АХМАТОВА бизни поэзияда. "Бийче мухурлу" назмула.

АХМАТОВА бизни поэзияда. "Бийче мухурлу" назмула.

Sabr 11.05.2014 15:42:24
Сообщений: 7254

2 0

Бюгюн сау джашагъан къарачай-малкъар назмучуларыбызда - кишини кёлю къалмасын - Ахматланы Люба биринчи орундады. Аны бир къауум назмусу поэзияны бютеудуния антологиясына салыныргъа тыйыншлыды. Алай а, аны китабларын дженгил да чыгъармай, кесин да эслемегенча этиб тургъанларына, бек сейир этеме. Лайпанланы Билалны "Ахматова бизни поэзияда" ("Бийче мухурлу назмула" деб басмаланнган эди ол "Къарачай" газетде") макалеси-статьясы болмаса, Любаны юсюнден тыйыншлы сёз, хакъ сёз айтылмагъанды.

Джаш назмучулагъа (къуру алагъа да тюл - барыбызгъа да) Ахматланы Любаны назмулары юлгюдюле.

Шохларым, окъугъуз таулу эгечибизни назмуларын - сокъуранмазсыз.

Любаны китабы Эльбрусоидни электрон кютюпханесинде-библиотекасында салыныбды.


http://www.elbrusoid.org/library/fiction/?PAGEN_1=8
Sabr 11.05.2014 15:53:05
Сообщений: 7254

2 0

"Къарачай" газет,
2014 дж. мартны 20

Мартны 21 — Поэзияны бютеудуния кюню


ЛАЙПАНЛАНЫ Билал

АХМАТОВА БИЗНИ ПОЭЗИЯДА. «БИЙЧЕ МУХУРЛУ» НАЗМУЛА.

Къарачай-малкъар поэзияда джангыз эки китабны, бир башлагъаным бла, айырылалмай, ахырына дери, окъуб чыкъгъанма.

Биринчи китаб - «АРА БОРАН» - 1986-чы джыл чыкъгъанды, автору Бабаланы Ибрахим. Аны аты белгилиди - Къайсын Ибрахимни малкъар поэтлени барындан да баш кёре эди. Экинчи китаб - «ТИЛЕК» - 2013-чю джыл басмаланнганды, джазгъан - Ахматланы Люба. Алай а, аны юсюнден уллу джукъ джазылыб, билмейме.

Къуш къанатлары болгъанны къой, шорбат чыпчыкъ тенгли фахмусу болгъанны да эслеучю, ёрге кёлтюрюучю Къайсын, сау болса эди, Любаны юсюнден, «поэзиябызгъа къаллай къыз келгенди» деб, къашлары да ёрге кёлтюрюлюб, къолларын да кёкге тутуб, ышарыр эди, къууаныр эди. Аламат назмулагъа тюртюлсе, этиучюсюча, Любаны бир-эки назмусун да, бал татыу этдириб, окъур эди...

Ай медет, Къайсын джокъду энди, алай а, Бегий улу, Ёлмез улу дегенча, ол ышаннган джашла, Аллахха шукур, саудула. Абдуллах да, Мурадин да, Ахматланы Любаны къарачай-малкъар тиширыу поэзияны баш джетишимине санайдыла. Поэтессаны китабын окъугъандан сора, мен да ол оюмгъа келгенме.

Бу китаб аллай назмуладан къуралгъанды - эм къарыусузуна кюмюш, къалгъанларына да алтын, накъут-налмаз белгиле бериринг келеди. Эшта, Любаны назму китабы Кърымшаухалланы Ислам бийни медалына бош теджелген болмаз.

Да неди да Ахматланы шайыр къызны дуния поэзияны дараджасына чыгъаргъан?

Назму джазыуну (силлабикадан башлаб, бюгюннгю эркин назмугъа дери) бютеу джорукълары, амаллары бла хайырлана билгеними? Шийирлеринде ритм-джюрюш чырт бузулмай, асхамай баргъанымы? Рифмаларыны-кафиелерини кючлюлюгю-ариулугъу-джангылыгъымы? «Джыджымны узуну, сёзню уа къысхасы» иги болгъанын ангылаб, джазгъанларын созмагъанымы? Назмусуну суратлау дараджасы бек мийикде болгъанымы? Ауаз бермей, кёзбау, кука ариулукъ къурамай, Хакъ сёзню Акъ сёз бла айталгъанымы?

Барысы да, барысы да. Къалгъанладан эм уллу башхалыгъы уа санын-тёнгегин къымыжа этмей, кёлюню-джюрегини ариулугъун-тазалыгъын кёргюзте билгениди. «Къарауаш - бутундан, бийче къыз - къутундан танылады» деб, бир эски айтыу барды. Аллайын, Ахматланы шайыр Любаны назмусу сюймеклик шийирлени ичинде «бутундан» тюл, къутундан танылады. Олду Любаны лирикасыны энчилиги, «бийче мухуру».

XXI-чи ёмюрню шайыр къызы Ахматланы Любаны сюймеклик тизгинлери, XVI-чи - XVII-чи ёмюрледе джашагъан Гошаях Бийчени Къаншаубийге таралгъан джырыны-кюуюню мийиклигине чыкъгъанлары анданды, аны ючюндю. Любаны сюймеклик лирикасы халкъ ийнарладан кюч ала, бютеудуния поэзияны тенглигине чыкъгъан эсе, аны эслеб, ол мийик адабият джетишимибизни юсюнден айтыргъа да, джазаргъа да борчлубуз.

Бир-бир китаблада юлгюге келтирирге бир маджал назму табмай абызырайса. Любаны китабында уа къайсысын сайларгъа билмей къыйналаса - къышхы чегетде нызы тереклеча кёгередиле ала. Кюймеклик назмуларын да сюймеклик джарытыб турады.

Ай къанатын жерге тюшюрдю,
Агъызды жилямугъун булут.
Насыбым гоккача юшюдю,
Акъ къарлада бузлады умут.

Бузчачакъ жаулугъу жылтырай,
Къыш сыйырды жайны саугъасын.
Сын бола, бирде уа къалтырай,
Эшитеме энтта ауазын...

Бу ата-бабаларыбыз джаза келген эски силлабика (джик тенглик) джорукъ бла джазылгъанды. Рифмала да игидиле: тюшюрдю-юшюдю, булут-умут, джылтырай-къалтырай, саугъасынауазын. Суратлау дараджасы уа аламатды: хар тизгини бирер сурат.

Сюймеклик бошалса,
Къуругъан терекгеми ушайды,
Къуругъан терекге,
Бутагъы замансыз къуругъан?..
Сюймеклик бошалса,
Таркъайгъан черекгеми ушайды,
Таркъайгъан черекге,
Юзмезге амалсыз жутулгъан?..

Бу назму уа, силлабо-тоника джорукъ бла (басымлы, басымсыз бёлюмлени кёзюулешиб баргъанлары) джазылгъанды. Басым хар ючюнчю бёлюмге тюшюб барады (анапест).

Мени сейирсиндирген, быллай шайырларыбыз бола тургъанлай, бизни поэзия (Къарачай джанына айтама) кёкге нек кёлтюрюле болмаз? Бизни сюймеклик ийнарла дунияда джангыз бир халкъны аллай хазнасындан кем тюлдюле. «Джыр Къарачайда этилир да, Малкъарда джырланыр», деб, тургъанлары да белгилиди. Энди не болгъан болур бизге?

Къарачайда назму джазыу тёре артха тёнгереген болмаса, бир да алгъа атламагъанды. Къарачайда къаллай назмула басмаланнганларына, алагъа да къаллай махтау сёзле айтылгъанларына къараб, сейир болуб турама. Тепси джанында айтылгъан алгъыш сёзлени бирле назмуду деб басмалайдыла, бирле да аны махтайдыла. Алай бла поэзиябыз къалай ёсер? Назмугъа не уллу магъана салсанг да, ритми асхай эсе, рифмасы къарыусуз эсе, суратлау дараджасы джокъ эсе, ол поэзия хазна къалай болур?

Айта, юрете билген да джокъ, юренирге излеген да джокъ. «Неме да былай джазады» деб, назму маталлы бир затланы китаб этиб чыгъарыб, башха графоман да анга махтау сёзле джазыб, не заманнга дери барлыкъбыз экен?

Тамада къауум силлабо-тоникагъа кёчюб, назму джазарыкъларына ийнанмайма, джашыракъ къауум а - излесе - джазаллыкъды. Узакъгъа барыргъа кереги да джокъду, малкъар назмучула ямб, хорей, анапест...ёлчеле бла джазадыла,- айтыргъа, силлабо-тоника джорукъгъа кёчюб бошагъандыла. Орус тилде назмула нек тынч окъуладыла - ол джорукъ бла джазылгъанлары ючюн - басымлы-басымсыз бёлюмле кёзюулешиб келгенлери ючюн. Бизни тилге ол джорукъ келише болмазмы? Келишеди, анга шагъат малкъар къарнашларыбыз, эгечлерибиз джазгъан чыгъармала.

Любаны биринчи китабы 1998-чи джыл чыкъгъанды, экинчи китабы - 2013-чю джыл. Ол джукъа китабчыкъгъа кирген назмула 14 джылны узагъына джазылгъандыла. Бютеулей да 113 назму - кеслери да къысха назмула. Айтыргъа, орта тергеу бла (поэзияны алай тергерге болмай эсе да) бир джылгъа он назму джазады, таб, андан да аз. Алай а, къаллай назмула - адамны эсинде къаллыкъ, халкъыбыз джашагъан къадарда джашаб турлукъ, ёлюмсюз назмула. Любаны назмулары къысха болгъанлыкъгъа, аланы ёмюрлери узун боллугъуна окъуучу кеси тюшюнюр - аны назму китабын окъуса. Мен а, ол китабда къаллай назмула болгъанларын энтда бир кере кёргюзтюр ючюн, сёзюмю тамамлай, Ахматланы Любаны талай назмусу бла окъуучуланы шагъырей этерге излейме.

АХМАТЛАНЫ ЛЮБА
(Назмула малкъар диалектде басмаланадыла)

КЪАРА ТАШНЫ ЖАРАСЫ

1
Къар жауады, жабады жерни
Сагъышым - ажашхан зурнуклай...
Ауазы улутады желни, -
Мен къалгъанма санга тансыкълай.

Жашауну биринчи къарлары
Агъарадыла тау башлада.
Жюрегим жиляды таралып,
Таш жаргъан кюч а - кёз жашлада.

2
Гошаях! Ол ачы юлюшюнг
Ачытды кёплени жанларын.
Нек келесе мени тюшюме,
Ташланы да къыя санларын.

О, къалай базындынг кючюнге!
(Бушуу жокъча, бу къар а - таза!)
Сюймеклик жоюлмаз ючюннге
Сынатдынг сен ташха да азап.

Таяндырмай армау башынгы,
Къаншауну сакъладынг ашыгъып...
Жарасы ол Къара ташынгы
Бюгюн да къанайды, ашланып.

3
Туманнга бёленнгенди эсим.
(Къар жауады Басхан тарында).
Жашагъанма, ах, билмей кесим
Гошаях бийчени жырында.

Къар жауады, жабады жерни
Сагъышым - ажашхан зурнуклай...
Ауазы улутады желни, -
Мен жашайма санга тансыкълай.

АЖАШХАНМА ЖАШАУДА

Къар жауун къатыш тюшеди
Кюз жайгъан кюйюзлеге.
Мудахлыгъын юлешеди
Ёзенлеге, тюзлеге...

Ай мутхуз нюрюн чачады,
Жарыта орамланы.
Сагъыш китабын ачады
Тауланы къарамлары...

Жол излейме, жокъду жол а.
Ажашханма жашауда.
Айт, неге, кимгеди, сора,
Жюрекден ургъан шаудан?

СЕН КЪЫЙНАЛАМЫСА МЕНИЧА?

Юч жол айырылгъан жерде,
Сакълаймыса мени алгъынча?
Бузлаймыса сууукъ желде,
Жюрегинги жарсыу алгъынчы?

Сюймекликни суратлары -
Сууукъ отну сууукъ нюрюча...
О, толмагъан муратларым,
Мудахсыз сиз – ахыр кюнюча

Бу ёмюрню. О, хаух дуния...
О, неди, неди байлыгъынг?!
(Кюз саламы – жауун къуя...)
Санга элтирми къайыгъым?

Сюелме сен сууукъ желде,
Жырларыма да, хо, ийнанма...
Юч жол айырылгъан жерде
Къалды насып, къалды ийнар да.

Мудахды жаралы жюрек,
Бу жиляуукъ кёкню кенгича.
Юч жол – юч къуругъан черек...
Сен къыйналамыса менича?..


***
Жаз табийгъатны нюрю
Дуниягъа тёгюледи.
Къалай жарыкъды кёлюм,-
Жюрекде сууукъ ёледи.

Журтуму чууакъ тангы
Лёкъу чакъгъаннга ушайды.
Жауунну жыры – жангы,
Жауун къууанчда жиляйды.

Агъачны жашил чачын
Оюнчакъ желчик тарайды.
Къайгъыларымы чачып,
Кёзюме биреу къарайды.

Хауаны тазалыгъы
Жюрегими эсиртеди.
Сени айтхан сёзлеринг
Кече, кюн да эсимдеди.


***
Тёгерекни бийлегенди къарангы,
Ай жарыгъы тереземден къачханды.
Жюрегимде эрттегили жарамы
Жай кечени шыбырдауу ачханды.


***
Тюшлериме сормай-ормай келесе.
Мен а сени аллынга чыгъалмайма.
Бошалгъанды жомагъыбыз, билесе,-
Ёлген гюлме, жангыдан чагъалмайма.

Озгъан кече келдинг мени тюшюме.
Мен а сени алгъынча сакъламайма.
Къой жанымы акъ къарлада юшюме,-
Жюрекни таша жырын жокъламайма.

Жырлай билген жырлагъанын къоярмы,
Жарыкъ жыры узакъ жары кетгенлей?
Сюе билген сюймекликден тоярмы,
Сюйгенинден къадар къуру этгенлей?


***
Жапханды къар жолубузну терен.
Боллукъ болду, терсни-тюзню излеме...
Озгъан кюнню къайтмазын тергеп,
Келлик кюнден умутуму юземе.

Тюнгюлме сен а – насыбынг алда.
Жашау насыпды, къалгъаны – алдау.
Узакъ болса да энди арабыз...
(Билдим, къоркъгъанына тюбейди ким да)
Ма бюгюн да ачыйды жарабыз,
Заман кетди, ол башына эркинди.

Унутма, жаным, мен да унутмам,
Алай жашама энди умутда.

Сейирди, тамашады дуния,
Заман да эмилик атлай чабады.
Сезимлерим, табалмайын уя,
Хауледиле...Къышны къары жабады

Чал чачынгы, керти сюймеклигим,
Жаннет нюрюм, уллу кюймеклигим.


***
Энтда ётдюрдюк бир кюн...
Ол да тас болду бизге.
Эки жюрекге жюгюн
Къоюп, кетгенди тюзге.

Энтда ётдюрдюк бир кюн...
Ол кетди, алай тири,-
Сагъышча, ауур бёркюн
Экибизге кийдирип.

Энтда ётдюрдюк бир кюн...
Ол кетди бизден, жиляй.
Тамбла да келликди кюн -
Жашау ётеди алай.

Энтда ётдюрдюк бир кюн...
Сен – менсиз, сенсиз а – мен.
Насыпны этгенди кюл
Умут тартыучу тирмен.
Sabr 11.05.2014 23:30:12
Сообщений: 7254

1 0

АХМАТЛАНЫ Люба

Назмула. "ТИЛЕК" деген китабындан


ТАР АУУЗДА

Терек тепсейди желде,
Ауанасы уа - жерде.
Чапырагъы агъады,
Кюзге сыргъа тагъады.

Бутакълары - билекле,
Тилегенча тилекле.
Терек кёкге созула,
Кюн а бютюн бузула.

Кёк жарылды, жашнады,
Жауун жаууп башлады.
Жокъду кюзден къутулуу -
Дунияда сууукъ солуу…


Ж А У У Н

Жиляйды жауун,
тюшюре жилямукъ,
Мени да,кесича,
эте жиляуукъ.

Чексиз-къыйырсызча
аны бушууу
Сёз айтмай жиляйды,
этеди шуу-шуу.

Селейтмейди ол
бийикден, тамгъанын,

Манга да сала
мыдахлыкъ тамгъасын.









Sabr 11.05.2014 23:57:50
Сообщений: 7254

1 0

АХМАТЛАНЫ Люба


АЖАШХАНМА ЖАШАУДА


Къар жауун къатыш тюшеди
Кюз жайгъан кюйюзлеге.
Мудахлыгъын юлешеди
Ёзенлеге, тюзлеге…

Ай мутхуз нюрюн чачады,
Жарыта орамланы.
Сагъыш китабын ачады
Тауланы къарамлары…

Жол излейме, жокъду жол а.
Ажашханма жашауда.
Айт, неге, кимгеди сора
Жюрекден ургъан шаудан?


ТАУЛУ

Таула – таулуну юйю ,
Къадары , мудах кюйю ,
Умуту , акъ сагъышы ,
Жомагъы , жазы , къышы .

Кавказ тауланы жашы ,
Къум тюзледе ажашып ,
Тауларынга термиле ,
Жанынг отха кёмюле ,

Онюч жылны , узакъда ,
Киши жерде , тузакъда ,
Ачы гыржын ашадынг ,
Кёп ахлунгдан бошадынг
.

Кёпню кёрдюнг , сынадынг ,
Кёз жаш иймей , жилядынг .
Этдинг кёл , тапдынг къарыу ,
Ийнандынг – келир жарыу
!

Бошалды деп азаплыкъ,
Халкъгъа келип азатлыкъ,
Таулу таулагъа къайтды,
Тау тилинде жыр айтды!

Таулу – тауланы жашы,
Тауда жашауу – ашы.
Жарыкъ жюреги, жыры,
Жашагъан юйю – жылы.

Таулу – тауланы жашы,
Тауда тыпыры – ташы.
Таулу таууна ёрлер,
Ёрлей билгенле – эрле!

Sabr 12.05.2014 04:09:00
Сообщений: 7254

1 0

АХМАТЛАНЫ Люба


ИЙНАН МАНГА, ИЙНАН

Ийнан манга, ийнан,-
Жаулама энди.
Сюймеклигим - ийман,
Насыб а - кенгди...

Табылмады мадар
Унутдурурча,
Таза сезимими
Тунчукъдурурча.

Малкъарымы тангы -
Тенгиз жаухарча.
Буюрулду манга
Сенсиз жашарча.

Алай а сур болмам,
Жашау элберди.
Болур жаным къурман,
санга тюбер да...
Sabr 12.05.2014 14:23:16
Сообщений: 7254

1 0

АХМАТЛАНЫ Люба


ТАР АУУЗДА

Жел, къанатларын жайып,
Тар ауузда учады,
Бир къонады, шошайып,
Бир туманны чачады.

Тар ауузда наратла
Кёкге созуладыла.
Бутакълары – къанатла,
Кюнден кюч аладыла.

Тар ауузда къаяла
Ариудула, акъдыла.
Тёппелери – мияла,
Бошалмаз жомакъдыла!


СИЗ НЕ САГЪЫШ ЭТЕСИЗ?

Жол жанында ёсген жёге,
Чулгъанаса сууукъ желге,
Чапырагъынг тюше жерге,
Сен не сагъыш этесе?

Тенгизге ашыкъгъан черек,
Толкъунларынг кюмюш жибек.
Жиляй, жырлай, саркъаса терк…
Сен не сагъыш этесе?

Учуп баргъан къанатлыла,
Кёк кенгинде рахатлыла,
Учхан чакъда – азатлыла,-
Сиз не сагъыш этесиз?
Culduz 12.05.2014 14:48:22
Сообщений: 160

1 0

S Ü Y M E K L İ K B O Ş A L S A

Süymeklik boşalsa,
Kurugan terekgemi uşaydı,
Kurugan terekge…
Butagı zamansız kurugan?..

Süymeklik boşalsa,
Tarkaygan çerekgemi uşaydı,
Tarkaygan çerekge…
Üzmezge amalsız jutulgan?..

Süymeklik boşalsa,
Coyulgan caşlıkgamı uşaydı,
Coyulgan caşlıkga…
Kalası ajımlı oyulgan?..

Süymeklik boşalsa,
Buzlagan culduzgamı uşaydı,
Buzlagan culduzga…
Cüregi suuukdan uyugan?..

-----------------------------------------

С Ю Й М Е К Л И К Б О Ш А Л С А

Сюймеклик бошалса,
Куруган терекгеми ушайды,
Куруган терекге…
Бутагы замансыз куруган?..

Сюймеклик бошалса,
Таркайган черекгеми ушайды,
Таркайган черекге…
Юзмезге амалсыз жутулган?..

Сюймеклик бошалса,
Жоюлган жашлыкгамы ушайды,
Жоюлган жашлыкга…
Каласы ажымлы оюлган?..

Сюймеклик бошалса,
Бузлаган жулдузгамы ушайды,
Бузлаган жулдузга…
Жюреги сууукдан уюган?..


АХМАТЛАНЫ Люба

Прикрепленные файлы


Ana tilim meni cürek tilim ...
Culduz 12.05.2014 14:50:30
Сообщений: 160

1 0

- Nedi cauun? - Cilâmuk öresine.
- Nek cilâydı? Ne tüşgendi esine?
Tamıçıla kök kırdıknı cuudula,
Kök kırdıkda kızıl gülle tuudula.

Teyri kılıç iydi biyikde nürün,
Alma terek tökdü üsüne gülün.
- Nek cilâydı cauun? - Oldu cumuşu.
Causun cauun, cerge kelmesin buşuu.

------------ AHMATLANI LUBA ----------------

- Неди джауун? - Джилямук ёресине.
- Нек джиляйды? Не тюшгенди есине?
Тамычыла кёк кырдыкны джуудула,
Кёк кырдыкда кызыл гюлле туудула.

Тейри кылыч ийди бийикде нюрюн,
Алма терек тёкдю юсюне гюлюн.
- Нек джиляйды джауун? - Олду джумушу.
Джаусун джауун, джерге келмесин бушуу.

Прикрепленные файлы

Изменено: Culduz - 13.05.2014 09:36:46

Ana tilim meni cürek tilim ...
Sabr 12.05.2014 15:11:48
Сообщений: 7254
Culduz,

Назму-сурат-музыка бирлиги - Къочхарланы Леман, сау болугъуз.

Ахматланы Люба кеси бери кирген тёреси болса - Сизге бек разы боллукъду: аны назмуларын - магъаналарына кёре - ариу джасагъансыз.
Sabr 13.05.2014 03:03:00
Сообщений: 7254

1 0

АХМАТЛАНЫ Люба


КЁРГЕНМИСЕ...

Кёргенмисе
къарны ариу жаугъанын,
Къыш келгенде
нарат ёсген тарлагъа?
Кёргенмисе
жанкъозланы чакъгъанын,
Жаз келгенде,
къонакъ болуп, таулагъа?

Жыйгъанмыса,
отча, къызыл жилекни,
Тыкъ толтуруп
амманг берген челекни?

Эштгенмисе
кюзню терен солууун,
Сезгенмисе
табийгъатны болумун?

Кёргенмисе
чапыракъла акъгъанын,
Терезенги мудах жауун
къакъгъанын?

КЪОЙ, ТАРЫКЪМА

Аманлыкъ атлы болуп,
Ызынгдан къууа эсе,
Амалсызлакъны къолу
Боунунгу бууа эсе,

Жашау бетинге кюлюп,
«Низамын» сала эсе,
Жарыкъ ийнаныу ёлюп,
Тынчлыкъ бузула эсе,

Жанынга хошлукъ келип,
Жюрек тынгылай эсе,
Жангыз болгъанын билип,
Кечеде жиляй эсе,

Къой, тарыкъма кёгюнге,
Жеринге да тарыкъма.
Тапмасанг да ангылау,
Сен аладан ыйлыкъма.

Жашау тирменни ташын
Тазалыгъынг бурлукъду.
Узакъ жолунгу тюзлюк
Жарытханлай турлукъду.

ДЖУЛДУЗЛАНЫ АЛЫБ КЕЛГЕНДИ ДЖЕЛ

Жулдузланы алып кетгенди жел,
Алай жукълайды тынч, солуйду эл.
Манга уа жокъ тынчлыкъ да,
эсенлик да,
Жюрегимде озгъан, болгъан,
келлик да
Тамырларын ийгендиле терен.

Жулдузланы алып кетгенди жел.
О, нек жукълайды, нек солуйду эл?!
Излемейин мадар да,
болушлукъ да…
Къарангылыкъ, бу огъурсуз
шошлукъ да
Тамырларын ийгинчинге терен.
Жулдузланы алып кетгенди жел...

А К Ъ У М У Т

Акъ тауда
Акъ маралла
Акъ къарны теплейдиле.

Акъ тауда
Акъ ташлада
Акъ желле тепсейдиле.

Акъ таугъа
Акъ умум
Сюргенлей барады да.

Акъ тауда
Къызыл къаным ,-
Жюрегим жарады да.

Акъ тауда
Акъ ташладан
Акъ къала этермеми?

Акъ тауча,
Акъ умутха,
Созулуп жетермеми?

Акъ таугъа
Акъ булутдан
Къар болуп жауармамы?

Акъ тауда
Акъ маралны
Акъ сютюн сауармамы?

Акъ тауча
Акъ тюзлюкню
Жашауда табармамы?

Акъ тауну
Тёппесинден
Насыпда къарармамы?!

ДЖАНЫМ, ДЖАНЫМ

Жаным, жаным-
жарыкъ Ай ,-
Кюмюштуякъ
женгил
тай,
Тюпсюз кёкде жылтырай,
Кече билмейсе жукълай.
Жокъду манга да жукъу ,-
Жашау дегенинг – букъу :
Толмай къалып умутум,
Амалсыздан улудум…

Жаным,жаным -
жарыкъ Ай ,-
Кюмюштуякъ
женгил
тай,
Кёк жел жалкъангы тарай,
Бийикден жерге къарай,
Акъ нюрюнгю чачаса,
Салкъын кёкде учаса ,-
Туякъларынг от чагъа ,-
Жылымыды от жагъанг?

Жаным, жаным -
жарыкъ Ай ,-
Кюмюштуякъ
женгил
тай,
Минг жулдузну жарыгъы
Бир кесингде – алтын Ай.

Жаным, жаным -
жарыкъ Ай -
Кюмюштуякъ
женгил
тай,
Юйюнг, арбазынг да – кёк,
Жай, сен жерге насып – тёк
Culduz 13.05.2014 03:22:02
Сообщений: 160

1 0

Üzülgen mınçaklaça çaçıldık,
Colung seni alıp ketdi uzakga…
Cüregim da başha türlü açıdı,
Boyaganda kış tögerekni akga.

Ozgan kışla umutlanı buzlatıp,
Athandıla eki jerge, kıyırga.
Cangı ayga kanatların uzatıp,
Bizni saldı süymekligibiz cırga…

- 105 -

Tüşlerime sormay - ormay kelese.
Men a seni allınga çıgalmayma.
Boşalgandı comagıbız, bilese,-
Ölgen gülme, cangıdan çagalmayma.

Ozgan keçe kelding meni tüşüme.
Men a seni algınça saklamayma.
Koy janımı ak karlada üşüme,-
Cürekni taşa cırın joklamayma.

Cırlay bilgen cırlaganın koyarmı,
Carık cırı uzak carı ketgenley?
Süye bilgen süymeklikden toyarmı,
Süygeninden kadar kuru etgenley?

------------ AHMATLANI LUBA ----------------


Юзюлген мынчаклача чачылдык,
Жолунг сени алып кетди узакга…
Жюрегим да башха тюрлю ачыды,
Бояганда кыш тёгерекни акга.

Озган кышла умутланы бузлатып,
Атхандыла еки жерге, кыйырга.
Джангы айга канатларын узатып,
Бизни салды сюймеклигибиз жырга…

- 105 -

Тюшлериме сормай - ормай келесе.
Мен а сени аллынга чыгалмайма.
Бошалганды жомагыбыз, билесе,-
Ёлген гюлме, жангыдан чагалмайма.

Озган кече келдинг мени тюшюме.
Мен а сени алгынча сакламайма.
Кой жанымы ак карлада юшюме,-
Джюрекни таша джырын жокламайма.

Жырлай билген жырлаганын коярмы,
Жарык жыры узак жары кетгенлей?
Сюе билген сюймекликден тоярмы,
Сюйгенинден кадар куру етгенлей?

Прикрепленные файлы

Изменено: Culduz - 13.05.2014 10:09:41

Ana tilim meni cürek tilim ...
Sabr 14.05.2014 00:22:43
Сообщений: 7254
АХМАТЛАНЫ Люба


К Ё З Л Е


Дугъумча, къара кёзле,
Толкъунча, кёксюл кёзле…
( Кёзледегин эслесенг ,-
Керекмейдиле сёзле. )

Буз кибик сууукъ кёзле
Къыйналгъанны кёрмезле.
Башханы къууанчында
Ышармазла, кюлмезле.

Гюлге къууаннган кёзле
Мудах болурла кюзде.
Жылыу берген жюрекни
Излеп табарла жюзден.

К Ю З

Алтын чапыракъ адыргы бурулады,
Къанат жютюсю бла тырнай хауаны.
Мени ичимде уа бир жыр бууулады,
Мудах сагъышха къалдыра тауланы.

Мени жюрегим а кюзге табынады,
Кюзню уа бир азды нюрю, жарыгъы.
Жарсыу да, жаныу да элпек табылады ,-
Жауун да жиляр, жашаудан тарыгъып.

Ш Ы Й Ы Х А Т А М

Зынгырдата къарлы бийиклени
Къая къызы мудах жырын айтады,
Элгендире ёхтем кийиклени,
Чучхур болуп,кесин жухдан атады.

Къалтырата субай наратланы,
Къая къызы, боран болуп, жетеди.
Табийгъатда ариу суратланы
Бояуларын тамашалыкъ этеди.

Бийиклеге – ёрге, ёрге, ёрге -,
Атам сюйген Азау тала сакълайды!
Къая къызы, алсанг а нёгерге -,
Къонакъ юйюн тюшлеримде жокълайды

ариу атам! Аны ауанасы,
Аякъ ызы да ол жерде къалгъанды.
Умутуну жиляйды анасы,
Акъ умуту жарты жолда къалгъанды…

Къыралына эте эди къуллукъ,
Сюе эди ишин, адамланы да.
Алай а кёп жашамады – буйрукъ…
Бизге къойду кюнню да, тангланы да…

Азау тала,Чепеллеуюнг ёлдю,
Азды, азды Минги тауну бети да,
Къонакъ юйю ахыр кезин кёрдю,
Мудах болду,ууахтысы жетди да.

Акъ умуту кёмюрча къаралды,
Къая къызы, жиля, жиля мени бла.
Сюе эди атам бу тауланы,
Сюе эди таулу халкъын кёлю бла.

Атам кетди ,- эталмадым мадар,
Ёлюм ахшыланы да – хакъ ,- элтеди.
Хар инсаннга – энчи жулдуз, къадар,
Хар адамгъа – энчи насып жетеди.

Къал, атам, жат ариу жаннетледе,
Тюшлериме да мудахлыкъ келтирме.
Жанкъоз чагъар Азау бетлеринде…
Умутунгу уа мен кесим элтирме ,-

Жарты жолда къалгъан умутунгу,
Жюрек жылыуунгу да мен сакъларма,
От жагъангда ёчюлтмей отунгу,
Адамлагъа юлюш эте жашарма.

Сыр сырына, суу ызына къайтыр.
Таза къанынг жюрегимде къайнайды,
Ол энтта да жарыкъ жырын айтыр ,-
Кёзлеримде сени нюрюнг ойнайды.

Игиликге салгъанма жолуму
Жол нёгерим халаллыгъынг боллукъду.
Къызынгма да, келликди къолумдан,
Аллах айтса,хар умутунг толлукъду,

ШЫЙЫХ АТАМ !..
Sabr 14.05.2014 07:18:32
Сообщений: 7254
АХМАТЛАНЫ Люба


Э Л И М

Быллым тынгылайды къышхы
жомакъгъа,
Келди да жомакъ элиме къонакъгъа.
Таула, къаяла да жукълай къайгъысыз,
Къарлы орамда айланама жангыз.

Бу къыш кечени ушатама тюшге,
Элде орамла сырылып кюмюшге.
Тюшгенча болама эски жомакъгъа -
Обурча, учады, тютюн ожакъдан.

Мени жанымы бийлегенди сагъыш,
Салгъанчады къыш жаныма да накъыш.
Жаным къууанады туугъан элиме,
Болгъу эдим къор ташына, желине.

Сюеме да, тапмайма сёз айтыргъа,
Жерин да, кёгюн да салырча жыргъа.
Болсун огъурлу хар къышы, хар жазы,
Толсун къууанчдан хар юйю, арбазы!

Элим жашнасын тауланы къоюнунда,
Къобуз согъулсун къууанчлы тоюнда,
Таулу унутурча мында ачыуун ,-
Кюню да, жели да болсун хычыуун!

Т А У Л У К И Й И З

Таулу кийиз -
Ёресине оюу – накъыш.
Сени сокъгъан къоллагъа -
Махтау – алгъыш!

Таулу кийиз,
Хар накъышынг сёлеше,
Жюреклеге
Сейир сезим юлеше.

О Тиширыу,
Кийиз басхан ыннам!
Азап чекдинг,
Аллах а берди чыдам…

Селейтмединг
Жюрегинги жылыуун,
Сен этмединг
Ата журтну жиляуун:

Къол ызынгда -
Малкъарынгы къадары,
Минги тауну
Кюмюш бузлары, къары.

Хар кийизде
Жарыкъ жырла жаздынг,
Бушуулагъа
Чыкъмаз уру къаздынг.

Таулу кийиз -
Жашауунгу сураты,
Сабийинге
Этген ахшы муратынг.

О Тиширыу,
Кийиз басхан ыннам!
Къыямада да
Чакъырдынг ийман!

Ол кюч берди
Сени эки къолунга,
Ай да, кюн да
Нюрюн тёге жолунга.

Таулу кийиз!
Ёресине оюу – накъыш,
Сени этген къоллагъа -
Махтау – алгъыш!

Таулу кийиз,
Хар накъышынг сёлеше,
Хар жюрекге
Жарыкъ сезим юлеше!


САКЪЛА АНЫ ПАЛАХДАН

Сангырау кёкде жюзеди
Жангыз жулдуз, жылтырай.
Ай жарыгъын морт юзеди
Жел, безгекча къалтырай.

Таугъа айланып жан атады
Ёзен туман, къарала.
Тангым къайгъылы атады,
Туз басады жарама.

Сангырау кёкге айтама
Жюрегимде даууму:
Акъ къарын теплетме тамбла
Эки тёппе таууму!

Сыйы кесича бийикди,
Тазады бузу, къары.
Жоллары къыйынды, тикди
Кёз жарыгъым – Малкъарны.

Айны, жулдузну кёреме,
Табынама Аллахха:
Акъ тауум ючюн ёлеме,
Сакъла аны палахдан!


ИЗЛЕГЕНИМ БОЛМАДЫ

Излегеним болмады,
О, жашау, тамашаса!
Кёп тилегим толмады,
Боллукъ болсун, маржаса !

Насыбымы,сыйырып,
Юлешдиле арада ,-
Ненча ачыу сыйынды
Жашау салгъан жарагъа ?!

Излегенин тапмагъан
Жюрек – ауруу табады.
Кеси исси къапмагъан -
Эшигими жабады…
Sabr 14.05.2014 16:28:26
Сообщений: 7254
АХМАТЛАНЫ ЛЮБА


*
****

Сорлугъум, сурарыгъым да жокъ.
Кюн батханды. Чыкъмазданды ай.
Къайгъыдан да, жарсыудан да бай -
Мен болгъанма айталмазча жукъ.

Тёзюмю жетерми деп сынай,
Сынатдынг жашлыгъыма азап.
Жауунну узун чачын сылай,
Сакълагъанма жанымы таза.

Арада узакъдыла жолла,
Хар бири – жюрегимде ызлыкъ.
Бир бирни сюредиле жылла,
Къыйырсыз – чексизди жангызлыкъ.

Кёз кёрмезча, бир бирден узакъ,
Сен – тюзде кюесе, мен – тауда.
Сюймеклик къурду бизге тузакъ,
Жюрекле тебедиле ауда.

Башымы сагъышларым басып,
Умутсуз къарайма энишге.
Сюймеклик – кеси эсе насып,
Бизники ушайды бедишге.

Жюрегим тюйюл эди сокъур,-
Къыш озгъанды. Келмезденди жай.
Бу ачы тизгинлени окъур
Хар адам…кесича ангылай…


*****

Бар. Сени сакълайды жол.
Мен сени тыйдыммы?! Къачан?
Къарамынг сууукъду , къарча.
Къар, эрип, жерге агъарча -
Энди эталмам…

Бар. Жолунг болсун ахшы,
Насыбынг – жарыкъ жулдузча.
Сюймеклик ачыды, тузча,
Кёпюрю болгъанды бузча,-
Энди ёталмам…

Бар. Баргъан – насып табар…
Чыкъ жолгъа, манга ышар да.
Сакъласын Аллах, къадар да.
Жилямукъ тыяр мадар а -
Энди табалмам…

Бар. Мени кюнюм батды,-
Жарытып чыкъмаз алгъынча.
Нек кёрдюм сени жанымча ?!..
Жюрегим тохтап къалгъынчы,-
Бар…


*****

Тогъуз жылым – тогъуз
терек,
Къышда, жазда да
чакъгъанлай.
Тогъуз жылым – тогъуз
черек,
Жюрек жырымча -
саркъгъанлай.


Тогъуз жылым – тогъуз
жырым,
Санга жеталмай жоюлгъан.
Тогъуз жылым – тогъуз
жарам,
Къалам,- тюз жарча
оюлгъан.


Тогъуз жылым – тогъуз
къууанч,
Тогъузусу да – ётюрюк

Тогъуз жылым – тогъуз
къоранч,
Тогъуз къамача ёлтюрлюк.


Тогъуз жылым – тогъуз
атлы,
Кёзкёрмезге атландыла.
Сюймеклигим а -
къанатлы,-
Учуп кетди алларында…



Г Е С Т Е Н Т И Ж А Г Ъ А С Ы Н Д А

Мен келгенме Гестенти жагъасына,
Соруууму,сагъышымы да алып,
Бу тау суучукъ элтип кетерик суна
Жарсыууму,- кюмюш сыртына салып.

Кюз бояды тереклени сарыгъа,-
Мудахдыла бир-бирине тарыгъа.
Тау башында толгъан ай да сылжырай,
Булутлагъа ичги сёзюн шыбырдай…

Мен келгенме жюрегими ачаргъа,
Ачыууму, жарсыууму чачаргъа.
Мен сакъларма, жетер эсе тёзюмюм…
Жашил толкъун, эшит, эшит сёзюмю!


*****

Къара къыш. Къаралгъан тереклени
Бутакълары тырнайдыла айны.
Булутланы мылы кёлеклери
Тансыкъдыла жылыууна жайны.

Тау тёппеле, тау этекле – къарсыз.
Кёз жашлары, жауунча, къуюла,
Къара къыш ахтынады, амалсыз,-
Акъ жырына жеталмай, жоюла…


Б И Р Е У Г Е

Окъууунг да барды,
билиминг да бар,
Алай дуниянг -
магъанасызды,тар.
Кесингми? – огъурсуз,
айтхан сёзюнг да – окъ,
Хар ненг да барды,
насыбынг а – жокъ.

Ай жарыгъы бошду,-
жерни жылытмаз,
Къарамынг сууукъду -
жюрек жарытмаз.
Билиминг элпекди,
акъылынг а – аз.
Сыфатынг – мёлекди,
адамлыгъынг а – тас.


Т И Л Е К

О адам,
Адамны баласы,
Хунеринг
дуниягъа
жарасын,
Кёзлеринг
къууана
къарасын
Хар кимге,
хар кюннге!

О адам,
Хауаны баласы,
Намысынг
нафысны
хорласын,
Жюрегинг
игилик
жорасын
Хар кимге,
хар кюннге!


О адам,
атангы баласы ,
Ойма сен
умутла къаласын,
Къанынгда
сюймеклик
орналсын
Хар кимге,
хар кюннге!

О адам,
анангы баласы,
Аллахынг
жанынгы сакъласын,
Игилик
этерге сайласын
Хар кимге,
хар кюннге!


*****

Ышанады къанатлы
къанатына,
Жолоучу да ышанады
атына.
Иги къууум этсенг -
умутунг толур.
Арсар болма,
къыйын болса да жолунг.

Таукеллигинг -
тыянчагъынг жолунгда,
Хайт деялсанг,
неда келир къолунгдан.
Адам эсенг,
къазма башхагъа уру,-
Палахланы
къадар кесинге бурур.

Ахшы мурат
хар заманда толады,
Намыс берген -
насыплы да болады.
Халкъынг келди
керти сёзге аллана,
Огъурлуду халкъынг,
анга тынгыла!
Sabr 14.05.2014 23:47:43
Сообщений: 7254
АХМАТЛАНЫ ЛЮБА


КЕТЕ ЭСЕНГ


Сердце к сердцу не приковано,
Если хочешь – уходи…
А.Ахматова

Кете эсенг – ахшы жолгъа!
Мадар жокъду къадаргъа…
Ата эсенг – терен къолгъа!
Алдай эсенг – алдаргъа!

Кёрюнеди минг кюзгюде
Арабызда бир терслик.
Билялмады жол кёргюзте
Бизге сокъур сюймеклик.

Кете эсенг, баргъан жолунг
Жарыкъ болсун алгъындан.
Келген кюннге этме соруу,
Кёпдю бизлей жаннгылгъан.

Кете эсенг, жолунг ачыкъ,
Киши тыймаз аллынгы.
Къолларымы уумам апчып,
Не сёлешмем жалынып.

Таза сезим, бош ышандым
Кёз къаматхан нюрюнге.
Отха кирип къалай жандым,
Кече термилип кюннге!

Кёзлерим а нек толады?
Мадар жокъду къадаргъа…
Гёбелек да ёч болады
Кесин отха атаргъа…

ДЖЮРЕГИМИ СЕЗИМЛЕРИН

Жюрегими сезимлерин
Бу къыш сууукълугъу алгъанды,
Жазны, жайны да гюллерин
Къагъып – къагъып, къырып салгъанды.

Сюйсенг унут, сюйсенг термил…
Кечем эсгериуден толады.
Жаным тюйюл эди темир,
Бирде темир да тот болады.

Эсгериуле элтген жерге
Барып, шошлукъ бла тюбешеме.
Сени табалмай нёгерге,
Жангызлыгъым бла сёлешеме…

САКЪЛА. КЕЛИРМЕ БИР КЮНДЕ

Сакъла. Келирме бир кюнде,
Жюрегими санга ачарма,
Къайгъыланы барын чачарма,
Кюйюп, жаратылсам кюлден.

Алтын чапыракълы кюзюм,
О этме дау, Аллах кёреди,
Бирде жюрегимде ёледи
Санга айталмагъан сёзюм.

Къайдам, болалмадыкъ бирге,
Хар кюнюнге да, тюшюнге да,
Жазыуунга, юлюшюнге да
Жылыу табарча - берирге.

О къышымы ахыр къары,
Жюрегими терениндесе…
Мени къалай мудах этесе…
Мудахды бюгюн Малкъарым.

О тынгылагъыз, къаяла,
Желде тепсеген акъ къайын да,
Сакълагъанны иши къыйынды,
Сакъла, билсенг сакълаяла.

Сакъла, алтын чапырагъым,
Жауун болуп, сени жууарма.
О къышымы ахыр къары…
Санга деп жангыдан тууарма.

ДЖАШИЛ ТОЛКЪУН

Жашил толкъун чыгъарады
Суу бойнуна чапыракъ,
Шош ушакъгъа чакъырады,
Салчы жырына къулакъ!

Жашил толкъун айтырыкъды
Насыбыны юсюнден.
Аны кёзлери жарыкъды,
Жылтырайдыла кюнде!

НАРАТ ТЕРЕК

Къар хапула, ашыкъмай, ингирликде,
Жулдузлача, Тюшедиле, бийикден,
Къонадыла жангыз тургъан наратха,
Къанат – къанат бутакъларын агъарта.

Тауушсузду, шум болгъанды тёгерек,
Къар жапханды битеу да жерни башын.
Сюеледи жангыз къалгъан бу терек,
Этген кибик сау дунияны сагъышын…

КЪАР ДЖАУАДЫ

Къар жауады. Дюн-дуния чиммакъ.
Мен изледим жай келирин теркиракъ.
Нек эрийме бу къар басхан терекге,-
Жаз башында чулгъаныр гюллю кёкге.

Бюгече уа сюеледи жангызлай,
Терезеден жолгъа къарагъан къызлай.
Сагъышлыды шаптал терек,- кесимча,
Жаз жетсе уа!.. Чагъар! Жашнар!.. – Кесича!
Sabr 15.05.2014 02:36:02
Сообщений: 7254
АХМАТЛАНЫ ЛЮБА


ДЖАШАРЛАМЫ ДУНИЯДА ДЖАЙЛА?

Тамычыла жибите аркъамы,
Сагъышха кетгенме бёлекге.
Кюз жауунну мудах макъамын
Жай кетди да ийип жюрекге.

Табийгъат жиляйды тарыгъа,
Ма аны да барды къадары.
Адам гюнахладан арыгъанды,
Къалмагъанды энди мадары.

Дуния мюлкю кёзлерин байлап,
Унутдула борчларын кёпле.
Жашарламы дунияда жайла?
Кёгюбюз къаллыкъмыды кёклей?

Жаз келмез, жашаугъа ёпкелеп,
Къыш салыр ёмюрге накъышын.
Кеч болгъунчу борчунгу тёле,
Келир кюнюнгю этда сагъышын…


*****

Кёк мамугъу тюшеди ташха, таугъа,
Сен а анга терезеден къарайса.
Кёзлерингден ачы кёз жашла тама,
Сабийчикча, сен ахтынып жиляйса.

Къар жауады, ашыкъмайын, бурула,
Ол билмейди сен сынагъан бушууну,
Жилягъанынг – жырындан башха тюйюл
Чыпчыкълача жюуюлдей баргъан сууну…


*****

Къар жауады, жаш келинча, уяла,
Агъарта да, жангырта тёгерекни.
Акъ тонлагъа киргендиле къаяла,
Акъ жаулукъла къысхандыла терекле.

Кёзлеринден чыран сууугъу ура,
Тырнакъларын бегитеди этиме,
Боранларын манга юсгюре, бура.
Бурса-бурсун! – жаз къайтыр дуниягъа,-

Жанкъоз чагъар заман жетип келеди.
Кёз жашлары-жилямукълары агъа,
Жюрегимден, тауладан да къыш кетер!
Жанкъоз чакъса - къыш сууугъу ёледи…


*****

Акъ ташла. Шууулдайды суу -
Бирде жиляй, бирде жырлай…
Жашил къолу ташла сылай,
Жюрегиме болду асыу…


*****

Сюеме жангызлай айланыргъа,
Къыш агъартса шахар орамланы,
Сагъышларым да эшиле жыргъа,
Тынчлыкъ излей тынчаймагъан жаным.
Sabr 15.05.2014 16:32:42
Сообщений: 7254
АХМАТЛАНЫ ЛЮБА


НАСЫБЛЫМА МЕН МЫНДА

Тансыкъ болуп къайтханма элиме,
Хар ташына, аязына, желине…
Къууанама, насыплыма мен мында,-
Анам чыгъып тюбейди да аллыма!..

Мен къууансам,- ол да анга къууана,
Жашарыкъды насыпдан тола ана.
Бюгюн къарай бу огъурлу таулагъа,
Мен тилейме игиликни анагъа.


*****

Къара жауун къара кечеде сарнай,
Арабызда бар жолланы санай,
Жырларыма къарангы макъам сайлай
Тереземи тюеди…


*****

Сарын этген жел эди,
Жан алыучуну танып.
Кесинг чакъырдынг аны,-
Ёлюм кеси келмеди.

Кесинг сюйгенсе алай…
Жер къучагъына алды.
Умутунг ёксюз къалды,
Юй – иесиз къалгъанлай…


*****

Туугъан журтха жокъду дунияда багъа!
Жомакъладан кёп да ариу таулагъа
Ашыгъама, ашыкъгъанча анама,
Дармандыла ала жюрек жарама.

Мен сюеме нарат ёсген тарланы,
Жел сыласа тау башлада къарланы,
Тынчлыкъ тапмай, тозурап узун чачы,-
Ол болады жашаууму къууанчы!


*****

Тюз акъ къаргъа къара къаргъа къоннганлай,
Тюзлюгюме къара булут къоннганды
Гюл терекни жютю жюлгюч жоннганлай,
Насыбымы ачы сёз да жоннганды.

Аманлыкъны кёп тюрлюсюн кёргенди
Мутхузланнган кёзлери ёмюрлени.
Умутланы эм игиси ёлгенди,
Халаллыкъны жарыкъ бети тюрленип…
Sabr 16.05.2014 00:53:21
Сообщений: 7254
АХМАТЛАНЫ ЛЮБА


ЭНТДА БИР ТИЛЕК

Жюрекледе ёмюрге
Жарыкъ от ёчюлмесин.
Къууанчдан кюлсюн – кюлген,-
Ачыуундан кюлмесин!


*****

Хар адамны да жюреги – ёзге,
Хар жюрекде энчи макъам жашайды.
Бир жюрекни – къайгъыды ёзеги,
Бир жюрег а чакъгъан жайгъа ушайды.

Жерде жашай келебиз адамла,
Ойнайбыз, той этебиз,- къууанабыз!
Адамсызлыкъ кирсе уа арагъа,
Адам тюйюлбюз биз, - ауаналабыз!

Хар адамны да жюреги – ёзге,
Андан болурбуз биз энчи, башха да,
Бирлерибиз – шинжи эсек кёзге,
Бирлерибиз – жаны болгъан ташлабыз.


*****
Къуш ёч болады бийикге,
Бетсиз къатын – ётюрюкге.
КЯЗИМ

Бу орам «бийчелери»,-
Элде сёзчю къатынла.
Кюнлери, кечелери -
Къабакъланы къатында.

Къолларын керип кенгнге,
Солутмайын тиллерин,
Сёзлерин быргъай желге,
Оздуралла кюнлерин.

Тазалыкъны бахчасы
Гокка болуп чагъады,
Уу сёзлени ачысы
Анга кирни жагъады.

Бу орам «бийчелери»,-
Элде сёзчю къатынла.
Кюнлери, кечелери -
Къабакълары къатында.

Къурайдыла «жомакъла»,-
Магъаналары уа – жокъ,
Тамашалыкъ «омакъла»,-
Хар бири да бирер окъ!..

Билмейдиле бетсине,
Бетсинмеген – тюрленмез.
Алай,- не да этсинле,-
Тюзлюк деген тюгенмез!

КЪАЯЛА БЛА УШАКЪ

Кёк къаяла, мен энтда келдим сизге,
Такъыр болуп жюрегим, жылыу излей.
Озгъан кюнле тыгъылыпдыла кёкге,-
Мен жиляйма бюгюн, шулпулу кюзлей.

Кёк къаяла, кюз тилейди кечгинлик,
Кюйюзлерин аллыбызгъа жайгъанды.
Кёк къаяла, сиз айтыгъыз бир, табу,-
Бу сагъышлыкъ, бу мудахлыкъ къайданды?..


*****

Чапыракъла акъгъанча терекден,
Юзюлгенча къар бийикледен,
Суу саркъып кетгенча элекден,
Умутла кетелле жюрекден.


*****

Насыпсызгъа санайма мен
Сюйгенин, тенгин да сатханны.
Насыплыгъа санайма мен
Башхагъа насып сынатханны.

О, НЕКДИ ДУНИЯ АЛАЙ ?!

Бийиклеге мудах къарайды,
Кёкге учалмай, кёгюрчюн.
Ол жарлыны киштик марайды,
Къанатлыны уа жокъ кючю.

О, некди дуния алай?! -
Кючю жокъну кючлю эзеди…
Жарлы къалады жарлылай,
Битеу палахлагъа тёзеди.


А Т А М А

Къарангы этдинг дуниямы,
Къарангы этдинг.
Жел жетди да, чачды уямы,-
Къайтмазгъа кетдинг.

Жарагъа табылмады дарман,
Жюрекге – асыу.
Насыпны женгил къанатларын
Сындырды жарсыу…

Б И Л Е М Е

Билеме, унутмам сыфатынгы,-
Сюймеклигим эуюлдю заманнга.
Жыргъа салып айтама атынгы,-
Къыбламанымды о лбу туманда.

Бирде – жиляй, бирде ачы кюе,
Суратынгы алама къолума.
Кюнден кюннге барама тюнгюле,
Ашыкъмай, атланама жолума.

Жолларыбыз а болмайдыла бир…
Къадар насып этмезми тюберге?!..
Мен бюгюн да айтдым санга бир жыр,-
Алтын отха атарча ингирде…

КЮН БЛА АЙ

Кюн кюеди, жанады,
Тийип сюймеклик ауруу.
Алай ол къайдан тапсын
Сюйгенин кёрюр къарыу?!

Айды аны сюйгени,
Кюмюш нюрлю, жарыкъ Ай.
Эрип кетеди тангнга,
Кече узуну жиляй.

Ётедиле ёмюрле,
Алай сюймеклик жашайды.
Кюн, жерге жылыу бере,
Айны кёрюрюн сакълайды.
Sabr 16.05.2014 04:54:39
Сообщений: 7254
АХМАТЛАНЫ ЛЮБА

ЫШАНАДЫ КЪАДАРГЪА ДЖАНЫМ

Жууукъда болсанг да,
Узакъда болсанг да,
Биргемесе, билмейин аны.

Жюрек къууанса да,
Жарсыудан талса да,
Ышанады къадаргъа жаным.

НАСЫБДАН НАСЫБСЫЗ БОЛГЪАН

Насыпдан насыпсыз болгъан…
Сынамасын бир киши,
Умут бла чыгъып жолгъа,
Болмай къалгъанын иши.

Эки ажашхан чыпчыкъ -
Эки тынчлыкъсыз жюрек.
Эки жюрек да ачыкъ,
Сюймеклик – ачы жилек.

Эки жангылгъан жюрек
Къар алгъан дунияда.
Эки жай чагъар терек,
Болурму сизге мадар?

Насыпдан насыпсыз болгъан…
Ким ангылар сёзюмю?
Эки сюйген жюрекни
Таудан уллу тёзюмю.

Кёзле къарайла кёкге,
Кёкден а тюшеди къар…
Эки сюйген жюрекге
Насып берирми къадар?..



*****

«Сюймеклик жырла ёмюрлюкдюле!»-
Деп ийнана эдим мен !
Угъай, бирлери - ётюрюкдюле
Сезим къылларын юздюрген.

Айтхан жырларынг бир жарыкъ эдиле,
Кюннге тагъылгъанча – алай!
Татлы сёзлеринг алдарыкъ эдиле,
Алай кёзлеринг а – угъай!

Озгъан насыпны мен излемейме,-
Этгенме узакъ арамы.
«Сау этсенг эди!»- деп да тилемейме,-
Бу сау болмагъан жан жарамы».


*****

Энтда ётдюрдюк бир кюн…
Ол да тас болду бизге.
Эки жюрекге жюгюн
Къоюп, кетгенди тюзге.

Энтда ётдюрдюк бир кюн…
Ол кетди, алай тири,-
Сагъышча, ауур бёркюн
Экибизге кийдирип.

Энтда ётдюрдюк бир кюн…
Ол кетди бизден, жиляй.
Тамбла да келликди кюн -
Жашау ётеди алай.

Энтда ётдюрдюк бир кюн…
Сен – менсиз, сенсиз а – мен.
Насыпны этгенди кюл
Умут тартыучу тирмен.


*****

Кёзлерингде жашайды тилегинг.
Да не излейдиле ала? Нени?
Къалай такъырды бюгюн жюрегим,-
Киши да ангыламайды мени.

Экибизге киши да айталмаз,
Недеди жашауну магъанасы.
Кимге берди насып – накъут, налмас?
Сюймекликни уа жокъду багъасы.

Тазады сюймеклик деген шаудан,
Андан татхан боламыды жансыз?!
Жаным сауда тилерме жашаудан -
Жазыу санга керти насып жазсын!

Сен ышанаса акъ кёгюрчюннге,
Алай аны сыныпды къанаты…
Учармы ол сени бла кюннге,
Насып да,
зауукълукъ да сынатып?

Кёзлерингде жашайды тилегинг.
Къарамынга къалгъанма юйренип.
Жангыз бирге жарыйды жюрегим -
Сёз айтмай ангылайса да мени.


*****

Билеме – келликсе,
Келсенг – кетериксе.
Билеме, билеме аны…
Билесе – сакълайма,
Сакълайма, бир талмай.
Кетесе, манга ышанып.

Бусакъ къууанады -
Чыракъча жанады…
Ауруйду жюрек – умутдан.
Билеме – сюесе,
Билеме – кюесе,
Сен къоркъмайса энди отдан.

Жылла уа ётелле,
Жолла тюбетелле.
Толады жюрек къууанчдан.
Билесе, къыйынды,
Жашлыгъ а – жайымды,
Тауда гюл чагъады ташда…


****

Айтама ичимден бирде:
«Къалай узакъбыз бир бирден»…

Айтханма алдауукъ кюзде:
«Кёлден кетер – кетген кёзден»…

Кёп алдагъанма кесими,
Сенден алалмай эсими.

Айтханма къыш сууукълада:
«Насып табалмайды адам,

Насып – чыпчыкъды дунияда:
Бирде – мында, бирде – анда».

Заман барса да акъырын,
Жай эритди къышны къарын.

Жай ычхыннганды ауладан,
Жанкъоз чакъгъанды таулада!

Жюрек тартынмады артха,
Гюнахды сюйгенин атхан.

Билесе,бирди жюрегим,
Аны мен этмейме эки.

Толуду ол сюймекликден,
Аны алгъанма бийикден,

Ариулукъну –эрттенликден,
Ёхтемликни – эркинликден,

Тазалыкъны уа – шаудандан,-
Кёзлеринги кёрюп анда…


*****

Ант этген эдим мен ёмюрде айтмазгъа атынгы,
Кесерге унутуп насыпны кёгюрчюн къанатын.
Тынчлыкъсыз жанымы кечеден къарангыды тангы.
О, сени амалтын, ма сени, ма сени амалтын!

Ах, бирде уа суна кесими къайгъыдан шашарыкъ,
Кечеле бла кетеме кёкню жулдузлу кенгине.
Антымы унутуп, мен излейме алгъынча жарыкъ.
Термиледи жаным, термиледи жангыз тенгине…


Ж А У У Н Л А

Жауунла, жауунла, жауунла…
Тансыкъламайма энди кюнню.
Ёмюрге тутулгъанды кюнюм -
Санагъанма сени жауума.

Алдагъанма кеси кесими,
Ийнаннганма кюзню жырына,
Ёчюлген отунда жылына,
Тас болду дей таза сезимим.

Къууанчны, бушууну да берген -
Сюймеклик да бергенди бизге.
Аурутурму жанын бу кюзге,
Игини, аманны да кёрген?

О Аллах!.. Жауунла, жауунла…
Жарыгъын тансыкълайма кюнню.
Кечеден къарангыды кюнюм -
Термиледи жюрек «жаууна»…


*****

Къычырады кече белинде уку.
Ай себеди таулагъа кюмюш букъу,
Олтурама сагъышыма бёленип,
Бюгече да кирмей кёзюме жукъу.

Ауанасын мылы жерге атып, жерк,
Сюеледи. Ийнакълайды аны жел.
Бу созулмакъ заманны сагъатындан
Къайгъы басхан жюрегим урады терк.

Ачы эди чыкъынжик айтхан хапар:
Гюл бахчамы жаууп юшютгенди къар.
Ах,энди сен къайтмай,- жангызлай къалсам,
Танг атса да, бир къаратон танг атар.

Бу жангызлыкъ жюрегимде орналса,
Къолума – аягъыма бугъоу салса,
Аллай жашау манга керек болурму,-
Жан тенгими менден сыйырып алса…


*****

Ауур сагъышдан жюрегим арыды,
Ахшам жулдузчукъ бийикде жарыды.
Кёремисе сен да, менича, аны,
Насып барына ийнанып, ышанып?

Санаймыса сен да узун айланы,
Жангыз ашыра къышланы, жайланы?
Ах, къайтсанг эди сен таулагъа узакъдан,
Къутулур эди жан булбулум тузакъдан!..


*****

Къышны биринчи «гюллери»
Тюшедиле сакъ чачыма…
Сени чакъырама бери,-
Къадар кюрешеди чырмап.

Айтаса артха къайтыргъа,
Мен кёрмейме аллай мадар.
Мен тапмайма сёз айтыргъа,-
Сени чакъырады къадар…

Кетесе къарай ызынга.
Алда – азаплыкъ кюнлери.
Къояса сюйген къызынга
Къышны биринчи «гюллерин»…
Sabr 16.05.2014 16:04:53
Сообщений: 7254
АХМАТЛАНЫ ЛЮБА


****

Кюн кетеди таула артына,
Шахарны къучакълайды кече.
Баралмам ышара къатынга
Кесими да, сени да кече.

Кюн кетеди таула артына,
Сюймеклиг а кетемиди, айт?
Шыбырдайма, артха тартына.
Кечени жарыталмайды ай…


*****

Ариу сёзлени башха айтады,
Башха излейди жол жюрегиме…
Манга кертилигинг къайдады?..
Жарыкъ насыбымы сатдынг…Кимге?!

Биреу хайран болуп турады,
Сюймеклиги терен жаргъа тюрте…
Кёзлерингден сууукъ урады,
Сюймекликни тураса ёчюлте…

Кёзлериме башха къарайды,
Башха тилейди жаныма жылыу.
Менден кенгде жашау къалайды?
Менден кери кетгенди ышаныу…


*****

Кёз къарамынг къучакълай, ийнакълай,
Энтда къарайса, мени сынагъанча.
Буз ётюрюк мияла сыныкълай,
Шош жауунла бетими сылагъанча.

Сау дуниямы алышханма неге?
Хар кюнюмю элия жарытады…
Кюз жауунну сайладым нёгерге,
Ол жанымы жашаудан арытады.

Кёз къарамынг къучакълай, ийнакълай,
Энтда къарайса, мени алдарыкъча.
Жаш сюймеклиг а, мак юн таякълай!
Кюн таякъны аллынга атарыкъча…



*****


Кюз тюеди терезени, тюеди,
Жюрегим а жаннган отда кюеди,
Барысын да унутургъа сюеди.
Къадар аны умутуна кюледи…

****
Эшитген, ангылагъан да этерме
Юйреннгенме алай жашаргъа.
Мен сыйрат кёпюрден да ётерме
Насыпны эшигин ачаргъа.

Жашырын жолланы да табарма
Жюрекни киритли юйюне,
Эшиги ачылырча къагъарма,-
Кёзлеринг къараса сюйюне.

Жюрегинг чакъырса, мен сезерме,
Сёз керекмейди – бары ачыкъ.
Насыбым алдаса уа, тёзерме,
Ачыуну татыуу да – ачы…



*****


Терсмеми? Тюзмеми? Билмейме энтда.
Бир умутум къайтмаздан кетгентда,
Ол алай алдагъанды мени,
Тау артына кетгенди энип.

Мен кесими ангыламай тургъанма,
Акъ насыпны узакъгъа учургъанма.
Акъ насыпны жюрегим тансыкълай,
Къар жауарын тилегенме, жиляй.

Нек жашадым дунияда ажашханча?
Нек жашадым акъылдан да шашханча?
Билмейме – энтда биз нек тюбедик,
Билмейме – энтда биз не зат этдик?

Тюнене, бюгюн да, тамбла да къалмай,
Жюрегимден жаханим отну алмай,
Къыш боранла алдыла жанымы,
Энтда жашайма, ачы жангылып…



*****


Сюймеклик оту жанды,
Жылыта жюреклени.
Ол не затха ышанды,
Кёз къамата жинклери?

Сени кесим ашырдым,
Къайры элтир жолларынг?
Кёз жашланы жашырдым,
Тийгенинде къолларынг…

Сенсиз болгъан дунияда
Энтда не зат излейим?
Жылыу кетген уяда
От къалай тиргизейим?



*****


Барама кетип,
Сенден узая – узая.
Барама кетип,
Насып азая – азая.

Барама кетип,
Къояма сени жангызлай.
Барама кетип,
Жюрегим да барады бузлай.

Барама кетип,
Кюнюм кечеден къарангы.
Барама кетип,
Ызымдан а – сени къарамынг.

Барама кетип,
Алайды мени амалым.
Барама кетип,
Къалгъанды бир аз заманым.

Барама кетип,
Кечермисе ол гюнахны?
Барама кетип,
Кире къоюнуна палахны.

Барама кетип,
Алай сюялмам башханы.
Барама кетип,
Жашыралмайын кёз жашымы…



****


Къалай тынчды сындыргъан,
Къыйнадыла жанымы!
Эшитгенме дау, тырман,-
Сёз айтмадым, жалынып.

Башым сагъышдан толу,
(Кюз кече уа – жулдузлу.)
Жилягъан биле болур,-
Некди жилямукъ тузлу.

Жилягъан биле болур
Жилямукъну татыуун.
Тангнга жукъусуз чыкъгъан -
Тангны къыйын атыуун.

Сынагъан биле болур,
Эки жолсузну кюйюн.
Акъ насыбым кетгенди,
Къоюп жашагъан юйюн.



****


Кече къара кёлге ушайды,
Анда батханды жулдузум.
Жюрегими къайгъы ашайды,
Азабымы жолу узун…


*****


Жан аурутма манга
Атымы да сагъынма,-
Мен, жеталмай тангнга,
Ёчюлген чырагъынгма.

Кечени жарыта -
Жангыдан жаналмазма,
Кечени жылыта -
Жаннгандан къаналмазма…

Манга кюлмейди ай,-
Жаралыма, биледи…
Тюшюннген эсенг, айт:
Сюймеклик деген - неди?



*****


Этмеген гюнахымы ауурлугъу…
Жашауума кюн жарыгъы тиймейди.
Ай жарыгъын къара булут иймейди.
Минг сагъышым – минг шинжини урлугъу…



*****


Сени унутур къарыу
Манга Аллах бермеди.
Сюймеклик – жюрек ауруу,
Тутду да,- жибермеди.



*****


Озгъан кюнле, жулдузлача, кёзюмде.
Бир кетдим да, артха уа жол тапмадым.
Терси кёпдю бу жашауну тюзюнден,
Жашауунга мен танг болуп атмадым.

Озгъан кюнле, жулдузлача, кёзюмде.
Сенсиз къалып ташдан къаты болгъанма,
Жаным, саным ишленнгенча тёзюмден…
Алай, кёрсем,- къарамынгдан бугъама…



****


Насыбым – мияла,
Къууанчым – къанатлы.
Сагъышым а – ачы,
Сагъышым а – татлы.

Жюрекге мудахлыкъ
Келиучюдю кюзде,-
Кёзюнгде окъулса,
Урунады кёзге.

Жылыуум жайыла
Кеченге, кюнюнге,
Буюгъа, уяла,
Мен кирдим юйюнге.

Ышанады терек,
Жаз келсе, чагъаргъа.
Ашыгъады черек
Тенгизге агъаргъа.

Ышанады жаным
Сюймеклик барына,
Ол тазады, таза!-
Тауланы къарындан.

Жюрекден жюрекге
Жол тапхан – насыплы.
Жолсузлукъ сынасанг
Къыйынлы, азаплы.

Сюймеклик чырагъын
Жандырып – экибиз,-
Жюрекден жюрекге
Жол тапмабызмы биз?

Къууанчым – мияла,
Насыбым – къанатлы.
Сагъышым а – ачы,
Сагъышым а – татлы…
Sabr 16.05.2014 23:00:04
Сообщений: 7254
АХМАТЛАНЫ ЛЮБА


*****

Кюн кёрмеген кюн кёрсе,
Кюнюнг къарангы болур.
Ит юрмей, тюлкю юрсе,
Жашау хыйладан толур.

Баш болмаса, аякъгъа
Тюз жол сайлар онг къайда?
« Хуржунлу жюзаякъдан»
Чыгъармы халкъгъа файда?

« Кесим» деген болмаса,
« Халкъым» деген чыкъмайды.
Андан болур: тюз жашау
Келирге ашыкъмайды.


***

Адамлыкъ таркъайды,
таркъайгъанча суула таулада,
Анасы баласын,
баласы анасын унутуп…
О сейир дуния,
ычхынырмы темир ауладан
Бу жюрек тазалыкъ -
Аллахны адамдан умуту?!
Харамлыкъ, туудура жилямукъ,
ёчюлте жашауну,
Сёзлени ачысы
жюрекни ачытып,
улутуп…
О сейир дуния,
ычхынырмы темир ауладан
Ол жюрек тазалыкъ -
Аллахны адамдан умуту?!
Дунияда бир киши да къалмаз
ёмюрлюк тереклей,
Ёлюмню чалгъысы
аманны,
игини да чалыр.
Ахшыны мураты уа къалады
таза череклей,
Таулада,тюзледе да,
билеме,
жолун ачалыр!


ДЖАЗ КЕЛИР

*****

Кюн кетеди таула артына,
Шахарны къучакълайды кече.
Баралмам ышара къатынга
Кесими да, сени да кече.

Кюн кетеди таула артына,
Сюймеклиг а кетемиди, айт?
Шыбырдайма, артха тартына.
Кечени жарыталмайды ай…



*****

Ариу сёзлени башха айтады,
Башха излейди жол жюрегиме…
Манга кертилигинг къайдады?..
Жарыкъ насыбымы сатдынг…Кимге?!

Биреу хайран болуп турады,
Сюймеклиги терен жаргъа тюрте…
Кёзлерингден сууукъ урады,
Сюймекликни тураса ёчюлте…

Кёзлериме башха къарайды,
Башха тилейди жаныма жылыу.
Менден кенгде жашау къалайды?
Менден кери кетгенди ышаныу…


*****

Кёз къарамынг къучакълай, ийнакълай,
Энтда къарайса, мени сынагъанча.
Буз ётюрюк мияла сыныкълай,
Шош жауунла бетими сылагъанча.

Сау дуниямы алышханма неге?
Хар кюнюмю элия жарытады…
Кюз жауунну сайладым нёгерге,
Ол жанымы жашаудан арытады.

Кёз къарамынг къучакълай, ийнакълай,
Энтда къарайса, мени алдарыкъча.
Жаш сюймеклиг а, мак юн таякълай!
Кюн таякъны аллынга атарыкъча…

*****

Кюз тюеди терезени, тюеди,
Жюрегим а жаннган отда кюеди,
Барысын да унутургъа сюеди.
Къадар аны умутуна кюледи…


*****

Эшитген, ангылагъан да этерме
Юйреннгенме алай жашаргъа.
Мен сыйрат кёпюрден да ётерме
Насыпны эшигин ачаргъа.

Жашырын жолланы да табарма
Жюрекни киритли юйюне,
Эшиги ачылырча къагъарма,-
Кёзлеринг къараса сюйюне.

Жюрегинг чакъырса, мен сезерме,
Сёз керекмейди – бары ачыкъ.
Насыбым алдаса уа, тёзерме,
Ачыуну татыуу да – ачы…


*****

Терсмеми? Тюзмеми? Билмейме энтда.
Бир умутум къайтмаздан кетгентда,
Ол алай алдагъанды мени,
Тау артына кетгенди энип.

Мен кесими ангыламай тургъанма,
Акъ насыпны узакъгъа учургъанма.
Акъ насыпны жюрегим тансыкълай,
Къар жауарын тилегенме, жиляй.

Нек жашадым дунияда ажашханча?
Нек жашадым акъылдан да шашханча?
Билмейме – энтда биз нек тюбедик,
Билмейме – энтда биз не зат этдик?

Тюнене, бюгюн да, тамбла да къалмай,
Жюрегимден жаханим отну алмай,
Къыш боранла алдыла жанымы,
Энтда жашайма, ачы жангылып…


*****


Сюймеклик оту жанды,
Жылыта жюреклени.
Ол не затха ышанды,
Кёз къамата жинклери?

Сени кесим ашырдым,
Къайры элтир жолларынг?
Кёз жашланы жашырдым,
Тийгенинде къолларынг…

Сенсиз болгъан дунияда
Энтда не зат излейим?
Жылыу кетген уяда
От къалай тиргизейим?



*****

Барама кетип,
Сенден узая – узая.
Барама кетип,
Насып азая – азая.

Барама кетип,
Къояма сени жангызлай.
Барама кетип,
Жюрегим да барады бузлай.

Барама кетип,
Кюнюм кечеден къарангы.
Барама кетип,
Ызымдан а – сени къарамынг.

Барама кетип,
Алайды мени амалым.
Барама кетип,
Къалгъанды бир аз заманым.

Барама кетип,
Кечермисе ол гюнахны?
Барама кетип,
Кире къоюнуна палахны.

Барама кетип,
Алай сюялмам башханы.
Барама кетип,
Жашыралмайын кёз жашымы…


*****

Къалай тынчды сындыргъан,
Къыйнадыла жанымы!
Эшитгенме дау, тырман,-
Сёз айтмадым, жалынып.

Башым сагъышдан толу,
(Кюз кече уа – жулдузлу.)
Жилягъан биле болур,-
Некди жилямукъ тузлу.

Жилягъан биле болур
Жилямукъну татыуун.
Тангнга жукъусуз чыкъгъан -
Тангны къыйын атыуун.

Сынагъан биле болур,
Эки жолсузну кюйюн.
Акъ насыбым кетгенди,
Къоюп жашагъан юйюн.


*****

Кече къара кёлге ушайды,
Анда батханды жулдузум.
Жюрегими къайгъы ашайды,
Азабымы жолу узун…


*****

Жан аурутма манга Атымы да сагъынма,-
Мен, жеталмай тангнга,
Ёчюлген чырагъынгма.

Кечени жарыта -
Жангыдан жаналмазма,
Кечени жылыта -
Жаннгандан къаналмазма…

Манга кюлмейди ай,-
Жаралыма, биледи…
Тюшюннген эсенг, айт:
Сюймеклик деген - неди?


****

Этмеген гюнахымы ауурлугъу…
Жашауума кюн жарыгъы тиймейди.
Ай жарыгъын къара булут иймейди.
Минг сагъышым – минг шинжини урлугъу…


*****

Сени унутур къарыу
Манга Аллах бермеди.
Сюймеклик – жюрек ауруу,
Тутду да,- жибермеди.


*****

Озгъан кюнле, жулдузлача, кёзюмде.
Бир кетдим да, артха уа жол тапмадым.
Терси кёпдю бу жашауну тюзюнден,
Жашауунга мен танг болуп атмадым.

Озгъан кюнле, жулдузлача, кёзюмде.
Сенсиз къалып ташдан къаты болгъанма,
Жаным, саным ишленнгенча тёзюмден…
Алай, кёрсем,- къарамынгдан бугъама…


****

Насыбым – мияла,
Къууанчым – къанатлы.
Сагъышым а – ачы,
Сагъышым а – татлы.

Жюрекге мудахлыкъ
Келиучюдю кюзде,-
Кёзюнгде окъулса,
Урунады кёзге.

Жылыуум жайыла
Кеченге, кюнюнге,
Буюгъа, уяла,
Мен кирдим юйюнге.

Ышанады терек,
Жаз келсе, чагъаргъа.
Ашыгъады черек
Тенгизге агъаргъа.

Ышанады жаным
Сюймеклик барына,
Ол тазады, таза!-
Тауланы къарындан.


Жюрекден жюрекге
Жол тапхан – насыплы.
Жолсузлукъ сынасанг
Къыйынлы, азаплы.

Сюймеклик чырагъын
Жандырып – экибиз,-
Жюрекден жюрекге
Жол тапмабызмы биз?

Къууанчым – мияла,
Насыбым – къанатлы.
Сагъышым а – ачы,
Сагъышым а – татлы…


*****

Кюн кёрмеген кюн кёрсе,
Кюнюнг къарангы болур.
Ит юрмей, тюлкю юрсе,
Жашау хыйладан толур.

Баш болмаса, аякъгъа
Тюз жол сайлар онг къайда?
« Хуржунлу жюзаякъдан»
Чыгъармы халкъгъа файда?

« Кесим» деген болмаса,
« Халкъым» деген чыкъмайды.
Андан болур: тюз жашау
Келирге ашыкъмайды.


*****

Адамлыкъ таркъайды,
таркъайгъанча суула таулада,
Анасы баласын,
баласы анасын унутуп…
О сейир дуния,
ычхынырмы темир ауладан
Бу жюрек тазалыкъ -
Аллахны адамдан умуту?!
Харамлыкъ, туудура жилямукъ,
ёчюлте жашауну,
Сёзлени ачысы
жюрекни ачытып,
улутуп…
О сейир дуния,
ычхынырмы темир ауладан
Ол жюрек тазалыкъ -
Аллахны адамдан умуту?!
Дунияда бир киши да къалмаз
ёмюрлюк тереклей,
Ёлюмню чалгъысы
аманны,
игини да чалыр.
Ахшыны мураты уа къалады
таза череклей,
Таулада,тюзледе да,
билеме,
жолун ачалыр!
Sabr 17.05.2014 03:04:36
Сообщений: 7254
АХМАТОВА ЛЮБА

*****
Ауур сагъышдан жюрегим арыды,
Ахшам жулдузчукъ бийикде жарыды.
Кёремисе сен да, менича, аны,
Насып барына ийнанып, ышанып?

Санаймыса сен да узун айланы,
Жангыз ашыра къышланы, жайланы?
Ах, къайтсанг эди сен таулагъа узакъдан,
Къутулур эди жан булбулум тузакъдан!..

*****
Къышны биринчи «гюллери»
Тюшедиле сакъ чачыма…
Сени чакъырама бери,-
Къадар кюрешеди чырмап.

Айтаса артха къайтыргъа,
Мен кёрмейме аллай мадар.
Мен тапмайма сёз айтыргъа,-
Сени чакъырады къадар…

Кетесе къарай ызынга.
Алда – азаплыкъ кюнлери.
Къояса сюйген къызынга
Къышны биринчи «гюллерин»…

*****
Кюн кетеди таула артына,
Шахарны къучакълайды кече.
Баралмам ышара къатынга
Кесими да, сени да кече.

Кюн кетеди таула артына,
Сюймеклиг а кетемиди, айт?
Шыбырдайма, артха тартына.
Кечени жарыталмайды ай…

*****
Ариу сёзлени башха айтады,
Башха излейди жол жюрегиме…
Манга кертилигинг къайдады?..
Жарыкъ насыбымы сатдынг…Кимге?!

Биреу хайран болуп турады,
Сюймеклиги терен жаргъа тюрте…
Кёзлерингден сууукъ урады,
Сюймекликни тураса ёчюлте…

Кёзлериме башха къарайды,
Башха тилейди жаныма жылыу.
Менден кенгде жашау къалайды?
Менден кери кетгенди ышаныу…

*****
Кёз къарамынг къучакълай, ийнакълай,
Энтда къарайса, мени сынагъанча.
Буз ётюрюк мияла сыныкълай,
Шош жауунла бетими сылагъанча.

Сау дуниямы алышханма неге?
Хар кюнюмю элия жарытады…
Кюз жауунну сайладым нёгерге,
Ол жанымы жашаудан арытады.

Кёз къарамынг къучакълай, ийнакълай,
Энтда къарайса, мени алдарыкъча.
Жаш сюймеклиг а, мак юн таякълай!
Кюн таякъны аллынга атарыкъча…

*****
Кюз тюеди терезени, тюеди,
Жюрегим а жаннган отда кюеди,
Барысын да унутургъа сюеди.
Къадар аны умутуна кюледи…

*****
Эшитген, ангылагъан да этерме
Юйреннгенме алай жашаргъа.
Мен сыйрат кёпюрден да ётерме
Насыпны эшигин ачаргъа.

Жашырын жолланы да табарма
Жюрекни киритли юйюне,
Эшиги ачылырча къагъарма,-
Кёзлеринг къараса сюйюне.

Жюрегинг чакъырса, мен сезерме,
Сёз керекмейди – бары ачыкъ.
Насыбым алдаса уа, тёзерме,
Ачыуну татыуу да – ачы…


*****
Терсмеми? Тюзмеми? Билмейме энтда.
Бир умутум къайтмаздан кетгентда,
Ол алай алдагъанды мени,
Тау артына кетгенди энип.

Мен кесими ангыламай тургъанма,
Акъ насыпны узакъгъа учургъанма.
Акъ насыпны жюрегим тансыкълай,
Къар жауарын тилегенме, жиляй.

Нек жашадым дунияда ажашханча?
Нек жашадым акъылдан да шашханча?
Билмейме – энтда биз нек тюбедик,
Билмейме – энтда биз не зат этдик?

Тюнене, бюгюн да, тамбла да къалмай,
Жюрегимден жаханим отну алмай,
Къыш боранла алдыла жанымы,
Энтда жашайма, ачы жангылып…

*****
Сюймеклик оту жанды,
Жылыта жюреклени.
Ол не затха ышанды,
Кёз къамата жинклери?

Сени кесим ашырдым,
Къайры элтир жолларынг?
Кёз жашланы жашырдым,
Тийгенинде къолларынг…

Сенсиз болгъан дунияда
Энтда не зат излейим?
Жылыу кетген уяда
От къалай тиргизейим?

*****
Барама кетип,
Сенден узая – узая.
Барама кетип,
Насып азая – азая.

Барама кетип,
Къояма сени жангызлай.
Барама кетип,
Жюрегим да барады бузлай.

Барама кетип,
Кюнюм кечеден къарангы.
Барама кетип,
Ызымдан а – сени къарамынг.

Барама кетип,
Алайды мени амалым.
Барама кетип,
Къалгъанды бир аз заманым.

Барама кетип,
Кечермисе ол гюнахны?
Барама кетип,
Кире къоюнуна палахны.

Барама кетип,
Алай сюялмам башханы.
Барама кетип,
Жашыралмайын кёз жашымы…

***
Къалай тынчды сындыргъан,
Къыйнадыла жанымы!
Эшитгенме дау, тырман,-
Сёз айтмадым, жалынып.

Башым сагъышдан толу,
(Кюз кече уа – жулдузлу.)
Жилягъан биле болур,-
Некди жилямукъ тузлу.

Жилягъан биле болур
Жилямукъну татыуун.
Тангнга жукъусуз чыкъгъан -
Тангны къыйын атыуун.

Сынагъан биле болур,
Эки жолсузну кюйюн.
Акъ насыбым кетгенди,
Къоюп жашагъан юйюн.

*****
Кече къара кёлге ушайды,
Анда батханды жулдузум.
Жюрегими къайгъы ашайды,
Азабымы жолу узун…

*****

Жан аурутма манга
Атымы да сагъынма,-
Мен, жеталмай тангнга,
Ёчюлген чырагъынгма.

Кечени жарыта -
Жангыдан жаналмазма,
Кечени жылыта -
Жаннгандан къаналмазма…

Манга кюлмейди ай,-
Жаралыма, биледи…
Тюшюннген эсенг, айт:
Сюймеклик деген - неди?

*****
Этмеген гюнахымы ауурлугъу…
Жашауума кюн жарыгъы тиймейди.
Ай жарыгъын къара булут иймейди.
Минг сагъышым – минг шинжини урлугъу…

****
Сени унутур къарыу
Манга Аллах бермеди.
Сюймеклик – жюрек ауруу,
Тутду да,- жибермеди.

***
Озгъан кюнле, жулдузлача, кёзюмде.
Бир кетдим да, артха уа жол тапмадым.
Терси кёпдю бу жашауну тюзюнден,
Жашауунга мен танг болуп атмадым.

Озгъан кюнле, жулдузлача, кёзюмде.
Сенсиз къалып ташдан къаты болгъанма,
Жаным, саным ишленнгенча тёзюмден…
Алай, кёрсем,- къарамынгдан бугъама…

*****
Насыбым – мияла,
Къууанчым – къанатлы.
Сагъышым а – ачы,
Сагъышым а – татлы.

Жюрекге мудахлыкъ
Келиучюдю кюзде,-
Кёзюнгде окъулса,
Урунады кёзге.

Жылыуум жайыла
Кеченге, кюнюнге,
Буюгъа, уяла,
Мен кирдим юйюнге.

Ышанады терек,
Жаз келсе, чагъаргъа.
Ашыгъады черек
Тенгизге агъаргъа.

Ийнанады жаным
Сюймеклик барына,
Ол тазады, таза!-
Тауланы къарындан.

Жюрекден жюрекге
Жол тапхан – насыплы.
Жолсузлукъ сынасанг
Къыйынлы, азаплы.

Сюймеклик чырагъын
Жандырып – экибиз,-
Жюрекден жюрекге
Жол тапмабызмы биз?

Къууанчым – мияла,
Насыбым – къанатлы.
Сагъышым а – ачы,
Сагъышым а – татлы…

****
Кюн кёрмеген кюн кёрсе,
Кюнюнг къарангы болур.
Ит юрмей, тюлкю юрсе,
Жашау хыйладан толур.


Баш болмаса, аякъгъа
Тюз жол сайлар онг къайда?
« Хуржунлу жюзаякъдан»
Чыгъармы халкъгъа файда?

« Кесим» деген болмаса,
« Халкъым» деген чыкъмайды.
Андан болур: тюз жашау
Келирге ашыкъмайды.

***
Адамлыкъ таркъайды,
таркъайгъанча суула таулада,
Анасы баласын,
баласы анасын унутуп…
О сейир дуния,
ычхынырмы темир ауладан
Бу жюрек тазалыкъ -
Аллахны адамдан умуту?!
Харамлыкъ, туудура жилямукъ,
ёчюлте жашауну,
Сёзлени ачысы
жюрекни ачытып,
улутуп…
О сейир дуния,
ычхынырмы темир ауладан
Ол жюрек тазалыкъ -
Аллахны адамдан умуту?!
Дунияда бир киши да къалмаз
ёмюрлюк тереклей,
Ёлюмню чалгъысы
аманны,
игини да чалыр.
Ахшыны мураты уа къалады
таза череклей,
Таулада,тюзледе да,
билеме,
жолун ачалыр!

ДЖАЗ КЕЛИР

Жаз келир. Быллымда баллиле чагъарла.
Жел урса,гюллери бурула агъарла.

Жаз келир. Жылыуу жанынгы эритир.
Эсгериу юйюнгю ачылыр кирити.

Жаз келир. Кырдыкла ёсерле шууулдай,
Сен алдарса мени, кесинги да алдай.

Жаз келир. Узунчач жауунла жауарла,
Ёчюлген сезимле жангыдан тууарла.

Жаз келир. Келгенича кетер ызына,
Ол барыр заманны чархында къызына.

Жаз кетсе, къалырла сюймеклик тузакъла,
О алдама мени, кесинги да сакъла!

Бир адам да тыймаз заманны чабыуун,
Къыш жабар таулагъа гуржаба жабыуун…


ЭСИМЕ ТЮШЕСЕ

Шош атлай ингир келсе,
Ай булутха бёленсе,
Бийикден къарай кюлсе,-
Эсиме тюшесе…

Къар жауса, айта жомакъ,
Дунияны эте омакъ,
Тюшюме киресе сакъ,-
Эсиме тюшесе...

Басхан суу шууулдаса,
Жюрегими алдаса,
Кёрюне кёзге таза,-
Эсиме тюшесе…

*****

Терсни – тюзню излер заман озду – кетди.
Жашау череги сезимлени алды – элтди.
Энди манга къалгъаны уа – эсгериу,
Жау чыракълай, кечеден тангнга эриу.

Кёкге, жерге да табына, этдим тилек,
Тансыкълыгъынг хорлап, къайтып келирсе деп.
Тогъуз жайны, тогъуз къышны да сакъладым,
Сууукъ къарда гюлле ишлеп, къучакъладым.

О дуниям, суудан таза сюймеклигим,
О биринчи сезимимде кюймеклигим!
Мен тас этдим сени, къалдым къуппа – къуру.
Кесим къазгъанма кесиме терен уру.

Онгнган кюйюзча дуниям нюрсюз – кюнсюз.
Жашайды бюгюн жюрегим насып жюксюз.
Жашау, къадар да сыйырды сени менден,
Къарайбыз энди бир бирге, кюе, кенгден.


***

Сюймеклик – насыпды, къыйынлыкъды,
Жюрекге къууанч берген жарыкъды.
Сюймеклик – кюнден келген жылыуду,
Сюймеклик – къызыу отда жаныуду.
Сюймеклик – жайда жаугъан жауунду,
Сюймеклик – артха турмаз жауумду.
Сюймеклик – жанын берир нёгерди,
Сюймеклик – киши билмез элберди.
Сюймеклик – хорланмагъан аурууду,
Сюймеклик – жашау берген къарыуду.
Сюймеклик – сюймекликге дарманды,
(Сюймеклик – Къара ташны
жаргъанды.*)
Сюймеклик – душман оймаз къалады,
Алай бирде сынады – миялады…
Сюймеклик – жюреклеге асыуду,
Сюймеклик – къадар берген жазыуду!

--------------
* Къара таш – Гошаях – бийче Къаншаубийге
жиляй жаргъан таш.

*****

Жукъусуз кечеле, къайгъылы кечеле,
Сиз болгъансыз нёгер къызларым.
Жулдузлу кенглени суусабын ичире,
Тас этгенсиз кюнню ызларын.

Кюн тюшгенди, букъгъанды къая артына,
Уялгъанча жанып турургъа.
Барайым деп кёргенме аны къатына,
Ол а сюймейди эс бурургъа.

Жукъусуз кечеле,къайгъылы кечеле.
(Жулдузчукъ юзюлдю бийикден…)
Жюрекни кюйдюрген гюнахла кечиле,
Сюймеклиг а къала жюрекде.

СЕН КЕТСЕНГ

Ышаныуум къарыусуз,
Кюнюм, кечем жарыусуз,
Сюймеклик гюлюм суусуз,-
Сен кетсенг…

Тойла къобуз тартыусуз,
Ашагъан ашым – тузсуз,
Ичген сууум – татыусуз,-
Сен кетсенг…

Жюрегим да умутсуз,
Къарамым – мудах, мутхуз,
От жагъам – жарыкъ отсуз,-
Сен кетсенг…

Жылым – жанкъозсуз, жайсыз,
Кечеле – жарыкъ айсыз.
Менича сакълар къайсы,-
Сен кетсенг?..

Сен а кетесе узакъ,
Кетесе да къайтмайса.
Жюрегими жапсарыр
Бир хапар да айтмайса.

***
Акъ алмалача къуюладыла
Кёкден жулдуз сыныкълары.
Кёк къаяла да оюладыла,
Тауусулуп дуния жарыкълары.

Чууакъ кёкню жабып келедиле
Жангызлыкъны ауур булутлары.
Сени кёзлерингде ёледиле
Жалан жюрегими умутлары…

*****
Дарман эсе сюймекликни нюрю,-
Аурууума табылмады дарман.
Насыбымы къысхады ёмюрю,
Жан аурута билялмады заман.

Жюрегиме сыйынмагъан ауруу
Манга «саугъа» болгъанды ёмюрге,
Дунияда сынамайын жарыу
Жокъ къарыуум, кючюм да ёлюрге.

*****

Эшит, санга айтайым
Бу мудах сёзюмю:
Тас болгъанды жаным,
Таркъайды тёзюмюм.

Жол ызлайды жаным
Бу къарлы тюзледе.
Бошалгъанды, жанып,
Ийнаныу кёзледе.

Къычырады шошлукъ
Къар жаугъан элимде.
Жокъ манга болушлукъ…
Не болур кёлюнгде?

Жууапсыз соруугъа
Излейме жууап,-
Табарыкъча андан
Не гюнах, не сууап.

Мен санга айтайым,
Айтмай жокъ амалым,
Алдагъанды жайым,
Жюрегим жаралы.
Sabr 17.05.2014 03:19:08
Сообщений: 7254
АХМАТЛАНЫ ЛЮБА


МЕН КЪАЛГЪАНМА САНГА ТАНСЫКЪЛАЙ

1
Къар жауады, жабады жерни.
Сагъышым – ажашхан зурнуклай…
Ауазы улутады желни,-
Мен къалгъанма санга тансыкълай…
2
Жашауну биринчи къарлары
Агъарадыла тау башлада.
Жюрегим жиляды, таралып,-
Таш жаргъан кюч бар – кёз жашлада…
3
Ах, Гошаях! Ачы юлюшюнге
Аурутдула кёпле башларын.
Нек келесе мени тюшюме,
Сагъайта Басханны ташларын?!
4
Сен къалай базындынг кючюнге!
(Къар жауады сала тазалыкъ.)
Къыйынлыкъ кюйдюрюп ичинги,
Сен ташха да бердинг азаплыкъ.

5
Къаншаубийинг келмеди къайтып,
Ачыуунгу таула кёрдюле.
Жарасы уа Къара ташынгы
Бюгюн да къанайды, кюйдюре.
6
Боз туманнга бёленди эсим.
(Къар жауады Басхан тарында.)
Мен киргенме, билмейин кесим
Гошаяхны мудах жырына.
7
Къар жауады, жабады жерни.
Сагъышым – ажашхан зурнуклай.
Ауазы улутады желни,-
Мен къалгъанма санга тансыкълай…

*****
Чалбаш къышны сууукъ солуу,
Табийгъатны мудах болуу,
Жюрегинги жангыз сорууу
Кёзлерингде жашайды.

Тау башлада къарны акълыгъы,
Жети да кёкню чууакълыгъы,
Къарамынгы жумушакълыгъы
Жюрегими ашайды…

КЮЗ КЮЙЮЗ

Кюз жауун, кюз жауун…
Жилямукъ болуп агъады.
Ол терезенги къагъады,
Эшите эсенг дауун.

Кюз кюйюз, кюз кюйюз…
Шош атлай кетип барама.
Энди кишиге сурама:
«Кимди терс?»-деп…
Кимди тюз?

*****

Ай къанатын жерге тюшюрдю,
Агъызды жилямугъун булут.
Насыбым гоккача юшюдю,
Акъ къарлада бузлады умут.

Бузчачакъ жаулугъу жылтырай,
Къыш сыйырды жайны саугъасын.
Сын бола, бирде уа къалтырай,
Эшитеме энтта ауазын…

*****

Сен мени унутурса…
Мен а билмейме унута.
Кесинги булжутурса,
Жюрекни сууута.

Сен мени унутурса…
Мен а билмейме унута.
Юйюмю къурутурса,
Жанымы улута.

Сен мени унутурса…
Сен кетгенсе кери.
Сен мени умутумса,
Сен жанымса мени…

СЕН КЪЫЙНАЛАМЫСА МЕНИЧА?

Юч жол айырылгъан жерде,
Сакълаймыса мени алгъынча?
Бузлаймыса сууукъ желде,
Жюрегинги жарсыу алгъынчы?

Сюймекликни суратлары -
Сууукъ отну сууукъ нюрюча…
О толмагъан муратларым,
Мудахсыз сиз – ахыр кюнюча

бу ёмюрню. О хаух дуния…
О неди, неди байлыгъынг?!
(Кюз саламы – жауун къуя…)
Санга элтирми къайыгъым?

Сюелме сен сууукъ желде,
Жырларыма да, хо, ийнанма…
Юч жол айырылгъан жерде
Къалды насып, къалды ийман да.

Мудахды жаралы жюрек,
Бу жиляуукъ кёкню кенгича.
Юч жол – юч къуругъан черек…
Сен къыйналамыса менича?..

*****
Бир бирден узакъдабыз,
Жокъ бизге тюбешиу.
Кечеги жырыма
Жел этеди эжиу.

Бир бирге узатабыз -
Ууалгъан умутну.
Жулдузлача батабыз,
Жилятып булутну.

Жюрегим бла ётеди
Бузлагъан тамычы.
Ах, озгъан кюнюм, айтчы,
Нексе быллай ачы?

*****
Жаз табийгъатны нюрю
Дуниягъа тёгюледи.
Къалай жарыкъды кёлюм,-
Жюрекде сууукъ ёледи.

Журтуму чууакъ тангы
Лёкъу чакъгъаннга ушайды.
Жауунну жыры – жангы,
Жауун къууанчда жиляйды.

Агъачны жашил чачын
Оюнчакъ желчик тарайды.
Къайгъыларымы чачып,
Кёзюме биреу къарайды.

Хауаны тазалыгъы
Жюрегими эсиртеди.
Сени айтхан сёзлеринг
Кече, кюн да эсимдеди.

БИЯГЪЫ

Биягъы келгенди къыш,
Биягъы къар жаугъанды.
Биягъы эски сагъыш
Жюрегимде туугъанды.

Биягъы урады жел,
Тереземи тюеди.
Эшигим ачыкъды, кел…
Жарам бир бек кюеди.

Алтын отну тюрсюню
Кёзлерингде ойнайды.
Ахтынырма, кючсюнюп,
Ангыларыкъ – Айды.

Биягъы кетерсе сен,
Барлыкъ жолунг – тюзгеди.
«Жаша,- дерме ,- сау –эсен,
Болур мадар бизге да».

Биягъы ётер заман,
Ол багъалы саугъады.
Жюрекге жамау салмам,-
Жолум бийик таугъады.

Биягъы келирми къыш?
Биягъы къар жауармы?
Биягъы эски сагъыш
Жюрегимде тууармы?

*****

Тёгерекни бийлегенди къарангы,
Ай жарыгъы тереземден
къачханды.
Жюрегимде эрттегили жарамы
Жай кечени шыбырдауу ачханды.

*****

Жай айтады дуниягъа жырын,
Эсирте сюйген жюреклени.
Кёзюме къарайса жашырын…
Мен а ызлагъанма чеклени.

КЪЫЙЫН ЭДИ

Къыйын эди,
Къыйын эди,
Аны кесим билеме…
Дунияда жангыз къалдым.
Энди мени излеме.

Къыйын эди,
Къыйын эди,
Жангызлыкъгъа тёзгенме.
Сюймеклик жайын сакълай,
Ачы кёгет юзгенме.

Къыйын эди,
Къыйын эди,
Къаяда жазгъан эдим:
«Менден бир узакъ кетдинг…
Мен санга база эдим!»

Къыйын эди,
Къыйынлыкъны
Кесимми сайлагъанма?
Кёзлеринге ахыр кере,
Эслетмей, къарагъанма.

Къарамынгдан жаным къоркъду,
Андан жылыу къачханды.
Къарангыда мудахлыгъым
Жашил нюрюн чачханды…

*****

Жаным деме, жанымы
Мен сенден аямайма.
Тёкдюрме кёз жашланы,
Жокъ кючюм, тыялмайма.

Жаным деме, жарылсын
Мени жаным, жашамай.
Сау болмады жарасы,
Бир кишиге ушамай.

Жаным деме, жан аурут,
Жюрегим кётюрмейди.
Сюймеклик – къыйын ауруу…
Болса да, ёлтюрмейди.

*****

Жарсыуума жарсыу къошдунг, жапсармадынг,
Жюрегими нюрюн алдынг, кюч салмадынг.

Къанат къагъып, къанатлыча, учалмадым,
Къадарымдан мадар табып, къачалмадым.

Гёбелекден башхалыгъым болмады,
Отда кюйдюм, муратларым толмады.

Мен болсам да отда кюйген гёбелек,
Мени ючюн этме Аллахдан тилек.

Тилек этме, къабыл болмаз тилегинг,
Сюймекликни отда бишген жилегин

Юзалмазса, кюйдюрюрсе санынгы!
Андан эсе сакъла жансыз жанынгы.

Жазыуубуз бир болурун сюймейме,
Сени отунгда жылынмайма, кюймейме.

Кюйдюреди башха отну къызыуу…
Хычыуунса, о жазыусуз жазыуум!

Кюйюп – бишип, жаратылсам жангыдан,
Кюч алырма жангы кюнню тангындан!

*****
Любовь – это пятое время года.
А. АХМАТОВА

Жылны тёрт кезиую бар,
Бешинчиси – сюймеклик.
Ансыз сау дуния да тар,-
Жокъ насыпда кюймеклик.

Ким – Уучу, ким –Акъ Марал,-
Кийик жолла тикдиле.
Сау болур жюрек жара,
Умутла бийикдиле.

Умут – сериуюн аяз,
Кюйген жарагъа асыу.
Дунияда насыб а аз,
Эркинди жюрек жарсыу.

Кюй да, жыр да тууады
Сюймекликни кючюнден.
Сюймеклигим урады
Жюрегими ичинден.

*****
Аллымда тобукъланып,
Сюйгенинги айтаса.
Кюйдюрюнгю кюйдюрюп
Минг тобагъа къайтаса.

Кюйдюрюнгю кюйдюрюп,
Сен кечгинлик тилейсе,
Керексиз сёзлеринги
Жюрегиме тюйрейсе…

*****

Юзюлген мынчакълача чачылдыкъ,
Жолунг сени алып кетди узакъгъа…
Жюрегим да башха тюрлю ачыды,
Боягъанда къыш тёгерекни акъгъа.

Озгъан къышла умутланы
бузлатып,
Атхандыла эки жерге, къыйыргъа.
Жангы айгъа къанатларын узатып,
Бизни салды сюймеклигибиз
жыргъа…

*****

Тюшлериме сормай – ормай келесе.
Мен а сени аллынга чыгъалмайма.
Бошалгъанды жомагъыбыз, билесе,-
Ёлген гюлме, жангыдан чагъалмайма.

Озгъан кече келдинг мени тюшюме.
Мен а сени алгъынча сакъламайма.
Къой жанымы акъ къарлада юшюме,-
Жюрекни таша жырын жокъламайма.

Жырлай билген жырлагъанын къоярмы,
Жарыкъ жыры узакъ жары кетгенлей?
Сюе билген сюймекликден тоярмы,
Сюйгенинден къадар къуру этгенлей?

*****

Арбазда ойнайды жашчыгъым,
Кюн аны сылайды чашчыгъын.
Кёзчюклеринден уппа этеди,-
Бар къыйынлыкъ дуниядан кетеди.

Арбазда ойнайды жашчыгъым,
Дугъумкёзюм, къаракъашчыгъым.
Сакъланып уруш отдан, окъдан,
Дуния толуп мамырлыкъдан!

*****

Жапханды къар жолубузну терен.
Боллукъ болду, терсни – тюзню излеме…
Озгъан кюнню къайтмазын тергеп,
Келлик кюнден умутуму юземе.

Тюнгюлме сен а – насыбынг алда.
Жашау – насыпды, къалгъаны – алдау.

Узакъ болса да энди арабыз…
(Билдим, къоркъгъанына тюбейди ким да)
Ма бюгюн да ачыйды жарабыз,
Заман кетди, ол башына эркинди.

Унутма, жаным, мен да унутмам,
Алай жашама энди умутда.

Сейирди, тамашады дуния,
Заман да эмилик атлай чабады.
Сезимлерим, табалмайын уя,
Хауледиле…Къышны къары жабады
Чал чачынгы,керти сюймеклигим,
Жаннет нюрюм, уллу кюймеклигим.

*****

Кюз тешди кийимин,
Терекле къымыжадыла,
Къаралгъан бутакъла
Сууукъдан къабышадыла.

Ай жюзеди сууда,
Жулдузла уа батхандыла.
Жюрегим ачыуда,-
Аны нек ууатхандыла?

Кечени солууу
Жарамы сууутурму да?
Узатмам къолуму,
Атынгы унутурма да…

*****

- Неди жауун? – Жилямукъ ёресине.
- Нек жиляйды? Не тюшгенди эсине?
Тамычыла кёк кырдыкны жуудула,
Кёк кырдыкда къызыл гюлле туудула.

Тейри къылыч ийди бийикде нюрюн,
Алма терек тёкдю юсюне гюлюн.
- Нек жиляйды жауун? – Олду жумушу.
Жаусун жауун, жерге келмесин бушуу.

****

Жюрегими ауазы
тёгюледи тышына:
Бир тюнгюле жашаудан,
бир а – анга ышана.

Жюрегими ауазы
жырмыды, жиляумуду?
Жюрегими сезими
нёгермиди, жаумуду?

Жюрегими ауазы
жюрегинге барады.
Жюрегими ауазы -
къаны саркъгъан жарады.

Жюрегими ауазы
къаяладан ётеди,
Сыннган къанатларында
сюймеклигин элтеди…

СЮЙМЕКЛИК БОШАЛСА

Сюймеклик бошалса,
Къуругъан терекгеми ушайды,
Къуругъан терекге…
Бутагъы замансыз къуругъан?..

Сюймеклик бошалса,
Таркъайгъан черекгеми ушайды,
Таркъайгъан черекге…
Юзмезге амалсыз жутулгъан?..

Сюймеклик бошалса,
Жоюлгъан жашлыкъгъамы ушайды,
Жоюлгъан жашлыкъгъа…
Къаласы ажымлы оюлгъан?..

Сюймеклик бошалса,
Бузлагъан жулдузгъамы ушайды,
Бузлагъан жулдузгъа…
Жюреги сууукъдан уюгъан?..
Culduz 17.05.2014 12:02:32
Сообщений: 160
Nazmulanı,''Nasıbını eşigin açgan''... canım LÜBA'ga. :гоккачыкъ:
*
Назмуланы,''Насыбыны ешигин ачган''...джаным ЛЮБА'га.

Прикрепленные файлы

Изменено: Culduz - 25.05.2014 07:01:37

Ana tilim meni cürek tilim ...
Sabr 02.07.2014 06:10:38
Сообщений: 7254
АХМАТЛАНЫ ЛЮБА

МЕН СЫЙРАТ КЁПЮРДЕН ДА ЁТЕРМЕ

Эшитген, ангылагъан да этерме
Юреннгенме алай джашаргъа.
Мен сыйрат кёпюрден да ётерме
Насыбны эшигин ачаргъа.

Джашырын джолланы да табарма
Джюрекни киритли юйюне,
Эшиги ачылырча къагъарма,-
Кёзлеринг къараса сюйюне.

Джюрегинг чакъырса, мен сезерме,
Сёз керекмейди – бары ачыкъ.
Насыбым алдаса уа, тёзерме,
Ачыуну татыуу да – ачы…
всезнайка 09.07.2014 02:40:37
Сообщений: 1164

псори тамам
Sabr 09.07.2014 04:33:44
Сообщений: 7254
всезнайка, бу аламат суратны юсюнден хапар айталлыкъмыса?
всезнайка 09.07.2014 07:32:19
Сообщений: 1164
Цитата
Sabr пишет:
бу аламат суратны юсюнден хапар айталлыкъмыса?
Айталмам. Одноклассникледе страничкасына кириб алыб келгенме кесинден да изн алмагъанлай

псори тамам
Къара чачлы 09.07.2014 16:12:33
Сообщений: 1750
Мени эсимде къалгъандан, бу Тебердидеди. Люба анда болгъанда майдалы да, къолунда гюлю да былай эдиле, андан тюшген суратларындан болур дейме.

"Къадарны этегинде...","Сени ючюн"...(с)
Sabr 29.08.2014 02:49:29
Сообщений: 7254
АХМАТЛАНЫ ЛЮБА


КЪАРА ТАШНЫ ЖАРАСЫ

1
Къар жауады, жабады жерни
Сагъышым - ажашхан зурнуклай...
Ауазы улутады желни, -
Мен къалгъанма санга тансыкълай.

Жашауну биринчи къарлары
Агъарадыла тау башлада.
Жюрегим жиляды таралып,
Таш жаргъан кюч а - кёз жашлада.

2
Гошаях! Ол ачы юлюшюнг
Ачытды кёплени жанларын.
Нек келесе мени тюшюме,
Ташланы да къыя санларын.

О, къалай базындынг кючюнге!
(Бушуу жокъча, бу къар а - таза!)
Сюймеклик жоюлмаз ючюннге
Сынатдынг сен ташха да азап.

Таяндырмай армау башынгы,
Къаншауну сакъладынг ашыгъып...
Жарасы ол Къара ташынгы
Бюгюн да къанайд, ашланып.

3
Туманнга бёленнгенди эсим.
(Къар жауады Басхан тарында).
Жашагъанма, ах, билмей кесим
Гошаях бийчени жырында.

Къар жауады, жабады жерни
Сагъышым - ажашхан зурнуклай...
Ауазы улутады желни, -
Мен жашайма санга тансыкълай.
Читают тему (гостей: 1)

Форум  Мобильный | Стационарный