Вот такие у нас люди работают)))

Спеть, станцевать, спрограммировать, сыграть (хоть в футбол, хоть на фортепиано)...

Фатиму Ибрагимовну Байрамукову, мастера слова на карачаево-балкарском языке, знают все и вот уже много лет мы имеем честь называть ее своей коллегой!

Но у нас растет и новое поколение, новое поколение способное сказать свое талантливое слово..


Марияшка, с победой тебя!

Да-да, форумчанка Sagal - наша коллега и девушка по имени Салпагарова Мариям Джетуловна (а звучит-то как! Мариям Джетуловна ) получившая I-я премию (ЛИТЕРАТУРНАЯ ПРЕМИЯ КАРАЧАЕВО-БАЛКАРСКИХ ПИСАТЕЛЕЙ ИМЕНИ ИСМАИЛА СЕМЁНОВА) за нестандартное поэтическое мышление и образность языка в цикле представленных на конкурс стихотворений «Хар неда кёзюу».

Мариям, желаем самой полной реализации твоих творческих возможностей!

Крымшамхаловские чтения

П.С. А тортик мы ждем))))))))))))))

А вот, собственно, стихи нашей молодой поэтессы, которой всего .... 19 лет!))


Къарачайгъа

Бу суу сурат ариу джерге
Аллах айбат тамгъа джакъгъанды:
Джандет хауа ийиб серге,
Шам табигъат джанны бакъгъанды.

Кёзбау таурух джаныуарла:
«Бизники!» - дегенча джорталла.
Инсанла уа… О, инсанла!
Багъа бермейин, сый тарталла –

Тилибиз, деген джокъ болса!
Джерибиз, деген тауусулса!
Сора халкъ: «Биз а?» - деб сорса –
Къуру сёз бла думп-тас болурса!

Абадан кичи тёлюню
Джаз хансны эзгенча эзеди!
Зарлыгъы бла кёлюню
Боллукъ умутланы кеседи!

Не боллукъбуз, джандет хауа,
Миллет бир аман къуджур къынлыд?
Не джазыкъдыла бу таула!
Мен а таулу къыз – не къыйынлы!

Алай а мен къарачайны
Энтда мийикге кёлтюрюрме!
Мени къанымы тамалыд
Къарачай! – кёкде кёргюзюрме!

Энд кертида эшитеме
Къарачайны мыдах ауазын:
«Болалмайма, къызым, кетеме!» -
Шыбырдайд ол меннге акъырын.

Къарачай, къайрыса, тохта!
Джырчы Сымайылны сёзю уа?
Сеннге болгъанды ол нохта,
Къара джарыкъ кёзюнг бла!

Тохта, Къарачай, хорлатма!
Къоркъма, мен табарыкъма амал!
Сени къутхарлыкъ атмай-сатмай
Биз барбыз табарыкъ мадар!

«Къарачайлы?» - деген соруу –
«Мен да! Мен да!» - деб джууаб табарча.
Инсанла къарачай тору
Эм хурметли болгъанын англарча…

30.03.2013 дж


Бу уялмагъан Москва!

Нахму болгъанымы билеме,
Бош муратны саугъагъа
Къагъыт кеме этиб берме!
Бу уялмагъан Москва!

Къатымада энди келме,
Ойнаргъа заман таба,
Кёзлени джашырма эрлей!
Бу уялмагъан Москва!

Чакъыр мени Къарачайгъа!
Ёмюрлюк сёзюнгю бер!
Бу уялмагъан Москва
Эсден къатыш тюшча кетер!

Шарыб кюнню уялтаса,
Аны къойда бир къара!
Назмучукъну джылатханса…
Ц, бу уялмагъан Москва!

Къарачай бла бир солур эд,
Къудас чачлы назмучукъ…
Кёк хауагъа учунур эд
Тау мийикликге учуб!

Къоркъуб джыртхыч къанатлыдан,
Чыртда ышаргъанны къойма!
Аллынга чабыб джардан
Кетиб къалыб, учханды, къоркъма!

Кел, десе, келирге сюймей
Чыпчыкъ джюрекни сындыргъанса!
Назмучукъса, деб, бир кюлме!
Да сен джити тишли къапханса!

Энди назмучукъ джыламайд,
Арыгъанды ийнана!
Энди къанатла салалмайд
Бу уялмагъан Москва!

29.03.2013 дж.

Сакълагъан

Сюеме сени,
Сюеда болмазма!
Джер тегереги
Джарыкълыкъгъа базмай!

Биреулен айтды:
«Шо, бир кетме, джаным!» -
Буз сослан ташны
Джылыуун ачалмай…

Биреулен барад
Джазыу ызындан терк,
Ийнаныб къарайд:
«Болуб барама сер!»

Бармакъ бла бетге,
Терезеге джангур…
Хайда, эрирге,
Сен а сакъла да тур!

Эрийд булут агъа,
Эрийле сёзлеринг,
Ахсыныу, саукъал,
Эм кём-кек кёзлеринг.

Титиретген вальс
Джау чыракъча эрийд!
Джюрегим бираз
Тилейди: «Бакъ мени…»

Бакъма – уч кёкге,
Кюкюреб джаннганча!
Шым кече сёкген
«Саукъал» атылгъанча!

Ынгычхасын джюрек…
Не болсада бол!
Сез бла да тиймем.
Къалтырайды къол.

Огъесе, кюлкю…
Ит болдум сакълай!
Джыламукъча кюн,
Эсириб… Малай!

О! Алгъышлайма, Марьям!
Бек аламат хорлам!
Билсем конкурсда болгъанынг, хорларынгы алындан да айтырыгъем, тюз селешсенгда назмула айта тургъанга ошагъанынг ючюн)))
Анданда уллу дараджалагъа джет, джашаунг болсун даулет!

Мариям, алгъышлайма! "Акътамакъ" кафеде да джазгъанма, быллай хорламларынг аллында кёб болсунла! Пусть это будет старт для дальнейших достижений!

Мариям, поздравляю! Желаю достичь еще больших вершин и никогда не останавливаться на достигнутом!
п.с. а какие словесные обороты и сочетания! если честно, еще не сталкивалась с молодежью, столь хорошо владеющей родным языком

Алгъышлайма!

Мои поздравления, Марьям))

Алгъышлайма!
Бу алгъышлау чот бла былай кеч нек къалдыгъыз? Чтенияла болуб бошагъанлы бир эки кюн да ётген ушайды да?))

Бу темада Сагалны ким болгъанын да билдик, алай а никин магъанасы неди эке? Мен бир сагал сёзню уа билеме, алай а ол магъана бла аны никге сайларыкъ болмаз эди дегенча болама)) не да форумчу эгечибиз бек кесин энгишге тутханладанды))

Алгъышлайма, ызы къалын болсун А кимди Марьям? фото в студию

Поздравляюя восхищен(с)

Марияша Еще раз прими поздравления. Молодечик! Гордимся тобой!




Председатель жюри Абдуллах Бегиев вручает премию и грамоту Мариям Салпагаровой



Мариям читает свое стихотворение "Бу уялмагъан Москва"

Цитата
Мэй пишет: а какие словесные обороты и сочетания! если честно, еще не сталкивалась с молодежью, столь хорошо владеющей родным языком

+1))

Алгъышлайма, ызы къалын болсун!
Хайыры да миллетибизге джетсин!))

Цитата
Totur_Ram пишет: Билсем конкурсда болгъанынг, хорларынгы алындан да айтырыгъем, тюз селешсенгда назмула айта тургъанга ошагъанынг ючюн))) Анданда уллу дараджалагъа джет, джашаунг болсун даулет!

Кесинг да назмула бла джазыб башладынг дейме))))

Цитата
Неуловимая пишет: ЛИТЕРАТУРНАЯ ПРЕМИЯ КАРАЧАЕВО-БАЛКАРСКИХ ПИСАТЕЛЕЙ ИМЕНИ ИСМАИЛА СЕМЁНОВА

Аллайыбыздамы барды?

Кстати, Шамильхан скромно в сторонке стоит, он тоже один из обладателей премии этого конкурса)))

Кстати , мой стих СЕННГЕ (хотя она изначально имела другое название) участвовавший в конкурсе, которую я посвятил своей сестре , троюродной, тоже зовут Салпагарова Мариям )))) Поэтому могу сказать , что я рад за нее как за сестру не только , потому что она с Малого Карачая)))))) Энтда алгъышлайма , землячка!))

От всей души поздравляю!
Марьям, ты просто умничка! Аллах фахмунгдан къуандырсын!

Шамильхан, пользуясь случаем, поздравляю! Так держать!Ребята! Ждем новых достижений и наград! Вы молодцы!!!

Алгышлайма!



Мариям, Аллах фахмуунгу къатлатсын! заманнга атларын хорлатмагъан, белгили джазыуучулагъа къошсун!



Мариям, сени бла джууугъуракъ танышыргъа излейме!

Алгъышлайма!) Ызы къалын болсун!

Поздравляю! Больших побед и новых свершений!)))

и мои поздравления!

Поздравляю Мариям с победой!
Хотелось бы увидеть видео, где она сама читает свои стихи, если возможно.

Алгъышлайма! Молодец)

Мен да алгъышлайма ызы къалын болсун!

Стихи, которые принесли нашей Марияшке победу!


МЕН – ХАУАЧЫКЪМА

Джандетден къысталгъан Адам бла Хауаны
Туудукъларыма мен. Хауачыкъма.
Терекден юзгенме алманы...
Джюрегим – джаланды, ачыкъды.

Хауачыкъма. Кёрюнмесем да – барма.
Солургъа хауа джетмей тебресе,
Алай излериксе мени,
Алай кюсериксе мени.
Бюгюн а – эслемейсе мени. Мен а – барма.

ДЖАШАУ БЛА ЁЛЮМ

Иги тюлмюдю ёлюб кетген
Джашлай, гюнахсызлай.
Башлагъанем кетерге алай –
Ким тыйды, не тыйды, нек тыйды мени?

«Кёрюрюн кёрмей – кёрюне кирген»
Къауумгъа къыйналала бек.
Не ючюн? Нек?
Джашагъандан аманмыды ёлген?

Кесим ючюн тюйюл,
Мени сюйгенлени къыйнамаз ючюн
Джашаугъа къайытханма мен.
Мен сюйгенле, мени сюйгенле
Ёлселе уа –
Мени да тыяллыкъ тюйюлдю киши.

БУ ТАУЛАГЪА КЁЗЮМ ДЖЕТГЕНЛЕЙ

Бу таулагъа кёзюм джетгенлей,
Сени сагъыныб тебрейме мен.
Не болгъанды? Джаным, къайдаса?
Къыйнайса сен мени, къыйнайса!!!

Сау дунья да тас болуб къалгъанча,
Бютеу адамла мени унутханча…
Сени сакълайма кече да, кюн да!
Сенсе мени тюшюм, тюнюм да!

Огъай, огъай! Излемейме мен сени!
Керек тюйюлдю магъанасыз ийнаныу!
Сакъла, насыблы эт, джаным, кесинги!
Уллу Аллах берсин сенга чексиз къарыу.

Мени уа эсинге да тюшюрме!
Унут, джаным, сюйген эсенг да унут!
Энди мен ол тели къызчыкъ тюйюлме –
Этме да къой менден умут.

Энди сен мени кёрсенг да танымазса.
Джылла ётюб кетгендиле ёретинлей
Мени къатыма келирге да базмазса!
Мен а… мен а турама сюйгенлей!

НАЗМУ ОКЪУРУМ КЕЛЕДИ СЕННГЕ

Эй, таулу джашчыкъ, кёзюме бир къара!
Башымы тас этдим болурму, дейме…
Ненча заманны тураллыкъса мени мараб?
Джашил кёзлеринги бир кёрсем кетерме.

Назму окъурум келеди сенга!
Ол а, билеме, игиге тюйюлдю!
Неге тартаса быллай бир кесинге?
Экибизни ортабыз бютеу ёмюрдю!

Кёзлеринги энишге ийсенг да,
Кирпиклеринг белги джиберелле!
Эшик аллында ышарылыб сирелсенг да,
Кюн таякъла кеслерин дженгдирелле!

Мен таулу къыз! Къалай болду алай?
Сени джашил кёзлеринге сукъланама!
Тылпыуум тыйылад сени ызынгдан марай!
Къалам алсам кёзлеринги суратын салама!

Назму окъурум келеди сенга!
Ол а, билеме, игиге тюйюлдю!
Неге тартаса быллай бир кесинге?
Экибизни арабыз бир ёмюрдю!

Алгъышлайма! Ызы къалын болсун!

Неуловимая,

Маляк,

Чуана,

Айза,

Девушка Гор,

Шамильхан,

КёлКёз,

Shine,

Mariame,

Dalila,

Beleza,

Джокер,
Всем, кто меня поздравил - огромное СПАСИБО! мне очень приятно... просто чертовски приятнооо!!!!