Расширенный поиск
23 Июня  2018 года
Логин: Регистрация
Пароль: Забыли пароль?
  • Дууулдаса – бал чибин, къонса – къара чибин.
  • Аякъларынгы джууургъанынга кёре узат.
  • Ариу – кёзге, акъыл – джюрекге.
  • Байлыкъ болгъан джерде, тынчлыкъ джокъду.
  • Къонагъы джокъну – шоху джокъ.
  • Биреуню къыйынлыгъы бла кесинге джол ишлеме.
  • Кёбден умут этиб, аздан къуру къалма.
  • Адамны сыфатына къарама, сёзюне къара.
  • Аманны эки битли тону болур, бирин сеннге кийдирир, бирин кеси киер.
  • Тили узунну, намысы – къысха.
  • Ач келгенни – тойдур, кеч келгенни – къондур.
  • Джюрекден джюрекге джол барды.
  • Душманны тышы – акъ, ичи – къара.
  • Бёрю да ач къалмасын, эчки да ашалмасын.
  • Эки къатын алгъан – эки ташны ортасына башын салгъан.
  • Суугъа – чабакъ, къаягъа – ыргъакъ.
  • Юй кюйдю да, кюйюз чыкъды, ортасындан тюйюш чыкъды.
  • Аш хазыр болса, иш харам болур.
  • Татлы тилде – сёз ариу, чемер къолда – иш ариу.
  • Ханнга да келеди хариблик.
  • Эри аманны, къатыны – аман.
  • Тойгъандан сора, ашны сёкме.
  • Къазанчы аман болса, къазаны къайнамаз.
  • Эл бла кёргенинг эрелей.
  • Аууздан келген, къолдан келсе, ким да патчах болур эди.
  • Тюз сёз баргъан сууну тыяр.
  • Чомартха Тейри да борчлуду.
  • Тилде сюек болмаса да, сюек сындырыр.
  • Накъырданы арты керти болур.
  • Ёлген эшек бёрюден къоркъмайды.
  • Ишлегенден, къарагъан уста.
  • Халкъны джырын джырласанг, халкъ санга эжиу этер.
  • Къартны бурнун сюрт да, оноугъа тут.
  • Насыб бютеу халкъны юлюшюдю.
  • Къартны сыйын кёрмеген, къартлыгъында сыйлы болмаз.
  • Джарлы тюеге минсе да, ит къабар.
  • Ишленмеклик адамлыкъды.
  • Аз айтсам, кёб ангылагъыз.
  • Танг атмайма десе да, кюн къоярыкъ тюйюлдю.
  • Ана къолу ачытмаз.
  • Чабар ат – джетген къыз.
  • Ашхы болсанг, атынг чыгъар, аман болсанг, джанынг чыгъар.
  • Аман адам этегингден тутса, кес да къач.
  • Ана – юйню кюн джарыгъы.
  • Адамны аманы адамны бети бла ойнар.
  • Джырчы ёлсе, джыры къалыр.
  • Чомарт джарлы болмаз.
  • Мухарны эси – ашарыкъда.
  • Къолунгдан къуймакъ ашатсанг да, атаны борчундан къутулмазса.
  • Иги адам абынса да, джангылмаз.
Страницы: 1 2 3 След.
СЮЙГЕН ДЖЮРЕГИМ. Ана тилде джырла / Ana tilde djirla
 
Байкулов Солтан. Сюйген джюрегим

Загрузка плеера


https://www.youtube.com/watch?v=O-_mpQhffkU
 
Токова Альбина. Сюйген джюрегим

Загрузка плеера


https://www.youtube.com/watch?v=ZwW4I8eZzQA
 
Алим Газаев. Сюйген джюрегим

Загрузка плеера


https://www.youtube.com/watch?v=AIblq-ZB7NM
 
группа Салам. Сюйген джюрегим

Загрузка плеера


https://www.youtube.com/watch?v=Aj-tHSFloIU
 
Сухель Багдади (Будай улу) - Сюйген джюрегим !!!

Загрузка плеера


https://www.youtube.com/watch?v=dP6y8jkvP_M
 
Аламат тема ... солургъа !!!!!!!
Къатыштырмай эсем ...Азнор Казиев да джырлай болур эди дейме бу джырны энтда ☺
 
Уважаемый автор! Прекрасная тема! Она станет еще прекрасней, если будут слова к песням, пожалуйста :нупажалста:
 
Цитата
Ева пишет:
Уважаемый автор! Прекрасная тема! Она станет еще прекрасней, если будут слова к песням, пожалуйста

Тюппе-тюз айтаса - тыйыншлысы алайды. "Сюйген джюрегим" джырны сёзлерин, макъамын джазгъан - Токъумаланы Раиса. Алай а, сёзлерин бир джерде да табмадым. Кёрген-эслеген бар эсегиз - былайгъа салсагъыз - разылыкъ табарсыз халкъдан.

Хар ким джаратхан джырын (сёзлери бла) былайгъа сала барсагъыз - бек иги болур.
 
Зухра Кабардокова. Акъ къаяла, кёк талала Къарачай

Загрузка плеера


Джырны сёзлери Къайсынныкъыдыла.

КЪАРАЧАЙ

Чынарланы арасында баргъан джай,
Акъ къаяла, кёк талала... Къарачай.
Джаягъымы салама джюрегинге,
КъАрачай, тангларынг атхан джеринге.


Припев:
Ётмегинги, сууунгу да халал эт,
Энди бар кёпюрледен абынмай ёт,
Къанатлыларынг къууанч бла уча!
Акъ къаяла, кёк талала... Къарачай.


Башыбызны къая ташынга салыб,
Бирча джатханбыз, къыйын джолда талыб.
Бирге джалагъанбыз къайгъыны тузун
Бизни ургъанда бир палахны бузу.


Припев.
Ётмегинги, суунгу да халал эт,
Энди бар кёпюрледен абынмай ёт,
Къанатлыларынг къууанч бла уча!
Акъ къаяла, кёк талала... Къарачай.


Бирге кёрдюк отубуз джукъланнганын.
Бирге кёрдюк ол джангыдан джаннганын.
Джаягъымы салама джюрегинге,
КъАрачай, тангларынг атхан джеринге.


Припев.
Ётмегинги, суунгу да халал эт,
Энди бар кёпюрледен абынмай ёт,
Къанатлыларынг къууанч бла уча!
Акъ къаяла, кёк талала... Къарачай
.
 
Теманы мен да бек джаратама!))
ма биринчи джырны сёзлери:

Сюйген джюрегим
(макъамы бла сёзлери
Токъумаланы Раисаны)

Айны, кюнню да булут джабады,
Джел хыны этсе таудан ауады.
Къарыулу кюннге къарыу эталмай,
Сакъ джауун болуб джерге джауады.

Сюйген джюрегим, кюйген джюрегим,
Сюялмай эсенг – сюймей къойсанг а.
Сюйген джюрекни тынчлыгъын алмай,
Энди сен анга тиймей къойсанг а.

Тауну, ташны да джел джалайд дейле,
Джауун кёб джауса суу талайд дейле.
Талгъан билекни, джаннган джюрекни
Быллай кюнледе къан тарайд дейле.

Сюйген джюрегим, кюйген джюрегим,
Сюялмай эсенг – сюймей къойсанг а.
Сюйген джюрекни тынчлыгъын алмай,
Энди сен анга тиймей къойсанг а.

Сюймеклик оту къабына барыб,
Тюз джюрегингде ёртен джансала,
Суусаб кюнюнгде шаудан суу болуб
Мангылайынгдан джерге тамсала.

Сюйген джюрегим, кюйген джюрегим,
Сюялмай эсенг – сюймей къойсанг а.
Сюйген джюрекни тынчлыгъын алмай,
Энди сен анга тиймей къойсанг а.

Айтчы, джюрегим, къайры барайым?
Сен джылынырча не джер табайым?
Кёкюрегимде джылыталмайма,
Кел андан эсе бузлаб къалайым.

Сюйген джюрегим, кюйген джюрегим,
Сюялмай эсенг – сюймей къойсанг а.
Сюйген джюрекни тынчлыгъын алмай,
Энди сен анга тиймей къойсанг а.

Бу джырны мен джаратхан бир вариантын да бир салайым, разы эсегиз)))

Загрузка плеера


:серенада: :серенада: :серенада: Поет Анзор Казиев. Только эту песню еще не загрузили на сайт, поэтому вот Сюйген джюрегим вконтакте.
Спасибо, Мерседес, за помощь в идентификации слов! :гоккачыкъ: :гоккачыкъ: :гоккачыкъ:
 
 
Totur_Ram, бек сау бол. Джырны сёзлерин салгъанынг ючюн да, Азнорну джырлагъанын кёргюзтгениг ючюн да.
 
АЙДЖАЯКЪ.
Сёзю, макъамы да - Къочхарланы Къасбот

Загрузка плеера


Джырлайды Отарланы Омар.

______________________________________________

Омар , джырны сёзюн, макъамын да тюрлендирмей, Къочхарланы Къасбот этгенча, джырлайды. Къалгъанла уа, сёзлерин тюрлендирген этедиле - алай этерге чёб чакълы эркинликлери болмаса да... Башхала джырлагъан сагъатда, аны эслериксиз.
 
АЙДЖАЯКЪ. Поет Альбина Токова

Загрузка плеера


Альбина переделала (или кто-то переделал) песню. Къасбот пел песню от первого лица, напрямую обращаясь к своей возлюбленной, Альбина поет от третьего лица
 
АЙДЖАЯКЪ

Загрузка плеера


поет Зухра Кабардокова, как и Альбина, от третьего лица.
 
АЙДЖАЯКЪ. Исполняет Борис Уртенов

Загрузка плеера


В исполнении Б. Уртенова текст песни правильный
 
АЙДЖАЯКЪ. Ёзденланы Абугалий джырлайды.

Загрузка плеера
 
АЙДЖАЯКЪ. Эбзеланы Зуъра джырлайды

Загрузка плеера
 
АЙДЖАЯКЪ
Музыка и стихи Касбота Кочкарова (Багъыр улу) (1834-1940).

Айджаякъ, ала джаулугъунг
Ариу джарашады бойнунга.
Мен а сукъланама, ёлеме
Мамукъдан джумушакъ къойнунга.

Ой, джылкъы анасы - акъ байтал,
Ол а къарышкъулакъ тай табар.
Мен сени анангы уста таныйма,
Ол а къалгьан къатынладан файгъамбар.

Ой, джылкъылада хора тай,
Салчы аягьынгы тузакъгьа.
Манга эки къанат а битгеед,
Айджаякъны алыб кетерге узакъгьа.

Ойра, тузакъ, дейле, къоймайла,
Къанджыгъамда джибек аркъаннга.
Сора хора дейле, къоймайла
Кесим миниучю тарпаннга.

Ой, тарпан тайла ойнайла,
Ала ойнагьандан тоймайла.
Сени ананг манга сормай берлигед,
Къалгьан сюймегенле къоймайла.

Ой, тулгьа барлыкъ сен болсанг,
Санга менден игини ким табар?
Иги тулгьа бармай къалгъан а къатын,
Артда бушуу этиб, джер къабар.

Ой, джылкъы анасы - акъ байтал,
Ол а сакъат болду, ырахын.
Ойра, мен сюйгенлей сюймесенг,
Сени болсун мени гюнахым.

Ой, Баъьыр улу къурурукъ,
Къаллай хоралагъа минеди,
Къара кёрпе тонла киеди,
Эрсиз къатынланы сюеди.

Кел, биз Тебердиге барайыкъ,
Джашарбыз, къанджалбаш юй салыб.
Башыбызгьа уллу кюн салыб,
Эшиклеге къаты чюй салыб.

Багьыр улу Къасбот деген - кюл аякъ.
Тапхада болур, джаным, чын аякъ.
Тапхадан тюшюб, аякъ ууалсын,
Шахар Тебердини суу алсын.

Ойра, тауда отлагъан кийикле,
Ала джукъламайла, сойланмай.
Мен сени алай алыб къоялмам,
Иги сагьыш этиб, ойламай.

Туура болумунгу мен айтсам,
Айджаягъым, ариу акъ джаулукъ,
Къалмагьанды энди сени юсюнгде
Керти алгъын кибик махтаулукъ.


http://onesong.ru/14/Omar-Otarov/tekst-pesni-Aydjayak
 
Кеб болмай эследим... Къарачай-малкъар миллетде кёбюсю бла Сюймекликни юсюнден джырлайдыла... Ата-анагъа, Ата джуртха, миллетге, таулагъа, джаш сюймеклик))
Манзуратти
 
Sabr, Сиз сау болугъуз, иги тема ючюн! Энтда сюйген джырларыбызны къошарбыз биз да)))

Ма башгъа "Айджаякъ" джыр:


АЙДЖАЯКЪ (Хурриет Эрсойгъа)
Сёзлери Суюнчлени Азаматны,
макъамы Джаммаланы Борисни.


Айны, Кюнню къызымыса, Айджаякъ,
Ингил джилтин джылы джарыкъ тийдирген?
Къайдан чыкъдынг сен, джаз джилек, бал таракъ,
Къыш чилледе кесин татлы сюйдюрген?

Сен джашагъан Стамбул бла Анкара
Санга сыйлы, багъалы да болурла,
Къарачайда хар бир тау да - минара,
Мийик чыкъ да, бизни джуртгъа бир къара.

Сени бабанг-акканг салгъан къалала
Ёмюрледен санга хапар айтырла,.
Джаягъынгы сал да, ташын тансыкъла,
Ала ичген таза суудан сен уртла.

"Къонакъ" дерге боллукъмулла адамла
Ата юйюн сюйюб келген къызына?
Узаймайын кёл салырса джуртунга,
Сен ашыкъма къайытыргъа ызынга.

Сени бла тюбешген кюн, Айджаякъ!
Къар джауса да, ай батылмайд шахарда.
Аякъ ызыбызны джабмаз джабалакъ,
Унутулмаз татлы ушакъ арада.

Къарачайдан кетме, ариу Айджаякъ,
Къарачайда хар бир тау да - минара!
Таугъа чыгъыб, сагъыш этиб сен къара,
Сюймекликге чырмау болмаз чек ара.

Видеосу бу джырны да джокъ, джырлагъан Джаммаланы Борис, бизни аудиоразделде бардыла джырлары.


Загрузка плеера


:серенада: :серенада: :серенада: Сёзлерин форумда обсуждать этеек, "не дейди алайда" - баш, деб, бир 2 джыл бундан алгъа))) Дагъыда сёзлени бу джырдача таб ангылатыб джырлагъан - аллай табгъан къыйын болур. Ауазын бек джаратама)) :alamat:
 
Бу да Тамбийланы Къасботну "Айджаягъы"

Загрузка плеера
 
Тюзюн айтсам, юч ёмюрде джырланнган Къочхарланы Къасботну "Айджаякъ" джырыны атын къатышдырмасала иги боллукъ эди.

Джаш джырчыла джырларына башха ат атасала, табыракъ боллукъ эди. Керти джырчы башхагъа бир сёзю бла да ушамазгъа кюрешеди. Семенланы Джырчы Сымайыл "Айджаякъ" демегенди джырына, сюйгенине да - АКЪТАМАКЪ дегенди. Къалгъанла да алай этерге керекдиле..
 
АКЪТАМАКЪ. Макъамы, сёзлери да - Семенланы Исмайыл (Джырчы Сымайыл)

Загрузка плеера


Джырлайды Отарланы Омар
 
Семенланы Исмайылны "Акътамагъын" джырлайды Ёртенланы Борис.

Загрузка плеера
 
АКЪТАМАКЪ - сёзю, макъамы да Джырчы Сымайылныкъыдыла

Загрузка плеера


группа Учкекен.
 
 
АКЪТАМАКЪ. Джырлайды автор - Семенланы Исмайыл

Загрузка плеера
 
Омар Отаров и Зоя Алтуева. Кёгала

Загрузка плеера
 
группа Салам. Кёгала

Загрузка плеера
 
Казиев Азнор. Кёгала

Загрузка плеера
 
Кёгала.

Загрузка плеера


Ким джырлагъанын билген бар эсегиз - айтыгъыз, марджа
Страницы: 1 2 3 След.
Читают тему (гостей: 1)

Форум  Мобильный | Стационарный