"Ахмат къаяда бал барды дейле. Узалыб киши джетелмез..."- Халкъ ийнардан
Кёзлерингден, сёзлерингден да къарайдыла Ай бла джулдуз. Акъсюек назмуланы ТейриджюрЕк шайыр джазаллыкъды джангыз.
«Ахмат къаяда бал барды, андан бизге не барды»,- дейдиле фахмудан къаратонла. «Къая да, бал да бизни халкъныкъыды»,- дерге уа, башларымы джетмейди, зарлыкъларымы къоймайды - ким биледи.
Lyuba Akhmat, ас–саляму алейкум. Кюнюгюз да ахшы болсун. )) Сыйлы Аллах сизге да таркъаймазлыкъ насып буюрсун. Миллетибиз бар болгъан къадар бир сизни поэзиягъыз да жашап турлукъду, Аллах айтса.
Жюрегим тюйюл эди сокъур,-
Къыш кетгенди. Келмегенди жай.
Бу ачы тизгинлени окъур
Хар адам...Кесича ангылай.
Ахматова Люба
Любаны назмуларын окъусам, суусабымы къандыргъанча болама... кесими сагъышларымы, сезимлерими башха адам ангылаб ауурлукъларын алгъанча... Бу берюуде кесида алай атды... адам поэзия бла суусабын къандырады.
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.
Айшат пишет:
Любаны назмуларын окъусам, суусабымы къандыргъанча болама... кесими сагъышларымы, сезимлерими башха адам ангылаб ауурлукъларын алгъанча... Бу берюуде кесида алай атды... адам поэзия бла суусабын къандырады
Бек тюз айтаса, Айшат. Назмуну Акъ сёз этген, Поэзия этген лирикады. Белгили поэт Кушнер да сенича айтады:
«Поэзия для меня — великая радость и утешение, счастье моей жизни и ее главный смысл. И все-таки я, наверное, не писал бы стихи, если бы не знал, что такую же радость и утешение находят в поэзии многие люди, любящие стихи. Дать определение поэзии невозможно так же, как музыке». «Всю жизнь я отстаиваю лирику, считая ее «душой искусства». Ее прирост и в стихах, и в живописи, и в музыке — везде — представляется мне спасительной и счастливой тенденцией. Лирика говорит с человеком наедине, ведет с ним тайный, скрытый от чужих глаз, интимный разговор».
Алай а, джюрекдегин сёз бла айтыр ючюн, поэт, сёз ючюн, Ахматова, къаллай амалла бла хайырланады? Назмусуна бир къарайыкъ.
Назму силлабо-тоника бла джазылмагъанды — алай демек, басым бирча тющюб бармайды. Бурундан бизде джюрюген адет бла — силлабика (джик тенглик) бла джазылгъанды. Алай а, рифма (кафие) болгъан тизгинледе джик тенгликден сора да, басым бирча тюшюб барады . Олду назмуну сыйдам этген. Аны бла бирге, силлабо-тоникадача къаты джорукъ болмагъаны себебли, автор кёлюндегин эркинирек айтыргъа мадар табады.
ТёзюмЮ жетЕрми дЕп сынАй,9 СынатдЫнг жашлыгъымА азАп.9 ЖаууннУ узУн чачЫн сылАй,9 СакълагъАнма жанымЫтазА.9
Суратлай билгени да сейирсиндиреди. «Джаууну узун чачын сылай» бу аллай аламат, джангы суратды, къайсы тилге кёчюрсенг да ариулугъун тас этерик тюлдю. Бу бизни поэзияда эм иги лирика назмуланы бириди.
Жылыуум жайыла
Кеченге, кюнюнге,
Буюгъа, уяла,
Мен кирдим юйюнге.
Ышанады терек,
Жаз келсе, чагъаргъа.
Ашыгъады черек
Тенгизге агъаргъа.
Ышанады жаным
Сюймеклик барына,
Ол тазады, таза!-
Тауланы къарындан.
Жюрекден жюрекге
Жол тапхан – насыплы.
Жолсузлукъ сынасанг
Къыйынлы, азаплы.
Сюймеклик чырагъын
Жандырып – экибиз,-
Жюрекден жюрекге
Жол тапмабызмы биз?
Къууанчым – мияла,
Насыбым – къанатлы.
Сагъышым а – ачы,
Сагъышым а – татлы…
Ма былайды назмусу Ахматланы Любаны. "Ыйлыгъа" деген сёз джокъду анда. Бек сейирсиниб тура эдим, тилге уста, джазгъан сёзюне сакъ Ахматланы Люба "ыйлыгъа кирдим юйюнге" деб, къалай айтханды деб. Люба алай айтыргъа амалы да джокъ эди, айтхан да этмегенди - гюнах, Ахматованы назмусун ким тюрлендирген эсе — андады.
Бу интернет текстде Любаны назмусун къуджур тукъум тюрлендиргенлерин кёребиз. Экинчи палах - тюрлендирилген назмуну интернетден алыб, джайыб барадыла.
«Налицо нарушение моего авторского права. Изменили текст моего стихотворения без моего ведома и согласия. Да и когда мои стих делают песней и поют - меня не ставят в известность, я узнаю об этом из других источников» дейди, разы болмай Ахматланы Люба.
Быллай терсликле къуру Любаны назмусунда тюл, башхалада да тюбейдиле. Аланла, сизден тилерим: игилик этебиз деб, аманлыкъ этмегиз. Сау авторланы кеслери бла келишмей, джукъларына тиймегиз, тюрлендирмегиз. Арабыздан кетген авторланы тин хазналарына уа артыкъ да сакъ болургъа керекди: ала къалай джазгъан эселе, алай турургъа керекдиле. Ансы Багъыр улу Къасботну «Айджаякъ» джырындан башлаб, тюрлендириб джырлайдыла. Ол бек айыблы ишди.
Sabr,Билал, сау болугъуз эскертгенигизге!
Любаны кесине да джазгъанма, мен къатыш хата болду эсе, разы болугъуз деб. Разылыгъын билдиргенди.
Бу назмуну биринчи варианты да барды, " Акъ ташла" китабда басмаланганды. Люба эркинлик бергенди, къайсы вариантын джаратсанг, аны кёчюр деб. Бери салырма тюзетсем.
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.
Айшат пишет:
Sabr, Билал, сау болугъуз эскертгенигизге!
Любаны кесине да джазгъанма, мен къатыш хата болду эсе, разы болугъуз деб. Разылыгъын билдиргенди.
Бу назмуну биринчи варианты да барды, " Акъ ташла" китабда басмаланганды. Люба эркинлик бергенди, къайсы вариантын джаратсанг, аны кёчюр деб. Бери салырма тюзетсем.
Айшат, сенде терслик джокъду. Сен салмагъанса интернетге Любаны назмусун тюрлендириб. Сен иги назмучу болгъан бла къалмай, уста кёчюрюучю бола да бараса. Барыбыз да разыбыз санга.
