СЕМЕНЛАНЫ ДЖЫРЧЫ СЫМАЙЫЛ

Sabr 03.12.2010 06:45:00

1 0

Къарачайны эм уллу Джырчысы эмда Поэти
СЕМЕНЛАНЫ ИСМАЙЫЛГЪА (ДЖЫРЧЫ СЫМАЙЫЛГЪА)
аталады бу тема.

Тамада къауумдан аны таныгъан, билген, айтыры болгъан, ушакъгъа къошулса - бек разы боллукъбуз.
Джаш къауумдан аны джазгъанларын тинтгенле бар эселе, алагъа да "хош келигиз" дейбиз.

Джангыдан таныйыкъ Къарачайны закий Адамын.

Ответы

sufilya semenova 25.10.2015 21:04:58
Сообщений: 75

Изменено: sufilya semenova - 26.10.2015 04:45:57

sufilya semenova 25.10.2015 21:26:07
Сообщений: 75

ДЖЫРЧЫ СЫМАЙЫЛНЫ 1992 ЧЫКЪГЪАН, АНЫ АДАБИЯТХА ДЖАНГЫДАН КЪАЙТАРГЪАН КИТАБЫН КЪАРАЛАГЪАНЛАНЫ КЪОЛ ЫЗЛАРЫ.
БУ КЪАРАЛАМА, ДЖЫРЧЫНЫ ДЖАНГЫ ЧЫКЪГЪАН 2 ТОМЛУКЪ КИТАБЫНА САЛЫНГАНДЫ. НЕ МУРАТ БЛА САЛЫНДЫ ЭКЕ?

Изменено: sufilya semenova - 26.10.2015 04:58:13

sufilya semenova 26.10.2015 16:46:07
Сообщений: 75

Зубайда!

Бизни анабыз "аланы аналары ёлген этгенди, алагъа джукъ айтмагъыз"-деб, джукъ айтсакъ, башыбызгъа ура, алай ёсдюргени ючюн, биз сизни сюйдюк, джылла бла джумушунгу да этдик, барыб-келиб турдукъ, сизни бир заманда да ёге кёрмедик.

Алай, бу къара ишни этгенигизден сора, эгечликден не къалды, билмейме!

Кёб затны билиб, къара тынгылауну басыб тургъан, манга, кеси АТАНГА бла КЪАРНАШЫНГА да быллай джаулукъ эте билир ючюн, бек чюйре джюрек керекди! Кемсиз сейирсиндим!

Не болду да, сен атамы джаулары бла сармаш-долаш болдунг, неден бу кир джазыуну джаздынг, Азретни атын да нек бу къара ишге сукъдунг?

Ол джазыуну АЗРЕТ джазмагъанын къараб кёргенлей да ангылагъан эдим, не ючюн десенг:

1/. джазыучу айтмазлыкъ затла айтылгъандыла;

2/. АЗРЕТ мени бла бирге ол китабны хазырлагъанын билмеген адамны джазгъаны ачыкъ кёрюнеди;

3/. джорумлада – кенг тюшюнмеген, джазыучу кёрюшю болмагъан, китаб чыгъармачылыкъ ишден хапарсыз адам джазгъаны эрлай кёзге тюртюледи.

Джангыз, китаб чыгъаргъанла, аны ичине да бу къаралау джазыуну салгъанла, нек эсе да, аны кёралмагъандыла!

Билимми джетмегенди, кёрюргеми изленмегенди, огъесе санга ышаныб, окъур заман табмай, къызы табсыз зат джазар-деб тюшюнмей, къарамагъанлай, ийгенингча салыбмы къойгъандыла? – аны Аллах билир!

Экспертиза бюгюн манга ал билдириу берди. Менде, джазыуланы юсюндеги АЗРЕТНИ къол ызы бла, ол къараламадагъы къол ыз бир тюлдюле, не къадар ушашдырылыб кюрешилген эсе да!!! Стильден а айтмай къояйыкъ! Энди къагъыт берир ючюн, ол къараламаны асылын сакълаб турадыла, мерекеп анализи этиллик, ол эсги "книга учетагъа" джазыу не заман тюшгенине къараллыкъды. Бу да сюдге кирмей болмайды. Айыб этме, кесинг башлатхан къаугъагъа разы боллукъ болурса.

Китаб чыгъарыу иш къыйын затды. Ийне бла кёр къазгъан кибик бир ишди. Ал тиздириую, халатларын тюзетиую, андан сора джангыдан, тазагъа чыгъарылыуу, стиль, орфография тюзетиулери, терс набор этилиб кетген, харф тюшген, джангылыч джазылгъан сёз кибик затла, хар китабда боладыла. Аланы киши да терслеу этмейди, окъугъан да, тюшген харфни кеси тамамлай окъуб кетиученди.

Сен а, атабызны китабында чучхумагъан джер къоймай, кюлкюлюк болурча затланы айтханынг, аланы да «Азрет джазгъанды»-деб, джазыучу къарнашны да сындыргъанынг, бек ауур затды. Сени бу харамлыкъгъа тюртген бири болгъан болур ансы, тюгел быллайса дерге, ийнан, бусагъатда да тартынама.

Эм кючлю финансированиясы бла академик бир китаб болмаса, хар заман, хар китабда хатала болуучандыла. АЗРЕТ кеси да китабларында хаталаны кёргюзтюб, кёб кере муну айтыучан эди. Хатала мени китабларымда да бардыла. Бир джазыучу алкъын таб-таза, хатасыз китаб къолуна алмагъанды. Аны къалай сёз этгенсе, къалай джазгъанса «бетсизлик», «джау», «джыймагъанлыкъ» д.б. сёзлени? «Кябагъа баргъан-мен, хапар айтхан-сен»-дегенлей, билмеген, кёрмеген затларынгы «алайды», «авторда»-деб къалай джазалгъанса, хадаус?

Быллай затла джазылсала, джуаб берлигими, тынгылаб, тёзюб тургъан затларымы да айтылырын билмейми эдинг?

Сени этгенинге бир тюрлю бир магъана бералмай, сорургъа излейме: неди бизни юйдегиге, Аббагъа джаулугъунг? Мени анам сени анангы ёлтюрюбмю келгенди? Сизни анагъыз, джандетли болсун, ёлгенден сора, атам джыр этиб, талай айны келечи джюрютюб алмагъанмыды анамы? Сени бу тюйюмлю джюрегинги ангылагъан бек зорду!

Атабызны сыйлы орундан тюшюрюрге, аны орнуна бир башханы салыргъа кюрешген джаула санга быланы биле-биле этдиргенлерин ангыламазча тумакъланыбмы къалгъанса?

Къаллай къыйынлыкъда аны атын тазалагъанбыз, къаллай «къобановланы» ыхдыргъанбыз! Алай, андан сени не хапарынг болсун, сен хар зат хазыр болгъандан сора «атангы сюйюб» ортагъа чыкъгъан къызса. Мен а-тартхан таджалма, нени-не, кимни-ким болгъанын бек ариу билеме! «Ит болмагъан джерде тюлкю юрюр»-дегенлей, атамы ёмюр джаулары бла ишбирликчи болуб, торунлагъа да уу бериб, атабызгъа бек уллу къара иш этдинг, эркинлигинг болмагъанлай сугъулуб!

Былайда санга, атамы АХЫР АЙТЫУЛАРЫНДАН, анам ёлгенден сора, маулутха дери биргесине тургъан заманымда, сен бир кере да келмеген заманда, джаздыргъан аманатын салайым.

Осияты, санга къой, «Джашчыкъгъа берме, ол быладан къоркъар»-деб турады. Ма джазгъаны! Бу атамыкъы тюлдю дерча, туура аллай бузукъ болмазса деб ышаныргъа кюрешеме:

СУФИЛЯГЪА

/Анам ёлгенден сора маулутха дери экибиз бирге тургъан эдик, ол заманда, кесини арабча джазгъанларындан окъуй, манга кириллица бла джаздыргъан эди.1980. ТЕРЕЗЕ./

"Эй, къызым, сен улан болсанг мени атымы дуниягъа айтдырыр эдинг,

мени тонаб, мыйыкъ бургъанланы къара терлерин акъдырыр эдинг,

да, не келсин, тиширыу деген - джукъа, ала бла кюрешалмазса,

итлик бла айтылгъан, бу пасыкъланы, Хакъгъа келтиралмазса,

былада бет-намыс джокъ, адамлыкъ - зылды тутхан мырды кибик,

тиллери уа, башха болмайын - джыргъы кибик,

тиширыуду-деб хатеринги этмезле, инджитирле,

мени атымы айтханлай, хаман ёрге турлукъ, эски генезирле.

Хей, "итден ит туар, ит бла белин бууар",

ит тукъумну сыры тёлюсю бла тууар,

ол тёлю да миллетни башына ауар.

Была кеси сырын тёлюсюне джайгъанды,

да джарлы Къарачай да, тая-тая тайгъанды.

Эй, сюймегеним, зарым кёб, къызым, кесинг кюрешме, сени аямазла,

эгечден туугъан, Лайпан улу, джаш болса да -баш, Пилялгъа тиялмазла,

Джашчыкъгъа берме, ол быладан къоркъар, аузун ачалмаз,

бу ишде, ёрге туруб, сени къолунгдан туталмаз,

Пилялгъа мени саламым бла элт бу джазыб алгъанларынгы,

ол кёкрекли джашды, ол къуалар бу къара къаргъаланы".

1980. Октябрь.Терезе.

Бу атамыкъымыды, тюлмюдю?

Бек акъылсызлыкъ иш этдинг, Зубайда! Сырыгъызны сакълаб тургъан, манга, Аббаны китабына тийдинг да, 23 джылны тынгылаб, тёзюб тургъанларымы айтдырдынг. Аузугъузну тыйыб, кючюгюз джетмеген джерлеге сугъулмай, джаула бла ишбирликчи болмай турсагъыз, АКТАМАКЪНЫ юсюндеги джаланларыгъыз ачыллыкъ тюл эди.

Энди уа-хайырлы болсун!

Джау болгъанынгы, мындан ары да бир-бири бетибизге къарамаз болгъаныбызны ангыладым.

Санга этген джумушум, сени уллу эгечимча сюйгеним – халал болсун, алай мындан ары-айырылдыкъ!

Атамы къачы сени урмаз, инша аллах!

Хар адам билген, къолундан келген ишни этерге керекди. Сен да билген ишинги эт.

Аббаны осияты манга - джазгъанларын чыгъарыргъа, ачха зат болса уа-барыгъызгъа да тенг юлеширге, не да, юйдегини оноуу бла, Къарачайгъа, Малкъаргъа багъышларгъады!!!

Алайды да, мен кёрмегенлей зикир да, джыр да, ийнар да чыгъармагъыз, не ючюн десенг, алимлени айтханына кёре, зикирлеригиз чыртда атамы сёз урумундан узакъ, келишмеген затладыла, Аббаны чыгъармачылыгъына да кёлекге тюшюредиле.

Менде къыяуну тюзетир Аббаны тили, джюреги, кёкюреги, бу ишге керекли окъуу-билим да барды, китаб чыгъарыуда да чыныгъыб бошагъанма, аны ючюн мен кёрмей мындан ары чыгъарыу болмаз!

Абба, къайтарыб-къайтарыб осият этгенди манга!

Мен аны осиятын да толтура келгенме, мындан ары да, джаным сау болуб, алай боллукъду! Бир адамгъа Аббаны теблетирик тюлме!

Хар чыгъарлыкъ затыгъызны мен кёрмесем, мындан ары сюд джолу бла ара айырыллыкъды, басмаланган да джыйдырыллыкъды!

«Чийсил» хапар излей джайылгъан «журналистле» бла сёлешген сагъатынгда, "атам къара танымагъанды", «къарангы эди»-деб бек тели-мели затла айтханса. Сен таныгъан ата 40-чы джыллада къалгъанды, Зубайда!

Бизни атабыз, кёз бла кёрюб, латин китабларын бизге окъуучан эди, арабча уа турмагъанлай джазыучан эди, аллы айланса айтыб джаздырыучан эди! Кирилде къол салыучусун а сен да биле болурса. Дагъыстанда, Ташкентде да окъумадымы афендиликни? Алмадымы имам къагъытны? Арабча уста тюлмю эди? Тюркча сёлешмейми эди? Адам аллай затланы къалай айтыр джохар атасына? Айыбынг бетингде къалсын!

Бусагъатда алимлерибиз джазма хазнасыны барысына да къарай турадыла, атама тыйыншлы болмагъан хар зат джазмаладан чыгъарыллыкъды, джылы, джашау ызы да, болгъаныча, китабха салынныкъды, не ючюн десенг, Абба халкъын сыйлы кёре эди, ётюрюк айтдырлыкъ тюл эди.

Эсимдеди, мен сабий болуб, "Къарачай халкъ джырла"-деген китабда, АЗРЕТ бериб, "Акътамакъ" чыкъгъанында, анда "Анисат", "Махаралы" къошулгъанын окъуб: "энди халкъ билгенни тюрлендириб нек айлангандыла?- деб бек мыдахланган эди. Ол эсимде къалгъан затды. Атам Анисатны сюйген болур, алай «Акътамакъ» , Анисатны аты-чуу да болмагъан сагъатда, Багъатырланы Айша-Ханымгъа этилгенди, аны да бютеу Къарачай биледи!

Алайды да, мындан ары, дуния джаланны, кёзбаулукъну къатышдырмай, алам чагъында болгъан атамы хар заты кертиге байланныкъды, джашауу да болгъаныча джазыллыкъды.

Сюйген адамынг бек кюйдюре кёре эдим, сени айырыб сюйгенимден, ёге джюрек тутуб тургъанынгы эслемеген эдим.

/Сора, арт кюнледе, сизден бир къаумла, мени ызымы ызлаб, адресими соруб, юйдегиге телефон этиб мени излеб айланганлары ючюн, «105 джигитлигигизни» да эсге ала, прокуратурагъа билдириу джаздым, манга бир джукъ болса, сизден эм "шохларыгъыздан" соруллугъун да былайда билдиреме!/

Джумушум халал болсун! Сен да туздамынгы халал эт!

Муну бла айырылдыкъ!

Болгъанга Аллах, Аббаны джаны, Къарачайым, Малкъарым тёре болсун!

Изменено: sufilya semenova - 06.11.2015 13:50:35

Сэстренка 26.10.2015 19:36:11
Сообщений: 9931

Как грустно...(((

Я самая классная на форуме))))))))))))))

Sabr 31.10.2015 03:07:51
Сообщений: 7254

ДЖЫРЧЫ СЫМАЙЫЛ. Джырла бла назмула. Сайламалары. Москва, "Инсан", 1992

Сымайылны назмуларын джыйыб бизге берген Джырчыны къызы Семенланы Софияды — джазыучу, сахначы эмда режиссёр.

Китабха ал сёз орнуна тюшген макале 1989 джыл джазылгъанды, Къарачай-Черкес илму-излем институтну тамада илму къуллукъчусу Лайпанланы Билалны «Къарачай поэзия: суратлау кючю эмда джашау кертилиги» атлы илму ишини Семенланы Джырчы Сымайылгъа аталгъан бир юзюгюдю.

1990-чы джыл Къарачай-Черкес илму-излем институтда алимлени къозгъалыуларыны-забастовкаларыны кёб чуруму бар эди: аладан бири да - миллет адабиятыбызны хакъындан илму тинтиулени ана тилибизде джазаргъа къоймагъанлары, сёз ючюн, Джырчы Сымайылны юсюнден.

Мен илму ишими эки тилде джаза эдим — орус эм къарачай тилледе. Къуру орус тилде джазыб турсакъ, бизни ана тилибиз айнырыкъ тюл эди. Башха республикалада, областлада аллай институтла хазырлагъан китаблада илму ишле эки тилде да бара эдиле, джангыз бизни институтну башчысы, Акъ юйдегилеге бетсиниб, ариу кёрюнюрге кюреше, «къуру орус тилде джазаргъа керекди» деб, тохтагъан эди. Коммунист партияны Ставропол край комитетинден келген комисссияны башчысы да мени бла ушагъында «илму ишлени орус тилде джазаргъа керексиз, къарачай тилде уа юйюгюзде сёлешсегиз да джетерикди» деб, тохтагъан эди. Ставропол крайгъа тагъылыб тургъан Къарачай-Черкес областда ассимиле сиясет-политика ма алай кючлю эди. Не Адыгеяда, не Дагъыстанда, не Къабарты-Малкъарда биздеча къаты тюл эди хал.

Джырчы Сымайылны юсюнден статьямы илму китабда чыгъарырча мадар джокъ эди. Джазыучуланы област организациясы да Исмайылны джолун кесиб тургъан болмаса, аны китабын чыгъарыр, Джырчыны адабиятыбызгъа къайтарыр оноу этмей эди.

Не институтну юсю бла, не джазыучуланы организиясыны юсю бла Джырчы Сымайылны китабын чыгъартыр амал джокъ эди. Ма алай бла — кърал джанындан болушлукъ болмай, джол ачылмай, Исмайылны китабын талай адам, энчи кючюбюз бла Москвада чыгъаргъан эдик. Ким биледи, алай болмаса, Исмайылны назмулары китаб болуб чыкъмай, бюгюнлеге дери да турлукъ болур эдиле. Сау болсунла Джырчыны къызы Софья да, китабны басмалатхан Семенланы Дахир да. Ала чыгъаргъан китабдан башланнганды Джырчы Сымайылны халкъыбызгъа, адабиятыбызгъа къайытыуу. Къарачайда Исмайылны Юбилейин бардырыргъа онг болмай, ол Малкъарда бардырылгъан эди. Китаб да эм алгъа анда чачылгъан эди халкъгъа. Малкъарда ол иш а Бегийланы Абдуллахны башламчылыгъы бла, кючю бла бардырылгъан эди. Абдуллахха биз бек разыбыз, Къарачай джаны эталмагъанны этген эди. Сау болсун, кёб джашасын таулу къарнашыбыз.

ЛАЙПАНЛАНЫ Билал

Sabr 31.10.2015 03:08:39
Сообщений: 7254

Sabr 31.10.2015 03:09:16
Сообщений: 7254

Sabr 31.10.2015 03:10:24
Сообщений: 7254

Sabr 31.10.2015 03:11:26
Сообщений: 7254

Sabr 31.10.2015 03:12:17
Сообщений: 7254

Sabr 31.10.2015 03:15:55
Сообщений: 7254

Sabr 31.10.2015 03:16:58
Сообщений: 7254

Sabr 31.10.2015 03:17:49
Сообщений: 7254

Sabr 31.10.2015 03:19:31
Сообщений: 7254

Sabr 31.10.2015 03:20:25
Сообщений: 7254

Sabr 31.10.2015 03:21:20
Сообщений: 7254

Sabr 31.10.2015 03:22:15
Сообщений: 7254

Sabr 31.10.2015 03:23:28
Сообщений: 7254

sufilya semenova 31.10.2015 14:48:31
Сообщений: 75

Цитата
Sabr пишет:

САУ БОЛ, БИЛЯЛ!
КЪАЛЫН КЪУЛАКЪЛЫ, КЁР ДЖЮРЕКЛИЛЕГЕ КЕРТИ КЪАЙДАН ЁТСЮН!

Sabr 01.11.2015 16:19:31
Сообщений: 7254

Bilal LAYPAN

99-ЧУ НАЗМУ СЫМАЙЫЛГЪА

Трам ханны туудугъу!

Къулла - къул этиб,
ёзденле - ёзден этиб,
бийле - бий этиб,
мискинле - мискин этиб,
байла да - бай этиб,
хар ким - кесича этиб,
кесине къошуб,
кёргюзтюрге излейле сени.

Айтаса сен:
«Джокъду бий-къул-ёзден.
Адам улу юлешинеди эки къауумгъа:
Аллахны къулларына
эмда
Ибилисни къулларына.
Башха тюрлю юлешиу халкъны -
джанлауду джолундан Хакъны».

Ангыламайла насыбсызла -
сен тукъум шайыры тюл,
сыныф шайыры тюл,
партия, кърал джырчысы тюл,
таб, халкъ поэти тюл,-
Хакъ поэтисе сен.

Трам ханны туудугъу!
Бир Аллахха болгъанды
сени къачан да къуллугъунг.

Фыргъауунлагъа «алданнган» кёзюуюнг да,
алагъа махтау салгъан сёзюнг да
болгъанды. Алай а,
тюшерик эсенг да палахха,
ол заманда да Аллахха
къаршчы бир сёз
айтдырталмагъандыла санга.

Махтау салгъанынг фыргъауунлагъа
не ючюн болгъанын айтыб,
артда къайытханса таубагъа.

«Сталин деген чууутлу,
джашауубузну къурутду,
тиллерибизни чалдырды,
кесине махтау салдырды.

Махтау салалгъан тёргеди,
салалмагъан а — кёргеди:
джан татлы — мен да айтама,
артда тобагъа къайтама».

Тау поэзиябызны къулагъына
азан къычыргъанса сен,
алай бла шайтанны, джинни
Акъ сёзден къачыргъанса сен.

Хакъ сёзню Акъ сёз бла да айтхан,
зикир бла, джыр бла да айтхан
шыйыхыбыз, шайырыбызса сен,
закийибиз, акъылманыбызса сен.

Фыргъауунланы кёзюулеринде да
Хакъ сёзню, Акъ сёзню айта халкъгъа,
къуллукъ этгенсе Хакъгъа.
Зулму, сюргюн, сойкъырым джыллада да
тохтамагъанды Аллахха къуллугъунг.
Ма андады сени уллулугъунг.

Атынг да, Сёзюнг да тутмакъда
ёмюр джарымны турдула.
Эм иги назмуларынг
ма ол заманда туудула.

Тиширыугъа, Анагъа, Джуртха
джыр эталгъан болмады сенича.
Ала бла къалыб кетсенг да
кёрюннюк эдинг закийча.

Ала болсала да сени
танытхан, билдирген халкъгъа,
Сени бизге уллу кёргюзтген -
къуллукъ этгенингди Хакъгъа.

Ибилис джорукъ ма аны ючюн
къыйнагъанлай тургъанды сени,
туугъан халкъынг а ма аны ючюн
артыкъ да бек сыйлагъанды сени.

Къара кючле уа энтда сени
къоймайла джукъларгъа рахат:
терс бла тюзню арасында,
ётюрюк бла кертини арасында
биягъынлай барады къазауат.

Алай а, Хакъ шайырыбыз,
къАлма къайгъыгъа, сагъышха:
тутмакъдан чыкъгъан Сёзюнгю -
энди, джангыдан -
киши джыялмаз чалдышха.

Сенича,
сакъ бола тилге, Сёзге да,
къуллукъ эте Аллахха-Хакъгъа,
джараргъа адамгъа, халкъгъа -
Аллах буюрсун бизге да.

sufilya semenova 01.11.2015 21:02:54
Сообщений: 75

Цитата
Sabr пишет: Сенича, сакъ бола тилге, Сёзге да, къуллукъ эте Аллахха-Хакъгъа, джараргъа адамгъа, халкъгъа - Аллах буюрсун бизге да.

БИЛЯЛ!
ДЖАШАУУ САНГА КЪАЛСЫН!
АТАМЫ БИЗДЕН ДА ИГИ БИЛГЕН, ХАР ДЖАРСЫУУН АНГЫЛАГЪАН, КЕРТИ БИР ТИН ДЖАШЫСА СЕН!
САУ БОЛ!
КЁБ ДЖАША!

Sabr 02.11.2015 23:45:13
Сообщений: 7254

НОЯБРНЫ ЭКИСИ

Тарихибизни совет кёзюуюнде бизни халкъгъа джетген къыйынлыкъланы алимледен эм биринчи джазгъан Дудаланы Махмутду, джазыучуладан - Семенланы Исмайыл.

Махмуд тышында эди да, бизни халкъны «алчыларына» анга налат бердиргенден башха анга джукъ эталмай эдиле. Джырчы Сымайылгъа уа къыйынлыкъ кёргюзтюр ючюн къалмадыла. 50 джылны узагъына чыгъармаларын басмалатмай, джырларын джырлатмай, атын айтыргъа къоймай, ма аллай тутмакъда тутдула Исмайылны.

Бюгюн, Къарачай халкъны эм къара кюнюнде, ол эки уллу адамыбызны сагъынмай къойсакъ, тюз болмаз.

sufilya semenova 12.11.2015 07:59:03
Сообщений: 75

АКЪТАМАКЪ
Багъатырланы Айша-Ханым.
Родилась в 1889 году.
Умерла в 1969 году.
С Джырчы Сымайыл встретилась в Учкулане, когда она приехала к родственникам на свадьбу, в 1910 году.
Ей было 21 год. Отец говорил, что был старше ее, на 10-12 лет.

Фото 1932 года.
Здесь ей 43 года.
Даже в трауре и в таком возрасте, прекрасна.
Царствие небесное.
ПРОСТИ НАС, АКЪТАМАКЪ!

Изменено: sufilya semenova - 12.11.2015 08:22:52

sufilya semenova 12.11.2015 08:06:58
Сообщений: 75

Сымайылны Акътамакъгъа белгиге берген джюзюгю бла тюйме бауу.
Алтын суу ичген кюмюш, къарасаутлу.
Бюгюн да джуукъларыны къолундадыла.
Сора поэмадан да иги кесек алада табылды.

Прикрепленные файлы

005.jpg (30.12 КБ)
003.jpg (271.14 КБ)

sufilya semenova 13.11.2015 14:49:01
Сообщений: 75

АЙША-ХАНЫМ, АРИУ, АКЪТАМАКЪ...

(Багъатырланы Айша-Ханым аушхандан сора, Москвада бир джуугъунда табылгъан, Джырчы Сымайыл кеси анга, белги джюзюк бла бирге, атаб берген, "Актамакъ" поэманы бир кесеги.)

Айлана бардым а, джюрюй бардым а,

Ай кёрдюм, тенгле, Хан-Чабакъ,

Хэй, тынч джюрегими алай къозгъады,

Айша-Ханым, ариу, Акътамакъ.

Ой балдраджюздеди къышны азгъаны,

Юсюнге джаууб джабалакъ,

Хэй, хатхумда, джанар, шынкъарт джакъгъанды,

Айша-Ханым, ариу, Акътамакъ.

Бир марал кийикни тутханма, алан,

Къаягъа аркъан атаракъ,

Хэй, сер джашауму сейир этгенди,

Айша-Ханым, ариу, Акътамакъ.

Ой кюн ачылгъанды, джаз башланганды,

Джел булутланы къуаракъ,

Хэй, Даулет-Герийни къызыды, дейле,

Айша-Ханым м, ариу, Акътамакъ.

Ой джарыкъ тангым а атады, дейме,

Танг белги кёкню сызаракъ,

Хэй, учундурду, бу джохар чачлы,

Айша-Ханым, ариу, Акътамакъ.

Ой Минги тауда уа марал кийигим,

Аугъа тюшмейди, къачаракъ,

Хэй, чёрчек джаш кибик этгенди мени,

Айша-Ханым, ариу, Акътамакъ.

Ой муну къатына барсам а, алан,

Тёнгегим, сынлай, къатаракъ,

Хэй, да Сымайылны армау этгенди,

Айша-Ханым, ариу, Акътамакъ.

Ой бу маралгъа уа киши тиялмайды,

Ой да кесине базаракъ,

Хэй, мени кёкрегимде джаз чакъдыргъанды,

Айша-Ханым, ариу, Акътамакъ.

Ой санга къалынга атла берликме,

Сыйлы келечиле саларакъ,

Хэй, тотур джиб бла тутханды мени,

Айшаханым, ариу, Акътамакъ.

Байду къыз джёнгерге келир а, алан,

Джолда бизге хапар айтаракъ,

Хэй, кёкге тартхан мурат этдирди,

Айша-Ханым, ариу, Акътамакъ.

Ой Къуриентлеге уа энчи къарарма да,

Хар керегине чабаракъ,

Хэй, манга къанат битдирди, алан,

Айша-Ханым, ариу, Акътамакъ.

Къуриент джашлары, къызджёнгер болуб а,

Аякъгъа къалкъыб, хан- къабакъ,

Хэй, Семенлеге алай келир да,

Айшаханым ариу Акътамакъ.

Алтындан тухдиле тюудюрлюкме да,

Чыгъарча чач баугъа, тюгъаракъ,

Хэй, сюймекликни уа манга танытды,

Айша-Ханым, ариу, Акътамакъ.

Ой сени онгдурмай тутарыкъма да,

Джумушха джалчы аларакъ,

Хэй, джохар джаллы, да генджа тайым,

Айша-Ханым, ариу, Акътамакъ.

Ой къарнашынга уа тору ат берликме,

Алтынлы артмакъ атаракъ,

Хэй, юч ёзенге хапар болгъанды,

Айша-Ханым, ариу, Акътамакъ.

Ой мында къалсанг а безгек боллукъса,

Сени джашатырма Лабада,

Хэй, джакъгъан кюнде сериуюн аязым-

Айша-Ханым, ариу, Акътамакъ.

Ой Шейтханым а ашхыды, дейле,

Сени алландыра, айтаракъ,

Хэй, джюрек кёзюмю ачдырды, алан,

Айша-Ханым, ариу, Акътамакъ.

"Тюйдюрлюкме" орнуна "тикдирликме"-деб, эскермей джангылыч джазгъан эдим. Кечмеклик тилейме. Тюзетдим.
Эсги джазыудан джазылгъаны ючюн, чыгъаралмай, Багъатырланы атаул атыны эки харфин да терс джазгъан эдим, сау болсунла болушханла, аны да орнуна салдым. "Куриентди атаул атлары. Айыб этмегиз.

Изменено: sufilya semenova - 20.11.2015 14:04:59

sufilya semenova 14.11.2015 22:26:21
Сообщений: 75

БОЛЬШАЯ ПРОСЬБА К БОГАТЫРЕВЫМ, РОДСТВЕННИКАМ АЙША-ХАНЫМ!

НУЖНЫ ЕЕ ФОТОГРАФИИ, С ОТКРЫТЫМ ЛИЦОМ.

ПРОСЬБА ВЫСТАВИТЬ ИХ ЗДЕСЬ ИЛИ ПЕРЕСЛАТЬ МНЕ.

С УВАЖЕНИЕМ...

Изменено: sufilya semenova - 16.11.2015 13:37:05

Krokus 15.11.2015 21:59:02
Сообщений: 102

Отрывок из поэмы сделал мой вечер!!!
Читали и перечитывали, восхищались и грустили...
Такая мелодика, столько лиризма на фоне горской сдержанности и мужественности!
И очень трогательное фото...

sufilya semenova 16.11.2015 13:31:58
Сообщений: 75

Цитата
Krokus пишет: Отрывок из поэмы сделал мой вечер!!! Читали и перечитывали, восхищались и грустили... Такая мелодика, столько лиризма на фоне горской сдержанности и мужественности! И очень трогательное фото... ДОРОГОЙ КРОКУС, СПАСИБО!

Цитата

Krokus пишет:

Отрывок из поэмы сделал мой вечер!!!
Читали и перечитывали, восхищались и грустили...
Такая мелодика, столько лиризма на фоне горской сдержанности и мужественности!
И очень трогательное фото...

ДОРОГОЙ КРОКУС, СПАСИБО!

sufilya semenova 05.12.2015 04:25:49
Сообщений: 75

АТАМ, САНГА ТАРЫГЪАЙЫМ
Джарлы атам, сени талан этгендиле,
Джашауунга джангы чекле чертгендиле,
"Акътамагъынг" бир башхагъа аталгъанды,
Айша-Ханым чыгъарылыб, атылгъанды.

Айтыуунгу магъанасы къыйылгъанды,
Алтын сёзюнг джез къаблагъа джыйылгъанды,
Керти сёзюнг джалгъан бла джабылгъанды,
Муну этген юйдегингден табылгъанды.

Окъа буруу айтыуларынг - тартмаланды,
Айтмагъанынг, айтхан кибик, басмаланды,
Джашау ызынг , джылынг, сырынг, тюрленнгенди,
Бютеу бары ётюрюкге бёленнгенди.

Айтхан эдинг, "аямазла" - деген эдинг,
Боллукъланы кёб алгъадан билген эдинг,
Да къызынгы, аяусузча тилгендиле,
Ёз сырларын манга дери кергендиле!

Джарлы къызынг, ит сюрюуден, таланнганды,
Юсюне де хар болмазлыкъ къаланнганды,
Тарыгъама, атам санга, инджилгенме,
Адамладан, юйдегингден чиркиннгенме.

Да джюрегим, джер тенглиди, джаным-Абба,
Бусагъатда, сени ишинг, къатыш-къыбба,
Кюрешеме, аны чырмаб джыйяйым - деб,
Бу алдауну къуюлгъанын тыяйым - деб.

Алай мындан гыл тюшюрген джакъчы болуб,
Чыкъылыкъла "къыз", "джаш" болуб, хакъчы болуб,
Артыкъ сёзню бир кёб эштдим, болмай хатам...
Ма алайды, бюгюн туруу, джарлы атам!
17.12.2015.

Изменено: sufilya semenova - 22.12.2015 13:04:08

sufilya semenova 06.12.2015 16:23:08
Сообщений: 75

Изменено: sufilya semenova - 21.12.2015 00:30:11

Читают тему (гостей: 1)

Форум Мобильный | Стационарный