Расширенный поиск
22 Июня  2018 года
Логин: Регистрация
Пароль: Забыли пароль?
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Сабийликде юретмесенг, уллу болса – тюзелмез.
  • Къатын байлыкъны сюер, эр саулукъну сюер.
  • От этилмеген джерден тютюн чыкъмайды.
  • Тамырсыз терекге таянма – джыгъылырса.
  • Кийим тукъум сордурур.
  • Ана къойну – балагъа джандет.
  • Айтылгъан буйрукъ, сёгюлмез
  • Атлыны ашхысы, ат тизгининден билинир
  • Алгъанда – джууукъ, бергенде – джау.
  • Ач да бол, токъ да бол – намысынга бек бол.
  • Чакъырылмагъан къонакъ тёрге атламаз.
  • Ётюрюкчюню шагъаты – къатында.
  • Этни да ашады, бетни да ашады.
  • Къонагъынгы артмагъын алма да, алгъышын ал.
  • Хаухну атма, ёнгкючню сатма.
  • Чомартны къолун джокълукъ байлар.
  • Агъач – джерни чырайы, кийим – эрни чырайы.
  • Ариу джол аджал келтирмез.
  • Байма, деб да, къууанма, джарлыма, деб да, джылама.
  • Иги болса, тамадама – махтау, аман болса, меннге – айыб.
  • Артына баргъанны, къатына барма.
  • Намысы джокъну – дуниясы джокъ.
  • Шайтан алдады, тюзлюк къаргъады.
  • Азыгъы аз, алгъа къабар, аты аман, алгъа чабар.
  • Келлик заман – къартлыкъ келтирир, кетген заман – джашлыкъ ёлтюрюр.
  • Зарда марда джокъ.
  • Аз сёлеш, кёб ишле.
  • Къолу уллу – асыу, аягъы уллу – джарсыу.
  • Къобан да къуру да къобханлай турмайды, адам да къуру да патчахлай турмайды.
  • Мен да «сен», дейме, сен да «кесим», дейсе.
  • Игини сыйлагъан адетди.
  • Таш ата билмеген, башына урур.
  • Адамны джюреги нени кёрюрге сюйсе, кёзю да аны кёрюрге ёч болады.
  • Чакъырылмагъан джерге барма, чакъырылгъан джерден къалма.
  • Джашынгы кесинг юретмесенг, джашау юретир.
  • Сёз сёзню айтдырыр.
  • Ишни аллы бла къууанма да, арты бла къууан.
  • Чоюнну башы ачыкъ болса, итге уят керекди.
  • Дуния аламаты сен эсенг да, игиме деб айтма.
  • Гырджын – тепсини тамадасы.
  • Тил бла келеди джыр да.
  • Гугук кесини атын айтыб къычыргъанча, мен, мен деб нек тураса?
  • Ётюрюкден тюбю джокъ, кёлтюрюрге джиби джокъ.
  • Олтуруб кёрюнмей эди да, ёрге туруб кёрюне эди.
  • Окъуу – билимни ачхычы, окъуу – дунияны бачхычы.
  • Халкъны джырын джырласанг, халкъ санга эжиу этер.
  • Тенгинг джокъ эсе – изле, бар эсе – сакъла!
  • Кийимни бичсенг, кенг бич, тар этген къыйын тюлдю.
  • Дууулдаса – бал чибин, къонса – къара чибин.
Страницы: 1 2 След.
Джаным-тиним АНА ТИЛИМ!!!!!!!, КЕЛИГИЗ...ДЖУУУКЪ БОЛУГЪУЗ...!!!!!!.БОЛУШАЙЫКЪ БИР-БИРИБИЗГЕ.... ТИЛИБИЗНИ САКЪЛАЙЫКЪ.... БАШЫБЫЗНЫ ЁРГЕ ТУТУБ КЪАРАЧАЙЛЫМА/МАЛКЪАРЛЫМА ДЕБ КЪУУАНЫБ АЙТАЙЫКЪ!!!!!!
 
Багъалы эгечлерим эмда къарнашларым!!!! :мерси:
  1. Бюгюнден башлаб, хар гюрге кюн сайын :усипуси: ЭЛЬБРУСОИДДЕ -ФОРУМДА АНА ТИЛНИ КЮНЮ БОЛЛУКЪДУ!!!! :браво:

...джангыз ана тилде сёлешейик,келигиз ол кюн джетгенлей... :oops:
ТИЛИБИЗНИ унутмайыкъ...Сакълайыкъ... джокъ этиб къоймайыкъ.... :царь:

Халатла бла джазама...оооо..мен ана тилде джаза билмейме деб артына тартмагъыз)) бирликде-тирилик))
...алай бла юрене барлыкъбыз... болуша турлукъбуз... :куку:

БЛАЙДА СИЗ КЪОРКЪУР ЗАТ ДЖОКЪДУ 😉 :дайпять:
Гюрге кюн ол- в т о р н и к д и !!!!! :emojio68:

САУ БОЛУГЪУЗ ЭС БЁЛГЕНИГИЗГЕ!!!!
КЕТДИК :лечу:
 
Nasib&Namis, мадар бар эсе, гюрге кюнден бир башха кюн - не барас, не орта, не байрым кюн башланса бу огъурлу иш.
1943 джыл Халкъыбызны джуртундан сюрюлген кюню - гюрге кюн болгъаны ючюн айтама.

Алай а, башха тюрлю сагъыш этерге да боллукъду: ол кюн ангылагъанбыз барыбыз да бир халкъ болгъаныбызны: тукъум айырмай, сыныф кёзден къарамай, бай.джарлы деб юлешмей, атеист, иманлы деб да къарамай, коммунист, коммунист тюлсе деб да къарамай, барыбызны да башдан аякъ джуртубуздан сюргендиле - къарачай болгъаныбыз ючюн..

Тилибизден, джерибизден, тарихибизден да айыргъан эдиле. Тюрк халкъланы - къазахны, къыргъызны, юзбекни ичинде - тилибизни унутуб, тас болуб кетерикле деб тура эдиле. 600 кесек этиб, Сибирияны бузларына, Азияны къумларына чачханларында да, тас болмай, 14 джылдан Джуртубузгъа къайыта билдик. Сюргюнде, ол палахда да, тас этмей, келтиргенибиз не эди? ТИЛИБИЗ ЭДИ.

Ма ол тилибизге къоркъуу тюшгенди бюгюн. Терслик балтада, сабда да - оноучулада да, халкъны кесинде да.

Тилни сакълар ючюн кёб зат керек тюлдю - ол тилде сёлеширге керекди. Джюрюмеген зат ёледи - тил да алайды. Ана тилибизде сёлешгенлей турсакъ, тил джашарыкъды, биз да джашарыкъбыз. Ана тил ёлгенлей а - биз да халкъча сакъланныкъ тюлбюз - ёллюкбюз.

Хоншула - чечен, къабарты, юнгюш - кеслерини тиллеринде чыкъырдатыб сёлешедиле, биз а - бир сёзню кесибизча, он сёзню орусча бардырабыз.
Аладанмы хомухбуз, къарыусузбуз, тилибизни сакъламай, орус тилли болуб кетерге? Не къыйынлыгъыбыз барды биреуню тилин, адетин, къылыгъын алыргъа?

Тилибиз - Аллах берген аламатланы бириди. Аны сакъламасакъ, башха затларыбызны да сакълаяллыкъ тюлбюз. Америкадагъы къарачайлыла - ингилиз тилли,, Тюркдегиле - тюрк тилли, Арабдагъыла - араб тилли, Орта Азиядагъыла - къазах, къыргъыз тилли болуб кетиб барадыла, Алагъа айыб этер мадарыбыз джокъду.

Айыб кесибизге этейик. Джуртубузда джашаб, орус тилли болуб барабыз. Дунияда халкъла бары да кеслерин сакъларгъа кюрешедиле. Кесин сакълау - Ана тилин сакълаудан башланады. Биз къарачай-малкъар форумда да - интернет джуртубузда да - орус тилде сёлеширге кюрешебиз. Былайда да къарачай тилде сёлешмесек, къайда сёлеширикбиз?

Nasib&Namis, бек сау бол. Бек иги тема ачханса. Къарачайлылыгъыбызны сынарча, бир тема.
 
Sabr,
Сизге сау бол!! Аллах разы болсун)
Башха кюннгеми разысыз сиз огъесе къойдукъму?!
 
Цитата
Nasib&Namis пишет:
Sabr,
Сизге сау бол!! Аллах разы болсун)
Башха кюннгеми разысыз сиз огъесе къойдукъму?!
Турсун тургъаныча. Кюнлени тюрлендирген тынчды, адамланы тюрлендиргенди къыйын. Алай а, кюрешиб турургъа керекди.
Кимни тилеги, кимни башламы къабыл болур - аны оноуун этген Аллахды. Аллах болушсун тюз иннетли, тюз сёзлю, тюз ишли адамланы барына да.
 
Nasib&Namis, сау болугъуз бу тема ючюн! Мен Тюркде джашайма, юйде бирбирибизле ана тилибизде сёлешебиз, да мен Къарачайлы нёгер табыб аны бла да сёлеширге сюе эдим алай а уллу шахарда Къарачайлы адамгъа тюбемедим былайда джашагъан джууукъларыбыздан сора. Аны амалтын бек къууандым сау болугъуз!
 
Nasib&Namis, огъур бла башлайыкъ!)) :гоккачыкъ:
Сау бол, ответственностьны шеянга принимать этиб, тема открывать этгенинге, бизни да барыбызны да бери собирать этгенинге)))), энди ох деб мында общаться этербиз, разный рассказла рассказывать этербиз бир-бирибизге))), классно болду хар зат да))) :гыы:
Я самая классная на форуме))))))))))))))
 
Черника, хош кел!!!))) :гоккачыкъ:
Эртде, Эльбрусоид джангы къуралгъан джыллада, тыш къралладан, артыкъ да бек Тюркден кеб адам къошула эди бу форумга. Оййй, къаллай ушакъла бардыра эдик! Бир талай сохта (студентле) да бар эдиле, Тюркде окъуй тургъанла, Къарачайдан, Малкъардан барыб. Кеб адам окъуб бошаб, ызларына келиб, бирер ишге джарашыб, кими Кавказда, кими Москвада джашайдыла энди. Сен а къалай тюшгенсе Тюркге? Россиядан баргъанмыса, анда туугъанмыса? Джаратамыса тургъан джеринги? Ма шаа Аллах, джууукъларыгъыз да бар эселе къатыгъызда, алай къыйын болмаз тышында тургъан).
Я самая классная на форуме))))))))))))))
 
Цитата
Sabr пишет:
Алай а, башха тюрлю сагъыш этерге да боллукъду: ол кюн ангылагъанбыз барыбыз да бир халкъ болгъаныбызны: тукъум айырмай, сыныф кёзден къарамай, бай.джарлы деб юлешмей, атеист, иманлы деб да къарамай, коммунист, коммунист тюлсе деб да къарамай, барыбызны да башдан аякъ джуртубуздан сюргендиле - къарачай болгъаныбыз ючюн..
Билал, ол кюн атеист къалгъан болмаз эди... Аллахдан башха болушлукъ табмазлыкъларын ангыламагъан болмаз эди ол кюн не бир адамдан, не бир затдан.
Я самая классная на форуме))))))))))))))
 
Sabr,Черника, Сэстренка, сау болугъуз ))) хо)))керти классно болду, Элен)))бирликде-тирилик... сизсиз джукъ да болмазлыгъын билигиз!))
 
Цитата
Nasib&Namis пишет:
керти классно болду, Элен)))
))))))))
мен ойнаб джазгъан эдим бир орус сез, бир къарачай-малкъар))
Я самая классная на форуме))))))))))))))
 
 
Сэстренка,
Хата джокъ, Эгешчигим)))))
 
Сэстренка,
Керти къууандым былайда ана тилибизде ушакъ этилгенине. Мен да университетда сохтама) Былайда туугъанма, хо джаратама былайын алай а Ата-Джуртну кёрюрге бир да кёб излейме. Хо тюз айтаса)
 
Бек аламат:)
Магъанасы кюнню ол болсун, бюгюнлюкде бир-эки деб адам къошулсун, тамласында кёб болурбуз Аллах буюрса))
Кюннлени къарасын кийерге джарамаз, къаза кетсенг къайсы кюннгеда табылыр "чёрный вторник" неда "кровавый воскресение", ол затха асыры терен кирмесек керекди!
Сёзню ызындан: (никто никого не заставляет!!!) разы болугъуз за мой французский, сизле бла бирге юрене барлыкъма:)
 
ТИЛСИЗ МИЛЛЕТ ДЖОКЪ БОЛУР.
Акъбайланы И.
 
ИГИ СЁЗ

ИГИ СЁЗНЮ БЫЧАКЪ КЕСМЕЗ,
ИГИ СЁЗНЮ БОРАН ЭЛТМЕЗ,
ИГИ СЁЗ ОТДА КЮЙМЕЗ,
ИГИ СЁЗГЕ БАГЪА ДЖЕТМЕЗ.


ИГИ СЁЗ ДЖОМАКЪДЫ,ДЖЫРДЫ,
СЁЗЮ БАРНЫ КЮЧЮ БАРДЫ!
ИГИ СЁЗСЮЗ ДУНИЯ ТАРДЫ,
ДЖЮРЕК,ДЖОЛ ДА КЪАРАНГЫДЫ.

ИГИ СЁЗ ДЖОЛ НЁГЕР БОЛАД,
КЪЫЙЫН КЮН БИРГЕНГЕ БАРАД.
БИЗ ЁЛСЕК- ИГИ СЁЗ КЪАЛАД,
ОЛ САУ КЪАЛГЪАНЛАГЪА ДЖАРАЙД.

МЕЧИЛЕНИ КЯЗИМ
 
Алгъын бир хоншуланы сайтына тюрлгенем, анда джангы сёзле къурайэдиле кеслерини тилеринде, бизде этерчады ол затны. Тышында Исландиада барды аллай программа тыш сёзле кесини тилине къошмазгъа, къураштырыб келиштириб узун сёз болсада къуру да кесиникиледиле сёзле. Биз аладан кёре этерчабыз, "свод правил правописания" тюзю бла этерге керекди, битди аны бла))
Къалай кёресиз?
 
Адам бала-
Ол сыйлыды хар неден:
Айыб алыр
Урлагъан бла тилеген.

Сенек, балта-
Ол джашчыкъны ишиди.
Сауут-саба
Иги къызны бетиди.
 
Ауругъанны айыб болур къозугъан;
Абыннганны тургъуз,тутуб къолундан .
 
Уллу кирсе,
Гитче ёрге турады.
Орнун берген,
Кеси сыйлы болады.
 
Кёб сёлешген -
Ол айыбды адамгъа.
Юй хапарны
Баям этме орамгъа.
 
Миллет деген- ол бир джуртну иеси;
Аны болур адет,намыс тёреси.
 
Цитата

ЙУЖНЫ_ШПИЙЁНЪ пишет:
Алгъын бир хоншуланы сайтына тюрлгенем, анда джангы сёзле къурайэдиле кеслерини тилеринде, бизде этерчады ол затны. Тышында Исландиада барды аллай программа тыш сёзле кесини тилине къошмазгъа, къураштырыб келиштириб узун сёз болсада къуру да кесиникиледиле сёзле. Биз аладан кёре этерчабыз, "свод правил правописания" тюзю бла этерге керекди, битди аны бла))
Къалай кёресиз?

Бизни сёзлюк китабыбызда болмагъан джангы сёзле къураргъа дей? Огъесе,менми терс англадым )
 
Бюгюн ана тилде сёлеширге керек шойбуз...

Къалгъан кюнледе уа?
 
Цитата

Sabr пишет:
Бюгюн ана тилде сёлеширге керек шойбуз...

Къалгъан кюнледе уа?

Селеширге излеген кюн сайламайын селешсе иги болур )
 
Языки айфона))
 
 
Ана тил джокъ болса. .. миллетибизден кетерикдиле: намыс,адет, уят-хаят, адамлыкъ,шохлукъ,культурабыз,тарихибиз...
:тактак:
 
Мен кесиме сёз бергенме ана тилден башхада блайда джазмазгъа!
Къалгъанла...сюйгенигизни бир этигиз.
 
Бюгюн декабрны 13-сю. 2015 джыл кетиб барады... Джангы джыл джууукълашыб келеди!
Бу джыл бирда бир дженгил бошалыб барады...
Иш кюнле...баш кюн...гюрге кюн ...барас кюн ... орта кюн...байрым кюн...
Ары айланыб бери айлангынчын ол биягъы байрым кюн джетиб тура...
Биз да къарт болубму барабыз сора?!)))
 
Цитата
Nasib&Namis пишет:
Биз да къарт болубму барабыз сора?!)))
огъай)) сюйген джюрег къарт болмайды..къоркма))))))))
 
Цитата

alan111 пишет:
ЦитатаNasib&Namis пишет:
Биз да къарт болубму барабыз сора?!)))
огъай)) сюйген джюрег къарт болмайды..къоркма))))))))

))))))))))))) кёбден бери блай кюлмеген эдим))))
Сау кел,алан!)
Къайда тас болгъанса?!
Къачан алгъышлау тема ачабыз санга?)))
Айт...Тынглайма )
Страницы: 1 2 След.
Читают тему (гостей: 1)

Форум  Мобильный | Стационарный