа чыгъар.
  • Адамны адамлыгъы къыйынлыкъда айгъакъланады.
  • Къыз келсе, джумуш эте келеди, къатын келсе, ушакъ эте келеди.
  • Ач отунчуну ачыуу – бурнунда.
  • Агъач халкъгъа алтынды, иссиликге салкъынды.
  • Аман хансны – урлугъу кёб.
  • Къарт айтханны этмеген, къартаймаз.
  • Аман киши кеси юйюнде – къонакъ.
  • Сагъышы джокъ – джукъучу, акъылы джокъ – къаугъачы.
  • Аш иеси бла татлыды.
  • Адамны сыфатына къарама, сёзюне къара.
  • Экеу тутушса, биреу джыгъылыр.
  • Джарашыу сюйген – джалынчакъ.
  • Къонакъ аман болса, къонакъбай джунчур
  • Таш ата билмеген, башына урур.
  • Тешик этген тынчды, аны джамагъан къыйынды.
  • Кимни – тили, тиши онглу, кимни – къолу, иши онглу.
  • Эки къатын алгъанны къулагъы тынгнгаймаз.
  • Джогъун бар этген, барын бал этген.
  • Бозанг болмагъан джерге, къалагъынгы сукъма.
  • Бермеген къол, алмайды.
  • Эр абынмай, эл танымаз.
  • Ёлмесенг да, къарт дамы болмазса?
  • Джашынгы кесинг юретмесенг, джашау юретир.
  • Ач келгенни – тойдур, кеч келгенни – къондур.
  • Аджашхан тёгерек айланыр.
  • Бастасын ашагъан, хантусун да ичер.
  • Уллу атлама – абынырса, уллу къабма – къарылырса.
  • Арбаз къынгырды да, ийнек сауалмайма.
  • Тилчи тилден къаныкъмаз.
  • Байны къызы баймакъ болса да, юйде къалмаз!
  • Керти сёзге тёре джокъ.
  • Миллетни бойну – базыкъ, аны бла кюрешген – джазыкъ.
  • Тиширыусуз юй – отсуз от джагъа.
  • Къаллай салам берсенг, аллай джууаб алырса.
  • Огъурлуну сёзю – суу, огъурсузну сёзю – уу.
  • Билимсиз иш бармаз.
  • Джырына кёре эжиую.
  • Ашаса, ашамаса да, бёрюню ауузу – къан.
  • Аджал соруб келмез, келсе, къайтыб кетмез.
  • Эринчекге кюн узун.
  • Иги адамны бир сёзю эки болмаз.

Вечер, посвященный дню Возрождения Балкарского народа 28.03.2010 г.

Фотографий - 42