Расширенный поиск
9 Декабря  2018 года
Логин: Регистрация
Пароль: Забыли пароль?
  • Ауругъаннга – кийик саулукъ, джетген къызгъа – чилле джаулукъ.
  • Сютню башын джалагъан къутулур, тюбюн ичген тутулур.
  • Таш ата билмеген, башына урур.
  • Аман къатын алгъан, арыр, иги къатын алгъан джарыр.
  • Аманнга алтын чыдамаз.
  • Айтхан сёзюне табылгъан.
  • Джерни букъусу кёкге къонмаз.
  • Юреннген ауруу къалмаз.
  • Айран ичген – къутулду, джугъусун джалагъан – тутулду.
  • Игиге айтсанг – билир, аманнга айтсанг – кюлюр.
  • Ашыкъгъанны этеги бутуна чырмалыр.
  • Къазанда болса, чолпугъа чыгъар.
  • Бал – татлы, балдан да бала – татлы.
  • Адамны аты башхача, акъылы да башхады.
  • Къолу уллу – асыу, аягъы уллу – джарсыу.
  • Джангыз торгъай джырламаз.
  • Шекер бла туз – бир болмаз, ушамагъан – юй болмаз.
  • Уллу къашыкъ эрин джыртар.
  • Ётюрюкню къуйругъу – бир тутум.
  • Ёзденликни кёбю ётюрюк.
  • Сютден ауузу кюйген, суугъа юфгюре эди.
  • Аз сёлеш, кёб ишле.
  • Ата Джуртча джер болмаз, туугъан элча эл болмаз.
  • Кёбню кёрген – кёб билир.
  • Джарлыны эшигин махтагъан джабар.
  • Тюкюрюк баш джармаз, налат кёз чыгъармаз!
  • Юй кюйдю да, кюйюз чыкъды, ортасындан тюйюш чыкъды.
  • Билмегенинги, билгеннге сор.
  • Ашда уялгъан – мухар, ишде уялгъан – хомух.
  • Халкъны джырын джырласанг, халкъ санга эжиу этер.
  • Джылар джаш, атасыны сакъалы бла ойнар.
  • Урунуу – насыбны анасы.
  • Аман къатын сабий табса, бий болур…
  • Миллетни бойну – базыкъ, аны бла кюрешген – джазыкъ.
  • Ёксюзню тилеги къабыл болур.
  • Рысхы – насыбха къор.
  • Ойнай билмеген, уруб къачар.
  • Азыгъы аз, алгъа къабар, аты аман, алгъа чабар.
  • Джашынгы кесинг юретмесенг, джашау юретир.
  • Мухарны эси – ашарыкъда.
  • Къатын къылыкъсыз, эр тынчлыкъсыз.
  • Садакъачыны джаны – къапчыгъында.
  • Байлыкъдан саулукъ ашхыды.
  • Элге къуллукъ этмеген, элге ие болмаз.
  • Аджаллыгъа окъсуз шкок атылыр.
  • Эки элинги тыйсанг, джети элде махталырса.
  • Aдам боллукъ, сыфатындан белгили.
  • Экеулен сёлеше тура эселе, орталарына барыб кирме.
  • Битмегеннге сакъал – танг.
  • Хар ишни да аллы къыйынды.
Страницы: 1
Поздравим Билала Лайпанова с награждением медалью И. Крымшамхалова, 8-е Крымшамхаловские чтения, лауреат 2015 г. в номинации ЛИТЕРАТУРА
 
Билал Лайпанов награжден медалью Ислама Крымшамхалова. Лауреат в номинации "Литература", за крупное творческое достижение в развитии карачаево - балкарской литературы - романы "Къазауат" и "ЭЛИБ. ЭЛЬ. СЕН"(2015).

Алгъышлайма, Билал, ызы къалын болсун!
Изменено: Айшат - 02.04.2016 20:30:35
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
Алгъышлайма, саулукълу, насыплы бол!
 
Билял,саугъанг бла алгъышлайма!.Арты къалын болсун!
Изменено: Мусса - 02.04.2016 21:30:08
 
Цитата
Айшат пишет:
Билал Лайпанов награжден медалью Ислама Крымшамхалова. Лауреат в номинации "Литература", за крупное творческое достижение в развитии карачаево - балкарской литературы - романы "Къазауат" и "ЭЛИБ. ЭЛЬ. СЕН"(2015).

Алгъышлайма, Билал, ызы къалын болсун!

Сау бол, Айшат.

Мени ол медалгъа Малкъар джаны теджегенди - «Минги Тау» журналны редакциясы (журналны редактору - Додуланы Аскер, джууаблы секретары — Ёлмезланы Мурадин).

2015-чи джыл, журналны 6-чы номеринде ( http://www.smikbr.ru/2015/pressa/mingit/06.2015.pdf ) «Къазауат» романымы «Хурриет» атлы бир китабын да басмалагъан эдиле. Малкъар къарнашларыма, къаламдашларыма бек разыма — мени прозама уллу багъа да бериб, басмалагъан да этиб, Кърымшаухал саугъагъа да теджегенлери ючюн.
Аланы сёзлерин тюзге санаб, къабыл этгенлери ючюн, Къарачай илму-излем институтну башчыларына - Шаманланы Ибрахимге, Хатууланы Рашидге да разылыгъымы билдиреме. Чакъырыу къагъыт да ийген эдиле — барырча таблыкъ тюшмеди ансы.

Дагъыда бир айтырым: «Минги Тау» журналны эшиклери къарачай-малкъар фахмулу джаш джазыучулагъа ачыкъ болгъанын билдиргендиле. Айшат, Сен да, къалгъанла да ол мадар бла хайырлансагъыз, аман болмаз. Къарачай джанында журнал болмагъанын, кърал басма хазна китаб чыгъармагъанын да эсге алсакъ, «Минги Тау» бла байламлы болургъа тыйыншлыды. Минги Таулула сау болсунла.
 
Цитата
Сахадин пишет:
Алгъышлайма, саулукълу, насыплы бол!
Алгъышлыкъ бол, къарнаш.
 
Цитата
Мусса пишет:
Билял,саугъанг бла алгъышлайма!.Арты къалын болсун!
Мусса тамада, къайсы саугъагъа да Сизден тыйыншлыбыз джокъду. Муратларыгъызгъа Аллах джетдирсин, Халкъыбызгъа бек керекли ишигизде, Сизге болушлукъ этерча, бизге да Аллах ангы, эс, кюч-болум берсин.
 
Алгъышлайма, Билал! Крымшамхалов атлы саугъагъа керти келишесиз, тыйыншлысыз!
 
Цитата
Rassel пишет:
Алгъышлайма, Билал! Крымшамхалов атлы саугъагъа керти келишесиз, тыйыншлысыз!
Бек сау бол. Менден тыйыншлыла да болгъанларына ишек джокъду, алай а оноуу манга джетмегенди. Саугъагъа теджегенле да, аны къабыл кёргенле да, алгъышлагъанла да - барыгъыз да къууанч бла кёб джашагъыз.
 
Алгъышлайма,Билал! Саулукълу бол!
 
Цитата
Sautulu пишет:
Алгъышлайма,Билал! Саулукълу бол!
Сау бол. Миллет адамыса - муратларынга джет сен да.
 
 
Ас–саляму алейкум.
Sabr, алгъышлайма, ызы къалын болсун.


Айшат,
сау бол билдиргенинг ючюн.
 
Цитата
shaudan пишет:
Ас–саляму алейкум.
Sabr, алгъышлайма, ызы къалын болсун.
Shaudan, кесинге да, сёзюнге да, юйюгюзге да Игилик!

"Ызы къалын болсун" дегенни мен къалай ангылайма, билемисе? Айшат да, Сен да, Къара чачлы да, башха фахмулу джашла, къызла да поэзиябызны айнытырыкъдыла, къатларыкъдыла, алгъа элтирикдиле, Ислам Бийни саугъасындан Нобель ёчге дери ие боллукъдула.
Ма алай ангылайма. Манга, джазыучугъача, андан уллу насыб боллукъ тюлдю.
 
Sabr,
сизни жазгъаныгъызны окъусам, Кязимни «Иги сёзю» тюшеди эсиме.
 
Тюзлюк бола келгенди бизде, алай артдан артха акъсай бара эди да, Билал, сени юсюнгде ийнандым, эки аягьына угьай, бир аягьына акъсагьанына))))))). Охо, багъарла келлик тёлюле!))))
Билал, ол кюн окъуна эшитген эдим саугъангы хапарын, къууаннганма! Таза жюрекден, кёлюмден да!!! Сен анга бек тийишли эдинг эрттеден да, охо, иги ишни кечиракь болгъаны да аман тюйюлдю))))))))))).
Билал, этген муратынга жет! Къуру манга салгъан къыйынынг мингленип-жюзленип Уллу Аллахдан къайтсын, жюрегинг шош, насыплы болсун хар заманда да, сулугъунг къурч кибик, акъылынг ачыкъ, таза, тюз болуп ёмюрден артыкъ жаша!
Бизге- жаш телюге, жазыу ишге кьайгьыргьанынг ючюн, къайгьы юйюнге кирмесин!!! Аллах сени ачыудан, зарандан, хатадан да сакьласын!
"Къадарны этегинде...","Сени ючюн"...(с)
 
Цитата
Къара чачлы пишет:
Тюзлюк бола келгенди бизде, алай артдан артха акъсай бара эди да, Билал, сени юсюнгде ийнандым, эки аягьына угьай, бир аягьына акъсагьанына))))))). Охо, багъарла келлик тёлюле!))))
Билал, ол кюн окъуна эшитген эдим саугъангы хапарын, къууаннганма! Таза жюрекден, кёлюмден да!!! Сен анга бек тийишли эдинг эрттеден да, охо, иги ишни кечиракь болгъаны да аман тюйюлдю))))))))))).
Билал, этген муратынга жет! Къуру манга салгъан къыйынынг мингленип-жюзленип Уллу Аллахдан къайтсын, жюрегинг шош, насыплы болсун хар заманда да, сулугъунг къурч кибик, акъылынг ачыкъ, таза, тюз болуп ёмюрден артыкъ жаша!
Бизге- жаш телюге, жазыу ишге кьайгьыргьанынг ючюн, къайгьы юйюнге кирмесин!!! Аллах сени ачыудан, зарандан, хатадан да сакьласын!

Диана, бютеу алгъышларынг эм алгъа да кесинге джетсинле. Мени не санга, не башха джаш къаламчылагъа уллу игилик эталгъаным джокъду. Не этгеним да - «назмуларыгъызда ритми-джюрюшю бузулгъан джери барды, кафиеси-рифмасы къарыусузду, суратлау дараджасы иги тюлдю» дегенча, чурумла табыб. «хыртха ура»-критика эте тургъанма. Сиз да, ичигизден не айта эсегиз да, тышыгъыздан «хо» дей, тюзете да баргъансыз. Сау болугъуз, тынгылагъаныгъыз-ангылагъаныгъыз ючюн.
СизсИз бизни адабиятытызны тамбласы джокъду. СизсИз — сизни аллыгъызда къалам тутхан къауум да сакъланныкъ тюлдю. Сизге болушхан — кесине болушады, тилибизни, адабиятыбызны джашарына себеб болады. Аны себебли, сизге болушхан бар эсе — аны ючюн анга сыпас-бюсюреу этерге да керек болмаз.
Сиз да — джаш авторлагъа болушасыз, Конкурс бардырасыз. Ма олду эм магъаналы иш бюгюн.
Барыгъызгъа да игилик-ашхылыкъ.
 
Sabr, Алгъышлайма! Культура нашего народа прежде всего сохраняется благодаря нашим писателям и поэтам. Уверен ваш личный пример мотивирует и начинающих писателей и поэтов, на создание трудов на карачаево-балкарском языке.
Вся наша жизнь-игра!
 
Мен да Алгъышлайма!!!Аллах болушсун хар тюрлю жаны бла сизге!!!!
Религиозность – это не только нахождение в мечети, но и хорошие взаимоотношения с людьми и благой нрав. Вот на эти качества должна обратить внимание молодежь при выборе второй половинки.
 
Цитата
Автор пишет:
Sabr , Алгъышлайма! Культура нашего народа прежде всего сохраняется благодаря нашим писателям и поэтам. Уверен ваш личный пример мотивирует и начинающих писателей и поэтов, на создание трудов на карачаево-балкарском языке.
Сау бол.
 
Цитата
бездушный кролик пишет:
Мен да Алгъышлайма!!!Аллах болушсун хар тюрлю жаны бла сизге!!!!
Сау бол. Аллах болушсун хар не тюрлю джаны бла да - БАРЫБЫЗГЪА ДА!!!
Страницы: 1
Читают тему (гостей: 1)

Форум  Мобильный | Стационарный