Расширенный поиск
26 Сентября  2018 года
Логин: Регистрация
Пароль: Забыли пароль?
  • Уллу сёлешме да, уллу къаб.
  • Ач къалгъандан, кеч къалгъан къолай.
  • Телиге акъыл салгъандан эсе, ёлгеннге джан салырса.
  • Адам туугъан джеринде, ит тойгъан джеринде.
  • Зар адамны насыбы болмаз.
  • Джырчы ёлсе, джыры къалыр.
  • Тилде сюек болмаса да, сюек сындырыр.
  • Тилчи бир сагъатха айлыкъ хата этер.
  • Акъыл неден да кючлюдю.
  • Адамны сабийин сюйген джюреги, бычакъча, джитиди.
  • Билим ат болуб да чабар, къуш болуб да учар.
  • Намысы болмагъанны, сыйы болмаз.
  • Нарт сёз къарт болмаз.
  • Къартны бурнун сюрт да, оноугъа тут.
  • Аманны тукъумуна къарама, игини тукъумун сорма.
  • Къыз келсе, джумуш эте келеди, къатын келсе, ушакъ эте келеди.
  • Аллахха ийнаннган кишини, Аллах онгдурур ишин.
  • Ёгюзню мюйюзлери ауурлукъ этмейдиле.
  • Арба аугъандан сора, джол кёргюзтюучю кёб болур.
  • Биреуге аманлыкъны тилеме да, кесинге ашхылыкъны тиле.
  • Кёбню кёрген – кёб билир.
  • Терслик кетер, тюзлюк джетер.
  • Ёпкелегенни ашы татлы болады.
  • Ач бёрюге мекям джокъ.
  • Къарнынг бла ёч алма.
  • Окъдан джара эртде-кеч болса да бителир, сёз джара, ёмюрге къалыр.
  • Джиби бир къат джетмей эди да, эки къат тарта эди.
  • Ач къарынны, токъ билмез
  • Насыблы элин сюер, насыбсыз кесин сюер.
  • Тенги кёбню джау алмаз, акъылы кёбню дау алмаз.
  • Аллахдан тилесенг, кёб тиле.
  • Чакъырылмагъан къонакъ тёрге атламаз.
  • Ышармагъан – кюлмез, кюлмеген – къууанчны билмез.
  • Ишленмеген джаш – джюгенсиз ат, ишленмеген къыз – тузсуз хант.
  • Адамны джюреги нени кёрюрге сюйсе, кёзю да аны кёрюрге ёч болады.
  • Тёгюлген тюгел джыйылмайды.
  • Таш ата билмеген, башына урур.
  • Игиге айтсанг – билир, аманнга айтсанг – кюлюр.
  • Айтылгъан буйрукъ, сёгюлмез
  • Хар сёзню орну барды.
  • Иги сеники эсе да, сюйген кесимикин этеме.
  • Адамны артындан къара сабан сюрме.
  • Баш болса, бёрк табылыр.
  • Мени джылытмагъан кюн, меннге тиймесин!
  • Арыгъан къош чамчы болур.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Ёлген аслан – сау чычхан.
  • Окъугъанны бети джарыкъ.
  • Чакъырылмай келген къонакъ сыйланмай кетер.
  • Къыз тиширыу кеси юйюнде да къонакъды.
Страницы: 1
ДЖАЗЫУЧУЛАРЫБЫЗГЪА АЙТАМА:, «Эльбрусоид» сайтны, ма бу форумну нек хайырландырмайбыз?
 
Салам алейкум, къалам тутхан багъалы къарнашларым, эгечлерим!

«Газетибиз джокъ, журналыбыз джокъ, сагъышларыбызны, оюмларыбызны айтырча сахнабыз джокъ» деб, джылау этиб турабыз. «Эльбрусоид» сайтны, ма бу форумну нек хайырландырмайбыз?

Джаш тёлюню юретейик, джаш тёлюден да юренейик — биригиб, халкъыбызны сакълар джанындан кюрешейик.

Ол затха бизни миллет ёкюлюбюз-депутатыбыз Тоторкъулланы Алий къууаннган болмаса, чырмау боллукъ тюлдю. Алгъаракълада огъуна Алий анга разылыгъын билдирген эди.

«Эльбрусоид» сайт айтыр сёзю болгъаннга хазыр электрон сахнады. Аллай мадар бола тургъанлай, аны бла хайырланмасакъ - «халкъ бла сёлешир таблыкъ, мадар джокъду» дегенибизге ким ийнаныр?

Огъесе, къарачай-малкъар джазыучуланы энчи бир сайт къурар акъыллары болуб, мен билмей тура болурмамы? Аллай онг бар эсе, анга да ким огъай дейди. Не эсе да, оюмугъузну айтсагъыз, иш орнундан тебер.
Иги муратларыбызны Аллах берсин.

Былайда кёрюшюрбюз деген умут бла,
къаламдашыгъыз Лайпанланы Билал
 
?!
 
Билал, бу акъылынг да бек тюздю, алай жазыучуларыбыз тынгылауну ийип турлукъдула ансы. Ала бери киредиле, окъуйдула, болсада ёз затлары бла шагъырей этгенни къой, ушакъгъа да къатышмайдыла. Мени сартымдан, ёз халкъын, аны жаш тёлюсюн, культурасын, литературасын, тилин-динин тергемегенликди ол. Бек иги боллукъ эди аз-аз жангы назмуларын, кёчюрмелерин, къысха хапарларын басмалай турсала. Аллахны ахшылыгъындан, бери кирип, аз-кёп болса да, окъугъанла бардыла.
Страницы: 1
Читают тему (гостей: 1)

Форум  Мобильный | Стационарный