ЛИТЕРАТУРНАЯ ПРЕМИЯ ИМЕНИ ИСМАИЛА СЕМЕНОВА. С 2014 ГОДА - ЛИТЕРАТУРНАЯ ПРЕМИЯ ИМ. КЯЗИМА МЕЧИЕВА И ИСМАИЛА СЕМЕНОВА

Sabr 09.10.2012 17:51:49
Сообщений: 7254
Уважаемые коллеги! ПРИЕМ РАБОТ НА СОИСКАНИЕ ЛИТЕРАТУРНОЙ ПРЕМИИ ПРОДОЛЖАЕТСЯ. Тема закрыта для посторонних. Здесь будут ставиться только произведения, присланные на конкурс. Авторам свои сочинения просим присылать на электронный адрес:
bilallaypan@hotmail.com

______________________________________________________________________

2013 ДЖЫЛ

Бери Семенланы Исмайыл (Джырчы Сымайыл) атлы адабият ёчню алыр ючюн, Конкурсха келген чыгъармаланы сала барлыкъбыз.

Ана тилде джазгъанларыгъызны (КОНКУРСХА деб, чертиб) бу адресге ийигиз: bilallaypan@hotmail.com

Конкурсну юсюнден "АКЪТАМАКЪ" темада окъугъуз. Чыгъармаларыгъыз да анда сюзюллюкдюле,
кесигиз анга разы болсагъыз. Конкурс баргъан заманны ичинде (февралны ючюсюне дери) джазгъанларыгъызны тюрлендирирге (къошаргъа, къоратыргъа, къысхартыргъа неда тюбелек алыб къояргъа) боллукъсуз.

_______________________________________________________________________________

Семенланы Джырчы Сымайылны къызы Софьяны алгъышлау Сёзю:

Сыйлы Къарнашларым, Эгечлерим!

Атамы тин джашы, къарнашыбыз, Лайпан улу Билялдан, "Джырчы Сымайыл" атлы едебият эришиуле этерге башлагъаныгъызны эшитиб, бек къууандым. Кёлден, джюрекден барыгъызгъа да ильхам, онг, башары тилей, тамада эгечигиз кибик, бу хайырлы башлауугъуз бла сизни алгъышлайма.
Бу аламат фикирни ортагъа салгъан, ишни башлагъан, бардыргъан Берекетге, Кергеленнге, къошулгъанлагъа, джан аурутханланы барына да бек разыма. Уллу бюсюреуюм бла биргелей, саулукъ, берекет, барлыкъ, узун ёмюр да тилейме барыгъызгъа.
Нарт-Къарачай сау болсун!
Джолугъуз ачыкъ болсун!

Софи Трам-Семен
джазыучу, режиссер, СТД-ни юеси.

________________________________________________________

01.12.2012 ЭСГЕРТИУ 01.12.2012

ЧЫГЪАРМАЛАРЫН КОНКУРСХА ТЕДЖЕГЕНЛЕНИ ЭСЛЕРИНЕ САЛАБЫЗ:

1. Ана тилде джазгъанларыгъызны (КОНКУРСХА деб, чертиб) бу адресге ийигиз: bilallaypan@hotmail.com

2.Кеслерини керти атларын, тукъумларын, къысха биографияларын да джазыб, чыгъармаларын bilallaypan@hotmail.com адресге иймегенлени чыгъармаларына Конкурсну эсеблери чыгъарылгъан сагъатда къараллыкъ тюлдюле.

3.Кеслерини чыгъармаларын авторла кеслери "Акътамакъ" темагъа салыргъа боллукъдула. Былайгъа уа - bilallaypan@hotmail.com адресге келген чыгъармала салынныкъдыла неда салынныкъ тюлдюле (чуруму авторну кесине энчи билдирилликди).

4.Конкурсну юсюнден "АКЪТАМАКЪ" темада окъугъуз. Чыгъармаларыгъыз да анда сюзюллюкдюле,
кесигиз анга разы болсагъыз. Конкурс баргъан заманны ичинде (февралны ючюсюне дери) джазгъанларыгъызны тюрлендирирге (къошаргъа, къоратыргъа, къысхартыргъа неда тюбелек алыб къояргъа) боллукъсуз.
Изменено: Sabr - 04.04.2014 02:05:44
Sabr 09.10.2012 17:54:14
Сообщений: 7254
ЛИТЕРАТУРНЫЙ КОНКУРС - 2013 - ЛИТЕРАТУРНЫЙ КОНКУРС

___________________________________________________


КЪУШДЖЕТЕРЛАНЫ АЙШАТ


Конкурсха
_________


САГЪЫШЛАРЫМ

Адам джазыуундан къалмаз, аджалындан къутулмаз.

Джашай барабыз ашыгъыб, заманыбызны ашырыб.

Чабхан-джортхандан бошамай, санны-джанны аямай.

Джашау къысхады, алданма. Заман къайтыр деб ийнанма.

Бирер насыб хар инсаннга береди Аллах саугъагъа.

Ёлюб кетгинчин ангылаялсакъ, джарыкъ кёл бла джашаялсакъ.

Ата-ананы къучакълай, сабийибизни ийнакълай.

Эгеч-къарнашны сууутмай, джууукъну-тенгни унутмай.

АНА


Ана деген къалай татлыды.
Бала джылыуундан тоймаз.
Тиширыуну сыйлы атыды.
Анга ийнанмагъан болмаз.

Ананг саудан насыб толуду,
Кюнюнг джарыкъ, кёлюнг эркин.
Ол дунияда болур соруу да
Къыйнаб мыдах этсенг бетин.

Ариу ауаз бла, джумушакъ къол бла,
Этген ишинги тюзетир.
Сюймеклиги бла, билими бла,
Адет, намыс да юретир.

Ана къачы къалай уллуду.
Къор болайыкъ аналагъа.
Сыйлы Аллахдан тилерим буду -
Насыб буюр сен алагъа!

ДЖАШЧЫГЪЫМА

Джашаууму джарытаса ышаргъанлай бир кере.
Уллу Аллах этсин сени къыйынлыкъладан кери.
Кючю кёбдю, буюргъанды сени меннге къууанчха.
Разылыгъына ышанама, минг шукурла Аллахха.

АЛЛАХНЫ КЪАДАРЫ

Танг атады, кюн батады,
Хар ишни бир заманы.
Къач келсе чапракъ къуяды,
Къыш джетсе себер къарны.

Джаз джылыу бла уянады
Табигъат джукъусундан.
Джай, джашнаб, къууандырады,
Кёз алмазча, ариудан.

Джаш тууады, къарт болады,
Кёзюуюнде джашауну.
Къадарны Аллах джазады,
Анга салдым махтауну.
Изменено: Sabr - 06.06.2015 02:38:09
Sabr 09.10.2012 18:10:40
Сообщений: 7254
САЛПАГЪАРЛАНЫ МАРИЯМ

КОНКУРСХА


НАЗМУ ОКЪУРУМ КЕЛЕДИ САНГА

АТА ДЖУРТУМ

Гитче Къарачайда туугъанма
Гитче уллу джюрегим бла.
Тау этегинде тургъанма
Ёрге къарай кёзлерим да.

Нарат чегетни хауасы
Таза эди, татлы эди.
Кёкге тартхан мийик джуртда
Кёлюм да къанатлы эди.

Къобан сёлеше эди мени бла
Эне келиб Минги Таудан.
Айта эди хар толкъуну:
«Ёлюб къалма джанынг саудан.

Къаялагъа, таулагъа къара –
Джуртунгдула сени ала.
Аладан аллыкъса къарыу.
Алайсыз къаллыкъса арыб».

Къобан суу сугъарады
Юй аллында терегими.
Джуртну аязы сылайды
Кёлюмю-джюрегими.

Къарт атамча, Минги Тау да
Манга къараб ышарады.
«Джуртун сакълар, джакълар» деб,
Туудугъуна ышанады.

Ичимден къычыра, тышымдан шыбырдай,
Барама джашай – болмай арыу:
«Аллах,- дейме,- бер бир къарыу
Сакълар кибик тауларымы».

Биз таулада туугъан эсек,
Халкъ – былайда болгъан эсек,
Къалай къоярбыз тауланы,
Ата джуртубуз тауланы?

КЪАЧ

Тубан шылпы. Тубан шылпы. Тубан шылпы.
Аязымайды кюн.
Сары джыламукъладан – чапыракъладан – толуду жер,
Кёргюзтмейди Кёк да кесин.

Дейдиле: келгенди къач.
Къачха уа – къуру оналты жыл.
Оналты джылда келемиди къач?
Юзюлгенди къыл къобузда къыл.

МЕН – ХАУАЧЫКЪМА

Джаннетден къысталгъан Адам бла Хауаны
Туудукъларыма мен. Хауачыкъма.
Терекден юзгенме алманы...
Джюрегим – джаланды, ачыкъды.

Хауачыкъма. Кёрюнмесем да – барма.
Солургъа хауа джетмей тебресе,
Алай излериксе мени,
Алай кюсериксе мени.
Бюгюн а – эслемейсе мени. Мен а – барма.

ДЖАШАУ БЛА ЁЛЮМ

Иги тюлмюдю ёлюб кетген
Джашлай, гюнахсызлай.
Башлагъанем кетерге алай –
Ким тыйды, не тыйды, нек тыйды мени?

«Кёрюрюн кёрмей – кёрюне кирген»
Къауумгъа къыйналалла бек.
Не ючюн? Нек?
Джашагъандан аманмыды ёлген?

Кесим ючюн тюл,
Мени сюйгенлени къыйнамаз ючюн
Джашаугъа къайытханма мен.
Мен сюйгенле, мени сюйгенле
Ёлселе уа –
Мени да тыяллыкъ тюлдю киши.

БУ ТАУЛАГЪА КЁЗЮМ ДЖЕТГЕНЛЕЙ

Бу таулагъа кёзюм жетгенлей,
Сени сагъыныб тебрейме мен.
Не болгъанды? Джаным, къайдаса?
Къыйнайса сен мени, къыйнайса!!!

Сау дунья да тас болуб къалгъанча,
Бютеу адамла мени унутханча…
Сени сакълайма кече да, кюн да!
Сенсе мени тюшюм, тюнюм да!

Огъай, огъай! Излемейме мен сени!
Керек тюлдю магъанасыз ийнаныу!
Сакъла, насыблы эт, джаным, кесинги!
Уллу Аллах берсин санга чексиз къарыу.

Мени уа эсинге да тюшюрме!
Унут, джаным, сюйген эсенг да унут!
Энди мен ол тели къызчыкъ тюлме –
Этме да къой менден умут.

Энди сен мени кёрсенг да танымазса.
Джылла ётюб кетгендиле ёретинлей.
Мени къатыма келирге да базмазса!
Мен а… мен а турама сюйгенлей!

НАЗМУ ОКЪУРУМ КЕЛЕДИ САНГА

Эй, таулу джашчыкъ, кёзюме бир къара!
Башымы тас этдим болурму, дейме…
Ненча заманны тураллыкъса мени мараб?
Джашил кёзлеринги бир кёрсем кетерме.

Назму окъурум келеди санга!
Ол а, билеме, игиге тюлдю!
Неге тартаса быллай бир кесинге?
Экибизни ортабыз бютеу ёмюрдю!

Кёзлеринги энгишге ийсенг да,
Кирпиклеринг белги жиберелле!
Эшик аллында ышарылыб сирелсенг,
Кюн таякъла кеслерин дженгдирелле!

Мен - таулу къыз! Къалай болду алай?
Сени джашил кёзлеринге сукъланама!
Тылпыуум тыйылад сени ызынгдан марай!
Къалам алсам кёзлеринги суратын салама!

Назму окъурум келеди санга!
Ол а, билеме, игиге тюлдю!
Неге тартаса быллай бир кесинге?
Экибизни арабыз бир ёмюрдю!


ДЖАШАР ЮЧЮН БУ ДУНИЯДА ЁЛМЕЙ

Кел, сени къолума юретейим!
Силкме башынгы, иерик тюлме!
Дуния джылыуун сездирейим...
Ышаргъаннга къашларынгы тюйме.

Мен уялмаз, джылайма, кёлтюрмей
Аллах берген джазыууму!
Сеннге сакълагъан джылыууму
сууукълугъунг бла ёлтюрме.

Сен суууталлыкъ да тюлсе мени,
Кеслерине тартхан кёзлеринг бла.
Башынгы да тюлсе алаллыкъ
джанымы эсиртген сёзлеринг бла…

Ненчаны джарлы этгенме,
«Сен, джангыз сен»,- деб, тура.
Къаллай бир джюрекни эзгенме,
Джюрегими сени таба бура.

Кёзлеримден акъгъан джауумдан
къутхарырча бармыды джамчынг?
Къутулмазса джюрек дауумдан,
Сен менден къутулмазса къачыб.

Къоркъ, айта туруб ийнар,
Мен башха джары да учарма…
Андан эсе сен меннге ийнан:
Сеннге джангы дунияла ачарма.

Кел, сени къолума юретейим!
Силкме башынгы, иерик тюлме!
Джазыуубузну джазайыкъбирге,
джашар ючюн бу дунияда ёлмей.

ЁРГЕДЕН ЁРГЕ

Биягъы джолгъа чыгъабыз
Биргелей! Бирге!
Къолладан тутуб учабыз
ёргеден ёрге!

Экибиз да къатышабыз
Тубанда, тубанда.
Не эсе да, бек къоркъама
Анамдан, анамдан!

Анам, кеч мени, джанымса!
Кёкдеди аякъ ызым…
Мийикдеди - сен танырса -
Терсакъыл, тели къызынг!

Узакъда къалыб кетмезме,
къайытырма ызыма.
Мен сени мыдах этмезме,
къоркъма, анам, къызынга.

БИР АЙТ

Джюрек джанымда - сен!
Ах, энтда бир кесек!
Мени бир кёрелсенг...
болгъунчу мен кёсеу!

Джылатханса, хоу,
аны унут да къой.
Джаным сеннгеди къор,
кетсенг а - сакъ бир бол!

Кетсенг къоюб мени,
сюрмезме ызынгдан.
Кетемиди джаз
нарат бла нызыдан?

Кетген да насыбсыз,
къалгъан да - алай.
Къаты тут мени
болмаз ючюн алай.

Хомух эсенг сен,
тебрей эсенг къачыб,
айтайымчы мен,
къыз бетими ачыб:

Сюеме сени!
Сен тюл, къаяла
къайтарадыла:
Сюеме сени!

Мен а ол сёзню
сакълай эдим сенден.
Нек къачаса сен,
бир айт, сюймекликден?

АРЫГЪАНМА

Киши кишиге ийнанмагъан заманда
Сеннге ийнана, ийнана, ийнана!
Киши кишини сюймеген кёзюуде
Сени, къанатлы - Кёкнюча, сюе…

Киши кишиге джукъ бермеген джерде,
Сеннге чыгъарыб джанымы да бере…
Киши кишини сагъынмагъан ёмюрде
Сени сагъына кюнюне джюз кере!

«Бир сейир къызса!» - дейсе меннге,
Мен а джылагъан да этеме, биле?
Джазыу атхан ташланы кёлтюре,
Болгъан аурууму кюрей кюртге,
Сейир, тели болгъанча, биле?

Тынгылама, къой, билмейме, де!
Сен ойнайса: кете да, келе…
Мен а арыгъанма – боллукъду меннге!

ТИШИРЫУ КЪОЛДАДЫ ДЖАЗЫУ

Эркиши тюлдю терс,
Сен джангыз къалсанг!
Алай болады - эс
джаулу мыйыгъа батса!

«Кетме!», - дей билмеген къыз,
Кесин джарлы этиб джыласа,
Анга къарангыракъ, табсыз,
Орун табдырмагъан танг атса,

Эркиши тюлдю терс…
Эркишини къолун къысчы!
Къалтырай тургъан къолгъа
сен къарыу берликсе, къызчыкъ!

Сенсе, къызчыкъ, джашау элтиучю
келлик заманны аллына!
Сенсе, къызчыкъ, джан бериучю
Адам улуну санына…

Эркиши уа тюлдю терс…
Тиширыу къолдады джазыу!
Андан башланнганын джазны
билдиргенлей турады эс…
19.11.2012

ТЮРЛЕНМЕЙДИ

Уф, ичим тышыма болуб,
Солугъаным тохтаб къарайма…
Къарачай халкъ болум
Ёмюр ёмюрлюкге таймайд!

ДЖЮРЕК ИЙМЕЗ ТЕРСИНЕ

Мен сени къайда табханем,
къайдан чыкъгъаненг аллыма?
джолну ёрге бурулгъанем -
къарасам, келе тура...

Мен озаргъа излегенем -
кесген эдинг джолуму.
Мен къолуму джашыргъанем,
узатханда къолунгу.

Не эсе да ышарама
ол кюн тюшюб эсиме.
Джюрегиме ышанама,
мени иймез терсине.

ДЖАРЫКЪ СЕЗИМЛЕ

Джюрегими Кюнча этген
бу джарыкъ сезимлеге къара!
Ала кетмей турсала,
кюнюм да болмаз къара.

Акъ сезимлеге бата
Къарангыдан къутулама.
Алай а тутулама:
Меннге тураса къараб...

Джоппу-джоппу сезимле,
башхасы джокъ — джюзюмле,
бишгенден бише ала,
сен а тураса къараб....

Кёзлерими кесесе,
таб къоймайса къараргъа.
Алай эсе, бол таякъ,
Кюн таякъ мен сокъургъа.

ХАР НЕ ДА КЁЗЮУ

Джырлау, джылау да кёзюу...
Сёзюнг, кёзюнг да мени
джылата да, джырлата да,
барадыла джашата.

Кёлюмю ача-ача,
джанымы чача-чача,
барама кёче сеннге.
Ма олду джашау меннге.
Sabr 13.10.2012 00:24:00
Сообщений: 7254
ШАУАЛАНЫ ИСЛАМ

конкурсха

МЕНИ ТАУЛУ ХАЛКЪЫМА

Мени таулу халкъыма
Къонакъ терс къарамасын.
Аман адамны къолу
Таулагъа узалмасын!

Барс элим унутмасын
Нарт атасын-бабасын.
Таулу уа таркъайтмасын
Тау адетин, намысын.

Тубан келсе, джангыз да
Чыммакъ къарны келтирсин.
Кюн топракъны къыздырса -
Джауум аны джибитсин!

Ырхы келген болса да,
Кирликни джуууб кетсин.
Букъу къондурмай, джуртун
Хар таулу алай сюйсюн!

АЛАН ХАЛКЪЫМА ДЖАРСЫУ

Алан халкъыма джарсыу
джюрегими толтургъанды.
Аланладан энди бизге
къуру тау этек къалгъанды.

Аны да къоймайла бизге.
Терслик душманды тюзге.
Алай а, джуртубузну
къалай берирбиз сизге?

Биз бир джумдурукъ болайыкъ,
къыйнагъанны къыйнайыкъ.
Игиликни этгеннге уа -
къат этиб къайтарайыкъ!

Адет, намыс тутханнга,
иманы бла тургъаннга,
къошулуб биз да анга
Джуртубузну сакълайыкъ.

Дуния малны сюрмейик,
ахырат отда кюймейик,
сакълайыкъ Джуртубузну,
джаныбыз саудан ёлмейик!

СЮЙГЕН ДЖАНЫМ

Джаным, джаным, сюйген джаным,
къайда къалыб къалдынг сен?
Суу бойнунда сени сакълаб,
турама Ай жарыкъда мен.

Суу тауушу джыр болады
шош кече къулагъыма.
Сенден хапар айтады-
себеб бола джаныма.

Къанатларым болсаелле,
учарем юй аллынга,
сени да биргеме алыб,
кетерем Дых-тау башына!

Джаным, джаным, алтын джаным,
сюйгенден ёлеме мен.
Сен да мени сюйсенг а,
болмаз эди манга тенг!

ТАУСУЗ ДЖОКЪДУ ДЖАШАУУМ

Таусуз джокъ манга джашау
бютеу жерни башында.
Черек сууну тауушу
кюч береди джашаргъа.

СизсИз, къысыр къаяла,
къалай ётер ёмюрюм?
Таугъа ушаш акъ тангла,
сизни блады джюрегим.

Аллах къаллай бир къойса да
мени жерни башында -
джыл болсун, болсун ыйыкъ да -
сюерме мен жашаргъа,
джангыз, Алан таулада!

БОЛЛУКЪНУ УНУТМА

Хатагъа къалыр башынг
джакъламасанг халкъынгы.
Аякъ тюбге тюшерсе,
сюймесенг къарнашынгы.

Къоркъама, айырырла,
мийик тау джуртубуздан.
Ичирмей да турурла
къара, акъ сууубуздан.

Аны бил, эсингде тут,
ёмюрде да унутма.
Джашаргъа джокъду мадар
Байракъны ёрге тутмай.

КЪАРАЧАЙЫМ, МАЛКЪАРЫМ

Къарачайым, Малкъарым
таза суугъа ушайса.
Иннетинге кертилей
сен джуртунгда джашайса.

Джуртубуз а таурухда
айтылырча бир джуртду.
Кавказда къой, дуньяда
андан ариу джер джокъду.

Аллах насыб бергенди
мени таулу халкъыма,
Азияда тюб болмай,
келди Минги Таууна.

Темирден да, Къурчдан да,
къутулгъанса сен, халкъым.
Тау джуртунгда турсанг да,
Сынаула уа — кёб алкъын.

Аладан да ётерсе,
ётгенча башхаладан.
Байрагъынг да чайкъалыр
Минги Тауну башында.

ТУУГЪАН ДЖЕРИМ


Туугъан джерим, туугъан элим,
Сизни унутмам ёмюрде.
Кёргенмисиз тау сууну
келгенин мийикледен?

Кетмез мени кёзюмден
душманнга ачы тарынг.
Тау тёппелени басып
тургъан акъ, сууукъ къарынг.

Келгеннге сууукъ болсанг да,
бек джылыса таулугъа.
Эй, джаным къурман болсун
тау джуртума, халкъыма.

БОЛМА, ДЖЮРЕГИМ, МЫДАХ

Нексе, джюрегим, мыдах,
къара суу тохтаб къалгъанча,
тау башла да къаралгъанча,
нексе, джаным, сен мыдах.

ДжЮрегим, алай джарсыма,
Кюн да чыгъар джылтыраб.
Нюрюн да тёгер джерге,
джарыкъ джырын да джырлар!

Толгъан Ай да джарытыр
кече Кавказ тауланы.
Чыракъ жулдуз кергюзтюр
джолун алгъа баргъанны.
Изменено: Sabr - 04.04.2014 02:06:11
Sabr 21.10.2012 02:30:57
Сообщений: 7254
АККА БЫЧАКЪСЫЗ (ТЮРКИЕ, КИЛИСА ЭЛ)

Конкурсха

СЁЗ АЙТМАЙМА КЪЫЙНАРГЪА


Айтыр сёзюм болмаса,
Мен туралмам былайда.
Барыр джерим къалмаса,
Мен джюрюмем джоллада.

Айтыр сёзюм аллымдад,
Таб кёрмеген – джанласын.
Айтхан сёзюм ортадад -
Терс бурулмай англансын.

Хар адамны энчиди
Къарыууу эм болуму.
Умар Хаям болмазма
Кенг тутаргъа джолуму.

Сёз айтмайма къыйнаргъа,
Адам аллын тыяргъа.
Умут эте джашайма
Хайыр дуа алыргъа.

ИЙНАРДА АЙТА ТУРУГЪУЗ


Къараб сени кёргенли,
Къарт башым бла джаш болдум.
Кёрюб сени сюйгенли,
Тели болуб, тас болдум

Сен алгъанлы эсими,
Табалмайма кесими.
Алджаштырыб турама
Тюзюм бла терсими.

Джыргъа салыб турама,
Сый бергенлей, атынгы.
Айда кёрюб къарайма
Сыфатынгы, санынгы.

Кюмюш окъа чебгенинг,
Буз ургъанча сёзлеринг.
Неди манга этгенинг.
Мыдах этиб кетгенинг.

КИЛИСАДЫ ЭЛИБИЗ


Теберди'ден келгенбиз
Килисады элибиз.
Къараб кёрюб, сюйгенбиз -
Бек ариуду джерибиз.

Минг тогъузджюз беш'леде
Ёрге туруб тербедик.
Джолда къыйын кюнледе
Джаныбыздан джан бердик.

Истанбул'гъа тюшгенбиз,
Уллу алгъыш кёргенбиз.
Сыйлы къонакъ болуб биз,
Таб джерлени сюйгенбиз.

Джюз элли эд юйюбюз,
Джети джюз эд саныбыз.
Кёчюб кетиб кёбюбюз,
Азайды адамыбыз.

Килисады элибиз,
Къонакъ болуб келигиз.
Тебердичад джерибиз,
Кёзюгюз бла кёрюгюз.

AНAMA


Джылатсала да мени
Менден алгъа джылаенг.
Аурутханлай кесими
Дарман болуб къалаенг.

Сарнаталла ма мени,
Анам, бир зат айтмайса.
Бир бек къыйнайла мени,
Анам, къайда къалгъанса.

Джашлыкъ этиб къыйнадым,
Джукъ айтмайын чыдадынг.
Хауле болуб айландым,
Айыбымы джамадынг.

Анам, бери бир къайтсанг,
Кёлюнге да джетерем.
Анам, манга джукъ айтсанг,
Айтхынчынга этерем.

Анам, бир зат сорайым
Къайры кетиб тураса.
Анам, къурман болайым,
Анда нетиб тураса.

Анам, кетген заманда
бир кёб затха кюеме.
Къадаргъа джокъ мадарым,
Дуа этиб иеме.

КИЛИСА ЭЛДЕ

Килисаны къызлары

Урчукъ сапча бурула,
Артха тартыб джашлары,
Уллу кёллю къубула.

Килисаны къызлары,
Чабакъ кибик сюзюле,
Кёзюу сакълаб джашлары,
Мынчак ъ болуб тизиле.

Килисаны джашлары
Тойдан хапар сакълайла.
Субай санлы къызлары
Джерни басмай атлайла.

Килисаны къызлары -
Бегимлиди сёзлери.
Анда -мында джашлары -
Тойда тюлдю кёзлери.

Килисаны джашлары
Оноу э те туралла.
Ишни билген къызлары
Тойну бошаб къоялла.

Килисада той болса,
Башчы бола къызлары,
Хапар деген бошалса,
Тойчу бола джашлары.

Килисаны къызлары...
Тебсеулери табдыла.
Джууукъ кёллю джашлары
Къызларына сакъдыла.

АЛГЪЫНЛАДА КЪОДУ ДЕБ БИР ЗАТ БАР ЭДИ

Ой джамагат,

Аллахны къулу болгъан,
Пайгъамбарны юммети болгъан,
Эшитмедик демегиз,
Къулакъ салыб тынглагъыз,
Эшитмедик демегиз:
Ахматны чалкъысы тас болгъанды.
Кёрген, табхан
Ахмат хапар берсин.

ДУНИЯ УШАР, АЙТ, НЕГЕ?

Сюймеклиги болмаса,

Дуния ушар айт, неге?
Джюрек сюе турмаса,
Джашау ушар, айт, неге?

Бармыд сени сюйгенинг?
Бир зат айт да, билейим.
Къайдад сени джюрегинг -
Ары мен да кирейим.

Меннге кесек тынгласанг,
Кёлюмдегин айтырма.
Айтханымы джаратсанг,
Сени тилей барырма.

Къанатланыб учарма
Манга къараб ышарсанг.
Сени алыб къачарма,
къоркъмай, манга ышансанг.

Кёкрегиме кысарма
Сен тебресенг къуралыб.
Ариу джырла джырларма
Сен турурча къууаныб.

АЛЛАХ ДЕЙИК, Я АЛЛАХ

Бисмиллях бла къобайыкъ,

Эртден намаз къылайыкъ.
Къабыл болсун дуабыз,
Насыб излей чыгъайыкъ.

Атын айтсакъ Аллах'ны,
Къачырырбыз шайтанны,
Джазыу джазгъан мёлекле
Бизге джаза сууабны.

Аллах дейик. Бисмиллях.
Джарыкъ болур джолубуз,
Къарыу алыр къолубуз,
Кючлю болур онгубуз.

Хакъ бла ётсе кюнюбюз,
Нюрден толур юйюбюз.
Аллах демей ёлсек а,
Отда кюер ёлюбюз.

Аллах дейик, Я Аллах.
Аллах деген арымаз,
Аллах деген къыйналмаз,
Аллах, Аллах, Я Аллах.

Аллах демей кюн туумаз,

Аллах деген таралмаз.
Аллах дейик, Я Аллах.
Аллах демей кул онгмаз.

Аллах деб да башлайыкъ
Ашхы болур ишибиз.
Халал гырджын ашайыкъ,
Харам ишден къачайык

Аллах Аллах, бир Аллах,
Санга къуллукъ этебиз.
Ла илаха илляллах,
Санга боюн иебиз.

Аллах дейик, Я Аллах,
Хайыр дуа алайыкъ.
Махшар кюнде хузургъа
Бет джарыкълы барайыкъ.
Изменено: Sabr - 04.04.2014 02:06:16
Sabr 22.10.2012 05:20:41
Сообщений: 7254
АЙЛА КЪОРКЪМАЗ (США, ПАТЕРСОН)

КОНКУРСХА

ДЖЮРЕК АУРУУУМ

Сабийликден сюйюб къалдым,
Къарамынгдан тоялмадым.
Сеннге мен тенг болалмадым,
Насыбымы буралмадым.

Керти бек
кёб сюйгенден
Тюбербиз
деб тургъан эдим.
Джазыууму джазалмадым,

Сени бла болалмадым.

Джазыкъ болдум сюймекликден,
Джашау битди тансыкълыкъ бла.
Мындан ары саулукъ бла,
къууанч бла кёб джаша сен.

Сен
къууансанг къууанама,
Сен
къыйналсанг къыйналама.
Бу
дуньяда онгалмадым,
Насыбым
бол ол дуньяда.

KЪЫЗЫМА

Сары чачлым, мынчакъ кёзлюм,
Узун
бойлум, джаным-къызым.
Юйюмю кюн джарыгъы,

Насыблы
бол, джаным-къызым.

«Бети
акъны кюню къара»,
Дегендиле буруннгула.
Аллах айтса,
ариу болур,
Джюрегингча, насыбынг да.

Кёзюм къыйыб, иялмайма

Акъ къушуму мен уядан.
Алай болса да,
эр къолуна
Бермей мадар джок
ъ дуньяда.

Дунья
былай къуралгъанды,
Сен
да бир кюн учарыкъса.
Амма,
юйюм-кёлюм сеннге
къала болгъанлай турлукъду.

Сен
да бир кюн сюериксе
Кёлюнг алгъан бир адамны.
Аллах айтса,
къууанырса,
къанат да болурса анга.

Аллах
тюбетмесин сени
бир джерде да аманлагъа.
Къошулурса, джаным, сен да
Аллах сюйген адамлагъа.

Джылатмасын киши сени,
Инджитмесин джюрегинги.

Не къыш чилле, не джай чилле
кюйдюрмесин терегинги.

Ай джарыкъча, акъ бетинге
къара булут чабмасын.
Палах-къайгъы, излесе да,
Сени таба джол табмасын.

БЕЛПИНАРЫМ ТУУГЪАН ЭЛИМ

Боранынга
боран джетмез,
джелинге да бир джел джетмез,
сууунга да бир суу джетмез,
берекетинг сени кетмез.

Былайлада кёк ханс битер,
Локъман хеким дарман этер.
Элим мени джашар, ёсер,
Рахман Рахим насыб этер.

Сенсизликни мен сынадым.
Узакъдады Белпинарым.
Сени блады менде джюрек,
мен джашайма эте тилек.

БЕЛПИНАР ХАСРЕТИ

Тауларынга, ташларынга,

анкъа кибик,
къушларынга,
къызларынга, джашларынга

тансыкъ болдум, Белпинарым.

Магъанангы билмей эдик,

Сени сакълай билмей эдик,

Къалай къоюб кетген эдик,
Тансыкъ болдум, Белпинарым.

Хаууз-башы, къабырла-башы,
Суу
ызында ойнар ташы,
Анамы
айран-булгур ашы,
Тансыкъ болдум, Белпинарым.

АМЕРИКА ТЮШМЮДЮ, ДЖЫЛАУМУДУ?

Бир-бири ызыбыздан къуууб,
Чабыб келдик бу джуртха.
Джерибизден
суу джуууб,
Джайылгъанбыз дуньягъа.

Америка
деб келгенек,
Джандетди деб тураек.
Келсен
г, аллайгъа кел,
Джаханимге
джууукъ джер.

Узакъдан бир аламат
Таурухлары келе эд.
Кетген
ызына къайыталмай,
Нек
къалгъанын билмей эк.

Мында джашау бир тюрлю,

Биз
кёргенден башхаракъ.
Арбасына минсенг а,
Джырламайын мадар джокъ.

Ана
-ата, джууукъ-тенг -
бары узакъ, бары кенг,
къууанчыбыз аздан аз,
джашауубуз — дыгалас.

Алданыб дауулчугъа,

эсигизни джабмагъыз.
Мында джашау кёзбауду,
джуртугъузну атмагъыз.

Америка тюшдю деб,
Алданмагъыз сизле да.
Орнугъузда туругъуз -
Джангылмагъыз бизлеча.


ДЖАШАУ БЫЛАЙ КЪЫЙЫНДЫ

Джашай барсанг дуньяда, неле кёре бараса,
Иги бла аманны барын бир-бир сынайса.

Адамгъа игилик этсенг - артыкъ кёбюб айланма,
Къашыкъ бла къабдырыб, сабы бла къусдурма.

Аманлыкъдан онгмазса, джюреклени джарырса,
Иги болсанг дуньяда, разылыкъла алырса.

Эки адамда кёл къалса, джюреклери суууса,
Шайтан къалай къууанад, эки тенгни бузалса.

Аманлыкъгъа джол бермей, игиге иги болсакъ,
Шайтан джюрек джарылыр, аны ауузун байласакъ.

Барыбыз бир болайыкъ, шайтанланы къууайыкъ,
Джаханимден джанлайыкъ, Уллу Аллахны сыйлайыкъ.

Менден онглу тюлсе сен, мен да тюлме аламат,
гюнах, харам затла бла биз этейик къазауат.

Уллу кёллю болмайыкъ, орнубузда турайыкъ,
Аны, муну къыйнамай, ауузубузну тыяйыкъ.

МИНГИ ТАУ

Тансыкълаймыса бизни,
Биз сени тансыкълагъанча?
Нек чакъырмайса бизни,
Ёпгелебми тураса?

Минги Тауум, тау джуртум,
Сууукъсураб тураса.
Буз тутуб къаяларынг,
Сарын салыб, джылайса.

Биз да сени тансыкълаб,
Джомакъладан сюебиз.
Тансыкълыгъыбыз кёбден,
Ичибизден кюебиз.

Барыб кёрмей турсакъ да,
Дайым эсибиздесе.
Кюн келиб, этегингде,
Бизни къонакъ этерсе.

Барыб кёрсем джуртуму,
ёлсем ёлдюм демезем.
Ай ол тау гоккаланы,
ийнакъларем – юзмезем.

Эркиши, тиширыу да -
халкъым сени тансыкълай,
Джуртубузну топрагъын
уппа этиб, къучакълай...

Кёрюрге бек термиле,
джашаб кетиб барабыз.
Кюн келиб, насыб болса,
биз да санга барлыкъбыз..

АЛДАУУКЪ ДУНИЯ

Дуния былай келгенди,
Ким да келиб ке тгенди.
Иги,
аман – бары да
Къара
джерге киргенди.

Сора биз
да джолчубуз,
Бюгюн
бар - тамбла джокъбуз.
Бир кесек азыкъ
этиб,
Артмакъны толтурлукъбуз.

Бу дуньяны
сону джокъ,
Аманлыкъны арты
джокъ,
Азыгъынгы
эркин эт,
Артха
къайтыр мадар джокъ.

Биз да барыб
кирликбиз,
Ол къара
топракълагъа.
Къайсыбыз излей болур,

Акърап джылан - хоншугъа.


Джашау
бизге аманат
э
тилгенин билсек да,
нечик аман джоябыз,

пара берип алгъанча.

Ары-бери сокъурана,
Къыйматын да билмейбиз.
Иеси
ызына излесе,
не этерге билмейбиз.

Аманатны Иеси,
мархамат этер энт да,
Къул хакъ бла
барсакъ а,
джыгъылырбыз сиратда.

Джаратхан Кюч, джанымы,
аманлагъа тюбетме,
сюйген тенглерими

ол дуньяда инджитме.
Изменено: Sabr - 04.04.2014 02:06:22
Sabr 23.10.2012 04:17:52
Сообщений: 7254
БЮЛЕНТ ТЕЗДЖАН (ТЮРКИЕ) /
Bülent Tezcan (Turkie)

Конкурсха


ШЫБЫЛА СЮЙМЕКЛИК


Кёрмегенем аллай чырайлы ариу къызны,
Эследим бир кюн джюрегимдеги джазны.
Тыялмадым, урушуб, мен деген хайырсызны,
Кюсеб тура кёре эм быллай субай бир къызны.


Джаннетге
да алмазла къуру кесин дамсызны,
Танытайым сизге
да ол аламат Джанкъыз'ны.
Э
шитген да болмазсыз аны бла хапарыбызны,
"Унармыса?- деб, сордум,- накъырдабызны".


Билмей эдим, чарламай, унарын сабырсызны,
Кюйюб тебредим, алан,
эртде келтириб джазны.
Энди биргелей согъабыз къобуз бла сазны,
Ышаргъанлай турады джаратыб мендеги тарзны.

Буруннгу къызладачады халиси да ол къызны,
Оздурмайды
къылмайын барысын да намазны.
Билемисиз, узаймай, сизни къыйнарыбызны,
Болсун аллай келини джашы
болгъан арбазны.

Келечи этиб иейик таб къураб тамадабызны,
Омак
ъ этиб джегейик келинге арбабызны,
Чакъырама джыйылыб барыргъа барыгъызны,
Той
этиб тебсерсиз зиябийни, джангызны,
Той
тобукъдан бара, тебсерсиз апсууагъызны,
Шагъатла да
керекдиле этерге некяхыбызны.


СЫЙЛЫ КЮН


Ыйыкъ сайын бир джума.
Ыйлыкъ да,
зыккыл джама.
Дженгил
къурал, хай марджа,
Кюнню
бошха харджама.

Киргинчиннге кюнорта,
Апенди
салах тарта,
Фарзгъа сени чакъырта,
Турма
чы артха тарта.

Эт иги сагъыш, джора.
Энди бир джукъгъа джара.
Чачынгы
ариу тара,
Турма бош затла сора.

Хакъ не дейди къулуна?
Тюш межгитни джолуна,
Орнал
имамны солуна,
Сууаб джаусун джанынга.

АНАЛА ЮЧЮН

Къабыл болсун, Анала, байрамыгъыз,
Тешилмесин джашаудан байламыгъыз,
Къалмасын Балагъыз да байрамсыз,
Къалмасын имансыз, гырджынсыз, айрансыз.

Къарачай'лы этмез анасын сансыз,
Таулу ана табмаз аллай иймансыз.
Сабийин бешикде къоймаз сыбба'сыз,
Антсызма, дунияда аныча табсагъыз.

Алан..! Эслеймисе, къалай байбыз,
Насыблыбыз, барысын ёзча санайбыз:
Табхан, Сют, Къайын, Болуш анабыз,
Джомакъ айтхан да эки къарт аммабыз.

Бу кюн, эркелетиб, сёз бла сыйлайбыз,
Кёл алмай, кёбюне сизни къыйнайбыз.
Сабийлеригиз алгъышлайды, къайнайсыз,
Саугъа этмеселе да кюлесиз, ойнайсыз.

Разы болуб айтырыкъ махдауугъуз,
Сууаб джаздырыр бизге санаусуз.
Дууагъыз этмез къарыусуз,
Иги джашарбыз саулукълу, ауруусуз.

Бизни ючюн кече-кюн да къыйналгъансыз,
Эмчек салыб, сют бла сыйлагъансыз.
Сыйыгъыз артыкъ болсун - халалгъа санагъыз,
Сабий ачысын биригиз да сынамагъыз.

Рахматлы болгъан эсе, анагъыз,
Къанамасын бу кюн джюрек джарагъыз.
Къууандырсын окъугъан дууаларыгъыз,
Аллахдан къууансынла аналарыгъыз.



КЁБ ДЖАША


Къарадым сейирине, шаша,
Сыйы тюлдю сай, алаша,
Къарачай'лы къайры да джараша,
Кёзюм аны ючюн къамаша.

Дуниягъа джерлеше, къарыша,
Тёзюм къыйын эсе, алыша,
Къарачай'лы кесинге кёл аша,
Адет-намысынг бла кёб джаша.

Джерде джокъду санга таша,
Джерингде боласа Бий, Паша,
Джегилген ишинге къаты джабыша,
Къарачай'гъа джалын джакъмай, джаша.



САГЪЫШ

Дюниягъа келиб къонакъгъа,
Тараласа омакъгъа.
Эсинг кетгенди джомакъгъа,
Сууабынг сыйыныр оймакъгъа.

Джукъ салмайын артмакъгъа,
Сагъыш да этмей арлакъгъа,

Бошлаб кесинги берлакъгъа,
Чанчылма джаханим батмакъгъа.

Адетин джюклеб ауурлукъгъа,
Сукъланаса гяуурлукъгъа,
Ислам'да болгъан ариулукъгъа
Бурулмайса, махдаулукъгъа.

Адамгъа, Азаннга, Байракъгъа,
Сый бер сюелиб аякъгъа.
Таяннгынчы ахыр таякъгъа,
Бауурланма чана джаякъгъа.

Джан атаса тил байлыкъгъа,
Кёб тил билиб, аслам айлыкъгъа,
Къур'ан тилни къысдаб джайлыкъгъа
Къара ол джарлылылкгъа.


Аджал ёнгелеб
быт-бытлыкъгъа,
Ёмюр тюбегенди
къытлыкъгъа.
Джашау
бурулгъанды джутлукъгъа,
Джан джеталмайды
къартлыкъгъа...


КАЛАК


Къарачайлы къалмазгъамыд антыбыз,
Джыйылгъынчы бир джерге ахырыбыз,
Кёчюб кетеди хаман джартыбыз,
Тохта-тын да демейд къартыбыз..

Орналмагъан амалтын кёбдю арыгъыбыз,
Джылтыраб да чыкъмайды бек джарыгъыбыз,
Джол джюрюй джыртылмайды эки чарыгъыбыз,
“Джюрю кулум” дегенди джаратханыбыз..

Тояр, ишлесек къайда да къарныбыз,
Джокъду ачдан ёлгенд дерча къабырыбыз,
Чырмалыб кёб джерге кёмюледи тамырыбыз,
Махшар кюн къыйынды тукумдан табарыбыз..

Бу барыудан барсакъ боллукъбуз бёрю азыгъы,
Джел элтмезча да къалмады чалман къазыгъыбыз.
Терекден тюшген кюз чапракъчабыз,
Онгсунмайд бизни басхан топрагъыбыз..

Сылтауу: “хаман барыб дженгил джарырыкъбыз,
Ол игиликден кенгде къуруму къаллыкъбыз?».
Туудукълагъа ызына къайтырча не айтырыкъбыз,
Джуртубузду деб къалай ары къайтырыкъбыз..

Ёретинлей джазылгъанды миллет джазыуубуз,
Тарыгъыб турады тохтамай ауузубуз.
Артда къалыб буту сыннган джазыгъыбыз,

Анга да къайгъырмай, эсириб ёлген базыгъыбыз...

Бютёу дунияда къалайыды тохтарыгъыбыз,
Алайда
кёбейирикмиди сыйыбыз бла байлыгъыбыз.
Не
уа, боллукъмуду Кафказ'дача джайлыгъыбыз?
Джаннетде да тохтамаз бизни къайгъыбыз.
Изменено: Sabr - 04.04.2014 02:06:28
Sabr 23.10.2012 23:28:58
Сообщений: 7254
ФЕХМИ БЕРК (Батчаланы Хайдар'ны джашы Фехми Берк),
ТЮРКИЕ-АМЕРИКА

Конкурсха

УЧХАН ЧЫПЧЫКЪ

Учхан чыпчыкъ, учхан чыпчыкъ,
Кюн чыкъгъаннга баргъан чыпчыкъ,
Минги-Тау`гъа къонар чыпчыкъ,
Джюгюм - санга, салам чыпчыкъ.

Къарачай`дан кенгдеме,
Таурухларын эшитгенме
Минги-Тау`лу джаннетни,
Ол Къарачай миллетни !

Дууут акъгъан ёзенде
Джылан джырмаз ханс битгенд.
Къобан сууну чабагъын
Тийре бары хант этгенд.

Къарачайда туумадым,
Джырларына тынгыладым.
Ол сейирлик джурт`лагъа
Джюрекден бек талпыдым.

Чыпчыкъ, кёбдю тансыкъларым
Джюгюм санга — саламларым.
Чыпчыкъ, кёбдю тансыкъларым,
Джюгюм санга - джыламукъларым.


Джурт да тёгер кёз джашларын,
эсгерир да ёз джашларын.
Бизни ючюн да къучакъларса
деу тауланы акъ башларын.
1965 Эскишехир


С
АРНАЙЛА КЁКЛЕ


Джылагъыз къартла, джылагъыз джашла,
Чыгыгыз тауусулуб барады.
Къарачай-джорукъ'а термиле-термиле
Джыламукъ кёлледен толады.

Ой Карачайлыла, ой Аланла,
Къарачайлылыкъ ёлдюмю?
Кеси кесинден ыйлыкъгъан халкъ,

бизден сора да болурму?

Джылады кёк да, сарнады джер да
Хаджирет кетген минглеге.
Биз кесибизни джокълукъгъа ийдик -
Аллах да не дер бизлеге.
1965 - Эскишехир


КАВКАЗЛЫМА

Биз джашаргъа дуньягъа
Къууанч бла келгенбиз.
Эркин джашау ючюн биз
Бек кёб къанла тёкгенбиз.

Ата джуртум Кафказия
Сен эсимде джашайса.
Тейри салгъан болджалда
Ахыр орнум боллукъса.

Кафказлыма, Кафказлы,
Мен тауланы батыры.
Джашауум къайда болса да,

анда болсун къабырым.

Нарт джуртума барыр ючюн
Къарыууму саллыкъма.
Минги Тау'ну юсюне
Баууруму саллыкъма.

2012, Америка

Изменено: Sabr - 04.04.2014 02:06:41
Sabr 24.10.2012 03:24:57
Сообщений: 7254

1 0

РАХАЙЛАНЫ ДИАНА

Конкурсха



АЧЫКЪЛАЯЛМАГЪАН САГЪЫШЛАРЫМ


Сабийлик – дуния китабыны ал бетлери,
Шаудан сууну чыкъгъан жери,
Кёлюбюзню, жюрегибизни туугъаны,
Эсибизни аякъ юсге тургъан заманы.


Дуния, жер жюзю, аны табийгъаты, адамы, малы! Не сейирлик, тамашалыкъ затды бу! Дуния насыбын сезгенле, аны ачыкълар сёзле табалмайдыла… Алай тынч тюйюлдю ол берген сезимлени ангылатхан. Жаны барла, бири тууа, бирси уа ёле, жансызла, бири чагъа, бирси къуруй, кюнден кюннге жашау тасхалагъа тумалата барадыла, жерни бир сорууна жууаб табаргъа излеген, сорууун кёбейтеди ансы, жууаб бералмайды.

Тюйюлме билгич, акъылман, дагъыда, кёлюмдегин къагъытха ызласам, жюрегим тынчаяды, жюрек тынчлыкъны уа къайсыбыз сюймейбиз…Бирле айтырла, жашауну балындан башха, ауузуна тузун салмагъан, аны кюйсюзлюгюн былай нек ачыкълайды деб, бирсиле да къошарла, анса да насыб жууургъаныны тюбюнде турмай эдик, ол да жарсыу такъмаса деб, тёзерме, сёз – сёзден тышланнган жюрегиме, къолун узаталмаз!

Къадар манга къаллай бир жашау бергенин мен билмейме, билген да эталмам, алай, бу къысха кёзюуде кёргеним окъуна, сабий жюрекге къоркъуу болмаса, къууанч салмайды. Танг бла кюн аязыр, булут да жайылыр деб жукъласанг, акъ булут къарагъа бурулуб, буз урмаса, тау артындан, кюн чыкъмайды. Быйылгъы кёгет кёлюме ётмейди, келлик жылныкъы, кёл этдирир деб ышансанг, башлары жерден къарамай къалады. Шашмагъан бир Аллах, адам акъылы, терслик бла тюзлюкню жолларын къайтып-къайтып барады, энди абаданыракъ да болур, эс алыр деб излесенг, таш бла ургъанны, аш бла ур деб юйретсенг, кесинги сыртынгдан бичакъ чанчмасала, ышарыб окъуна кетмейдиле. Быллай къыйынлыкъ манга, о нек берилди деб, сагъышлансанг, ырхы сууун ётдюм, охо, энди кёк жауунуна уа тёзерме дейсе, аны бла къалсанг а, жарсыуну аллы, ырхы суу тенгизге бурулмай, эки къолунг къайыгъынгдан суу тёгерге изленмеселе.

Мен не кёргенме!? Къатымдагъылагъа угъай, жюрегиме, кёлюме береме бу сорууну, акъылым а кенгдеди, жюрек сезгенни, акъыл къыйыр чегин да ёталмаз! Неден да бек а, келюмю китап болуп ачылырын излейме. Дагъыда, къоркъуу жюрегими кемиреди. Сёзден, къыйынлыкъдан къоркъуу угъай, кёл китабымы сет-мет этип къоярла деп. Жанымы тышын парчадан тышлап, кёзюн алмай турур менден адам улусу. Угъай-угъай, энчи эсни сюймейме деп, жилтинлерин сёксем а, сый излеп кюрешеди дерле. Ким ангылар дуния акъылын, мен кеси кёлюмю ушакъгъа чакъыралмай тургъанда… Жулдуз болсанг, адамлагъа тенг этмейди кесин, жерге жууукълашсанг, не бош жюрек эди, алгъа итинсенг, бизнича нек болмайды, артха къала башласанг, о бу жарлы, бир онгмайды дейдиле… Сёз этиу, сёз, сёз.

Серлене барып, чагъа тургъан терекни, жангы жаннга жан саллыкъ бутагъын сындырадыла. Сууукъ болуп, от этерге угъай, къолларын тыялмай. Ангылаймыды да ол, ол бутакъ болгъаны терекни бир саны, аны къолуча, аягъыча, жилямукъ тёкгенин жарлы терекни, бош къалып бир жангы тёлюсюнден. Не да, жерде чабып баргъан къумурсханы, бош алай эзеди. Билемиди ол, аны да жашаргъа, урунургъа къадары болгъанын?! Дуниягъа къумурсха да къыйматсыз туумайды.

Тасхалыкъгъа батыла башласанг, дунияны бары кёз аллынга келеди. Акъылымда, жер анасы, тобукъланып, жилямукъ тёгеди. Манга кёзюн кётюрюп къарамайды, баям, жанлы затха санамайды. Аны таба тебиресем, артха турады, сёз айтыргъа кюрешсем, къулагъын жабады. Ышарсам, къашларын тюеди. Мудахлансам, башын энишге иеди. Патчахлыкъ этген жеринде, адам адамгъа аякъ кётюргенден сора, ол аякълагъа ол къалай сюелсин? Акъылын бизге берип, жилямукъдан сора тёгер заты болмаса, жилямай не этсин? Кеси адебинде бизни жюрюталмаса, манга кёзюн къалай кётюрсюн? Биз анга баш урмасакъ, бизни жанлыгъа къалай санасын? Гюняхлыдан къачмай не этсин? Анга уллу сёлешгенни, ауазын къалай эшитсин? Бу кюнде ышаргъаным ачыу тие болмазмы? Мени мудахлыгъым андан да бек кюйдюргенине уа ишек да жокъду.

Бар сагъышларымы, къол аязымыча, жамауатха ачар онгум болса эди… Жазгъан бирни этеди, не медет, акъылын а ким билсин деп къоярла. Бирле, мурат этселе, келлик заманны бал къатыш болурун излейдиле, бирсиле, балда къашларына дери батылып, дагъыда, кеслерине жан аурутадыла. О, не керек болур бу адам улусу санга?! Бу жууабсыз соруу, кюнден-кюнге жюрегими теренинде, тамыр ие баргъан болмаса, башын бери чыгъарып, салам бермейди. Тыш дуниягъа кёз жетдирмеген а, аны тузлулугъун бла татлылыгъын сезмейди. Бу затланы менден бир башха адам сорса, жууабла да табып, жарсыуулу жерде да кёл этдирир эдим, алай, менде кеси къайнатхан кёлюме уа, не ышаныуу салалмайма, не да алдаялмайма, не уа, башымы алып къачалмайма. Биринден къутулсам, анга ючюсю туады.

Мени сабий оюмларымы къыстап, жюрегими, кёлюмю, эсими бийлеп тургъан къоншу сезимлени не этейим?! Къонакъгъа сормай келгеннге, кет деп да къалай айтайым!? Къонакъча жюрютселе уа кеслерин, ёмюрге къонакъбайлыкъ этип турур эдим, бийлик этип тохтадыла ансы. Кёзге кёрюннген затланы, бирсилеге да кёргюзтюп, ийнандырыр эдим, акъылларымы уа кимге да къалай танытайым!? Ангылаталгъанымы сёз бла, тизалгъанымы назму бла, кёлюмю бетин ышарыуум да, жарсыуум да, кюрешеме бирси жюреклеге жол табаргъа, алай, энди эшиклерин ачайым дегенде, танымагъаннга эшик жабылыбды деб къоядыла. Мен а, къайгъымы бёлсем, тынчайыр эдим деп келеди кёлюме. Айхай, тобукъланнган заманларында мен билеклик этгенле, энди жерде айланмайдыла, мен а, жерни адамы, алагъа тенг къайдан болайым… Суу бара кетсе, таш да ашалады, таш тёзюмюм, къатылыгъым да болмай, мен а эрип кетмей къалай турайым… Бирде, манга киши къайгъы этмейди, кимни къайгъысын да мен нек этерге керекме деген соруу келеди… Ол сорууну, итле бла къуугъанлай, этип иеди кёлюм. Жарлы кеси, манга болуша келген эсе да. Бир къолум ишлемейме десе, бирсим ишге чакъырады,бир кёзюм кёрге сюймейме деб, жабылса, бирсим ачылыргъа итиндиреди. Бир аягъым атларгъа тебиресе, бирсим бирге барайыкъ дейди. Кёлюм, жюрегим а жангыздыла, ала бир кеслерин сюедиле, бир затны башха бла тенг эте юйренмегендиле, акъылым а, алагъа къарай, сагъышлада жууунады. Абери айтыр эсе да, сагъышла аууз сууун къурутуп, сёзю чыкъмай къалады.

Билмейме, мени кёлюм мени акъылыма ушакъгъа къачан чыгъар, алай, кёлюм да кеси, акъылым да кеси, адам улусуна бир бирни ангылау, бирлик жашау тилей, жюрегими бек къууандырадыла!
____________________


ТАШ БЛА ДАУЛАША


- Бир зауукъ жашауда жашайса,
Къатылыкъда, тынчлыкъда.
Заман ёлчемине ушайса,
Насыбда, къыйынлыкъда.

- Хей, адам баласы, жанлы зат!
Сынабмы кёрдюнг тынчлыгъымы?
Сууукъгъа санай жаш, къарт,
Къачан сезгенсиз хайырлыгъымы?

- Тохта, не хатанг барды да сени?
Киши ачытмай, тиймей жанынга!
Къарачы, чал чачларыма мени,
Неда терк тюрленнген сыфатыма.

- Сиз сёзню санайсыз жарсыугъа,
Жилямукъну истейсиз ачыугъа.
Жокъ жиляр, тюрленир онгум,
Жилясам - аны сыйпар къолум.

- Угъай, тынчды бизден санга,
Ёлген тёре да барды инсаннга.
Жокъду сени жюрегинг, сен ташса!
Насыблы кесинг, къачан да жашса!

- Жардан бир кетсенг, жюрек сынмазмы?
Хей, адам улусу, мени кёргеним азмы?
Сиз, келесиз, жашайсыз, кетесиз!
Ташны сырындан, о сиз, не билесиз?!

- Билеме, сен мени, мен да сени ангыламам,
Алай, энди ташха, жансызгъача къарамам.
Дагъыда, мен сукъланама сени къадарынга,
Ёмюрден ёмюрге сау-саламат баргъанынга.

- Берир эдим жашаууму насыбны бир кюнюне,
Болса эдим жанлы, къууаныр эдим тёлюме.
Бар журтум, жокъду ийманым, халкъым,
Сукъланаса, не болса да, ташды атым!

КЪОРКЪАДЫ ДЖЮРЕГИМ

Бир бек къоркъады жюрегим
Жашауда толмаз дей тилегим,
Тутмазла деб муратымы къолларым,
Жабылыбмы къалырла дей жолларым.

Сезимле жан-жанымдан келедиле,
Бири насыб, бири къаугъа бередиле.
Эсими, керексиз, бир кёб бёледиле,
Тагъа баргъанымы, аямай сёгедиле.

Заман тохтаусуз хыйлала бардырады,
Чамлансала да кюйсюзлюгюне кёкле.
Къанатлыланы окъуна абындырады,
Аякъ алалмай, сюркеледиле кёбле.

Ол жолда къаллыкъладан бирими
Болурма да мен, о къалай сейирди.
Огъесе, жетмезми манга заманны
Къартаймазлыкъ къолуну зараны!?

Къачалсам жарсыуусуз, биргеме
Халкъымы къутултурмамы?
«Мени да» дей, тилей келгеннге
«Орунума бар» деб ашырырмамы?

Къоркъады жюрегим къадарына
Жер юсюню болгъан адамына.
Не тюрсюнде келирине тангыбыз,
Онгуна бурулурму да осалыбыз!?

Таулай турурламы тауларыбыз?
Минги тауда тургъанча къарыбыз!
Шуёхму болурла жауларыбыз?
Къайры жетер «Таулу» атыбыз?!

Унутулурламы адетлерибиз?
Къызара билирлеми бетлерибиз?
Бизгеми берирле тирлик жерлерибиз?
Къууанырламы алда жюреклерибиз?

Ышанама, бирлешир дей нарт халкъыбыз!
Тюзлюк болур бизни баш шартыбыз!
Аллах эс берир, жолдан шашханлагъа
Кечмеклик да болур артха къайтханлагъа!

ДЖАРСЫУНУ ХОРЛАУ

Тау артындан
Башын къарата,
Кюн батханда,
Кече болуб ата,
Жюрегимде
Такъырлыкъ жарата,
Эсимде, кёлюмде
Ачыуну къаната...

Къайданса? Несе?
Нек ауана тёгесе?

Кюнюмю кюнлей,
Кечеми кечелей
Барыргъа,
Эркин этмейсе!
Тынчайыуу бериб да,
Насыблы этиб да,
Къоюб кетмейсе!
Ол тоймагъан,
Жашауда онгмагъан,
Къолларынгы да
Кенгнге кетермейсе!

Сени къабханынга,
Къалай да тюшдюм!?
Юсюме чабханынга,
Тансыкълыкъ сундум да,
Ахырында, кюйдюм!

Жарсыу болду
Сени тасхалы атынг!
Кёлюм толду,
Къуруду да къатынг.

Да менден сора
Жокъ эсе сынаучунг,
Дуниядан къора –
Дейди мараучунг!

Келдинг да,
Кёбге къалдынг.
Сабий жаныма,
Жангыз ачыу,
Мудахлыкъ
Салдынг!

Умут къаламы
Мычымай ууатдынг!
Ачы жарамы,
Жангыдан къанатдынг!

Аны бла къалмай,
Жюрегими къатылатдынг!
Артдан а базалмай,
Жерни тюбюне батдынг!

Юсюне сюелиб турама,
Батхан урунгу!
Жел бла къуудурама,
Жауун бла жуудурама
Къойгъан къууумунгу!

Къолунгу къаратаса
Жерни башына.
Тутханынгы къаралтаса,
Жокъ жан аурутуу,
Жанлысына, жансызына!
Адамына, ташына!

Тилеб айтмайма,
Оноу этиб, эркелениб.
Айтханымдан,
Этгенимден
Къайтмайма.
Жангыдан жаратылсанг,
Къууанчны къуусанг!
Къурутурма керишлениб!

Сен жаханимде кюйгенде,
Адам улусу жашар!
Жюреклени
Ётгюрлюк бийлегенде,
Жарсыу сын къатыб, жатар!!!

Келчи, тенгим, кел,
Къоркъмай атлайыкъ алгъа!
Тенгибизни сакълагъанда
Къуру къарайыкъ артха!

Ачыуну малтаб, эзиб!
Думп этиб къурутайыкъ!
Къучакъны жарыкъгъа кериб,
Къарангылыкъны унутайыкъ!!!

АНГЫЛАМАЙМА ЗАМАННЫ

Уллу Аллах берген насыбымы,
Алалмайма, узатыб къолуму.
Бёлюрме, деб сагъышымы,
Кесалмайма жолуму.

Жел элтгенча, барады заман,
Мени да чакъыра ызындан.
Жеталмайма, озалмайма аны,
Тыялмайма бир такъыйкъаны.

Гюл чакъса, кёз къууанады,
Суу дунияны сугъарады.
Битимле – аш жанлылагъа,
Жашау – сынау адамлагъа.

Мени жумушум а неди жерде?
Акъ чыгъарды бу соруу кёлюмде.
Жаз кетсе, къыш келеди,
Алай бла жашлыгъым ётеди.

Кюн сайын жууаб излейди
Акъылым жуУабсыз соруулагъа.
Жюрегими жарсыу билейди,
Бошму келдим, - деб дуниягъа?!

Алай, ышанама къадарыма,
Жаратхан Аллахыма!
Жюрекде болса ийман,
Алдаб къоймаз заман!!!

КЕЛСЕ ЭДИ МЕНИ КЪОЛУМДАН

Келсе эди мени къолумдан:
Болур эдим жулдуз, толгъан Ай!
Къарланы эритиб жолумдан,
Болур эдим къууанчлы жай!

Келсе эди мени къолумдан:
Болур эдим акъ къарылгъач.
Жыргъа юйрене болбулдан,
Тынгылар эдиле таш, кёк агъач!

Келсе эди мени къолумдан:
Болур эдим ариу гёбелек,
Чыртда ийменмеген отдан,
Неда, чагъа келген терек!

Келсе эди мени къолумдан:
Жабар эдим жерни юсюне
Жабыуну акъ лаудандан,
Болурча бирлик эсгертме!

Келсе эди мени къолумдан
Дуниягъа бирден айтыргъа:
«Къачмагъыз онгсузладан,
Байлыкъ къачар онглудан!».

Келсе эди мени къолумдан:
Кёчгюнчюлени къайтарыргъа!
Бёлюб кесими солууумдан,
Кетиб баргъанны жашатыргъа!

Келсе эди мени къолумдан:
Жашауну жангыдан башларгъа!
Аны ёмюрлюк жоругъундан,
Уруш палахларын къурутургъа!

Келсе эди мени къолумдан:
Кесими теримден берирге,
Кюйюб, тюнгюлген жашаудан,
Жашаргъа итиннген сабийге!

Келсе эди мени къолумдан:
Сокъурлагъа жарыкъ керирге!
Чыгъарыб аланы ачыудан,
Къанатлы насыбны сездирирге!

Келсе эди мени къолумдан:
Къыстар эдим бар хаталаны!
Эрикмейин иш болумдан,
Жамар эдим ачы жараланы!

Келсе эди мени къолумдан…
Мурат эте билген да ахшыды!
Бошланады жюрек жарсыудан,
Дагъыда, умут жолум ташлыды!

КЕСИМ БЛА ТАНЫШДЫРАМА

Ийнаналмаймыса тюзлюгюме?
Ышаналмаймыса сёзлериме?
Тюбергеми излейсе жюрегиме?
Экиленме да, къара кёзлериме!

Кюзгю болуб бирсилеге,
Алай жашайдыла кёзлерим.
Батылмай кёзбау тюрсюнлеге,
Акъ кёлюмю бетиди кюлгеним.

Сёзлерим – акъылымы чийлери,
Сезимлерим – джюрегими бийлери!
Тынгылауум – ачыу къадауум...
Кесиме да кёбдю ачы дауум!

Ауазыма тынгылаб да бир кёр,
Бу шартланы ичинде олду тёр!
Эринлерими да къойма кенгде,
Ачыулансам, къысыучума бир-бирине!

Къашларымы да бир эслесенг а,
Ала да турмайдыла жумушсуз!
Сылтау табаргъа излесенг а,
Къутулмазса аладан урушсуз!

Жаякъларым а, жаякъларым,
Жарыкъ, толгъан айларым!
Уяла билиб, къызарыучудула,
Сол жанында батыучугъум а?!

Бирде махтандым, бирде азайтдым!
Бурнумдан сора, барын санадым!
Аны хапарын бир айтым бла айтама -.
Таулума да мен? Тынч ангылатама!

БОШ СЁЗ

Бош сёзню къолундан
Бир кёб келеди.
Бирде къууандыргъан,
Бирде жилятхан да этеди.

Бу жансыз сёзге
Нек берилди бу кюч, нек?
Ётдюрюб аны тёрге
Баш урадыла таш, терек!

Нёгерлени жаула этеди,
Кеси уа, тил чыгъара кетеди.
Шошлукъда эриксе уа,
Зауаллы, мычымай жетеди.

Даулашдан кёчерге излесе,
Ариу сёзлени ызындан тизеди.
Жыйрыгъы къанат къагъа жетсе,
Адамлагъа мамырлыкъ да береди.

Бу бош сёзню хыйлалыгъы
Тюлкюле бла эришеди.
Тюз акъыллы адамланы уа,
Алдаб, ой зауукъ этеди.

Дагъыда, барды муну дарманы,
Жазыгъыз, болгъан къаламы:

Сабырлыкъны тас этмесегиз,
Эсигизни терсине бермесегиз,
Кесигизни жекдирмесегиз,
Зарлыкъны кечиндирмесегиз,

Бош сёз болур сизден кенгде,
Жанламаз, санаб тенгнге!
Мыдахландырыб къууарсыз,
Андан ол заманда къол жууарсыз!

КЪАРТ БОЛУБ БАРАМА

Бекден-бек келе барады жашарым,
Аздан-аз болдула кёз жашларым.
Ёсмейин тохтадыла санларым,
Кёбден-кёб тюйюле къашларым!

Игиден- иги таный адамланы,
Ахырында жарата жанлыланы!
Кюнлерим, ёте сагъышлада,
Тангларым а, ата алгъышлада!

Кёз къарамларым тюрлене,
Бир сагъатха ачыулана, нюрлене,
Бир башха адам болуб барама,
Болса да, анга кесим кюч салама!

Сейирди, келмейди къолумдан,
Кеси сагъышларымы хорларгъа,
Дуния жашаудан, адам жорукъдан
кесиме бир маджал зат алыргъа!

Бирде, ангылай да тебрейме,
Заман мени бек алдагъанын.
Бу сезимим къоркъутуб, илгенеме,
Сюймей, таша кёз къарагъанын!

Кеси сёзюм бла жюрегими жарама,
Чексиз умутладан булутланама!
Шуёхум, да мен къарт болуб барама,
Аллах айтыб, келлик кюнню жаратама!

Жарсыгъанмы сундугъуз? Угъай!
Адам болуб, жашаргъа деб туугъан,
Къартайыргъа да буюрулгъан,
О, адам улусу, аламатды къалай!!!
Бу дуниябыздан,
Бир инсан да кетмесин жашлай!

МИНГ КЕРЕ ШУКУР АЛЛАХЫМА

Минг кере шукур Аллахыма!
Сау аталы, сау аналы ёсгениме!
Дуния жарыгъын кёргениме!
Кюлюр онгум болуб, кюлгениме!

Минг кере шукур Аллахыма!
Тилим айланыб, селешгениме!
Санларым ишлеб, тебгениме!
Ахшы – аман дей билгениме!

Минг кере Шукур Аллахыма!
Гыржында кереклим жогъуна!
Зарланмагъаныма киши сомуна!
Кюрешгениме тюзелирге онгуна!

Минг кере Шукур Аллахыма!
Ачыуум - хатасыз сууугъанына!
Жюрегим - къанны къуугъанына!
Тёрт саным да сау болгъанына!

Минг кере Шукур Аллахыма!
Жауун тюбюнде къалмагъаныма!
Жамауатдан садакъа алмагъаныма!
Кяпырла жолларын бармагъаныма!

Жаныбыз саудан, тюнгюлебиз,
Харакет байлыкъгъа итинебиз!
Насыбыбыз ахчады дей, келебиз,
Ажал жетгинчи, нени да сюебиз!

Кесибизни жарлыгъа санайбыз,
Бош жерде, артыкъ жиляйбыз!
Кёргенибизге эрише, жашайбыз,
Онгсузну къайсыбыз ангылайбыз?

Адам улусу, Аллахынга Шукур айт!
Терслигинг болса, тобагъа къайт!
Хариб дуниядан тюйюлбюз бирибиз,
Ачы тилибизден дарманды динибиз!

CЮЙМЕ ДЕДИМ...

Сюйме дедим,
Сюймекликге берилдинг.
Сууукълукъну сакъламадынг,
Кёмюлдюнг.
Жаш жюрегим, нек алдандынг?
Тюнгюлдюнг да, таралдынг!

Кюйсюз сюймекликни
Жесири болдунг.
Жангы сезимге,
Усталыкъсыз итиндинг.
Тыялмадым, замансыз
Ачыудан толдунг.
Къызыу отха жетиб,
Жарлы жюрегим,
Илгендинг!

Сюе билмеген жюрек,
Тийишлиди
Кюерге.
Этмейин ачыкъ тилек,
Нек тебиндинг
Сюерге?

Билемисе,
Жюрегим,
Бек тынчды сюйген,
Жууаб бериб
Сюйгенинг.
Алай, бош тюйюлдю,
Анга термилген.

Жюрегим,
Тюрлендилеми
Кюнлеринг?
Тюшде,тюнде да,
Эсингде сюйгенинг!

О, жарлы жюрегим,
Сюе билмей эсенг,
Сюймей бир къой!
Кюнлени биринде,
Сен турсанг сау-эсен,
Бир башха жюрек
Болур санга къор!

Сюе билмеген жюрек
Тийишлиди кюерге.

ТАХСА КЪЫЙНАЛЫУЛАРЫМ

Жел бутакъны келтириб,
Тереземе урады,
Акъылым келлик кюнлени
Сагъышын эте турады.

Заман, тохтаусуз,
Алгъа къууулады,
Жюрегимде,
Такъыйкъа сайын,
Санга сюймеклик тууады.

Этген муратларым,
Мияла адырча, сынадыла,
Къыйналсам да,
Ийнаныугъа чакъырадыла.

Жанымы
Сагъышла тырнайдыла,
Таза иннетими
Тюбюнден къармайдыла.

Билмейме,
Кёбмю жашарма
Бу экиликде…
Керексизми кюеме
Сюймекликде…
Бошму ышанама
Бирлигибизге…

Жууабсыздыла
Сорууларым,
Дармансыздыла
Аурууларым.

Не кюннге келсек да,
Не дуниягъа жетсек да,
Сынагъан Аллах,
Къууандыргъан да этер,
Тёзюмлюк мёлегибиз,
Къол булгъай, кетер.

Бир заманда
Сен менден тилеген,
Сабырлыкъны
Тилейме мен да сенден.

Бир болуб динибиз,
Миллетибиз,
Жюреклерибиз,
Уллу Аллах къоймаз
Бир-бирге къаратыб кенгден.

Ангылайма,
Жокъду
Бирсиледен артыкъ затым,
Кесимчама –
Олду мени халым!

Сюеме дегенни
Ким билсин багъасын,
Ангыламагъан,
Шош тынгыласын.
Жюрегими сырын,
Акъылы бла сынасын,
Иннетими,
Сюйюб ачханнга
Санасын.

Тюйюлме абадан,
Алай, тюйюлме жаш,
Жарыкъ болсам да,
Билеме тюе къаш-баш.

Аякъны ташха урмагъан,
Ачысына багъа чекмез,
Бу мени кёлюмден
Къурумагъан мудахлыкъ,
Къыстамасам, кетмез.

Сюймеклик дегенибиз,
Ач жанлыча, келеди,
Сюе билгенибиз
Къууанч да сезеди.
Сюе билмеген жюрек а,
Керексиз жилямукъла тёгеди.

Бу кюйсюз сезимни
Жокъду анты, жаны,
Тутса тийишли жесирин,
Иймейди,
Бузмайын къанын.

О, жарлы, билимсиз балала!
Сизнича, тюнгюлгенледен,
Толуду дунья.

Сюймекликге
Акъылсыз берилгенле!
Башларын тас этиб,
Замансыз кюйгенле!

Сюймекликлери
Жаулары болуб,
Жашагъанла!
Заманны, татыуун сезмей,
Ашыргъанла!

Сюймекликни эм башына
Итиннгенле,
Чыгъалмайын,
Къанатлары сыныб,
Тюшгенле!

Къатыдан- къаты
Бола баргъанла,
Кеси сагъышлары
Жюреклерин жаргъанла!

О, къадар сынауну
Сайлагъанла,
Билмейин,
Табийгъат алдагъанла!

Болмагъан гюняхлагъа
Кечмеклик тилегенле!
Уллу Аллахдан
Бир сюйгенлерин
Излегенле!

Абыннганбыз,
Сиз да, мен да –
Барыбыз да,
Жабсарыулукъ
Ётмейди къатыбыз бла.

Неге да ышанабыз,
Неге да ийнанабыз!
Мияла жолда
Артыкъ кёб абынабыз!

Сюйгенинг сюйюб,
Сен да сюйгенде,
Къарамынг
Къарамына термилгенде,

О, адам улусу,
Бармыды эркинлик сенде,
Сюйгенлени
Къояргъа
Бир-бирден кенгде?

Уллу Аллах къадар этиб,
Сюймеклик буюргъанда,
Сюйгенинге эсинг кетиб,
Солуялмай тургъанда,

Акъылынгда
Адам сыфат жашаб,
Кёзлерингде
Сюймеклик жашнаб,
Бу амалсызлыкъ
Кёлюнгю ашаб,
Да ким турсун да
Сакълаб,
Чыдаб!?

ТАУ СУУ

Мен туугъунчу(н),
Туугъандан сора да,
Аякъ юсге тургъунчу(н),
Тургъандан сора да,

Сен бараса,
Тохтаусуз бараса,
Джагъаларынгы да
Аямай, жараса!

Кюнден-кюннге
Жангы умутладанмы
Къарыу аласа?
Барындан тюнгюле,
Къанынг къызыбмы
Ачыуланаса?

Сууукъ сууунгда
Кёб чабакъ
Жууундураса.
Кюн къызыуунда
Жюн да
Жуудураса.

Сау къаллыкъ,
Жарай -жарай,
Тураса!
Бир-бирде
Къылыкъ да этесе!
Кюн тюшде,
Къая ташланы да элтесе!

Жылыу кирсе,
Къутураса.
Бузунг эрисе,
Кесинги
Ары-бери ураса!

Жаш жылланы эсгериб,
Чабаргъа да кюрешесе!
Къарыуунг,
Азлыкъ этиб,
Кёб да тирелесе!

Замандан тойгъанса,
Ачыуунг
Келиб,
Аз эллимими
Жойгъанса?

Бир узакъ жолну
Тутханса!
Бир къаты
Умутланнганса!

Менден кенгнге
Кетермисе…
Шо, жетмеген жеринге,
Жетермисе…
Изменено: Sabr - 04.04.2014 02:06:44
Sabr 25.10.2012 01:53:18
Сообщений: 7254
Мехмет КЪОРКЪМАЗ, ТЮРКИЕ

Конкурсха


АРИУ

Сюйюб къойгъанем, Тейри, бирчик кёргенлей, ариу,
Сакълаб турама сени, башха къыз сюймей, ариу,
Сени бек сюйген джюрек къалырмы кюймей, ариу,
Тюнюм да сен, тюшюм да сен, къайгъым да сен, ариу.

Кёмюр кёзлеринг, къара къашларынг - ариу,
Субай санларынг, узун чачларынг — ариу,
Ышаргъанынг, кюлгенинг, таб джылагъанынг да — ариу.
Къалай къояйым сюймей, сюймеклик ауруу — ариу.

Къарачай намыс этиб, атынгы айтмайма, ариу,
Атынга “АРИУ” дейме, келсенг сокъуранмазса, ариу,
Турама сени сюйюб, сёзюмден къайытмай, ариу,
Къоймасанг да сен менде джашар къарыу, ариу.

Ариу атынгдан башха мен ат билмейме, ариу,
Антмы этейим санга, сени сюеме, ариу.
“Бирге эт бизни» деб, Кёкге да къарайма, ариу.
Ариу-ариу джашайыкъ, эки дунияда да, ариу.
1995


РАЗЫЛЫКЪ


Бу дунья къуралгъанлы, дунья кимге къалгъанды,
Ненча уллу къраллыкъ, бир чёбча джыгъылгъанды.
Менме деб турма, ахырынг тюлдю узакъ.
Ай бу сейир дуньяда ким турур ёлмей, джашаб.

Бу фана дуньягъа кёз къаратма, ёллюксе.
Не дыгалас этсенг да, буюрулгъанны кёрлюксе.
Заман бла, болджал бла хакъ кертини билликсе -
Не бай, онглу болсанг да, тар къабыргъа кирликсе.

Юйде эшитмем,- дедим, - ол ёлюм деген сёзню,
Анам, атам ауушуб, ёлюмге ачдым кёзню.
Ары дери джарыгъем, энди къайда къууанчым?
Къыйынлыкъмыды джангыз тюшюндюрген кюч бизни?

Сен да, шохум, менича, ёлмем дебми тураса,
Аджал келалмазмы деб, харс ураса, къутураса?
Абдез-намаз джокъ эсе, не затынга базаса,
Санга да фарз тюлмюдю, тебре, нек къубуласа.

Киши хакъын ашамагъанма, Тейри, кесим билгенден.
Аллах сакъласын бизни харам ишде ёлгенден.
Мен разылыкъ береме, разы болугъуз меннге
Аллах да разы болсун, джууугъума, тенгиме.
02.04.2012


ДЖЫЛЛА КЕТИБ БАРАЛЛА


Мен сабий сагъатымда, ийнаныгъыз, бек байем,
Килиса’деген элде патчах кибик джашайем.
Агъачладан, ташладан сауут этиб, ойнайем
Сагъыш эте билмейем, къатыма да къоймайем.

Анам, атам да — сау, юй толусу бир барек.
Юйюбюзню аллында - кёкге ёсген бир терек
Анга ёрлесем, Тейри, мени эди тёгерек.
Джаннетни кёрлюк болурем, ёрлесем аз ёргерек.

Энди къарайма да мен, бир кёб сагъыш этеме,
Къайда джууукъ бар эсе, мен алайгъа кетеме .
Къайда бир уруш болса, ушкок алыб джетеме,
«Тынч тур джерингде»,- дейле, мен а сейир этеме.

Тюзетелир эсем деб, дуньягъа баш болама,
Кимине ариу айта, кимин бойнун бурама.
Кеси кесими ангыламай, сагъыш эте турама,
Аллах разылыгъы ючюн, не этдим деб, сорама.

Джылла кетиб баралла, джюкден толу вагонлача.
Ол джюкню да поезд тюл, ёзюм тартыб баргъанча.
Къыйынлыкъла да кёрдюм, эсимде тюлдю — ненча.
Джюрек ауруу да кёрдюм, джыладым сабийлеча.

Джылым къыркъ беш болса да, кёбден хапарым джокъду.
Башым агъарса да, мен билмейме бир джукъ да.
Хамайылым джанымда, сауут-сабам къолумда,
Кюрешеме бараргъа уллу Аллахны джолунда
08.04.2012

ДЖАШАЙ БИЛГЕННГЕ

Аллах берген мюрзеуню, шукур этиб ашасанг,
Кишини къыйнамайын, тюббе-тюз джашасанг,
Харам, гюнах этмейин, Хакъ джолда барыб турсанг,
Бу дунья да джаннетди - ашай, джашай билгеннге.

Хыйны бла кюрешмей, насыбха разы болсанг,
Алдау бла кюрешмей, сёз этгенни къоялсанг,
Киши кёрмейди демей, бир Аллах’дан уялсанг,
Бу дунья да джаннетди, ариу джашай билгеннге.

Хоншунг бла иги болуб, джарлыгъа джан салалсанг,
Ата-ана къыйнамай, разылыкъларын алсанг,
Къартлагъа хурмет этиб, сабийге сабий болсанг,
Бу дунья да джаннетди, Тейри, джашай билгеннге.

Беш ууахты намазынгы, къоймайын а къылалсанг,
Къурманынгы кесалыб, зекятынгы бералсанг,
Оразангы туталыб, хаджиликге да баралсанг -
Ахратда джеринг - джаннет, былай джашай билгеннге.
20.10.2012
Изменено: Sabr - 04.04.2014 02:07:02
Sabr 29.10.2012 17:48:19
Сообщений: 7254
Конкурсха чыгъармаларын ийгенлени эслерин бу затха бёлюрлерин тилейме:

Конкурсха ийген назмуларыгъызны, хапарларыгъызны - магъана, кеб (содержание, форма) джаны бла бек къарыусуз болгъанланы - бери салмай, кесигизге къайтарыб барама - кесигиз излегенча этеме. "Акътамакъда" сюздюрюрге излеген затларыгъызны ары кесигиз да саллалыкъсыз, "хо" десегиз, мен да салаллыкъма - авторну разылыгъыча бола барлыкъды.

къайтарама:
Ана тилде джазгъанларыгъызны (КОНКУРСХА ДЕБ, ЧЕРТИБ) бу адресге ийигиз: bilallaypan@hotmail.com

Конкурс февралны ючюсюне дери барлыкъды. Эсеблери мартны ючюнде - Джырчы Сымайылны туугъан кюнюнде - белгили боллукъдула.
Sabr 31.10.2012 05:28:40
Сообщений: 7254
БАЙЧОРАЛАНЫ ЛЮДМИЛА

Конкурсха


КЁЧГЮНЧЮЛЮК

Эртден бла чыгъыб таулагъа бир къара,
Кёрлюксе къалай деменгилидиле ала.
Мийикден джити къарайдыла бизге,
Тарихибизни сала эсибизге.

Кёргендиле таула, эштгендиле суула,
Къалай къыйналгъанларын джарлы адамла.
Ол кюн къандан къызаргъан таза тау суула

бюгюн да саркъадыла джылай, къалтырай.

Эслериндеди акъсакъалланы:

тутмакъ этиб адамланы -
тиширыуланы, сабийлени, къартланы -
бизни аскерле сюргенлери.
Эркишиле уа къазауатда
къралны сакълай ёлгенлери.

Алай болса да, кючлю эди халкъ,

14 джылдан къайытды сюргюнден.
Сен а, эл ашагъан эмеген,
сыйсыз болуб атылдынг кешененгден.

Андан бери кёб джыл ётгенди,
Джангурла джуугъанла къанланы.

Аллай сойкъырым-геноцид болмасын энди,
Аллахдан тилейме мен аны.

Изменено: Sabr - 04.04.2014 02:10:31
Sabr 01.11.2012 05:14:25
Сообщений: 7254
FATOŞ BÖKE HAZNEDAR

Конкурсха

КАВКАЗ ТАУЛА — СИЗНИ ЮЙЮГЮЗ

Ой аланла, ой аланла, келигиз,
Халкъны-Джуртну къайдагъысын билигиз.
Кавказ Тауладыла сизни юйюгюз,
Мычымайын сиз алайгъа кетигиз.

Къалай бош кетиб барады кюнюгюз.
Дунья былай къаллыкъ тюлдю, билигиз.
Тас бола барады Адетигиз, Тилигиз...
Америка тюлдю сизни джеригиз..

Терилдигиз дунья малгъа, алдандыгъыз,
Узакъ джерлеге чачылдыгъыз, атландыгъыз.
Джазыуугъуз-къадарыгъыз болур эди алай...

Унутмагъыз — барды джерде Къарачай.
23 / 8 / 1976.


ЧОЛПАН ДЖУЛДУЗУМ..

Чолпан джулдузум, джарыкъ джулдузум,
Мен сени бир бек сюеме...
Ингирде туууб, эрденде батыб,
Мени да къоюб кетесе...

Ызынгдан къараб джылай къалама,
Ой къайры кетиб бараса.
Сени ой мен бир бек сюеме,
Сюймеклик аурууду, билесе.

Сенсиз дуньям къарангы болады,
ангыласанг — манга эрирсе.
Аллахха дуачы болама, джаным,
Тамбла къайытыб келирсе.
2008, майны 15


КЪАРАЧАЙ-МАЛКЪАР ГЮЗЕЛИМ

Asaletin gelir soyundan senin,
Zerafet akiyor boyundan senin....
Sayginin ozu var huyunda senin,
Esin yok dunyada Malkar guzelim.....

Asalet var bakisinda yuzunde,
Yalan olamaz vermis isen sozunde...
Ihanete yer yok hayat tarzinda
Esine raslanmaz Мalkar guzelim...

Esarete asla boyun egmezsin.
Namusundan asla odun vermezsin...
Milletini canin gibi seversin.
Yok esin dunyada Karacay guzelim.....

ХХХ

Ozledim kosup oynadigim ,
Tozlu yollari.
Ayagima batan cakil taslari.
Hazanda sararan kuru otlari.
Ozledim Koyumu esi dostlari.

BAYRAM SABAHI

Calma kapim calma busabah erken,
Kimim var sana acacak BAYRAM.!
Kutlarim gonulden esi dostlari,
Evim bombos senle gulemem bayram....

Evler hep senlenir cocuklar ile,
Bahceler guzeldir cicekler ile,
Kaldim bayram gunu yalniz basima,
Gulu kopmus dal gibi kendimle.....

Okyanus otesi yavrularim var.
Bayramsiz seyransiz cananlarim var....
Bitmez bu ayrilik uzuyor yillar...
Derdimi hic esme bu sabah Bayram

Ne kurban isterim, ne asbab bugun...
Ne yaren isterim ne ahbab bugun...
Ne bir tac isterim , ne saray bugun,
Getir yavrularim yigitsen BAYRAM.

ХХХ

Ah! Koyumun minik taslari,
Uzerinden seke, seke gectigim.
Zaman , zaman egri basip dustugum.
Bazen alip kurda kusa attigim...

Sizi oyle ozledimki gurbette,
Bulu verip basi versem bir kere,
Canim yansa bir Ah! ceksem
Hasretimi duyardiniz belkide.

GÜZEL KÖYÜM YAKAPINAR İÇİN

Her sabah uyandım Guguk sesiyle,
Güzel havan ile dolan nefesle.
Selamlaştım sevinç ile herkesle,
Köyüm ne güzelmiş sende yaşamak...

Koyunların dağı taşı gezerdi .
Çobanların ardı sıra giderdi,
Kaval sesi yürekleri delerdi ...
Köyüm ne güzeldi sende yaşamak......

KUŞLAR (BIRDS)

Bizimdi bu viraneler ,
Baykuslarin yuvasi,
Bizimdi bu viraneler,
Ecdadimin hanesi.
Изменено: Sabr - 04.04.2014 02:14:17
Sabr 02.12.2012 01:05:53
Сообщений: 7254

ЧЫГЪАРМАЛАРЫН КОНКУРСХА ТЕДЖЕГЕНЛЕНИ ЭСЛЕРИНЕ САЛАБЫЗ:

1. Ана тилде джазгъанларыгъызны (КОНКУРСХА деб, чертиб) бу адресге ийигиз: bilallaypan@hotmail.com

2.Кеслерини керти атларын, тукъумларын, къысха биографияларын да джазыб, чыгъармаларын bilallaypan@hotmail.com адресге иймегенлени чыгъармаларына Конкурсну эсеблери чыгъарылгъан сагъатда къараллыкъ тюлдюле.

3.Кеслерини чыгъармаларын авторла кеслери "Акътамакъ" темагъа салыргъа боллукъдула. Былайгъа уа - bilallaypan@hotmail.com адресге келген чыгъармала салынныкъдыла неда салынныкъ тюлдюле (чуруму авторну кесине энчи билдирилликди).


4.Конкурсну юсюнден "АКЪТАМАКЪ" темада окъугъуз. Чыгъармаларыгъыз да анда сюзюллюкдюле, кесигиз анга разы болсагъыз. Конкурс баргъан заманны ичинде (февралны ючюсюне дери) джазгъанларыгъызны тюрлендирирге (къошаргъа, къоратыргъа, къысхартыргъа неда тюбелек алыб къояргъа) боллукъсуз.
Изменено: Sabr - 04.04.2014 02:14:17
Sabr 07.12.2012 04:04:12
Сообщений: 7254
Т.А.У.

Конкурсха

НЕКДИ АЛАЙ?


Эки тёппели бир тау барды.
Эки атлы бир халкъ барды.
Некди алай?

Басхан — Хазар тенгизге,
Къобан — Азау тенгизге
барадыла. Некди алай?

Сен — тенгизни сюесе,
мен а - тауну.
Некди алай?

Сен — хапарны сюесе,
мен — назмуну.
Некди алай?

Сен — Айны сюесе,
мен а — Кюнню.
Некди алай?

Сёз башланса,
бошалыргъа унамайды.
Некди алай?

Джашау уа - бошалады.
Некди алай?
Некди алай?
Sabr 24.12.2012 20:46:08
Сообщений: 7254
БАЙЧОРАЛАНЫ ШАМИЛ

конкурсха

СЕННГЕ


Мен керти поэт да болмам,
Дагъыда, «джаратырса», – деб, ышанама.
Сюйюб окъурса, Мариям,
Джюрекден сеннге назмула джазама…


Ариулукъну Аллах эки этиб
Адамлагъа бла Юсуфгъа юлешгенди дейле.
Сеннге къарай, сагъышха кетиб,
«Иги кесегин а сеннге бергенди», – дейме.


Кюн таякъчыкъса бу къарангы ёмюрде,
Джарыкъ джылыудан джылынад джюрегим.
Джангыз терекчик чакъгъан чегетде,
Къалай къууаналла кёзлерим.


Сау дуния терслеб бир бурулсун,
Не этер, мен къатынгда болсам?
Аманлыкъ излеген кеси къурусун,
Биз а джашайыкъ, Мариям.


НЕ БИЛЕСЕ?

Не билесе сен
Тарихинги юсюнден?
Къайдан чыкъгъанды тукъумунг?
Къайдан чыкъгъанды халкъынг?
Къайсыды атауулунг?
Къайсыды байрагъынг?


Не билесе сен
Ата джурт къазауатны юсюнден?
Къайда сермешгенди къарт атанг?
Къайда джайгъанды окъларын?
Къайдан билликди гитче баланг,
Бусагъатда сормасанг хапарын?


Не билесе сен
Кёчгюнчюлюкню юсюнден ?
Къарт анангы къалай ётдю джашауу?
Къум тюзледе огъесе талада?
Къаллай балта тийдиртди джазыуу?
Къалай къалгъанды аякъ юсюнде?


Бюгюн
Ойнайды къобуз, джырланады джыр,
Халкъынга уа къазылады къабыр.
Билмейсе, тенгим, сен аны
Тёгюлгенин къызыл къаны.


Багъалы джаш тёлюм,
Барды бир айтыр сёзюм:


Тарихибизни,
Джерибизни юлешедиле джауларынг.
Билсенг аны, къыйналмазмы джанынг?

Эс бёлейик, толу джутханчы манкъуртлукъ
Ансын этибизни ашарла,
Къаныбыздан да этиб тузлукъ.

ХАРАМ СЮЙМЕКЛИК


Ма келгенди ёмюрледе махталгъан сюймеклик.
Акъ насыбды ол, болса халал къалада.
Урлатхан джюрегинг ючюн тилемейсе Аллахдан кечмеклик,
Меники уа тургъанды харам дорбунда.


Джашай эдим тютюн иче, чайыр чайнай...
Келдинг да буздунг ёмюр тынчлыгъымы.
Энди кесими къолда къалай тутайым,
Сен эшитмезча джюрек къычырыгъымы.


Керек тюлдю харам сюймеклигим —
Аны бла абынырбыз Сыйрат кёпюрде.
Джанынг бла джаным келишмез дуния ёмюрде...
Нечик къыйнайды таша кюймеклигим.


Алай а, къоркъма, джунчутмам сени —
Сынауну бурмам джылаугъа.
Джаша, ишлей къалангы насыбдан —
Анга къууанырма къараб дорбундан.

КЪАЧАН ЭСЕ ДА


Къачан эсе да бар эди умут,
Келир заман келтирир деб къууанч.
Джюрек да — джюрек тюл — накъут,
джерден Кёкге керилиб эд къулач.

Къачан эсе да, бар эди ийнаныу,
Мен айтханны ол да айтырыкъды деб,
Сюймеклик къат-къат къайытырыкъды деб.
Аллай ийнаныу бар эди алгъын.

Къачан эсе да бар эди кючюм
Сынауладан бюгюлмей ётерча,
Джазыууму да джазыб кесим,
Таш башында да джашау этерча.

Бар эди мурат, бар эди кюрешиу,
Кёбге созулгъан да бир термилиу.
Хар не да бар эди
Къачан эсе да...



Sabr 11.01.2013 19:31:48
Сообщений: 7254
Авторланы эслерине салабыз: Конкурсха чыгъармаланы алыу февралны 3-не дери барлыкъды. Андан сора, эришиуге къатышханланы чыгъармаларына къараллыкъды. Эсебле мартны 3-де (Джырчы Сымайылны туугъан кюнюнде) белгили этилликдиле.
Sabr 31.01.2013 15:45:11
Сообщений: 7254
ЭСГЕРТИУ: Февралны 3-не дери излеген Конкурсха къошулургъа боллукъду
Sabr 02.02.2013 14:45:28
Сообщений: 7254
Авторлагъа дагъыда бир эсгертиу:

былайгъа салыннган чыгъармаларыгъызны, тас болмазча, кесигизде да сакълагъыз!!!


Бир чурум бла тас болуб къалсала, ызына къыйналмай джарашдырырча.
Sabr 04.02.2013 00:18:10
Сообщений: 7254
Багъалы къаламдашла! Дорогие коллеги по перу!

Конкурсха материалла алыуну болджалы бюгюн тауусулады. Мартны 3-не дери (Джырчы Сымайылны туугъан кюню) жюри чыгъармаларыгъызгъа къарарыкъды. Мартны 3-де уа, 1, 2, 3 орунлагъа чыкъгъанла белгили боллукъдула.

Бютеулей да Конкурсха 67 чыгъарма келген эди. Аланы 20-сы орус тилде джазылгъан назмула эдиле, биз а къуру ана тилибизде джазылгъанлагъа къарагъаныбыз себебли, аланы иелерине къайтаргъанбыз. Тыш къралладан да, тюрк тилде джазылгъан, 17 назму келген эди. Ала да, ана тилибизде болмагъанлары себебли, Конкурсха къошулмагъандыла. 30 назмудан 10-су Тюркде джашагъан къарачайлыладан келген эдиле — латин харифле бла ана тилибизде джазылгъан назмула эдиле. Алай а, бек къарыусуз болгъанлары себебли, Конкурсха ёталмагъандыла. Тышында ахлуларыбыздан 6 адамны назмуларын къошханбыз Конкурсха.

Джуртда джашагъан къарачаймалкъарлыладан 13 адам ийген эдиле чыгъармаларын. Алтысыны назмулары, не джаны бла да къарыусуз болуб, Конкурсха къошулурча тюл эдиле. «Акътамакъ»да сюзсюнле, кемликлерин кетерирсиз — сора, джангыдан къарарбыз» дегенибизни ушатмагъандыла. Алай бла, Конкурсда ёчлю юч орун ючюн 13 шайырны (поэтни) джазгъанларына къараллыкъды .
Барына да джетишимле теджейбиз. Ким, къайсы оруннга тыйыншлы болгъаны — айтханыбызча, мартны 3-де белгили боллукъду.
Sabr 05.02.2013 02:14:30
Сообщений: 7254
КОНКУРСХА КЪОШУЛГЪАНЛА:

Салпагъарланы Мариям,

Рахайланы Диана,

Къушджетерланы Айшат,

Байчораланы Шамил,

Байчораланы Людмила,

Шауаланы Ислам,

барыгъыздан да тилерим - мени электрон адресиме ( bilallaypan@hotmail.com) бир ийигиз:

Ф.И.О., год рождения (туура паспортугъуздача);
точный почтовый адрес, электронный адрес, номер телефона -


чтобы в любое время можно было с вами связаться.

Сау болугъуз.
Sabr 06.02.2013 01:51:58
Сообщений: 7254
######Дорогие коллеги!

Жюри продолжает очень внимательно читать конкурсные материалы.

Как выше написал, требуются ваши данные:
Фамилия, Имя, Отчество, год рождения;
точный почтовый адрес, электронный адрес, номер телефона

Пришлите их на электронный адрес: bilallaypan@hotmail.com
Папин Южак 06.02.2013 03:08:05
Сообщений: 521

1 0

Цитата
Sabr пишет:
Жюри продолжает очень внимательно читать конкурсные материалы.
Билал, жюриде кимле бардыла? Башха темалада айтылгъан эсе да хапарсызма, бу темада уа ачыкъланмагъанды.
Sabr 06.02.2013 04:04:34
Сообщений: 7254

0 1

Жюриде джолдашла бары да литературадан терен хапарлы джазыучуладыла, джангыз "чыгъармалагъа оноу этиб бошагъынчы, атыбыз белгили болмасын" дегендиле. Ишлерин тындырыб бошагъанлай, барын да былайгъа саллыкъма.
Sabr 07.02.2013 22:53:59
Сообщений: 7254
ЭСИГИЗДЕ БОЛСУН

Айтханыбызча, Конкурсну эсеблери Джырчы Сымайылны туугъан кюнюнде (мартны 3-де) айтыллыкъдыла. Жюри ишин дженгилирек тамамлаб, разы болса, алгъаракъ белгили этерге да боллукъду.

Лауреатланы алгъышлау, ёчлерин да бериу - мартны 31-де Тебердиде, Кърымшаухалланы Исламны Музейинде бардырыллыкъды.

Лауреатла бир къысха сёз да йтыб, кеслери сюйген назмуларындан бир экисин окъургъа борчлудула.

Ол кюн алайгъа кёб адам джыйыллыкъды - Кърымшаухаловские чтения" байрамгъа келгенле да къууанныкъдыла лауреатлагъа.

__________________________

К сожалению, не удается разыскать Байчорову Людмилу - электронный адрес не отвечает, а в форуме она не бывает, иначе откликнулась бы. Родом она из Карачаевска, профессия - медик, сейчас находится в Москве(ординатура). Если кто-то сможет связать её со мной, буду очень благодарен.
С уважением
bilallaypan@hotmail.com
Sabr 02.03.2013 19:12:53
Сообщений: 7254
Байрым кюннге (01.03.2013) Жюри Конкурсну эсеблерин чыгъарыб, ишин тамамлагъанды. Тамамлагъанды десек да, лауреатланы алгъышлау, саугъалау мартны 31-де боллукъду. Жюрини оноуу былайды:

КЪАРАЧАЙ-МАЛКЪАР ДЖАЗЫУЧУЛАНЫ ДЖЫРЧЫ СЫМАЙЫЛ АТЛЫ АДАБИЯТ ЁЧЮ
ЛИТЕРАТУРНАЯ ПРЕМИЯ КАРАЧАЕВО-БАЛКАРСКИХ ПИСАТЕЛЕЙ ИМЕНИ ИСМАИЛА СЕМЁНОВА

Протокол № 1

На конкурс в период с 1 октября 2012 г. по 3 февраля 2013 г., всего было прислано 67 стихотворений. Из них 20 были написаны на русском языке и были отклонены и пересланы обратно авторам, так как это конкурс поэзии на карачаево-балкарском языке. Точно также 17 стихотворений, написанных на турецком языке, присланных из Турции, США, вернули авторам по указанной причине. Следовательно, все они в конкурсе не участвовали.

Из 30 стихотворений, присланных на конкурс, 10 были от проживающих в Турции карачаевцев, написаны на карачаевском языке латиницей, но по причине слабости не прошли конкурс. Только 6 стихотворений зарубежных наших земляков допущены были к конкурсу. Проживающие на родине 13 карачаево-балкарцев прислали свои произведения. Из них у 6 авторов стихотворения за откровенной слабостью были отсеяны в ходе рассмотрения. На предложение комиссии переработать их и снова представить на конкурс, авторы не согласились. Таким образом, на конкурсе рассмотрены произведения 13 авторов.

Все члены комиссии получили произведения конкурсантов лично по электронной почте и дали свои заключения. Публично на форуме Эльбрусоида все произведения конкурсантов были выставлены на обсуждение и с ними за это время ознакомлено около 2000 посетителей. То есть, соблюдены все демократические процедуры.

Жюри отмечает, что, поскольку конкурс проводился в первый раз, отсутствовал опыт проведения таких конкурсов, то, естественно, были свои трудности в его организации и проведении, практически все проводилось, опираясь на электронные средства информации. Жюри от имени всей карачаево-балкарской читающей публики выражает благодарность инициатору и спонсору премии имени Исмаила Семенова (по его просьбе Ф.И.О. не указываем), а также Алию Тоторкулову, руководителю Эльбрусоида, за предоставленную возможность на его электронной площадке провести настоящий конкурс.

Жюри выражает уверенность, что Конкурс «ЛИТЕРАТУРНАЯ ПРЕМИЯ КАРАЧАЕВО-БАЛКАРСКИХ ПИСАТЕЛЕЙ ИМЕНИ ИСМАИЛА СЕМЁНОВА» станет традиционным для всех карачаево-балкарских авторов, а первый опыт его проведения будет поддержан как творческими союзами, так и патриотами нашего народа, заинтересованными стимулировать развитие литературного процесса как в Карачае и Балкарии, так и в местах компактного проживания карачаево-балкарцев за пределами нашей родины.

При нормальном функционировании Союзов писателей КЧР и КБР, республиканских органов, призванных заниматься вопросами развития языков, литературы, искусств нашего народа, всем этим должны были заниматься они. Но на протяжении последних 20 лет мы наблюдаем, что этого не происходит. Народы и их творческие Союзы предоставлены сами себе. Официальные премии Правительств КЧР и КБР присуждаются в результате необъявленных творческих конкурсов, по принципу каждой сестре по серьге, потому даже среди авторов и писателей нет не только интереса, но даже мотивации к творчеству для получения этих премий, так как власть милует и одаривает только тех, кто, по мнению власти, потрафляет сиюминутным интересам власти. Именно поэтому появилась идея проведения этого конкурса. И впервые она проведена именно для тех и среди тех, кто никогда не публиковался, но на самом деле идет на смену известным всем нашим писателям и литераторам. В этом смысле Жюри надеется, что лауреаты и отмеченные в ходе конкурса авторы в результате конкурса получат путевку в большую нашу литературу, с него начнется их творческая судьба, а имена их станут известны карачаево-балкарскому читателю.

Рассмотрев, всесторонне взвесив и оценив допущенные на конкурс стихотворения, Жюри решило:
объявить лауреатами конкурса: Байчорова Ш.Х., Байчорову Л.А.., Кущетерову А.Х., Рахаеву Д.Т., Салпагарову М.Дж., Шаваева И.А. До вручения премий 31.03.2013 г. в г. Теберде на Крымшамхаловских чтениях сохранить интригу и о распределени мест и премий объявить в торжественной обстановке в стенах дома-музея И.П. Крымшамхалова. ( Решение с именами лауреатов по ранжиру распределения мест и премий ниже закрыто и будет открыто для всеобщего обозрения 31 марта 2013 г.).

7. Рекомендовать национальным издательствам КЧР и КБР, а также частным издательствам издать отдельной книгой сборник конкурсных стихотворений лауреатов премии имени Исмаила Семенова за 2012 г., а также лучшие стихотворения номинантов литературного конкурса.
8.Объявить следующий конкурс за 2013 год с момента подведения итогов конкурса 2012 г.

Председатель Жюри:
Бегиев А.М., поэт, переводчик, публицист, заслуженный деятель культуры Республики Татарстан, заместитель председателя Союза писателей КБР
Секретарь Жюри:
Лайпанов Б.А., народный поэт КЧР, Почетный доктор КЧГУ им. У. Алиева
Члены Жюри:
Ольмезов М.М., поэт, драматург, лауреат Государственной премии КБР, ответственный секретарь журнала «Минги Тау»
Богатырева Ш.А., поэт, прозаик, переводчик
Лайпанов Н-М.О., переводчик поэзии Исмаила Семенова, публицист, к.философ.н., Почетный доктор Карачаевского НИИ, Заслуженный работник муниципальной службы КЧР.
03.03.2013 г.

__________________________________________


Специальное решение Жюри:

Как инициатор проведения настоящего Конкурса, Жюри рассматривает его как один из важных элементов через творчество способствовать единению карачаево-балкарского этноса, утверждению единого карачаево-балкарского литературного языка, что созвучно задачам, поставленным съездом интеллигенции в г. Кисловодске в 2012 г.

В виду этого Жюри решило:
1. День рождения Исмаила Семенова 3 марта объявить Днем Карачаево-Балкарской Книги! В этот День проводить праздник книги во всех школах, детских садах, учебных заведениях, сделать традицией встречи писателей с читателями, организовывать выставки-ярмарки национальных книг, когда авторы будут представлять свои произведения, с автографами дарить читателям, а дарение книги друг другу – сделать национальной традицией в Карачае и Балкарии.
2. Считать целесообразным создание Союза Карачаево-Балкарских писателей в целях координации творческих усилий по сохранению и развитию национального языка, литературы нашего народа, при этом сохраняя членство в творческих союзах двух братских республик.
3. Настоящую Премию в последующем реорганизовать в Литературную премию Союза Карачаево-Балкарских писателей имени Кязима Мечиева и Исмаила Семенова .


Председатель Жюри:
Бегиев А.М., поэт, переводчик, публицист, заслуженный деятель культуры Республики Татарстан, заместитель председателя Союза писателей КБР
Секретарь Жюри:
Лайпанов Б.А., народный поэт КЧР, Почетный доктор КЧГУ им. У. Алиева
Члены Жюри:
Ольмезов М.М., поэт, драматург, лауреат Государственной премии КБР, ответственный секретарь журнала «Минги Тау»
Богатырева Ш.А., поэт, прозаик, переводчик
Лайпанов Н-М.О., переводчик поэзии Исмаила Семенова, публицист, к.философ.н., Почетный доктор Карачаевского НИИ, Заслуженный работник муниципальной службы КЧР.
Sabr 03.03.2013 12:52:14
Сообщений: 7254
МАРТ АЙНЫ ЮЧЮ - СЕМЕНЛАНЫ ИСМАЙЫЛНЫ (ДЖЫРЧЫ СЫМАЙЫЛНЫ) ТУУГЪАН КЮНЮ.

АНЫ АТЫ БЛА АДАБИЯТ ЁЧ КЪУРАЛГЪАНЫ, АНГА ТЫЙЫНШЛЫ БОЛГЪАН ФАХМУЛУ ДЖАЗЫУЧУЛАНЫ ДА АТЛАРЫ БУ КЮН БЕЛГИЛИ ЭТИЛГЕНЛЕРИ - АДЕТ(ТРАДИЦИЯ) БОЛУР ДА КЪАЛЫР ДЕБ ЫШАНАБЫЗ.

Sabr 24.03.2013 21:50:15
Сообщений: 7254
БИР ЫЙЫКЪДАН - ЭНДИГИ ЫЙЫХ КЮН МАРТНЫ 31-ДЕ, САГЪАТ 11-ДЕ

Семенланы Исмайыл атлы адабият ёчге тыйыншлы болгъанланы ( Байчораланы Ш.Х., Байчораланы Л.А.., Кушджетерланы А.Х., Рахайланы Д.Т., Салпагъарланы М.Дж., Шауайланы И.А) эслерине:

Айтханыбызча,
сизни алгъышлау эмда ёч бла саугъалау Тебердиде, Кърымшамхалланы Ислам Бийни Юйюнде-Музейинде мартны 31 бардырыллыкъды. Сагъат онбирде башланныкъды джыйылыу - кечикмегиз, марджа.

КЪЫСХА СЁЗ АЙТЫБ, БИР-ЭКИ НАЗМУ ОКЪУРУГЪУЗНУ ДА УНУТМАГЪЫЗ.
Sabr 29.03.2013 01:25:10
Сообщений: 7254
Багъалы къаламдашла - Семенланы Исмайыл атлы адабият ёчге тыйыншлы болгъанла: Байчораланы Ш.Х., Байчораланы Л.А.., Кушджетерланы А.Х., Рахайланы Д.Т., Салпагъарланы М.Дж., Шауайланы И.А.

Айтханыбызча, сизни алгъышлау эмда ёч бла саугъалау Тебердиде, Кърымшамхалланы Ислам Бийни Юйюнде-Музейинде мартны 31 бардырыллыкъды. Сагъат онбирде башланныкъды джыйылыу - кечикмегиз, марджа.

Келалмазлыкъ (чурумун да айтыб) - тамбладан кеч къалмай, мени электрон адресиме бир билдиригиз.
bilallaypan@hotmail.com
Sabr 31.03.2013 14:59:26
Сообщений: 7254
Бюгюн Тебердиде, Кърымшамхалланы Ислам Бийни Юйюнде-Музейинде талай ашхы иш боллукъду:

1. Халкъыбызны онглу адамларындан бир къаууму Кърымшамхал улуну медалы бла саугъаланныкъды;

2. Семенланы Исмайыл атлы Конкурсда хорлагъанлагъа ёчлери берилликди;

3. Къарачай-малкъар джазыучуланы Союзуну Къурау Джыйылыуу (Учредительное Собрание) боллукъду.
Читают тему (гостей: 1)

Форум  Мобильный | Стационарный