Цитата |
---|
Tinibek пишет:
Küzgü degenley, örgede Küzgü jurnalda çıkgan cazıula salınnganedi. Bizde negese de kitapla, jurnalla alınadı igi okunmaydı, bılay karap ne aşhı ne igilik Karaçaynı üsünden kitapla cazıladı dep, cazganla da saubolsunla deybiz.. Küzgü'nü çıgarganla milletin süygen adamladıla dep turama.. Ala bile cazılganla tüz bolurla dep sagış etkenesele, Karaçay Malkarnı üsünden cuk bilmegenle bıllay cazıulanı okusala Karaçaynı üsünden igi tüşünük bolmazla, bılaylaga da sagış etilirge keregedi.. |
Küzgünü юсюнден айтханда, аны чыгъаргъанлада гюнях жокъду, миллетин ала тенгли сюйген болмаз, журналны къуралгъанына да шагъатма, статья журналны эм биринчи номеринден алыннганды. Ол заманда Къарачай бла Малкъарны юсюнден табылгъан хар затчыкъ да бек багъалы кёрюне эди. Бурху бурху жыйылгъан, Ата журтларына уллу тансыкълыкъ, сюймеклик бла этилген ишди.
Кертини айтханда уа - Тюркде жашагъан халкъыбызны кёбю, алимлени айтмай, миллетибизни тарыхын жангы юйрене келеди, ол журнал чыкъгъанда уа Тюркдегиле угъай, мен окъуна кертимиди ётюрюкмюдю там ангылаялмагъан эдим. Аны себепли бир устазыма да кёргюзтген эдим. Аллай зат болгъанмы эди деп соргъан эдим. Угъай дегенден сора, Кюзгючюлеге да айтып жарсытхан эдим.
Башда Айшат айтханлай тема бираз бир бирибиз бла кюрешиуге кёчюп къалгъанды. Бусагъатда даулашхандан, терсни - тюзню айыргъандан хайыр жокъ. Кюзгюден бетлени да ма къарагъыз да энтда бир кере налат беригиз деп салмагъанма, алимлерибизден билген бар эсе, китаплагъа, башха бир источниклеге таянып, Уфукга маданиятлы бир халда терс болгъанын ангылатырын излегенме. Уфукну терслиги болгъанын да сунмайма, ким кеси къанына биле - биле кир жагъар аны сагъышын да этейик. Тилеригим, керексиз затла ючюн бир биригиз бла тюйюшмегиз, эм онгу болгъан, тарых жаны бла да окъууу, не да иги билими болгъан адам аны жазгъанларына чюйре келген шагъатла келтирсин, адамгъа жангылгъанын ангылатсын, тюйюшсюз, ангылайышлы. Аны бла миллетибизге да, алимибизге да болушурукъсуз.Мени оюмума кёре, жангылгъанын ангыласа Уфук, терс жазгъанларын тюзетирикди.