ДЖАЗЫУЧУЛАРЫБЫЗГЪА АЙТАМА:

ДЖАЗЫУЧУЛАРЫБЫЗГЪА АЙТАМА:

Sabr 01.08.2016 04:27:32
Сообщений: 7254
Салам алейкум, къалам тутхан багъалы къарнашларым, эгечлерим!

«Газетибиз джокъ, журналыбыз джокъ, сагъышларыбызны, оюмларыбызны айтырча сахнабыз джокъ» деб, джылау этиб турабыз. «Эльбрусоид» сайтны, ма бу форумну нек хайырландырмайбыз?

Джаш тёлюню юретейик, джаш тёлюден да юренейик — биригиб, халкъыбызны сакълар джанындан кюрешейик.

Ол затха бизни миллет ёкюлюбюз-депутатыбыз Тоторкъулланы Алий къууаннган болмаса, чырмау боллукъ тюлдю. Алгъаракълада огъуна Алий анга разылыгъын билдирген эди.

«Эльбрусоид» сайт айтыр сёзю болгъаннга хазыр электрон сахнады. Аллай мадар бола тургъанлай, аны бла хайырланмасакъ - «халкъ бла сёлешир таблыкъ, мадар джокъду» дегенибизге ким ийнаныр?

Огъесе, къарачай-малкъар джазыучуланы энчи бир сайт къурар акъыллары болуб, мен билмей тура болурмамы? Аллай онг бар эсе, анга да ким огъай дейди. Не эсе да, оюмугъузну айтсагъыз, иш орнундан тебер.
Иги муратларыбызны Аллах берсин.

Былайда кёрюшюрбюз деген умут бла,
къаламдашыгъыз Лайпанланы Билал
Sabr 06.08.2016 16:07:07
Сообщений: 7254
?!
elbars 07.08.2016 21:44:32
Сообщений: 2239
Билал, бу акъылынг да бек тюздю, алай жазыучуларыбыз тынгылауну ийип турлукъдула ансы. Ала бери киредиле, окъуйдула, болсада ёз затлары бла шагъырей этгенни къой, ушакъгъа да къатышмайдыла. Мени сартымдан, ёз халкъын, аны жаш тёлюсюн, культурасын, литературасын, тилин-динин тергемегенликди ол. Бек иги боллукъ эди аз-аз жангы назмуларын, кёчюрмелерин, къысха хапарларын басмалай турсала. Аллахны ахшылыгъындан, бери кирип, аз-кёп болса да, окъугъанла бардыла.
Читают тему (гостей: 1)

Форум  Мобильный | Стационарный