Расширенный поиск
19 Сентября  2018 года
Логин: Регистрация
Пароль: Забыли пароль?
  • Тёгюлген тюгел джыйылмайды.
  • Кесинге джетмегенни, кёб сёлешме.
  • Чоюнну башы ачыкъ болса, итге уят керекди.
  • Ким бла джюрюсенг, аны кёзю бла кёрюнюрсе.
  • Элде адам къалмаса, ит тахтагъа минер.
  • Адамны адамлыгъы къыйынлыкъда айгъакъланады.
  • Харам къарнашдан, халал тенг ашхы.
  • Халкъгъа джарагъан, джарлы къалмаз.
  • Ауругъанны сау билмез, ач къарынны токъ билмез.
  • Айтханы чапыракъдан ётмеген.
  • Кёрмегеннге кебек – танг, битмегеннге сакъал – танг.
  • Аман адамны тепсинге олтуртсанг, къызынгы тилер.
  • Бети – къучакълар, джюреги – бычакълар.
  • Кесине гебен этелмеген, биреуге черен эте эди.
  • Къонакъ аз олтурур, кёб сынар.
  • Къан бла кирген, джан бла чыгъар.
  • Алгъанда – джууукъ, бергенде – джау.
  • Татлы сёз – балдан татлы.
  • Ач – эснер, ат – кишнер.
  • Рысхы джалгъанды: келген да этер, кетген да этер.
  • Къарт бла баш аша, джаш бла аякъ аша.
  • Тилчи тилден къаныкъмаз.
  • Чомартха Тейри да борчлуду.
  • Акъыл сабырлыкъ берир.
  • Ариуну – ауруу кёб.
  • Гырджын – тепсини тамадасы.
  • Аманны къуугъан, аманлыкъ табар.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Къарт айтханны этмеген, къартаймаз.
  • Джашда акъыл джокъ, къартда къарыу джокъ.
  • Ойнай билмеген, уруб къачар.
  • Кийим тукъум сордурур.
  • Баш – акъыл ючюн, акъылман – халкъ ючюн.
  • Накъырда – кертини келечиси.
  • Къонакъны къачан кетерин сорма, къачан келлигин сор.
  • Алтыннга тот къонмаз.
  • Танг атмайма десе да, кюн къоярыкъ тюйюлдю.
  • Байлыкъ болгъан джерде, тынчлыкъ джокъду.
  • Кёл – къызбай, къол – батыр.
  • Къарт болгъан джерде, берекет болур, сабий болгъан джерде, оюн болур.
  • Ашыкъгъанны этеги бутуна чырмалыр.
  • Алтыда кюлмеген, алтмышда кюлмез.
  • Адам туугъан джеринде, ит тойгъан джеринде.
  • Ишни ахырын ойламай, аллын башлама.
  • Къая джолда джортма, ачыкъ сёзден къоркъма.
  • Уллу атлама – абынырса, уллу къабма – къарылырса.
  • Адам боллукъ, атламындан белгили болур.
  • Джыйырма къойну юч джыйырма эбзе кюте эди.
  • Эрине къаргъыш этген къатын, эрнин къабар.
  • Иесиз малны бёрю ашар.
Страницы: 1
Гитче заманыгъыздан эсигизде къалгъан хапарларыгъызны айтыу
 
Кюн бла кече, заман ёлче (с) (Байрамукъланы Фатима)

Алайды да, къараб къарагъанчын уллу болабыз да къалабыз. Кюсесенг да сабий заман ызына къайтмайды. Алай болса да ол кюнлерибизни кюсер ючюн къалмайбыз. Кюсер ючюн десем да, эсибизге тюше-тюше турадыла гитдже заманыбыздан бир затчыкъла. Ма, мен бюгюн "Ассоциацияла" деген темада "Джай" деген сезге "кёл" деб джаздым да, гитдже заманыбызда кылда къазыб, ташдан, кылдаладан сууну арасында хуна салыб, кел ишлеб джуууннганыбыз эсиме келди. Ол заманда колхозла бар эдиле. Нек къазмай эдиле келчюкле?

Сизни уа не тюшеди эсигизге сабий заманыгъыздан?
 
Цитата
Ребекка пишет:
Гидже заманыгъыздан эсигизде къалгъан хапарларыгъызны айтыу
темангы атында халат ийгенсе, анда сора да, гитче деб джазсанг табыракъ келиширик болур, т харифден сора ч келиученди.

Къызла кёл ишлейми эдигиз? Ребекка къыз ник болур?)) :думаю: Бизде трахтырланы къазгъаны да болуучан эди анда-мында))
 
Тылмач, "гитдже" дейме деб "гидже" джазгъанма, "гитче"-ден а хапарсыз эдим)). Огъесе хапарлы бола келиб унутуб къойгъан да болурма)). Сау бол. КИргенинг бла бир хапарчыкъ да джаз марджа))
 
Ребекка, хата джокъду, барыбыз да болуучанбыз алай. Дагъыда темангы атынг кесинг тюрлендирирге боллукъса.)) Ол сорууларым а уа джууабсыз къалды.

Цитата
Ребекка пишет:
КИргенинг бла бир хапарчыкъ да джаз марджа))
бусагъатда аллай зат эсиме келмейди, джазар хауам болса, кёрюрме))
 
Цитата
Тылмач пишет:
Къызла кёл ишлейми эдигиз? Ребекка къыз ник болур?)) Бизде трахтырланы къазгъаны да болуучан эди анда-мында))
Сабий заманыбызда биз да ишлей эдик Къызыл-Къалада, школгъа джюрюгюнчюн, джангы джюрюб башлагъан джылларыбызда. Таб, уллуракъ къызчыкъла да болур эдиле, эсимде джокъду.

P.S.! Ребекка иги да къыз ат болады))
Изменено: Сэстренка - 20.04.2016 21:04:53
Я самая классная на форуме))))))))))))))
 
Цитата
Сэстренка пишет:
Сабий заманыбызда биз да ишлей эдик Къызыл-Къалада
Ишлей эдик деб бош айтдым))))), мен юйню сакълаучу эдим))))), даже бек гитче заманчыгъымда))))))). Барысы ары-бери чачлсала, суу ызына, мен джукъгъа барма эдим)))))), юй джанында чунгурчукъла къаза, чалманчыкъла ишлей олтуруб тура эдим)))))). Сора ким болса да келиб "Таугерий" деб къычырса, юй джанындан чыгъа эдим да полный расклад бере эдим, кто где, куда поехал, зачем поехал, когда вернется))), сабийлени ким чакъырды, ким ойнай кетди, ким школгъа кетди)))
Я самая классная на форуме))))))))))))))
 
Цитата
Сэстренка пишет:
P.S.! Ребекка иги да къыз ат болады))
сёз джокъ, алай а, айтханымча, сууну алын тыйуучу къызла, кеслери да анда-мында тюл, хаман дегенча, мени бек да эсимде тюлдюле))
 
Цитата
Тылмач пишет:
сёз джокъ, алай а, айтханымча, сууну алын тыйуучу къызла, кеслери да анда-мында тюл, хаман дегенча, мени бек да эсимде тюлдюле))
Къызла - это когда къызла)), а я говорю про сабийле))), дошкольники и младшеклассники))
Я самая классная на форуме))))))))))))))
 
Мен 4 жылымдан кесими таныйма)))).
Хулиган болмасам, танырыкь да болмаз эдим...
Ооооо жаным -тилим жашланы тюйген болуучу эди 😄
Атам бла Анам велосипед алыргъа унамай эдиле, анса да жашбайса деп. Мен а учаргъа сюе эдим да)))).
Орамгъа чыгъып, кесим тенгли, кесимден талай жыл уллу жашчыкьланы кимин илипингнге ата эдим, кимин бал там бла кьоркьута эдим😄
Юй жангы ишленнген заман, орам бла чек темир сетка болуучу эди, мени орамгьа чыгьар жерлерими бегитип атам, арбаз да тура эдим😃бир ауур балтабыз болуучу эди, кючден аны баудан сетка кьатына созама, кесим да олтурама жанына. Жашчыкьла школгьа тебиреселе уа:
-Ма бу балта бла чыгьып, кесген этерикме бусагьат, сумкаларыгьызны бери атыгьыз,-деп,
Кесими жаныма атдыра эдим дейдиле😄
Ала да теличикле эдиле ансы, орамгьа сыгьалмай тургьанымы кермейми эдиле😄
Ингирде уа ма санга 😄аналары келип анама, кьызынг жашларыбызны къоркъутады деп, сора хайда мен харипни тюй 😔
"Къадарны этегинде...","Сени ючюн"...(с)
 
Ностальгическая тема.)
Изменено: Сахадин - 21.04.2016 15:08:09
 
 
Сабийлигимден 2-3 къысха хапар. 1952 джыл,апрель ай,Къазахстанда Ново-Троицкое элде къарт анам Гяусар ёледи.Аны намазлыгъын меннге бермей башхагъа бергенсе деб анам бла даулашхан тышыруугъа сейирсинген эдим.Анам меннге халуа бередида бар эшикде ойна деб ашырады.Мени тенглерим Булашпеков Марат бла Калашников Володя мени сакълай эдиле.Алагъа сындырыб бирер кесекни бергеним эсимдеди.Володя айтады:" Моя бабашка может скоро умрет и я тоже тебе дам халвы".Марат халуаны меннге къайтарыргъа кюрешеди:" У меня нет бабушки,я не хочу чтобы мама умерла".Халуа ызыма алмагъаныма бюгюн да кеси-кесиме аперимни басама
Джаз башлангалай атам-анам мени эки гитче къарнашым къошха бара эдик.Элден 5-6 км.подхоз дей эдиле алайына ,ол заманда ол сезню магъанасын билмей эдим ,алая ары къачан барабыз деб атам бла анамы башларын бездиреучу эдим. Тогъай дей эдиле казахча орусла заливные луга дегеннге.Къамышдан эте эди хар джылсайын къошну атам.Атам анда кесибизге бичен эте эди ингир ала мени уллу къарнашым
Боря ат арбагъа кезге илинмезча бир биченни джюклеб элге юйюбюзге элтиб арбазда джайыб кебтирюучен эди. Бир ингир ала мен да аны бла тебрейме. Боря джолда арбаны элтиртирге берсе деген дыгалас бла бара эдим да ,ол да мени ичиме кириб къарагъанча,юйден арлакъа кеткенлей:" Бир бек арыгъанма, мен джукълайым ,сен а акъырын бар элге дери"-,деб возжаланы береди.Мени ол кюн къуаннганымы адам сез бла айталлыкъ болмаз.Бусагъатда англайма Боряны ,мен джукълайым дегени меннге кел эткенлигин.
Дагъыда Боря мени киногъа элткен хапар.Школгъ уа джюрюмейим ол кезюуде.Эсимден кеткенди къалай баргъаныбыз.Кино къазауатны юсюнден .Бир солдат пулеметни мени таба буруб атыб тебремеймиди.Мен къычырыкъны басыб шиндикле тюбюне джашыралама,Боря не кюрешди эседа ,къарары келиб.мен къоймайма юйге дери ашыр деб.Эшикке чыкъкъканлай ,энди бар дерге кюрешеди,алая орусла айтханлай :"Не на того напал".Аны киногъа кезю къарай турса да мени арбазгъа дери ашыргъан эди.Мени гитчелерим меннге алай этселе,мен аныча этермем,аны билмейме.
Кинону юсюнден энтда бир хапар.Къарачай -шахарны кинотеатрны директору Глоу улу Харун айтхан эди.Ауазлы(звуковое)кино чыкъгъанлай,Хурзукка барама ,ол сагъатда стационарный установка джокъ эдиле,ыйыкъда бир-эки кер барыучан эдик. Келиб халкъкъа айтама кинода адамла селеширикдиле,саут-шкок атыллыкъды -къоркъмагъыз деб.Кино башланыб окъ таушну эшитгенлей бир къарт кишиден къалгъанла кими эшекден кими терезеден къалай чыннгагъанларын айырмадым.Кючден -бутдан джыйдым деб аллай хапар айтхан эди Харун.
Изменено: Мусса - 21.04.2016 16:53:54
Страницы: 1
Читают тему (гостей: 1)

Форум  Мобильный | Стационарный