СЕН КИМСЕ?

Къара чачлы 17.04.2015 22:03:16
Сообщений: 1750
Адам улусу жаратылгъанлы "мен ким болурма" деген соруу жашай болур...
Ата - бабам, тукъумум, жерим, тилим, диним... - Была ушайдыла да бизни халкъ этип, бу кюнню сынатып, жашатып, излесек а, жашнатып тургъан!
Манга эм сейири неди:
1. Бюгюнлюкде жаш тёлюбюз бу башында саналгъан затлагъа былай аз эс нек бёледи? Ол бизни неге элтеди? Неденди бу бары? Къайры барабыз?
2. Малкъарда алай да тюйюлдю, Къарачай жанында ол зат къатыракъ жюрюйдю: къул тукъум, бий тукъум, ёзден тукъум деген... Бу жашауда ол тизмеге жер бармыды? Уллу атасына дери кючден санаялгъанланы тукъум тарыхлары чырт да изленмеген сунама, нек? НЕК? НЕК?
3. Биз - ёсюп келген жаш тёлю бу аталарыбыз билгенни биле бармасакъ, ол бизни ызыбыздан келликле уа нени билликдиле? Ол заман ала къалай жашау этерикдиле? Ол жашау болурму?
4. Шёндю ючге айланнганла юйюрле къурап башлагъан заманда тукъумубузгъа, жууукълукъгъа эсибизни бурмасакъ, аны ахыр чекге санамасакъ, не кюн жетер ангыбыз анга?

Мени бу форумда бар темаларым да тил бла, тарых бла, жер бла байламлыдыла, эрикдиргенди деп да кёбюгюз айта болурсуз, бир да аямагъыз :) эрикдире - эрикдире жетиге дери санатайым бу темада уа)))

Багъалы жамауат!
Сабий - балий, уллу - гитче, къыз - жаш да!

"МЕН БИР ХАЛКЪНЫ БИР ИНСАНЫ,БИР КЕСЕГИМЕ,ТУКЪУМУМУ БИР АДАМЫМА" деген сезим шо къайсыгъызны жюрегигизде жашай эсе да, былайда къайсы тукъумла жууукъ жетгенлерин, ананг, анангы анасы, атангы анасы эм да алай, андан ары бир да болмай эсе жетиге дери бир санагъыз, жазыгъыз! Сормагъан - билмейди дейдиле да, билмеген айыпды ансы соргъан айып тюйюлдю, соругъуз, ол манга угъай, сизге, тамблагъызгъа керекди!

"Къадарны этегинде...","Сени ючюн"...(с)
Къара чачлы 17.04.2015 22:13:40
Сообщений: 1750
Мен чомарт адама да, мен башласам тизме терк кетерик болур :)

Мен Рахайланы Тахирни къызы Дианама.
Рахайлары - ёзден тукъумдула, Бызынгы аузунда жашагъандыла, жашайдыла, Аллах айтып, энтта кёп ёмюр жашасынла!)
Тукъумуму тарыхы керек болса, айтырсыз, жазарма.
Анам Аттоланы къызларыды, ол да ёзден тукъумду, Бызынгы аузундандыла.
Атамы анасы Кучменладанды, ала шыкъычыладыла.
Атамы анасыны анасы Гаиыладанды, ала да Шыкъыдандыла.
Атамы атасыны анасы Биттирладанды - холамлыладыла.
Атамы атасыны анасыны анасы Жаболаданды - холамлыладыла.
Анамы атасыны анасы да жаболаданды.
Анамы анасы Чеккаладанды - Жиччечиле - Бызынгыда аллай жер барды.
Анамы анасыны анасы - Чочайладанды - Бызынгылыла.

Атала:

1. Рахай
2. Токъ
3. Акъбай
4. Алабай
5. Уян
6. Жёбе
7. Макъа
8. Кючюк
9. Къыя
10. Таусолтан
11. Солтан
12. Жибрил
13. Тахир
14. Диана - Жарсыугъа мени атамы ызы былайды тохтайды.

Къартла айтханнга кёре, Уян бла Жёбени ортасында энтта бир ата болгъанды, атын бири да тюз айталмайды. Бирлери уа ол ата Акъбай бла Алабайны арасында эди дейдиле.

"Къадарны этегинде...","Сени ючюн"...(с)
бездушный кролик 18.04.2015 04:17:08
Сообщений: 14960
Диана, иги тема къурагъанса!!!

Жаболадан жуукъ жетесе))))

Религиозность – это не только нахождение в мечети, но и хорошие взаимоотношения с людьми и благой нрав. Вот на эти качества должна обратить внимание молодежь при выборе второй половинки.
reenat 18.04.2015 15:11:07
Сообщений: 1
Сен кимсе - это значит "кто ты?"
Къара чачлы 21.04.2015 19:54:18
Сообщений: 1750
бездушный кролик,КЕРТИМИ? Саначы къайсы тукъумладан къатышынг барды :)

"Къадарны этегинде...","Сени ючюн"...(с)
Къара чачлы 21.04.2015 19:54:35
Сообщений: 1750
reenat, тюз да ма алайды магъанасы!))

"Къадарны этегинде...","Сени ючюн"...(с)
бездушный кролик 22.04.2015 18:36:58
Сообщений: 14960
Цитата
Къара чачлы пишет:
бездушный кролик ,КЕРТИМИ? Саначы къайсы тукъумладан къатышынг барды
Э,нэт!))))Не буду палить всю подноготную)))))Хотя че тут такого)))

Как нибудь жазарма)))))

Религиозность – это не только нахождение в мечети, но и хорошие взаимоотношения с людьми и благой нрав. Вот на эти качества должна обратить внимание молодежь при выборе второй половинки.
Читают тему (гостей: 1)

Форум  Мобильный | Стационарный