Сау болугъуз

Сау болугъуз Билал.Кесим Къоркъмазладанма атым Рамазанды.

дунияда багъалынг,
джашау джолда дагъанынг.
Ана атны джюрютген,
адеб намыс юретген.

санаб къолунгдан келмез,
хар этгенин Ананы.
джашауда киши сюймез,
Анасыча баланы.

узакъ джолгъа атлансанг,
алгъыш этеди ананг.
джукълаб чыкъмайды таннга,
сагъыш этеди саннга.

Ана къачын кёреик,
насыб саулукъ теджейик.
рахатлыкъда джашайыкъ,
разылыгъын табайыкъ.

Ана джюрек тынчлыкъ билмейд
Ана джюрек от кибик кюйед.
Баласына мыдахлыкъны иймейд
суукъ кюнде кюн кибик тийед.

Ана джюрек ангылайды,кечеди
баласыны терс атламын,джууабын
кече-кюню сагъышлада кетеди,
алгъыш къатлай атдырады тангларын.

Ана джюрек тохтамасын талмасын,
кёб джылланы рахатлыкъда ётдюрсюн.
баласындан къууаннганы къалмасын.
туудукъларын адетдеча ёсдюрсюн.

Кюеме,ёлеме,

ичесе,кетеме.
Мени атаса,
джюрек джараса.

Къалдым отоууда,
джангыз олтура.
Кечем сагъышда,
тюнюм къайгъыда.

Керек болмам,
болдум харам.
Кетсин заман,
ёлюб къалмам.

Атыб кетдинг,
антынга джетдинг.
Энди эсим-
джёнгерим-кесим

Берекет, салам алейкум,сау бол

Берекет, Салам,ангылагъанма айтылгъанны барында,энди кереклисича эте турама болгъан назмуланы.

къара сууну къатында,
субай къызны эследим,
баралмадым ариучукъну къатына,
кесиме "джунчумасын" дедим

кече айлыды джарыкъды,
джюген салайым атыма,
танг джолда атарыкъды,
толу болайым антыма.

джамчы алыб къолума,
узакъ джолума тебрейим.
миндириб тору атыма,
Зуриданы къачырыб кетейим.

къууанчыма элчилерим келсинле,
ойнасынла тепсесилле кюлсюнле,
алгъыш аякъны къолларына алсынла,
джангы юйюрге алгъыш айтсынла

хоншу элде джашайса,
тынчлыгъымы алгъанса,
къара чачса,субайса,
джюрегимден бошайса.

болмасамда къатынгда,
хаман тансыкълаб турама,
аскерде чекни сакълайма,
ётген кюнлени санайма.

заман бир сейир акъырын барад,
Зульфия менден узакъда,
хар атхан тангым джукъусуз атад,
сен джокъса мени къатымда.

элге къайтханлай заман созмазма,
сени юйюнге атларма,
атанг бла ананг разы болсала,
юйюме алыб барырма.

Sabr, салам алейкум. оруслула айтханлай начнём сначала

къууанч келгенди бюгюн элиме,
къыз къачыргъанбыз багъалы тенгиме.
келигиз джашла той оюн этеик,
къызла бла бирге абезек тебсейик.

келин отоууда мюйюшде къубула,
къыз джёнгерлери къатында олтура.
бу джаш юйдеги бир бирин англаб,
кёб джашасынла болуб тынч рахат.

акъсакъаллада тёрде олтура,
миллетибизге алгъышла айталла.
джаш адамлада адетде келгенча,
эришеди ууатыб базукъла.

джангы юйюрге алгъыш этеик,
насыб бла саулукъ алагъа тилеик,
бир бирине дагъан болсунла.
дуния палахдан кенгде къалсынла.

биринчи куплет джаш экинчиси къыз барагъанын англагъан болурсуз Аллах айтса

тюппе тюз айтаса,башха зат керекди алайгъа.

Кергелен, салам,бир къауумланы кёллери къалады алай этмеда ма былай эт десенг,менде аллай зат джокъду, айтылгъаннга тынгылагъан этеме.Аны ючюн джазама бери.

терс затланы айта, ёрете барсагъыз, менда анга кёре терслени тюзете барлыкъма. кёл къалды зат болмай

"сагъышла"-эм биринчи ишимди:

чууакъ кёкню къара булут басханлай,
эсимден кетмейле сагъышла.
ортабызны не бузгъанын англамай,
кесиме сорама соруула.

акъ тауланы басхан кибик булутла,
башымы басханла сагъышла.
джюрегимде къалгъанд сыфатынг,
эсимден кетмейди къарамынг.

менден башха бар болурму бир джашынг,
джюрегинги ариу сёз бла алдагъан,
кёз аллымда турад хаман чырайынг,
энди сени ызыма къайтаралмам.

бир сейирди кесинги джюрютгенинг.
менден башха болгъан кибик сюйгенинг,
ариулугъу джюрегингден бошагъан,
экибизде ортаны бузгъан.

кёргенимде къарамынгда англатды,
джюрегингде болмагъанын башханы,
ант этерем сёзлериме ийнансанг,
эм насыблы этерме-мени бла болсанг.

ийнанама сени ант сёзлеринге,
огъай тюльме болургъа бирге,
биз бир-бирибизге ышансакъ,
джашауубуз ётер тынч-рахат.

бир джарыкъ къууанчда тюбедик,
бирге ойнадыкъ тебседик,
мени къоюб кетдинг элинге,
Роза атынг къалды эсимде.

Роза Роза Роза хаман эсимде,
неми да берирем болсанг биргеме,
Роза Роза Роза илеш сен менге,
насыблы этерме ийнан сёзюме.

эсимде турады чырайынг,
тынчлыгъымы бузгъанд къарамынг.
джукъусуз болгъанла кечеле,
не мадар этеим джюрекге?!

къууанама кёргеним сайын,
сагъышда атады тангларым,
эки джюрек болурча бирге,
къачырыб элтеим юйюме

къарачай миллетни тарихи башланнган джерге,
кёб къонакъ келеди Къартджурт,Хурзук,Учкулан ёзенге,
кетиб тебреселе тилейдиле Аллахдан,
насыб бер деб энтда тансыкъларын алырча Къарачайдан.

мийик тауланы ортасында орналгъан,
сау дуниягъа ариулугъу айтылгъан,
къонакъбайынг Архыз,Теберди,Доммай,
минг джылланы джаша джашна Къарачай.

тау башлада ойнайдыла кийикле,
къушларынгда учадыла мийикде,
табигъатны ариулугъу ёмюрге,
къонакъланы къаллыкъдыла эсинде.

бир джарыкъ къууанчда тюбедик,
бирге ойнадыкъ тебседик,
мени къоюб кетдинг элинге,
Роза атынг къалды эсимде.

Роза Роза Роза хаман эсимде,
неми да берирем болсанг биргеме,
Роза Роза Роза илеш сен менге,
насыблы этерме ийнан сёзюме.

эсимде турады чырайынг,
тынчлыгъымы бузгъанд къарамынг.
джукъусуз болгъанла кечеле,
не мадар этеим джюрекге?!

къууанама кёргеним сайын,
сагъышда атады тангларым,
эки джюрек болурча бирге,
къачырыб элтеим юйюме.

Ызы къалын болсун китабынгы Сафар,къарачайда сакълайбыз!

Бек аламат