ХАСАУКА УРУШ 1828-чи джыл болгъанды. Тарихибизни, шейит болгъан ата-бабаларыбызны унутмайыкъ.

ХАСАУКА УРУШ 1828-чи джыл болгъанды. Тарихибизни, шейит болгъан ата-бабаларыбызны унутмайыкъ.

Sabr 21.10.2013 00:24:10
Сообщений: 7254
Эски джыл санау бла бюгюн ХАСАУКА УРУШХА 185 ДЖЫЛ болады. Дуа этейик, эсгерейик джигит ата-бабаларыбызны. Тарихчиле хапар айтсынла, джангы тинтиулерин, билгенлерин бизге да билдирсинле. Джазыучула Хасаука урушха аталгъан чыгъармалары бла танышдырсынла. Хасаука бизге Орусха Бородиночады. Унутмайыкъ


http://www.elbrusoid.org/video/narod/394784/?sphrase_id=58552
къарачайлы 21.10.2013 00:33:55
Сообщений: 169
Ай медет,унутханнга ушайбыз((((
Sabr 21.10.2013 00:52:38
Сообщений: 7254
Юч генерал (Эммануэль, Турчанинов, Антропов) башчылыкъ этген орус аскерге джол уста болуб, таша джолла бла Къарачайгъа алыб келген къарачай бий Амантиш бла къабарты полковник Атажуко болгъандыла. Джырны къагъытха тюшюргенле, асры "интернационалист" болгъандан, къабарты сатлыкъны юсюнден тизгинлени кетериб, къуру Амантишни къойгъандыла джырда. Джыр толусу бла былайды.


Х А С А У К А


Къычырады Дауле: - Хахай, къуугъун!
Къарачайны шохун барын, джууугъун
Чакъырыгъыз, бизге дженгил джетсинле,
Къара кюнде бир болушлукъ этсинле!

Гяуур патчах кёб артыкълыкъ этеди,
Марджа, джашла, орус аскер джетеди.
Аладыла этибизден тоймагъан,
Таргъа тыйыб, джашаргъа да къоймагъан.

Джау келгенди, Хасаукагъа киргенди,
Таб джолланы Амантишден билгенди.
Ма ол бийди бизни сатыб къоярыкъ,
Къарачайны багъасындан тоярыкъ.

Джау келгенди кесин бизден джашырыб,
Джау киргенди ит Атаджокъ ашырыб.
Ол имансыз намыс-сый деб билмейди,
Эр Къарачай зорлукъгъа ийилмейди.

Аллайлалла душманлагъа теблетген,
Джау аскерни тау тарлагъа тебретген.
Анттыймазла къара зарлыкъ этелле,
Ала чекден асыры бек ётелле.

Урлаб-тырнаб, ауурланыб джаталла,
Адамларын малланыча саталла.
Къайдан чыкъды бу ит къауум Капказгъа?!
Антмы этгенд халал къыйын къабмазгъа?!

Шам Къарачай улан этиб ёсдюрген
Атаджокъду душманланы юсдюрген.
Ол генезир бизге джаулукъ этеди,
Хайда, джашла, орус аскер джетеди.

Атаджокъла - инаралны тенглери,
Тенглери тюл - этеклери-дженглери.
Ол къауумду бизни ачыкъ джауубуз,
Ала бла кемсиз кёбдю дауубуз.

Ол инарал бизни хорлаб алалса,
Тырнакъларын юсюбюзге салалса,
Джыртыб, талаб, мууал этиб къояред,
Джасакъ бла терибизни сояред.

Ачыудан биз къайнагъынчы, бишгинчи,
Ол залимни тузагъына тюшгюнчю,
Бирлешейик, кенгдегин да джокълагъыз,
Тар ёзенде джуртубузну сакълагъыз.

Тау асланла хазыр болуб чыгъыгъыз,
Джау аскерни дженгил-дженгил джыгъыгъыз.
Ойнатыгъыз сампаллада къолланы,
Къызартыгъыз Хасаукада джолланы.

Эбекку улу от къалагъа кетгенди,
От алыргъа кёб дыгалас этгенди.
Ырхы басыб, от ёзекни джабханды,
"Ай медет!" деб, Дауут эрнин къабханды.

Излей кетиб, бир уууч от табханды,
Анга къошар затла излеб, чабханды.
Залыкъылды табыб, аны эзгенди,
Кюкюртню да къошуб, отну сюзгенди.

Ёлчелеге къуюб аны тиздиле,
Мычымай къоргъашын окъла джюздюле.
Бир базыкъны ёшюнюнден тийдиле,
Аллай кёбню къая раннга ийдиле.

Джигерлени-джигитлени къолунда,
Тау мылтыкъла этер сауут болдула.
Хасауканы айланч-буйланч джоллары
Шындык-шындык ёлюкледен толдула.

Джигит таулу ёхтем-ёхтем джекиред,
Ташдан-ташха джел ургъанча секиред.
Таукел улан инаралны ёлтюрсюн,
Башын кесиб аны бизге келтирсин.

Батыр Умар гёджебсиниб атлайды,
"Къоркъмагъыз!" деб, джаугъа къаршчы чартлайды.
"Джетигиз!" деб, нёгерлерин сакълайды,
Атады да алчыларын къаблайды.

Ма окъ тийди бизни джигит Умаргъа,
Аман кюнде джер салгъаненг Чубаргъа.
Керек эдинг, быллай кюннге тууаргъа,
Даулет барад, кёзлеринги джумаргъа.

От бошалыб, окъ бошалыб къалса да,
Ташла-агъачла окъча, тобча джаудула.
Асланланы къурч беллери талса да,
Абычарла чаууллагъа аудула.

Бу къазауат бек узакъгъа барлыгъед,
Инаралны баш токъмагъын аллыгъед.
Аскерибиз азды, саны толмайды,
Сауут кюч да биз сюйгенча болмайды.

Тизгинлешиб, ёзенни ёрге джау кирди,
Батыр Къайтукъ сабийлеге кёл берди:
- Таулучукъла, сиз да ёсюб джетерсиз,
Бу къан дертни джууабларын этерсиз.
Sabr 21.10.2013 03:48:17
Сообщений: 7254
Хасаука урушда шейит болгъан,
Къарачайны миллет джигити Багъатырланы Умаргъа аталгъан джыр.


Ш Е Й И Т У М А Р*

Эки атыб тютюнюн бир этиучю,
Умар, санга бюгюн къанмы джаугьанды?
Керек болса, къанатлыча джетиучю,
Тулпарланы бири къайда къалгьанды?

Къарачайны сакълар ючюн ол бюгюн,
Джанын берди, чаууллагьа сойланыб.
Излейик биз аждагьанны ёлюсюн,
Аны дертин алыргьа деб ойланыб.

Юсюндемед аны къара джамчысы?
Джыгъылмайын турамеди атында?
Къайда тамды къаныны арт тамчысы?
Айшатчыгьы болмадымы къатында?

Къой сюрюуге къазакъ бёрю киргенлей,
Сау аскерни къырыб тюзню толтурдунг.
Къараб артын энтда къалын кёргенлей
Атаргьа деб, бетджанынга олтурдунг.

Джаула сени кесгендиле джолунгу,
Бетджанынгы таш артына салгьанса.
Окъла тийиб юзгендиле къолунгу,
Шкогунгу сол къолунга алгьанса.

Джигитлигинг санларынга сингнгенди,
Башлыгьынгы сен къолунга чулгьадынг.
Тулпар кибик, таш башына миннгенлей,
Къылычынгы джаула таба булгьадынг.

Къылычынгы сен булгьадынг джаулагьа:
«Келигиз,- деб,- бираз ойнаб къайтырсыз!».
Сен осият этдинг мийик таулагьа:
«Айшатыма ахыр салам айтырсыз».

Кёкюрегинг шыбылача джашнайды,
Сёлеширге тылмачлыгьынг джетмейди.
Къолунг бла сен кёргюзюб башладынг,
Айтыр сёзюнг тамагьынгдан кетмейди.

Къурч санлада бегиген ол темир джан
Терк чыкъмайды, быллай тулпар джашладан.
Ётгюр сандан чартлаб чыкъгьан исси къан,
Тешиб ётюб кетед къаты ташладан.

Акъджал атынг кючлю тукъум эснеди,
Энди болур болгьанды деб, кишнеди.
Эсин джыйыб тюз кёзюнге къарады,
Къобалырменг деб да бираз марады.

Къобарынгдан атынг умут юзгенди,
Сен узатхан къан бусхулну къабханлай,
Къуугьун этиб Айшатынга джюзгенди,
Хасаукадан бёлюнмейин чабханлай.

Джаш санланы къан шоркъала джуугьанед,
Ууланыб ол шкогуна къатханлай,
Керек болуб быллай кюннге туугьанед,
Къобмаз джукъу аны басды джатханлай.

Къандан толгьан кийимлени барысын,
Джан бергинчи, Айшат джетиб джалагъанд.
Айталмайма сизге андан арысын,
Таш да, тау да сейирсиниб къарагъанд.

Бир ачсанг а, ариу бала, кёзюнгю,
Аладан мен, джангыз къараб тоймазма.
Айтсанг а сен, манга ахыр сёзюнгю,
Душманлагьа сени къанынгы къоймазма.

Аджал къатыш бу сёзлеге бёлюнюб,
Къандан толгъан кирпиклерин ачханды,
Дугъумлача гинжилери кёрюнюб...
Айшатыны джан тамыры чанчханды.

Бек таралыб кёзю анга къатханлай,
Джулдузланы джарыкълары тас болду.
Айшаты да биргесине джатханлай,
Кюнню бетин булут басыб, чарс болду.

Айшатынгы къамишлеча къоллары,
Бу къан дертни бир да къоймай алырла.
Бузсала да шериатны джолларын,
Экигизни бир къабыргьа салырла.

Айшат, нечик узакъ этдинг болжалны!
Ойламадынг, бу кюн келиб къаллыгьын.
Билмеймединг джигитинге ажалны
Быллай джерде, джетиб джанын аллыгьын?

Къарачайны къара къадау ташлары,
Бюгюн ала туз гыртлача эрирле.
Къабырынгда, Шейит Умар, тенглеринг,
Мыдах болуб ахыр салам берирле.

Сагьышладан башы тубан тауладан,
Шоркъа-шоркъа джыламукъла агьарла.
Артыкълыкъгьа башчы болгьан джаула да,
Мычымайын кереклерин табарла.

Ол тулпарны джаула аууб кёргенлей,
Артыкъ да бек уллу къууанч къурдула.
Джаны чыгьыб, къобалмазын билгенлей,
Кёзлеринден сюнгюлерин урдула.

Сени этингден ала бир да тоймалла,
Ачы-ачы къычыраед бирлери.
«Ол ким эди?» Таныргьа да къоймалла,
Кёзлеринги къан къатышхан терлери.

Джара къолунгу сен узатдынг таулагьа,
Ана джуртунг уллу терен ёзеннге,
Тиш къысханча сора къанлы джаулагьа,
“Джыйгьансыз, деб, бизни такъыр гёзеннге.”

Мен тюлме джигитлени артлары,
Энтда сизден кёб джигитле къалырла.
Тауусулгьунчу тулпарланы артлары,
Ала сизге кёб ачыула салырла.

Абычарла, инаралла – къанлыла,
Кечилирми бюгюн этген ишигиз?
Тулпарладан тууарла мазаллыла,
Ол кюн тюшер сизни къабан тишигиз!

Хапарынгы сени къоймай ма былай,
Ким айталыр ол кюн ишни болгьанын?
Къара къашлы, асыры кенг мангылай,
Алтмыш алты къоргьашындан толгьанын?

Сен джарлыны джазыкъсыныб терекле
Къымылдайла, къалмай бары тиллешиб.
Ачыуланыб шууулдагьан чегетле
Ма бу джырны джырладыла бирлешиб.

Сенден акъгьан бу исси къан тамчыла
Джылатырла барыб тамгьан джерлерин.
Нёгерлеринг кийиб къара джамчыла,
Къабырынгда сюртерле къан терлерин.

Сен тюлсе аскерлени артлары,
Джигит тёлю къурурукъ тюлд тауладан.
Сары гяуур бюгюн бизни дженгсе да,
Къутхарырбыз джуртну бир кюн джауладан.
КёлКёз 21.10.2013 05:19:01
Сообщений: 1697
Джандетли болсунла барысыда!

Былайда сиз салгъан киногъа къарадым, бек сау болугъуз, эсибизге салгъаныгъыз ючюн!

Аман Ныхытны башында Хасаука къазауатны заманында тирмен бар эди, деб эшитген эдим. Шкоклагъа порорхну уугъан тирмен. Джолну кенгертирге атылтхан эдиле, тирмен тургъан джанын. Кинода аны сагъынмайын къойдула, джангыла болурмамы мен, сора?

Хасаукада къазауат этген къарачай джигитлени атлары бла санлары тарихде белгилимиди?
Изменено: КёлКёз - 21.10.2013 05:29:18 (дополнение)

WE WERE BORN TO SHINE
*Чистые помыслы - добрые дела*

Sabr 21.10.2013 05:45:13
Сообщений: 7254
Цитата
КёлКёз пишет:
Джандетли болсунла барысыда!

Былайда сиз салгъан киногъа къарадым, бек сау болугъуз, эсибизге салгъаныгъыз ючюн!

Аман Ныхытны башында Хасаука къазауатны заманында тирмен бар эди, деб эшитген эдим. Шкоклагъа порорхну уугъан тирмен. Джолну кенгертирге атылтхан эдиле, тирмен тургъан джанын. Кинода аны сагъынмайын къойдула, джангыла болурмамы мен, сора?

Хасаукада къазауат этген къарачай джигитлени атлары бла санлары тарихде белгилимиди?

Бек тюз соруула. Тарихчиле джууаб этерле. Мен гитче сагъатымда талай джылны эки къартны къатларында тургъанма. Аланы бирини - Джюсюбню - атасы Ислам, Хасаукада уруш этгенди. Джюсюб, 120 джыл джашаб, 1964 джыл ауушхан эди. Эм биринчи Хасауканы хапарын да андан эшитгенме. Хасаука джырны да. Алкъын Хасаукачыланы атларын, тукъумларын тюзетирге боллукъ болур, халкъ Азиядан къайытхан сагъатда уа боллукъ эди. Ислам улу Джюсюбча къартла бар эдиле ол сагъатда - энди аладан киши да къалмагъанды.
КёлКёз 22.10.2013 02:54:59
Сообщений: 1697
Цитата
Sabr пишет:
Джюсюб, 120 джыл джашаб, 1964 джыл ауушхан эди.
ма ша Аллах! миллетине бек керек адамланы Уллу Аллах ма былай кёб джашатсын! Саулукъ да эсде! :нупажалста:


Цитата
Sabr пишет:
Алкъын Хасаукачыланы атларын, тукъумларын тюзетирге боллукъ болур, халкъ Азиядан къайытхан сагъатда уа боллукъ эди. Ислам улу Джюсюбча къартла бар эдиле ол сагъатда - энди аладан киши да къалмагъанды.
мен сезгенча айтдыгъыз(((
саулай кинону узунуна хар оруслуланы санларында, дивизионланы тамадаларын да айтыб барыб турдула. къарачайда ол заманда тарихни джарашдыра билмеген болурламы?(((

WE WERE BORN TO SHINE
*Чистые помыслы - добрые дела*

Sabr 22.10.2013 16:42:57
Сообщений: 7254
НЕМНОГО ИСТОРИИ

За последние шесть столетий несколько раз над нашим народом нависала смертельная опасность его полного исчезновения с лица земли.

Первый раз
это случилось, когда его государство Алания, вступившее в союз с ханом Тохтамышем, было уничтожено в конце 14 века Тимуром. Большая часть карачаевцев тогда легла на полях сражений, оставшиеся в живых воины были угнаны в плен, и только часть народа спаслась в недоступных горах. В 15 веке легендарный вождь горцев Къарча со своими соратниками, главами основных карачаевских родов-кланов, вернулся на свою родину из Крыма и у подножья Эльбруса создал независимое государство Къарачай, связанное тесным союзом с Крымским ханством и Османской империей.


Второй раз
вопрос жизни и смерти карачаевского народа решался осенью 1828 года. После кровопролитного сражения у горы Хасаука войска Российской империи захватили Карачай (это произошло через 45 лет после аннексии Крыма и падения Крымского ханства). Большая часть карачаевского войска-ополчения, объединявшего практически всех способных носить оружие мужчин Карачая, оказавшего отчаянное сопротивление агрессору, была уничтожена. Предводитель российской армии генерал Эммануэль (серб по национальности) в своем рапорте царю писал после этой битвы: "Термопилы Северного Кавказа взяты нами, и оплот Карачаево у подошвы Эльбруса разрушен". Захватчикам помогали кабардинский князь Атажукин и карачаевский предатель, которого народ навеки пригвоздил к позорному столбу под именем "Амантиш" ("Изменник"). Трагически завершилась насчитывающая к тому времени уже несколько столетий история свободного и независимого Карачая.

Карачаевскому народу вновь удалось подняться в начале 20 века на волне революционной и национально-освободительной борьбы. В 1920 году в соответствии с волеизъявлением народа был создан Карачаевский национальный округ в составе Горской Республики. Чуть раньше была создана Республика горцев Северного Кавказа, но этой Республике, объединившей свободолюбивые горские народы Северного Кавказа, не удалось продержаться, ибо неравная борьба шла на два фронта: ­ против "белых", мечтавших реставрировать "единую и неделимую" самодержавную Россию, всегда бывшую для этих народов, по выражению Ленина, с которым в этом трудно спорить, "тюрьмой", и против "красных", весьма прагматично осознавших, каким "крепким орешком" станет эта самостоятельная республика для большевистского "центра" и обманувших народные ожидания, отступивших от своих обещаний ("Российской империей отобранная у вас земля вам будет возвращена, вы будете жить по своим законам, обычаям и традициям; вера ваша будет неприкосновенна" - что осталось от этих сладких слов?).

И все же, пока советская власть хоть в какой-то мере считалась с волеизъявлением народов Кавказа и демонстрировала "трудящимся Востока" и всего мира свою готовность к предоставлению им автономии, не только было обеспечено элементарное выживание карачаевского народа в новых социально-политических условиях, но оказался возможным стремительный, почти немыслимый по своим темпам и результатам взлет его культуры, укрепление его суверенитета, поразительные достижения в самых разнообразных областях творческой деятельности, массовой народной инициативы.


Начало этому было положено, когда "центр", уже давно сосредоточивший в своих руках всю полноту неограниченной власти и решавший своими декретами судьбы всех народов страны, вняв доводу рассудка или уступив решительному натиску "снизу", отказался от своего явно не удавшегося эксперимента по строительству Карачаево-Черкесской АО (созданной в 1922 году) и перед лицом постоянных национальных трений, с официальной формулировкой "из-за невозможности совместного проживания" и выпустил и карачаевский, и черкесский народы из этой немилой им, насильственной административно-государственной "коммуналки".

В 1926 году была создана Карачаевская Автономная Область (КАО), и с 1926 по 1943 год на карте СССР существовало образование, которое карачаевский народ с надеждой, любовью и энтузиазмом строил как свое молодое социалистическое государство. Оно никогда не было моноэтничным, но за все время существования КАО в этой автономии не было никаких конфликтов на национальной почве, и даже самым беззастенчивым клеветникам, выполнявшим после 1943 года задания сталинского режима по идеологическому оправданию массовых депортаций, не удавалось найти фактов, подтверждающих какое-либо распространение в карачаевской среде "национализма", пренебрежения или недоброжелательства к гражданам других национальностей, ущемление прав этих граждан в КАО.

Это было нелегкое время, и вместе со всеми народами СССР карачаевцам предстояло выпить горькую чашу неизбежных разочарований, тяжелейших испытаний и страданий, составлявших неотъемлемую часть отечественной истории 1920-30-х годов. Ничто не миновало их: ни опустошительные колхозные кампании, ни разрушительные эксперименты в языковой политике, каждый из которых (перевод с арабской письменности на латинский алфавит в 1929 году и переход на кириллицу в 1939 году) все более отдалял народ от сокровищ его национального и общетюркского наследия, ни гонения на ислам и мусульманское духовенство, ни партийные "чистки", выбивавшие из партийных организаций и рядов наиболее честных и талантливых людей, ни тотальные репрессии 1930-х годов. Но вопреки всем этим кошмарам народ держался и не только не терял, но с поразительной энергией наращивал, все более ярко раскрывал свой творческий потенциал. В КАО был создан Союз писателей и другие творческие союзы, государственное издательство выпускало книги на карачаевском языке (и никогда - ни до, ни после существования КАО не было издано столько книг, сколько появилось в этот период), росло число школ, техникумов, училищ, был открыт Карачаевский Педагогический Институт и НИИ истории, языка и экономики, было положено начало национальному театру, выступал великолепный Ансамбль песни и танца. Фактически на "голом месте", в долине у подножья гор, был построен молодой город Микоян-Шахар (Карачаевск), ставший национальной столицей - административным центром КАО.


Однако снова пришел на карачаевскую землю черный день 2 ноября, теперь уже не 1828 года (памятная дата Хасаукинской битвы), а еще более жестокого и беспощадного 1943 года.
В третий раз
нависла над карачаевским народом смертельная опасность полного уничтожения. Не сбывшуюся до конца мечту царских генералов попытался осуществить советский диктатор - Сталин. Без вины и причины (эту "вину" и "причину" уже после выселения выдумывали и высасывали из пальца услужливые идеологи сталинского режима, которые не унимаются до сих пор и подсчитывают в своих доносах, преподносимых в форме "исследований" и диссертаций, сколько карачаевцев сражалось на стороне гитлеровского вермахта: по их подсчетам получается раз в десять больше, чем вся численность карачаевского народа вместе с женщинами, стариками и детьми), без суда и следствия, без защиты (ибо молча принял и безропотно одобрил эту преступную акцию "советский народ", и не долетал ни до кавказских гор, ни до среднеазиатских пустынь, куда увозили карачаевцев в "вечную ссылку", далекий голос наших соотечественников и изумленных наблюдателей из-за рубежа), без права на аппеляцию - все карачаевцы "по национальному признаку" были депортированы в Среднюю Азию и Казахстан и раскиданы по 558 точкам бескрайних туркестанских пустынь. Они были лишены имени, языка, Родины, истории. Пока карачаевцы влачили рабское существование "спецпоселенцев" и умирали от непосильного каторжного труда в непривычных для них и тяжелейших климатических условиях (только за первый год депортации вымерло почти четверть всего карачаевского народа, прежде всего детей), на их опустошенной родине разрушалось их налаженное хозяйство (пострадали даже животные, относящиеся к карачаевской породе овец и лошадей), приходил в запустение названный чужим, незнакомым именем город Карачаевск, переименовывались аулы и объекты природы, столетиями носившие тюркские наименования, даже память об обреченном народе должна была исчезнуть на его родной земле.

Геноцид продолжался 14 лет, и каждый год этой четырнадцатилетней истории оставил в душе народа неизлечимую рану, неизгладимый шрам. Мы научились понимать, что ни старой Российской, ни Советской империи не нужны сохранившие чувство своего национального достоинства народы, а нужны их земли ("всесоюзные здравницы"), их богатства, в крайнем случае - их рабский безропотный труд.

Не буду пересказывать всю эпопею нашего духовного сопротивления этой программе: мы не забыли свой язык, свой фольклор, свою богатую литературу, не отреклись от нашей мусульманской веры, помогавшей нам выжить и найти опору и поддержку в среде единоверцев, не забыли свою Родину и вернулись к ней в 1957 году. Хочу лишь сказать что, что несмотря на все благородные акты и намерения людей, принимавших еще в 1989 году на Съезде народных депутатов Декларацию о признании преступными всех репрессивных актов против народов, подвергнутых депортации, а также готовивших и принимавших российский "Закон о реабилитации репрессированных народов" от 26 апреля 1991 года (Закон, на который мы возлагали так много надежд и претворения которого в жизнь до сих пор добиваемся), проблемы полной реабилитации карачаевского народа до сих пор не решены.
Sabr 22.10.2013 18:08:27
Сообщений: 7254
НОЯБРНЫ (КЪАСЫМ АЙНЫ) ЭКИСИ: ХАСАУКА УРУШ ЭМДА СЮРГЮН

Хидает БАХЧЕ:
Эресейде, Тюркде, Арабда, Америкада... – джер джюзюнде джашагъан къарачайлыла барыбыз да быйыл, 2008 джыл ноябрны экисинде, Хасаука урушну 180-джыллыгъын белгилерге керекбиз. Алай а, тёгерек шошду – басма да, радио-телевизион да, интернет-сайтла да къара тынгылауну басыб турадыла. Бир джукъ айтсала да – къыйдырыб, учхара, ат башындан. Тюненебизге былай къарасакъ, тамблабыз къалай болур бизни?

ХАСАУКА УРУШ – Къарачайны тарихин экиге бёлген бир чекди. Хасаука урушха дери – Алан къралы чачылгъандан сора къуралыб, 400 джылны узагъына кишиге бойсунмай, кесини джоругъу-тёреси бла джашагъан, башына эркин Къарачай кърал бар эди. 1828-чи джыл ноябрны экисинде Хасаука урушда ма ол эркин Къарачай къралны къурутханды Орус патчахны буйругъу бла орус аскер. Къарачайлыла ол кюн къралларын, джуртларын сакълай, уллу орус аскер бла къазауат этерге къоркъмагъандыла. Биз а – ол джигитлени туудукълары – Хасаука урушну сагъыныргъа да къоркъгъан этебиз.

Не болуб къалгъанды экен бизге? Тарихибиз учундурургъа керек тюлмюдю бизни? 1828-чи джыл болгъан Хасаука уруш да, 1943-чю джыл Сюргюн кюн да – ноябрны экисинде болгъандыла. Ол да сагъышландырырча бир затды. Халкъыбызгъа эки къат бу къара кюнню бютеу дунияда къарачайлыла эсге тюшюрейик, зулму къурутхан ахлуларыбызгъа дуа этейик, сауларыбызгъа насыб джашау тилейик. Миллет ангыбызды, тарих эсибизди бизни тирилтирик. Къарачайдан философия илмуланы доктору Лайпанланы Нюр-Магометни макалеси да эсибизни джыяргъа, джукълаб тургъанланы да уятыргъа джарар деб умут этебиз.


________________________________________________________

ЛАЙПАНЛАНЫ НЮР-МАГОМЕТ


ХАСАУКА УРУШНУ 180-ДЖЫЛЛЫГЪЫНА НЕ ОНОУ ?

Хасаука урушну 180 джыллыгъына аталыб, бир деменгили сёз айтылыр деб, сакълай турдум. Айтылмады. Къайдадыла бизни оноучуларыбыз, алимлерибиз, он бармакъгъа сыйынмагъан джамагъат организацияларыбыз, биринден бир таууш чыкъмай нек турадыла экен? Была бары да Эресейге 450 джыл мындан алгъа киргенледенмидиле, огъесе биз билмеген бир затланы сезиб, къара тынгылауну аны ючюнмю басыбмы турадыла?

Быллай сагъышла, эшта, къуру мени къайгъылы этмейдиле. Мындан алда талай къуллукъчугъа тюбеб, аланы да бу соруулагъа эслерин бёлгенем. Алай а, ала да айталмадыла, быйылгъы Къарачай-Черкес республикан эскертме орузламагъа Хасаука урушну 180-джыллыгъы нек салынмагъанын.

Джууаблы адамла, джамагъат къуралышла да политика-сиясет оюнладан сора эсге джукъну нек алмайла? Алимлерибиз а? Властда-оноуда тургъанларыбыз кеслери нени да эскерибми турургъа керекле? Ичлеринде тарихчи джокъ эсе уа? Хасаука урушдан сора Келишиуге къол салыб, Къарачай Эресейге къошулгъанлы 180 джыл болгъанын, андан бери Къарачай сёзюне керти болуб, Орус къралны сатмай, аны сафында джашагъанын ачыкъ, кескин айтыуну уллу политика магъанасы болгъанын ким да ангыларчады! Былтыр Малкъар бла Дюгер къарнашларыбыз кеслерини аллай тарих кюнлерин белгилегенча, биз да Орусха къошулгъан кюнюбюзню тюзюча айтыб, белгилерге керек тюлбюзмю?

…Хасаукачы джашла къалай учунуб сюелгенле джау аскерни аллына! Бизле уа? Адыгла, сюйселе «орус-кавказ къазауатны джыллыгъын бушуу кюнча этиб, сюйселе Орусха кеслери сюйюб киргенлерини 450-джыллыгъын къууанч халда ётдюрюб» кюлкюлюк-бедишлик болуб турадыла. Биз да аланы ызларындан къайры барабыз? «Олляхий-билляхий» деб, алача тилибизни чалдырыргъа юренибми къалдыкъ эм ахырында?

Беш Тау Элинде къарачайлыла (бюгюн кеслерине малкъар дегенлеге айтама) алай этерге унамадыла былтыр – Орусгъа къошулгъанлы 180 джыл болгъанын энчи белгиледиле, бизнича бир кърал кючлери да болмагъанлай! Бизле уа? Тынгылаб тургъаныбыз ючюн айтама. Не деб турабыз биз ол затха? Хасаукъа урушдан сора, Эресейге договор-келишиу бла къошулгъаныбызгъа быйыл 180 джыл толады. Хасаука урушну эмда Орус бла Къарачайны арасында ол Келишиуню 180-джыллыгъын белгилерикбизми? Атына да не дерикбиз? Къабартыча, тобукъланыб, бизни кесинге къул-къарауаш эт деб, уллу разылыкъ бла алаймы къошулгъанбыз биз Эресейге?

Огъай, къалгъан къавказ миллетледен бир тюрлю болгъанды бизни къадарыбыз. Биз ачыкъ къазауат этиб, джуртубузну-къралыбызны къоруулай, сермешгенбиз. Орус генералла да уллу сый бергендиле эркишилигибизге. Хорлансакъ да, тобукъланмай, договор-келишиу этиб, алай киргенбиз Орус империяны санына! Анга шагъатлыкъ этген тарих документ барды. Бизни миллетден сора келишиу къагъыт этиб, Эресейге алай къошулгъан бир халкъ джокъду Шимал Кавказда! Бар эсе, кёргюзтсюнле!

«Къарангы» къарачайлыла алай эте билгенле, дипломатия не болгъанын да сезгенле. Кёб болмай Тюркиеде Солтанланы китапханаларында Къарачайны Олийини (Валий) Кърымшаухал улу Исламны 1826-чы джыл Солтаннга джазгъан письмосу табылгъанды, араб харифле бла эски-тюрк тилде джазылгъан. Анда белгиленнгенден, Олийибиз Кавказда бола тургъанны иги билиб, чот къайры баргъанын ачыкълайды.

«Биз, Къарачай халкъ бюгюннге дери кишиге да бойсунмагъанбыз, кесибизни сакълаб тауланы ортасында къралчыкъ болуб джашагъанбыз. Бюгюн орус кърал киргенден кириб келеди, бизге къоркъуу барды. Биз сизнича тюрк муслиман миллетбиз. Уллу кърал болушлукъ болмаса, бизни аскер кючю уллу болгъан орус кърал алыргъа тебрегенди. Сизден джакълыкъ, болушлукъ тилейбиз, кесинги кърал чегинге бизни алмасанг – бизге къыйынлыкъ джетерикди…»
(Тюркиеден Аппаланы Адилханны тарих ишинден алыб береме Олийни джазгъаныны магъанасын. – Л.Н-М.).

Хасаука уруш болурдан эки джыл алгъа, Олийибиз амалсыздан, боллукъну билиб, алай джазгъанды Солтаннга. Ол джазыуну уллу тарих магъанасы барды: ары дери Къарачай не Орусгъа, не Тюркге бойсунмай, кеси къраллыкъ джюрютюб, энчиликде, эркинликде джашагъанын бегитеди. Орусха къошулуб болса – Хасаукада уруш нек эте эди, Тюркню санында болса – кърал чегинге бизни киргизигиз, деб, нек джаза эди?
Тюзю былайды – 1828-чи джылгъа дери Къарачай бир кишиге бойсунмагъан эркин, энчи кърал болгъанды.

Бу тархны-датаны Орус кърал кёрмегенча этиб къоярыкъ эсе, къарачай тукъумланы тамадалары джыйылыб, оноулашыб, быйыл къачда, ноябрны экисинде Хасаука урушну 180-джыллыгъын, маулут этиб, уллу джыйылыу этиб – Къарт-Джуртну тёбен джанында – Орус-Къарачай Келишиуге къол салыннган джерде, белгилерге керекбиз. Дагъыда амалсыз айтылыргъа керекли зат: ол кюнден бери биз Эресейге берген сёзюбюзге керти болуб, Орус къралны сатмагъанлай, джашайбыз! Аны ючюн джазгъанды Орусну эм уллу джазыучусу Лев Толстой: «Къарачай – Минги Тауну этегинде джашагъан тюз халкъды; кертилиги бла, ариулугъу бла, джигитлиги бла айырылыб белгилиди».

Къарачай берген сёзюне керти болгъанлыгъына, Орус кърал бизни талай кере къаныбызны бузгъанды, ол Договоргъа-Келишиуге тюз турмай, сюргюн-геноцид къыйынлыкъ да сынатханды бизге. Бюгюнлюкде да, 1991-чи джыл алыннган Реабилитация законун толтурмай турады…

Мени сартын, болгъан скульпторларыбызгъа да борчду Хасаукада эскертме салыргъа – Агъачны-Ташны да сыйлаб, Хасаукачыланы да сыйлаб, миллетни тарихине атаб, бир сейир ансамбль къураргъа. Къарачайгъа келген дуния да юсю бла ётюб кетмезча, ёмюрге бегитирге керекди ол тарих белгибизни. Бек аламат боллугъу – алайда Къадау Ташны да, тёгерегин да скульптураныча бегитсек! Аны бла къалмай – Къарчагъа, Олийге – Крымшаухал улу Исламгъа да – эскертмеле салсакъ! Хасаука урушну джигити – Багъатырланы Умаргъа да. Тюзюн айтсакъ а, Къарачай джуртну, халкъны джакълаялгъанланы барына да салыргъа тыйышлыды эскертмеле.

Узунду бизни тарих джолубуз, теренди къарачайны миллет философиясы: кириш таула бла мингджыллыкъ терекле, аланы да эм белгилилери – Минги Тау, Джангыз Терек, Къадау Таш, Олийибиз чертгенча, Хасаука урушгъа дери Аллахны къадары бла бизни кишиге бойсундурмай, энчи джашатыб, къоруулаб тургъанды мийик джуртубуз. Халкъ Джуртуна ушамай мадар джокъду. Эркин миллет башына кеси оноу этиб, ариу Тёре адетлени тутуб, бирикген таза халкъ болуб тургъанды. Хасаукъадан сора тебрегенди седреу джашау…

Тарихчиле тарих чакъланы бегитгенча къарасанг, Къарачайны джангы тарихи (Новая история) андан башланады. Хасаука, Умар деген джырла аны ючюн турадыла халкъны эсинде! «Таулучукъла, сизда ёсюб джетерсиз, Бу къан дертни джууабларын этерсиз!» - деб нек, кимлеге буюргъанды осият халда хасаукъачы белгисиз джырчыбыз бу сёзлени? Ол Хасаука урушну къарачайлылагъа не бла бошалгъанын бизден ачыкъ кёргенди, аны миллетге огъургъа санамагъанды. Эресейге Договор бла (Келишиу; Кесамат; Анлашма; Антлашма) киргенибизни да билгенди. Олийни миллетни къырдырмай келишиуге къол салгъанын да билгенди, алай а – дертли болгъан джюреги къоймагъанды, джаш тёлюге кёл этгенди, энди сизгеди кёзюу, деб.

«Дерт» къайтарыу – сени хорлагъанны аман тюрсюнюн алыу, къанны къан бла джуууу тюлдю. «Энди сиз сакълагъыз Къарачайны, сизни къадарыгъыз бизден къыйынды»,- дегенлигиди. Мени сартын, былай окъургъа керекди аны. Тюзю да алайды.

Хасауканы биз ёхтемленирге деб белгилерге керек тюлбюз. Аны миллетни джангы тарихинде къаллай магъанасы, орну болгъанын, джуртунгу, миллетинги къалай сюерге керек болгъанын ангылатыр ючюн белгилерге керекди.

Хасаука урушха 180 джыл болады. 180 джылны тёлюлеге юлешсек (180: 28(33) – бюгюн бизле 6-чы тёлюбюз ол урушдан сора. Энди бир тёлюден сора – 7-ге айланабыз. Къарачай санау бла 7-ден сора къан эрийди, биз кёб тюрлю къанны эритиб, джангы тарих (этника) халгъа келебиз. Ол къанны ичибизде къатышханы да бирикдирмей тура болур бизни. Алай а, ол энтда бир тёлюден, Къобан тюзге чыкъгъанча, керилиб, уллу шош, бирикдирген халгъа келмей къаллыкъ тюлдю. Ол заманнга керекди бизни тарих эсибиз – аны уа джангы чагъы – Хасаука урушну кюнюнден башланады.

Эммануель, бошунамы джазгъанды патчахха: «Термопилы Северного Кавказа пали…» («Шимал Кавказны Термопиллери къырылдыла...») Ол 500 чакълы бир болгъан хасаукачы къарачай аскерни 300 спартачы бла тенглешдиргенди. Аскер генерал гитче миллетчикни аскерине аллай уллу сый бергени – учундурургъа керекди бизлени бюгюн! Джигитликлерине сый бергенден болгъанды, къалгъан кавказлыланы эллеринча кюйдюрмей, сау къойгъаны бизни эллени!

Къарачайлыла, джюреклери хош болмаса да, Олийлерине да гёджебсинмегенле. Анга Эресейге киргенни бек къыйын тийгенин урушдан сора эки-юч айдан сора кёрген да этгенле: Эресейге кертилигинги кёргюз деб, эки джашын орус аскер бёлекге къошуб, абадзехле бла Лаба джанында урушгъа киргизтгенле. Ол биринчи урушда огъуна аны эки уллу джашы алайда джаралы болуб ёлгенле. Алайды керти, Эресейге киргенлей, джангы къарачай тарихни ёлюм санны-санауну (мартирологну) аллы… Аны ючюндю ол кюнню белгилеб, бушуу да, къууанч халда да ётдюрюрге кереклиси! Этелликбизми биз аны? Эс джыяргъа керекбиз, аны оюмлу-кърал магъаналы халда ётдюрюр ючюн. Аллыбызда тургъанла да аны магъанасыны къаллай уллу дараджасы болгъанын сезселе, сюзселе, ангыласала – алчы болуб, барыбызны да бирикдириб, кеслери башларгъа керекдиле бу ишни! Ала аны этелселе – миллетни джангыдан бирикдирген этерикле, бу джаннгы заманнга – миллетибизни тарихине къой, джангы джашаууна тамал саллыкъла. Эресей да, бютеу дуния да билирча этерикдиле! Этелселе, Хасауканы мийик джарыгъына тарих белги саллыкъла. Ол джарыкъ бизни миллет шартларыбызны буздурмай, халкъ этиб, алты тёлюню бюгюнге дери атларын айтдырыб келгенди! Аллах айтса, болур ол кюнюбюз айтханыбызча, анга кёре тамблабыз да тюзелир!..

_______________________________________

Хидает Бахче, АФИЙОН КЪАРАЧАЙ:

Тышында джашагъан къарачайлыла – биз да – къошулабыз бу соруугъа: «Хасауканы 180-джыллыгъына не оноу?» Къарачай-Черкесни джангы Президенти Эбзе улу бу затны юсюнден деменгили сёзюн айтмай, иш алгъа силкинмезча кёрюнеди… Биз ангылагъандан, Президент, республика, федерал къуллукъчуланы да эслерин буруб, Хасаука урушну 180-джыллыгъын уллу кърал дараджада белгилетирге борчлуду.

Хасауканы кюню – Къарачайны Россиягъа Кесамат бла киргенини тархыды. Ол кюнден башланады Къарачайны Россия бла бир джолу. Аны бюгюн миллет политикада хайырландырыргъа керекбиз! Хар миллетни уллу Аллах берген къадары барды, аны бла биргелей – энчи тарихи да! Хасаукадан башланады Къарачайны Россияны сафында джангы ёмюрю. Аны себебли – быллай кърал, бютеухалкъ магъанасы болгъан ишни халкъ да, халкъны аллында тургъан адамла да сансыз этиб къоймазларына ышанабыз.

_________________________________

Миллет джюрекли тынгысыз адамланы къайгъырыулары бла, 2008 джыл КЧР-ни президенти Эбзе улу 1828-чи джылны - Къарачайны Эресейге къошулгъан тархын - кърал дараджада белгилетген эди. Ары дери 1557-чи джылны (Къабарты Эресейге къошулгъан датаны) - бизге да байракъ этиб тура эдиле.

Эндиги тамадала, ол Кюнюбюзню эсгерликмидиле экен, огъесе, сансыз этибми къоярыкъдыла - кёрейик.

КёлКёз 23.10.2013 02:31:32
Сообщений: 1697
Цитата

Как известно, в Большом Карачае имелись каменные пороховые
ступы, так называемые ступы Карчи (Къарчаны от келилери) в кото-
рых изготовлялся порох. Во время известного сражения специальные
люди, владевшие секретом изготовления пороха, там разливали его
в мерки (хазыры) и отправляли на место битвы. Сегодня около Свя-
щенного камня Карачая (Къарачайны Къадау Ташы), на месте слия-
ния рек Худес и Кубани, сохранились фрагменты этих каменных ступ.
В 1985 г. во время прокладки федеральной трассы в Большой Карачай
они были взорваны. Один из сохранившихся фрагментов пороховой
ступы дает нам возможность воссоздать картину производства пороха.s
Sabr
излеген, табады!!!) :превед:
Это информация есть в этой статье)


WE WERE BORN TO SHINE
*Чистые помыслы - добрые дела*

Sabr 23.10.2013 03:20:54
Сообщений: 7254

КёлКёз, бек сау бол.

Къарчаны от келилери - Къарчаны таурухха санагъанлагъа да джууабды.
под тенью сабель 24.10.2013 21:21:25
Сообщений: 1121

0 1

- Таулучукъла, сиз да ёсюб джетерсиз,
Бу къан дертни джууабларын этерсиз.==== бу сёзлеге уллу эс бёлсек керегеди
Sabr 29.10.2013 16:34:32
Сообщений: 7254
БИЛГЕН БАР ЭСЕГИЗ - АЙТЫГЪЫЗ, МАРДЖА

В этом, 2013, году 2 ноября (по новому стилю) мы должны отметить 185-летие Хасаукинского сражения и 70-летие депортации ... Президент Эбзеев пошел впервые на признание реальной даты нашего вхождения в Россию, а как поступит нынешний Глава КЧР Темрезов со 185 летием?

А если быть точнее: президент КЧР Эбзеев (честь и хвала ему за это) вперые пошел на то, чтобы на государственном уровне отметить 180-летие вхождения Карачая в состав России. Интересно, а что думает нынешний ГЛАВА КЧР Рашид Темрезов по поводу 185-летия это исторической даты?
Sabr 01.11.2013 04:57:08
Сообщений: 7254
Загрузка плеера
Sabr 01.11.2013 17:35:57
Сообщений: 7254
"Къарачай" газет, 2013 джыл, октябрны 31, 4-чю бет:
"Къарачай халкъны юсюнден хакъ сёз айтханды" - автор Шаманланы Ибрахим
Sabr 01.11.2013 18:26:07
Сообщений: 7254
Дагъыда:

Бизни республикада бизни халкъыбызгъа къыйынлыкъ джетдирген къуллукъчуланы, аскер башчыланы атлары аталгъан не бар эсе да, алагъа эскертмеле бар эселе да - бары къурутулургъа керекдиле - неда ол эскертмеледе этген аманлыкълары джазылыргъа керекди - кимни ким болгъанын тёлюле билиб турурча...
под тенью сабель 01.11.2013 23:51:58
Сообщений: 1121
Цитата
Sabr пишет:
Дагъыда:

Бизни республикада бизни халкъыбызгъа къыйынлыкъ джетдирген къуллукъчуланы, аскер башчыланы атлары аталгъан не бар эсе да, алагъа эскертмеле бар эселе да - бары къурутулургъа керекдиле - неда ол эскертмеледе этген аманлыкълары джазылыргъа керекди - кимни ким болгъанын тёлюле билиб турурча...
черкес шахарда белый домну алындан бир мадар болса ленинни памятнигин кетериб къарчагъа памятник салгъа керегеди черкеследа кёл калды болмазча аладанда бирни салыб .... сурат салгъа болмайды ансы... а то хар элде хар районный центрде ол хаюанны памятниги сиреледи . атеист безбожник.
Sabr 02.11.2013 04:05:41
Сообщений: 7254
2013 дж. октябрны 31
"Къарачай"

Тарихни белгисиз бетлери

КЪАРАЧАЙ ХАЛКЪНЫ ЮСЮНДЕН ХАКЪ СЁЗ АЙТХАНДЫ

Василий Васильевич Швецов, эки тамада къарнашы бла аскер къуллукъда ётдюргенди бютеу джашауун. Къарнашлары грузин гренадер полкда боладыла, Василийни уа джашауу, къуллугъу да асламысына Ставрополда ётеди. 1826-чы 1827-чи джыллада - Ермоловну заманында - Къабартыны начальниги болуб ишлейди.

1828-чи джыл Эммануэлни аскер бёлеги бла Хасаукада эсленеди, Верзилин бла бирча джаралы да болады.
1842-чи джыл анга статский советник чын бериледи. Ол кёзюуде аскер министрге «Краткое обозрение левой стороны Кавказской области...» деб очеркин джибереди. 1855-чи джыл «Москвитянин» журналда аны тарих этнография иши басмаланады - «Очерк о кавказских горных племенах, с их обрядами и обычаями в гражданском, воинственном и домашнем духе».

Бу джол Швецовну къарачайлыланы юсюнден джазгъанын оригинал халда басмагъа теджейме. Сылтауу: биринчиси, быйыл Хасаука урушха 185 джыл толады, экинчиси, газет, журнал, таб китаблада да Швецов деб белгилер орнуна «Шевцов» форманы джибередиле авторла, ючюнчюсю, къарачайлыланы юсюнден хапарлауунда аз-кёб да гырхылыгъы, шовинист кёллюлюгю эсленмейди.

Аны тышында болуб эслерге тыйыншлыды: В. Швецов къайсы бир кавказ миллетни да энчи шартларына терен кирмейди. Къарачайны юсюнден тизгинлерин «Некоторые законы из Алкорана» деген бёлюмюнде береди. Аны ызындан «О преданиях» деген бёлюмюнде уа къарачайлыланы сагъынмаса да, ол анда айтхан затла, историографиябызгъа амалсыз керекдиле. «Из всех племён, населяющих кавказские горы, не одно не имеет положительного понятия о своем происхождении и о прочих исторических сведениях: они не изучали из устных преданий о событиях, случивщихся в жизни предков их; все что известно им, не углубляется в давно прошедшее, этот круг очерчен не далее дедовского времени, исключая лезгин, признающих себя выходцами из Индии ..." Сёзсюз да, бу тизгинле бюгюн кюнде да актуал халларын тас этмегендиле, артыкъ да бек къарачайны историографиясында «Къарчаны ансарларына». Мындан ары теренлемей джаяу джолдан уллу джолубузгъа чыгъайыкъ.

«Карачаевцы, живущие на высотах под Эльбрусом, хотя народ не многочисленный, но храбрый, имея врагами своими с правой стороны закубанцев, а с левой Кабарду, кикогда ещё не был побеждён и самостоятельность его ещё более наводит страх на неспокойных соседей. В 1828 году это племя состоящее отдельно из пяти небольших деревень (алай демеклик: Къартджурт, Учкулан, Хурзук, Джазлыкъ, Дууут - И.Ш.) много наносило в границах наших беспокойства и тревог, а потому обратило на себя особое внимание здешнего начальства. Командующий войсками не Кавказской линии генерал от кавалерии Эммануэль первый понял эту важность и первым попытался утвердить с этим народом доброе согласие, поставить их, по самой местности, щитом препятствия к соединению двух сильных народов, ко вреду жителей Центральной полосы Кавказа. К приведению в исполнение хорошо и прочно обдуманного плана генерал Эммануэль, несмотря на непреступность местности, собрал небольшой отряд и, двинувшись к Карачаю, достиг так называемой Кинжал-горы (тюзю Къанджал тау - И.Ш.), далее он не мог следовать с кавалерией и орудиями. Общество карачаевского народа, никогда не ожидавщее видеть во владениях своих русских и не дожидаясь дальнейшего движения, выслала к отряду избранных депутатов узнать о намерении начальствующего русскими войсками. Эммануэль обласкал их, потом предложил условия - быть покорными пристолу государя императора; депутаты не противясь предложению его, принесли от имени народа присягу в покорности, и с того времени свято сохраняют свою преданость. А так как карачаевское общество имеет поселение свое на таком пункте, которого миновать нельзя, то сообщение закубанцев с Кабардой делается недоступным, тем более что предгория и плоскости, занятые нашими кордонами, отнимают уже у враждебных народов всякую возможность на покушение нападать партиями в наши пределы, в особенности в Центральной линии. Карачаевский народ не смотря на связь близко обитающих к ним других племён, сохранил свой язык с некоторым изменением вкравшихся сторонних слов.

Обществом их управляют пять старшин, и это достоинство есть потомственное. Вообще карачаевцы отличаются от прочих горцев опрятностью одежды, чистотой домашней жизни, любезностью в общении и верностью данному слову: впрочем, все обряды религии исполняются по вере суннитской, они имеют народного эфенди (главного духовника)
(Хубийланы Мухаммат Къадох улу - И.Ш.) и прочее низшее духовенство.

Мужчины среднего роста и стройны, белолицы и большей частью с голубыми блестящими глазами, в особенности женский пол красив.

Лошади их считаются из лучших кавказских пород, они более ценны смелостью своей в езде по скалистым и крутым тропам; шаг их верен и спокоен, вы, дав свободу своему коню, можете безбоязненно проехать по такому неприступному пути, где только может уместиться копыто лошади вашей и где не одни из других пород не может сделать не одного шага, да и вы, сколько бы не желали, не можете принудить это животное идти по такой почти отвесной крутизне, где инстинкт самосохранения удерживает его со всем упрямством, свойственным животному. Овцы их также особой породы, шерсть необыкновенно длинная, тонкая и мягкая как кашемир.

За ними следуют с левой стороны по протяжению цепи гор, ближайшие соседи - уруспиевцы, потом басканцы, чегемцы, балкарцы, хуламцы и дигорцы - племена ассов, бывшие християне, но не будучи поддерживаемы в православии обратившись в невежество и приняли ислам, слабо исполняемый».


Мындан арысында тизгинледе быллай этнография хапарлауну окъуйбуз:

«Эти племена имеют жилища свои между высотами снежных гор и более миролюбивы, нежели воинственны; каменистая местность не допускает заниматься хлебопашеством, все их посевы заключаются в нескольких саженях с трудом и едва обработанной земли для кукурузы или ячменя; из первой приготавливают муку и пекут лепёшки под горячей золой или чуреки в вырытых на два фута глубины и на полтора в диаметре ямах; эти ямы кверху уже, их обмазывают тщательно глиной; в яму кладут дрова и зажигают: когда стены придут от жары в известную температуру, тогда из приготовленного теста разделывают в полвершка или тоньше лепёшки, и женщина с закрытым лицом кроме одних глаз, прилепляет одну пышку подле другой к боковым краям ямы и по мере времени снимает каждую из них железным крючком. Этот хлеб довольно вкусен, если ёще не остыл, но после делается твёрд, как мягкий камень и так сытен, что небольшого куска довольно для насыщения, особливо неприхотливому горцу...» (Сёзсюз да, хапар тандырны юсюнден барады, ол а, Малкъарда болгъан эсе да, Къарачайда джюрютюлмегенди - И.Ш).

ШАМАНЛАНЫ Ибрагим.


______________

къарачай газетден бери салгъан - Тинибек
Sabr 26.11.2013 03:38:05
Сообщений: 7254
В республике открыта мемориальная башня в память о жертвах депортации карачаевцев

На днях в ауле Хасаут Малокарачаевского района Карачаево-Черкесии в рамках мероприятий, посвященных 70-летию годовщины депортации карачаевского народа, состоялось открытие мемориальной башни Схауат-кала.

В мероприятии приняли участие депутаты Народного Собрания (Парламента) КЧР, руководство и жители Малокарачаевского района, представители творческой и научной интеллигенции, делегации из Кабардино-Балкарии, Ставропольского края, жители республики - выходцы из аула Хасаут. Мемориальная башня была возведена дагестанскими мастерами на средства спонсоров. На мемориальной доске, укрепленной на башне, упомянуты имена 310 жителей аула, участников Великой Отечественной войны, 180 из которых погибли, защищая Родину. Один из участников войны, выходец из аула Джанибек Голаев посмертно был удостоен звания Героя Российской Федерации.

Об истории создания аула Хасаут рассказал отличник просвещения СССР, Заслуженный учитель РФ, Народный учитель КЧР Адемей Хапаев. Он сообщил, что аулу Хасаут, где сегодня проживает около 12 семей, насчитывается 300 лет. До депортации карачаевского народа, в 1940 году здесь проживало более 700 семей, всего около 2400 человек. Население в основном занималось сельским хозяйством, было создано два колхоза. В результате депортации карачаевского народа в 1943 году аул вымер.

В ходе мероприятия председатель Карачаево-Черкесской общественной организации по содействию защите прав и законных интересов карачаевского народа «Къарачай алан халкъ» поблагодарил всех, кто помог в строительстве мемориальной башни Схауат-кала и памятных стел в других населенных пунктах Карачаево-Черкесии.

"Всем народам нашей республики на разных этапах своего развития пришлось пройти через тяжелейшие испытания и лишения. И дальнейшее изучение, осмысление исторических событий тех далеких лет, должно быть направлено на возрождение и сохранение уникальной культуры наших народов, укрепление межнационального и гражданского согласия в нашем обществе. И самое главное, мы обязаны учитывать опыт предыдущих поколений в процессе воспитания нашей молодежи, демонстрируя им мужество и величие силы духа наших уважаемых старших", - сказал Руслан Хабов.

Выступавшие на мероприятии отметили необходимость возрождения аула Хасаут. Глава администрации Малокарачаевского района Рамазан Байрамуков сказал, что территория аула будет благоустраиваться, планируется строительство социальных объектов, развитие дорожной инфраструктуры и туристических маршрутов. Он также пообещал оказать посильную помощь тем, кто захочет обосноваться в своем родовом ауле.

Как сообщает ИА «Кавказский узел», в рамках мероприятий, посвященных 70-летию депортации карачаевского народа, памятные стелы-мемориалы были установлены также в других населенных пунктах Карачаево-Черкесии, вымерших в результате депортации - Кызыл Карачай (Зеленчукский район), Дуут, Джазлык (Карачаевский район), Джаганаз (Усть-Джегутинский район).

Идея открыть памятные стелы-мемориалы в этих населенных пунктах принадлежит Карачаево-Черкесской общественной организации по содействию защите прав и законных интересов карачаевского народа "Къарачай алан халкъ" под руководством Руслана Хабова при поддержке руководства республики.

http://www.kchr.ru/news/detailed/13498/
Sabr 08.11.2015 23:17:41
Сообщений: 7254
Тарихни дерслери
2015 дж. октябрны 31 "Къарачай"
ХАСАУКА УНУТУЛМАЗ ЮЧЮН

1828-чи джыл октябрны 20-да къарачай халкъны джазыуунда уллу тюрлениу болгъанды. Кесинден эсе талай кереге онглу аскер кючю болгъан орус къралны генералы Эммануэль бла 12 сагъатны Хасаукада уруш баргъанды. Олий Кърымшаухалланы Исламны башчылыгъы бла кесамат этилиб, Къарачай Эресейге къошулгъанды. Бу затха кёб тюрлю къараргъа боллукъду.

Эммануэль Къарачайгъа джол Амантишни кючю бла табханды. Аман Ныхыт бла бармай, орус аскер, Ючкекен табадан, башы бла келиб, Хасаукагъа джетгенди. «Хасаука», «Умар» деген эски халкъ джырлада ол кёзюуню юсюнден айтылады. Къарачайгъа къуугъун келиб, эрлай къолуна сауут алыргъа мадары болгъан бары Хасаука таугъа чыгъыб, джауну аллына къаджау тургъандыла. Бютеу Шимал Кавказны барын кесине къошхан Эресейге, айхай да, тау Къарачайны хорлагъан уллу къыйын иш боллукъ болмаз эди. Ол затны да биле-биле, ангылай тургъанлай, халкъыбызны аслан кёллю уланлары, бир атламгъа артха турмай, джуртларын, азатлыкъларын сакълар ючюн тау джитиледе бетджанла къуруб, джауну аллын тыядыла. 12 сагъатны орус аскерни алгъа джибермей тургъанлары ол затха шагъатлыкъ этеди. Алай болса да, адам саны, сауут кючю да кёб кереге аз болгъан халкъны гирешиб тургъаны, миллетни тамыры бла къурутургъа боллугъун ангылагъан акъылманла, урушну тохтатыб, шохлукъну байрагъын кёлтюрюрге тыйыншлы кёредиле.

Эммануэль – орус аскерни башчысы, къарачай халкъны батырлыгъына, ётгюрлюгюне уллу сый берген бла бирге, миллетни ёз акъылына да сейирсиннгенди. Аны аллында баргъан сыйлы башчылары – олий Кърымшаухал улу бла аны тёгерегиндегиле - халкъгъа къыйынлыкъ, зарауатлыкъ джетдирмез ючюн, биригиуню джолуна туруб, халкъны уруш ёртенден сакълагъандыла. Кесаматда айтылгъанына кёре, къарачай халкъ тюз бойсуннган джаны болмай, уруш этиб, кесин хорлатхан джаныды.

Былайда бюгюнден къарасакъ, кёб затха сейирсинирчады, ойлашырчады. Биринчиси, миллетни ётгюрлюгю бла акъылманлыгъы базманда тенг орун алгъанларыды. Экинчиси олий Кърымшаухал улу керти да онглу, акъыллы, уллу адамлыгъы, болуму болгъан башчы болгъаны миллетни насыбыды. Халкъда джюрюген айтыулагъа кёре, ол Эммануэль бла тюбешген заманда бу тукъум затны айтханды. «Биз сеннге къаршчы турдукъ, сермешдик, сени кючюнг онглу болуб бизни хорладынг. Энди мени тау эллериме кириб, аскерчилеринг юйлени оймасынла, тыбырланы чачмасынла, халкъыма халеклик салмасынла. Мени юйюмю чач, къурут, мюлкюмю-рысхымы ал, миллетими уа ая, зее этме».

Эммануэль быллай адамгъа тыйыншлы багъа бермезча инсан болмагъанды, Кърымшаухал улуну сыйын кёргенди, не аны юйюне, не бир башха юйге тийдиртмегенди. Къарачайны хар арбазын, Эресейни къурамына кирген джуртнуча, аяулу этгенди, шохлукъну, бирикмекликни, ышанмакълыкъны айныуларын излегенди.

Былайда дагъыда бир затны юсюнден айыргъа керекди. Джаш тёлюню тамадалагъа тынгылай билгенини хакъындан. Сёз ючюн, урушда, сёзсюз да, кимни къарнашы, кимни атасы, кимни джашы, кимни кюёую, кимни тенги ёлгенлерине сёз джокъду. Джюреклерин дертге кючлетиб, ахыр тамчыгъа дери уруш этерикбиз деб, кеслерини акъылларын джаратыб, Кърымшаухал улуну джунчутхан адам чыкъмагъанды. Уллуну бютюн да, халкъ башчыны, сёзю барына да джорукъ болгъанды, нек десенг, ол заманда джаш адамланы барын да ёмюрледен келген ариу адетлерибизни тамалында тикирал ёсдюргендиле. «Уллу айтханны этмеген уллаймаз» деген нарт сёзню джашау джорукъ этиб джашагъандыла. Ма аны ючюн айтабыз биз бюгюнлюкде ёсюб келген джаш адамла ана тилибизни билсинле, ариу, ашхы адетлерибизни, намысны, адебни, тау халини тутсунла деб.

Сёз ючюн, не боллукъ эди, таш артында бугъунуб, ачыуу ичине сыйынмай тургъан биреулен кесаматны кёзюуюнде шкокну сампалын басыб, кимни болса да аудурса? Огъай, алай этерик адам болмагъанын билгенди акъылман Кърымшаухал улу – аны миллетини ичинде аракъы, чагъыр, «Лирика», «спайс» ичиб, акъылларын ауузларына ашагъанла болмагъандыла. Ма аны ючюн бет джарыкълы чыкъгъанбыз биз Хасаука урушдан, ма аны ючюн сакълаялгъанбыз ол къыйын кёзюуде кесибизни.

Уллу Аллах бизни халкъыбызгъа хаман да бериб келгенди керти гуждарланы. Анга энтда бир юлгю. Уллу Ата джурт къазауатны кёзюуюнде талай халкъны зор бла Орта Азия бла Къазахстаннга кёчюргендиле. Сталин ауушхандан сора Н.С.Хрущёв партияны XXчы съездинде бу ишни терс болгъанын айгъакълагъанды. Кёчгюнчю халкъланы ичинде адам саны бла бизден уллу, гитче да болгъанды. Алай а, баш кёлтюрюб, бизни терс кёчюргенле, биз джуртубузгъа къайтыргъа керекбиз деб, сорууну кёнделен салгъанла да, Москвагъа джол тутханла да, эм алгъа алан - къарачай - халкъны келечилери болгъандыла. Биз бюгюнлюкде ол онглу ата-бабаларыбызны сыйларын джерге тюшюрмей, аладан тёбен болмай джашаргъа керекбиз.

Эски орузлама бла Хасаука уруш да, Къарачайны къара гюрге кюню да бир кюннге тюшедиле. Бу затланы барыны да юсюнден айтылды быйыл октябрны 24де Хасаукада бардырылгъан джыйылыуда. Аны «Къарачай – алан халкъ» джамагъат организацияны Къарачай эмда Гитче Къарачай районларыны башчылары къурагъан эдиле. Гитче Къарачай районда «Эс» деген джамагъат къуралышны бу ишни къурамлы барыууна толу юлюш къошханын да айтыргъа керекди. Былайда урушда джан бергенлеге дууа этилди.

«Къарачай - алан халкъ» джамагъат организацияны башчысы Хабланы Руслан, Къартланы саветини башчысы Катчиланы Ахмат, организацияны Къарачай эмда Гитче Къарачай бёлюмлерини тамадалары Къочхарланы Джашарбек бла Ёзденланы Аубекир дагъыда башхала тарихибизни айланчлы джолларын унутмазгъа кереклисинден, аладан ашхы дерс алыргъа тыйыншлысындан, ёсюб келген джаш адамлагъа адебни-намысны, уллу къралыбыз Эресейге сюймекликни сингдирирге дурус кёргенлерин айтдыла.

Ол кюн Къадау ташны къатында эсгериу белги салынды, анда былай джазылгъанды: «Былайдан 7 километр узакълыкъда 1828-чи джыл Хасаука уруш баргъанды». Аны бла бирге Эльбрус посёлокда, школну аллында, кесамат этилген джерде, Эммануэль бла Кърымшаухал улугъа скульптор Хабичланы Магомедни эскизине кёре эсгертме салыргъа оноу этилди...

Алайды, 187 джылны мындан алгъа къан тёгюлюб, уруш баргъан джерде, къарачай халкъны келечилери, джыйылыб, тарихни эсге тюшюрдюле, онглу ата-бабаларыбызны тюз оноуларына багъа бердиле, тарухлу джуртубузгъа, деу Эресей къралыбызгъа, аны бютеу халкъларына насыб, рахатлыкъ, бир-бирин ангыламакълыкъ тиледиле.

МАМЧУЛАНЫ Дина.
Карачай Карачай 24.04.2016 22:08:52
Сообщений: 1230

АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
Карачай Карачай 24.04.2016 22:10:09
Сообщений: 1230

АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
Sabr 08.10.2016 02:34:48
Сообщений: 7254
https://www.facebook.com/BilalLaypan#


НОЯБРНЫ ЭКИСИ - ХАЛКЪЫБЫЗНЫ ХАСАУКА КЮНЮ эмда СЮРГЮН КЮНЮ - ДЖУУУКЪЛАШЫБ КЕЛЕДИ. БЫЛТЫР АЙТЫЛГЪАН ЗАТЛА ЭТИЛГЕНМИДИЛЕ?


Былтыр Мамчуланы Динаны статьясында айтылгъан: "Эльбрус посёлокда, школну аллында, кесамат этилген джерде, Эммануэль бла Кърымшаухал улугъа скульптор Хабичланы Магомедни эскизине кёре эсгертме салыргъа оноу этилди..."

БУ ЭСГЕРТМЕ САЛЫННГАНМЫДЫ ЭКЕН?
_________________________________
Sabr 28.10.2016 12:59:29
Сообщений: 7254
СЮРГЮННЮ АЛ КЁЗЮУЮНДЕ


Сюргюнню ал кёзюуюнде
къырылгъан халкъ,
кёзюмден
чырт унамайды кетерге.

Къалай унутурса аланы -
ёлгенлерин асыраргъа кючлери джетмей,
джылай тургъан сауланы.

Кимле эдиле сюргюнде?
Сакъатла, къартла,
тиширыула бла сабийле:
бары да -
къырыла ачдан, сууукъдан,
тутмакъ джорукъдан, зулмудан.

Эркишиле къазауатдан
къайытыб юйдегилерин табхынчы,
кёбюсю аланы
айырылгъан эдиле джашаудан.

Сабий унутмайды кёргенин:
боллукъмуду унутургъа
зулмудан, ачдан, сууукъдан -
фыргъауун салгъан джорукъдан -
халкъны джарымы ёлгенин.

Сюргюннге дери болгъан халкъ бла,
бюгюн джуртда джашагъан халкъ -
бир халкъмыдыла дерча,
алай уллуду башхалыкъ.

14-джыллыкъ сюргюн, тутмакъ
алай къатылгъанды халкъгъа,
бурун кибик саулугъун,
халкълыгъын, къраллыгъын,
миллет ангысын, эсин
къайтарыр ючюн анга -
бир ёмюр да джетерми?

Ол -
джыйыб ангысын-эсин,
эскериб ёзюн-кесин,
бурун кибик Эл болуб,
бурунча Миллет болуб,
насыб джашау этерми?

Дуния малгъа алданмай,
Фыргъаууннга ийнанмай,
Тейри адамы болуб,
диннге, тилге сакъ болуб,
«Аллахдан башха илях
джокъду» деген халкъ болуб,
джангыз Хакъгъа-Аллахха
къуллукъ этген халкъ болуб,
ёсюб, айныб кетерми?

Игилерибиз бизни,
эслилерибиз бизни
ийнаннгандыла анга.
Къошулама алагъа:
Аллах, сакъла халкъынгы,
Аллах, сакъла халкъымы.
Sabr 17.11.2016 05:56:39
Сообщений: 7254
https://www.youtube.com/watch?v=4PxhdusCQOA

Загрузка плеера


ДЖЮРЕКЛЕДЕ ДЖАШАЙДЫ
Читают тему (гостей: 1)

Форум  Мобильный | Стационарный