"АКЪТАМАКЪ"

"АКЪТАМАКЪ"

Кергелен 21.06.2012 01:04:19
Сообщений: 856

6 0

"АКЪТАМАКЪ"

ЛИТЕРАТУРНО- ПОЭТИЧЕСКОЕ КАФЕ

(виртуальное)


" Назму деген накъырда тюлдю,
Джюрекге эшик ачады"

Джырчы Сымайыл.

Хош келигиз ,багъалы джазыучу джаш тёлю!:гоккачыкъ:

Форумда назму, хапар джаза билгенле, тилейбиз, былайда салыгъыз джазгъаныгъызны.

Джазыучуларыбыз, поэтлерибиз сизге болушурукъдула,окъуучула сюйюб окъурукъбуз,сизни бла ушакъ эте ,тил-тин байлыгъыбызны ёсдюрлюкбиз.
Изменено: Кергелен - 05.10.2012 19:25:11

Ответы

shaudan 24.04.2017 20:43:20
Сообщений: 659
Да, видел много мой народ,
И оттого он духом крепче.
Бывало, рушась, небосвод
Давил, на Горских обществ плечи.

Бывало, плачь детей и жен,
Оставив борозды на сердце,
Не выдавив балкарца стон,
Как эхо расходился в вечность.

Бывало, произвол князей,
В аулах делом заправлявших,
Был вызовом для сыновей,
Простой народ свой защищавших.

Бывало, что чума, пришед,
Косила нас, как косим сено
Мы летом, чтоб зимой был хлеб
Насущный. Мы любили дело.

Бывало, в яму во дворе,
Валун бросали, чтобы ровен
Был двор. Нуждались мы в земле,
Но с голоду никто не помер.

Мы помогали как могли
Соседу своему и брату.
Лишившись вмиг родной земли,
Познали ни за что расплату...

Бывало многое. Отнюдь
Не сетовали на судьбину.
Таков всего народа путь.
И обрели на нем мы силу.


(с) Темирлан Жашуев
Sabr 29.04.2017 04:47:46
Сообщений: 7254
https://www.youtube.com/watch?v=5jEsuvgT0J0 "Возрождение" (на карачаевском языке)

Ректору Карачаево-Черкесского Государственного Университета,
всему профессорско-преподавательскому составу, студентам

Дорогие друзья!
От имени ученых и писателей, удостоенных чести быть избранными в свое время почетными докторами КЧГПУ, от имени литературной и научной общественности наших стран, мы хотели бы сердечно поздравить Вас с преобразованием Вашего университета в Карачаево-Черкесский Государственный Университет, который становится отныне основным опорным пунктом развития всей совокупности наук Карачаево-Черкесской Республики, главным центром высшего образования и просвещения молодежи.
Мв рассматриваем Решение Министерства Образования РФ, придавшее Университету новый, более высокий и универсальный научный статус, как свидетельство государственной заботы о развитии наук в Республике, о возрождении Карачаевска – бывшей столицы Карачаевской автономии – как важнейшего центра национальной культуры, обретающего притягательную силу и для студентов, и для ученых, получающих возможности исследовательской и преподавательской работы в разных направлениях.
Преобразование Карачаево-Черкесского Государственного Педагогического Университета в Карачаево-Черкесский Государственный Университет – это и бесценный подарок, и общий праздник, и в то же время акт, значительно повышающий ответственность всего коллектива нового Университета, всей научной общественности республики и её студенчества, молодой смены. Быть воспитанником и выпускником, преподавателем и сотрудником КЧГУ – высокая честь и сложная обязанность.
Эту честь и обязанность разделяем и все мы, Почетные доктора Университета. В день национального торжества мы с вами, дорогие друзья!
Чингиз Айтматов, Барбара Келлнер-Хейнкеле,
Светлана Червонная, Хаджи-Мурат Хубий,
Энвер Токаев, Билал Лайпанов




Загрузка плеера


https://www.youtube.com/watch?v=5jEsuvgT0J0
Sabr 21.05.2017 20:52:25
Сообщений: 7254
«КАК КРИЧИТ ПОЛОСКА СВЕТА...»

Бек фахмулу шайыр эгечибиз Къушджетерланы Айшатны поэзиясыны юсюнден мен айта тургъанма. Андрей Вознесенскийни Айшат кёчюрген назмусун да окъуй, эсиме башха сагъышла да келгендиле. Назму аламат назмуду. Вознесенский Некрасовну «Поэтом можешь ты не быть, / Но гражданином быть обязан» дегенин, башха тюрлю, эсде къалырча къысха, кючлю суратлау дараджа бла, джети къат магъана салыб, хар ким кесича ангыларча, тюшюнюрча, айта билгенди.

Можно и не быть поэтом
Но нельзя терпеть, пойми,
Как кричит полоска света,
Прищемленная дверьми!

Эшик къысхан джарыкъны эслеген, аны къычырыгъын да эшитген — ол палахны бизге да кёргюзтген, эшитдирген — Тейри шайырыды. Башха затха къарыуу джетмей, къуугъун этиб, халкъны уята эсе, джарыкъны къутхарыргъа чакъыра эсе — шайырлыкъ борчундан чыгъады ол. Джарыкъны джесирликден, тутмакъдан, къабхандан, бугъоуладан къутхарыргъа кюрешген, кесине сагъыш этмей (джарыкъны къысхан «эшик» аны да боллукъду къысаргъа, эзерге) — Тейри адамыды.

Халкъны ёлюмден, Отдан да къутхарыр ючюн Хакъгъа къуллукъ этген юч онглу адам керекди: Башчы, Имам, Джырчы. Аллай юч адамы болгъан халкъ, Динин, Тилин, Джуртун да къоруяллыкъды, Эли джокъ эсе — къурарыкъды, бар эсе — сакъларыкъды.

Алай а, «эшик къысхан джарыкъ» деб, бютеу халкъгъамы айтылады, бир адамгъамы — хар ким кесича ангыларыкъды: ангы, эс, билим, фахму дараджасына кёре. Ма аллай кенглик, теренлик, мийиклик барды тёрт тизгинде. Эшик къысхан джарыкъны эслеялмагъан, аны къычырыгъын эшиталмагъан — джюреги сокъур, сангырау адамды — шайыр тюлдю. Алай а, кёре, эшите тургъанлай, кёрмегенча, эшитмегенча, сансыз этсе — анда шайырлыкъ да, адамлыкъ да джокъду: Аллах — берген фахмусун сыйырлыкъды андан, ол керти да сокъур, сангырау болмай къаллыкъ тюлдю. Кесине кеси чакъырады ол палахны.

Шайыр назмусунда «эшик» деб кимге, неге айтады, «джарыкъ» деб кимге, неге айтады — джюз тюрлю ангыларгъа, оюм этерге боллукъду. Алай а, къутхарыргъа — джарыкъны керекди, ДЖАРЫКЪНЫ. Къачан, къайда, кимден, неден — соруулагъа тюрлю-тюрлю джууаб эте барыргъа боллукъду. Къутхарыргъа уа — джарыкъны керекди. Джарыкъ а - «разумное, доброе, вечное».

Энди тёрттизгинли бу назмуну сейирлик этген неди? Кафиелерими? «поэтом — света, пойми — дверьми» - бек къарыусуздула. Ала болмай къалсала да, назму джыгъыллыкъ тюл эди — ала тюлдюле назму юйню ара багъанасы. Ритми-джюрюшю бузулмай барады — басым тюз тюшеди, рифмаланнган тизгинледе бёлюмле да тенгдиле. Анга да сейирсиниу джокъду, адамны джюрюгенине сейирсинмейбиз да, ритм да назму сёзню аллай табигъатыды. Акъ сёзню джаны уа — джангылыкъды. Джангылыкъ джокъ эсе — поэзия джокъду. Джангылыкъ а... «Как кричит полоска света, / Прищемленная дверьми!» - ма буду джангылыкъ. Ма бу суратды назмугъа джан салгъан, аны поэзия хазнасы этген. Бурху сабийнича, джарыкъ юзюкчюкню эшик бла къысдыргъанладан (неда эшикни кесинден) къутхарыргъа чабарынг келеди.

Сёзлени назму этген — аланы бир-бирине тагъылыб, бир джорукъ бла, ритм бла баргъанларыды. Алай а, не уллу магъана салыннган эсе да, не кючлю рифмалары бар эсе да, джюрюшю бузулмай бара эсе да — ол назмугъа саналгъанлыкъгъа — поэзиягъа саналлыкъ тюлдю джангылыгъы джокъ эсе. Поэзия — ол джангылыкъды. Вознесенскийни назмусун поэзия этген, назму сёзюн Акъ сёз этген — эки ахыр тизгиниди. Къайсы назмучуну да Поэт этген аллай тизгинледиле. Уллу поэтлени чыгъармаларын Ана тилибизге кёчюрюу — тылмачны кесине да дерсди, ёсерине себебди, окъуучулагъа да — саугъады. Быллай сагъышла келдиле Вознесенскийни назмусун, Къушджетерланы Айшатны кёчюрмесин да окъуй...
Гаечка 12.08.2017 16:42:19
Сообщений: 892
Sabr,
Здравствуйте. Личкагъа кез бир джетдиригиз, заман болса.

В любой ситуации.. не спешите реагировать.. тогда всегда всё будет хорошо..
Гаечка 12.08.2017 16:46:49
Сообщений: 892
Цитата

Sabr пишет:
Алай а, не уллу магъана салыннган эсе да, не кючлю рифмалары бар эсе да, джюрюшю бузулмай бара эсе да — ол назмугъа саналгъанлыкъгъа — поэзиягъа саналлыкъ тюлдю джангылыгъы джокъ эсе. Поэзия — ол джангылыкъды.

Джангылыкъ деб неге айтасыз?

В любой ситуации.. не спешите реагировать.. тогда всегда всё будет хорошо..
Sabr 12.08.2017 17:11:13
Сообщений: 7254
Цитата
Гаечка пишет:
Цитата

Sabr пишет:
Алай а, не уллу магъана салыннган эсе да, не кючлю рифмалары бар эсе да, джюрюшю бузулмай бара эсе да — ол назмугъа саналгъанлыкъгъа — поэзиягъа саналлыкъ тюлдю джангылыгъы джокъ эсе. Поэзия — ол джангылыкъды.

Джангылыкъ деб неге айтасыз?
Санга дери киши айтмагъанны айталгъан эсенг - джангылыкъ олду.

Ёргерекде Вознесенскийни назмусуну юлгюге келтире, кёргюзтюрге кюрешген эдим:

Можно и не быть поэтом
Но нельзя терпеть, пойми,
Как кричит полоска света,
Прищемленная дверьми!

Джангылыкъ - назмуну сейир этген - ол ахыр тизгинледиле:

Как кричит полоска света,
Прищемленная дверьми!
Гаечка 13.08.2017 04:15:04
Сообщений: 892

1 0

Къумчукъ джыйыб къолуна,
Суугъа къошуб, къайнатад:
Эки къаракез бала
Ана джанны джашатад.

Базыкъ бутакъ бла булгъай,
Таурухла айта, созад.
Аш бишерикни сакълай,
Терт къара кез - къазандад.

"Алтын татлы джашчыгъым",-
Деб сабийге узатад.
Уучуна алыб къумну
Экисине ашатад.

Киштик балачыкъ кибик,
Бурулуб джукълайдыла.
Эски биченнге кириб,
Таулагъа къарайдыла.

Не эседа ашырылмай къалды личкагъа сорууум, джангы кере турама. Дагъыда былайда сорайым: бу назмуда бир бир сезлени ахырларын къысхартыб джазылгъаны -халатха саналамыды? Огъесе, сез ючюн, "джашатады" сезню "джашатад" деб джазсанг да, тюзге саналлыкъмыды?

Наныкъ
Изменено: Гаечка - 13.08.2017 11:44:27

В любой ситуации.. не спешите реагировать.. тогда всегда всё будет хорошо..
Sabr 13.08.2017 15:38:40
Сообщений: 7254

1 0

Коста ХЕТАГУРОВ

МАТЬ СИРОТ

Коченеет ворон...
Страшен бури вой...
Спит на круче черной
Нар, аул глухой.

Долгой ночью лучше,
Чем тяжелым днем...
Светится на круче
Сакля огоньком.

На краю аула
В брошенном хлеву
Нищета согнула
Горькую вдову.

Горе истерзало –
Где уж тут до сна?
Над огнем устало
Возится она.

На полу холодном –
Кто в тряпье, кто так –
Пять сирот голодных
Смотрят на очаг.

Даже волка косит
Голод в холода.
Злая смерть уносит
Слабых без труда.

«Ну, не плачьте! – грустно
Говорит им мать, –
Накормлю вас вкусно,
Уложу вас спать...»

Можжевельник саклю
Дымом обволок...
Капают по капле
Слезы в котелок...

«Сгинув под обвалом
В день злосчастный тот,
Ты, кормилец, малых
Обманул сирот.

Пятерых покинул...
Что же впереди?
Лучше б сердце вынул
Из моей груди!

Видно, муж мой милый,
Ты жены умней, –
Что бежал в могилу
От семьи своей.

Сохнет и хиреет
Сын любимый твой:
Лечь бы нам скорее
Рядышком с тобой!»

Капают по капле
Слезы в котелок...
Можжевельник саклю
Дымом обволок...

Засыпает младший
Раньше всех детей, –
Изнемог от плача
Лучший из людей.

Подожди ты малость! –
Лягут все подряд.
Голод и усталость
Скоро победят.

«Мама, не готово ль?
Дай похлебки! Дай!» –
Всем вам будет вдоволь,
Хватит через край!

Котелок вскипает,
Плещет на золу...
Дети засыпают
У огня в углу...

Ветер воет глуше,
Горе крепко спит.
Сон глаза осушит,
Голод утолит.

На солому клала
Малышей своих,
Грея, укрывала
Чем попало их.

И покуда мрачно
Теплилась зола,
Все насытить плачем
Сердце не могла.

Детям говорила:
«Вот бобы вскипят!»
А сама варила
Камни для ребят.

Над детьми витает
Сон, и чист и тих, –
Ложь ее святая
Напитала их...

___________________________


ХХХ

Къумчукъ джыйыб къолуна,
Суугъа къошуб, къайнатад:
Эки къаракез бала
Ана джанны джашатад.

Базыкъ бутакъ бла булгъай,
Таурухла айта, созад.
Аш бишерикни сакълай,
Терт къара кез - къазандад.

"Алтын татлы джашчыгъым",-
Деб сабийге узатад.
Уучуна алыб къумну
Экисине ашатад.

Киштик балачыкъ кибик,
Бурулуб джукълайдыла.
Эски биченнге кириб,
Таулагъа къарайдыла.

Тюзюн айтсам, иги ангылаялмайма – бу кимни назмусуду? Хетагуровну назмусун кёчюрюбмю кёргенсе? Огъесе, бу назму не бла байламлыды?
Сора, къумну ашагъан сабийле джукълаялырмы эдиле? Не эсе да, ахыр тёрт тизгини иги келишмейдиле аллында айтыла келгеннге. Бу назмуда трагедия асыры кючлю, ауур болгъандан – назмуну къуралыууна, техникасына эс бурмай къояргъа боллукъду.

Бу назмуну юсюнден тюл, къайсы назмуну юсюнден айтханда да, сёзлени къысхартмай толусу бла айтхандан игиси джокъду. Алай а, къарачай поэзияда къысхартыб айтыргъа да болады деб, джазылады. Сёз ючюн: «барадыла» дер орнуна - «баралла»; «джашатады» дер орнуна – «джашатад». Иш анда да тюлдю. Иш – этим кафиеле – глагол рифмала назмуну курутуб къоядыла. Аллай бир-эки рифма болгъанлыкъгъа, хата джокъду. Назму толусу бла аллай рифмаладан къуралса уа – айраннга суу къошханча болады. Глагол рифмала кёзбаудула, аладан джанларгъа керекди.

Сени башха назмуларынг да болурла – аладан салсанг, къараб кёлюме келгенни айтырма. Былайы - назмула сюзюлюр ючюн ачылгъан бир джерди. Бир-бирибизден юрене, джаза барлыкъбыз. Аны ючюн, тартынмай, былайда назмуларыбызны да салайыкъ, кёлюбюзге келгенни да айтайыкъ.
Гаечка 13.08.2017 16:56:13
Сообщений: 892

1 0

Цитата

Sabr пишет:
Тюзюн айтсам, иги ангылаялмайма – бу кимни назмусуду? Хетагуровну назмусун кёчюрюбмю кёргенсе? Огъесе, бу назму не бла байламлыды?

Мени назмумду)) Хетагуровну назмусу бла уа бюгюн таныша турама. Бек сейир болдум. Кечкюнчюлюкде, къум бла гардош къабукъ бишириб ашай эдик деб хапаргъа тынгылаб,
джазгъан эдим тюнене.
Ахыр терт тизгиннге бир мадар этерме, тюзетирме.
Сау болугъуз.

В любой ситуации.. не спешите реагировать.. тогда всегда всё будет хорошо..
Sabr 01.09.2017 14:25:42
Сообщений: 7254
КЪАБЫЛ БОЛСУН / KABIL BOLSUN

2017 джыл, сентябрны бири.
Къурман байрам да, Билим байрам да
бир кюннге - сыйлы байрым кюннге –
тюшгендиле быйыл.

Бизни тюшюндюрюрча,
болур анда да бир магъана.
Дин бла Билим –
Джашауубузгъа багъана.

Къара таныгъан адамла болайыкъ,
Къара таныгъан халкъладан болайыкъ.
Хакъ джолдан таймай барыргъа
Барыбызгъа да кюч берсин Аллах.

Ийманыбыз кючлю болсун.
Къурманыбыз къабыл болсун!

Ашхы тилеклерибиз толуб,
Аллах сюйгенледен болуб,
Динни, Тилни, Джуртну да сакълай,
Инсан-миллет хакъларыбызны да джакълай,
Миллет Юйюбюзню-Элибизни да къураб,
Анаясабыз болуб Къуран,
Ахырат азабдан, дуния намысдан да къоркъа,
Бир бирикген джамагъат болуб,
Саулукъ бла, къууанч бла
Кёб джашайыкъ, аланла!

Дуаларыбызны-тилеклерибизни,
Хар бир ашхы иннетибизни-сёзюбюзню-ишибизни
Уллу Аллах къабыл этсин. Амин.
shaudan 04.03.2018 22:27:05
Сообщений: 659

1 0

Ас-саляму алейкум))
так давно не занималась себяненавидением после постов в этой теме, что чуть ли не ностальгирую.

По-хорошему, текстам следует давать названия, потому что "алада адамлачадыла". Мне же легче дать имя человеку (легче легкого), чем название тексту. В данном случае нужно просто знать, что
квазиназму обращен к родной земле квазипоэтишки.

Жангыдан юйренеме санга.
Сен сабырса, ашыкъмайма мен.
Кек мында, сагъышымча, терен.
Сен биле эсенг, айт: кимме мен?

Узакъда самолёт бла жулдуз.
Къайсына байланыпма?
Кече
Бир иги заманды кечерге.
Кёчерге да.

Бу аяз, умутум кибик, сакъ,
арсарлыкъ, таукеллик да толу.
Тынгылап турайым, сен солу.
Тынгылап турайым, черек, саркъ...
shaudan 04.03.2018 22:35:31
Сообщений: 659

1 0

Уясыз къанатлы, тамырсыз терекчик,
умуту бла жолда, сагъышы бла - кенгде,
жукъ тилемеген,
тапмагъан зат берирге,
ийилип, ийилтип да кюрешмеген бир.

Азатла - азатха, телиле - телиге
тергеген.
Экиси да - керти.
Sabr 06.03.2018 04:56:27
Сообщений: 7254

1 0

shaudan, cалам.

Мен билеме Сени ким болгъанынгы: Сен шайырса, поэтсе. Назмугъа джангы магъана, кеб, кафие(рифма) излеб, табыб да кюрешесе. Алайсыз, джазгъандан не хайыр?

"Кече
Бир иги заманды кечерге.
Кёчерге да."


Джашлыкъ
бир иги заманды
джашаргъа, джазаргъа да.

Аллах айтса, Шаудан, кишиге ушамагъан хатынг бла, джангы сёзюнг бла, назмуларынг бла къууандыргъанлай турурса бизни.
__________

"самолет" сёзню "учакъ" деб, Тюркде джюрюгенча айтыб къойсанг да, келишиб къаллыкъ болур эди.деб келеди кёлюме.
Сэстренка 06.03.2018 05:39:52
Сообщений: 9927
Цитата
Sabr пишет:
"самолет" сёзню "учакъ" деб, Тюркде джюрюгенча айтыб къойсанг да, келишиб къаллыкъ болур эди.деб келеди кёлюме.
Отдан келек киеме)))), ма блай айтханыгъызны керсем))

Я самая классная на форуме))))))))))))))
shaudan 06.03.2018 19:32:37
Сообщений: 659
Sabr,
уа алейкум ас-салям. Алайды, "самолёт" кеси орунунда тюйюлдю. "Учакъ" деп интернетде суратлада керген болмаса, адам айтып эшитмегениме, алыкъын бизники болуп бошагъан болмаз дей эдим.
Сау болугъуз.
Ibn-Ahmat 06.01.2019 02:41:10
Сообщений: 106

1 0

Ас салам алейкум, Акъсёзчюле))
Ibn-Ahmat 06.01.2019 02:42:15
Сообщений: 106

1 0

Туугъандан эки Джуртум бла байма,
Бирине борчлуем джокъларгъа.
Бюгюллю джолгъа ёхтем къарайма,
Чархымы бургъанма Малкъаргъа.

Тюзлени ётдюк. Джигит нартлача
Мийикден къарайла тау башла.
Тансыгъым сюре, джылы аязча,
Кёлюмю байлайма хар ташха.

Къайсынны сёзю джарыкъ этеди,
Сууутады Казимни кюйю.
Ма бу джер манга джууукъ джетеди,
Ма блайыды таулуну юйю.

Эй, ёзен, тамам ана къучакъса,
Хауадан тоялмайд кёкюрек.
Деулени заманына къайтханча,
Бёленеди тарихге джюрек.

Халинге джетмез таза сууунг да,
Насыбынг а кёб болсун къардан.
Сан болса да Къарачай Джуртум бла,
Джанымы къояма Малкъарда.
Sabr 07.01.2019 03:52:44
Сообщений: 7254
Цитата
Ibn-Ahmat пишет:
Ас салам алейкум, Акъсёзчюле))

Уалейкум ас-салам. Кесинги танытсанг (таб кёрсенг) иги боллукъ эди. Назмунгу не магъана бла салгъанса? Кёлюгюзге келгенни айтыгъыз дебми, огъесе, окъугъуз да къууаныгыз дебми? Къалай десенг - алай.
Ibn-Ahmat 08.01.2019 05:02:47
Сообщений: 106
Уалейкум ас-салам. Кесинги танытсанг (таб кёрсенг) иги боллукъ эди. Назмунгу не магъана бла салгъанса? Кёлюгюзге келгенни айтыгъыз дебми, огъесе, окъугъуз да къууаныгыз дебми? Къалай десенг - алай.
[/quote]

Салам алейкум, Билял. Ёзден улу Шамилме. Нете тураса, тынчмыса? Тюз алай киргенем да
shaudan 10.01.2019 01:11:27
Сообщений: 659
Ibn-Ahmat,
Ас-саляму алейкум, къарнашым. Мен, сени биринчи сохтанг, салютчукъ этмей къоялмайма къайтханынг амалтын. Тынч-эсен болурса?

Ма бу джер манга жууукъ зетеди. ©Шамил Ёзден

Артыкъ хапар – энчи хапар кеси,
Сёзле, садакъчылача тизилип…
Зауукъ, женгнгилликден арып келсенг, -
Ауур тауну сабыр тилсизлиги.

Тангны ёхтем, ашыкъмай атханы
Ийнандырмаз кюнюнг батханына.
Журтунг – ышыкъ, къачар эдим десенг
Адамладан, эсе да, кесингден.

)
Ibn-Ahmat 11.01.2019 02:22:47
Сообщений: 106

1 0

shaudan,
Алейкум ас салам, Лаура!) Аллах разы болсун багъалы эгешчигим) Шукур Аллахха, тургъаныбызча турабыз) Миллетни барындан да теренди акъылынг, къачан да санга устазлыкъ этерча тюлем) Джолунг джарыкъ болсун, эм насыблыладан бол!)

Блайда хазна киши къымылдамагъанына бир кесек кёлюм азча болуб, дагъыда кесим да джокъламай турама. Суууб къалыргъа джарамаз, иги башланнган эди бу кафени аллы
Сэстренка 12.01.2019 13:59:26
Сообщений: 9927
Цитата
Ibn-Ahmat пишет:
Ёзден улу Шамилме
Бир затха сагъышлы болдум: джаш болса, джашъа "Узден улу", "Мама улу" (Мамолу) дейдиле. Къызгъа уа къалай айтылады?
Атасыны аты бла айтылгъанны билеме: "Таугерийни къызы", "Билалны джашы" дегенча, къызны тукъуму бла айтырыкъ болсанг а къалай айтаса?

Я самая классная на форуме))))))))))))))
shaudan 12.01.2019 18:36:58
Сообщений: 659
Ibn-Ahmat,
сау бол, Шамил. къарнашымы алгъышы ёсюб, кесине да жетсин.


Сэстренка,
))) энди мен аны сагъышын этип турлукъма. ол бир темада постланы кетергенигиз ючюн да сау болугъуз.
Хаджимурат 12.01.2019 21:23:25
Сообщений: 146
Ёзден къызы (Узденова), Мисир къызы (Мисир), Мусук къызы (Мусукова)... Мен кесим эшитген абадан адамла айтып.
Сэстренка 30.01.2019 14:19:37
Сообщений: 9927
Цитата
Хаджимурат пишет:
Ёзден къызы (Узденова), Мисир къызы (Мисир), Мусук къызы (Мусукова)... Мен кесим эшитген абадан адамла айтып.
Къарачай джанындамы, Малкъар джанындамы?

Я самая классная на форуме))))))))))))))
Сэстренка 12.04.2019 16:59:13
Сообщений: 9927
:emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64: :emojio64:

Бюгюн "Акътамакъ" литература - поэт кафеде уллу къууанч кюндю: белгили поэтибиз - джазыйчубуз,
Ата джуртун бек сюйген, Ана тилин бек сюйген, къарачай-малкъар миллетин бек сюйген,
ата-бабаларындан келген адетлени бек тутхан, джаш телюлеге акъыл юретген, кеси юлгю болгъан,
биз да аны бек сюйген, келюбюз бла сыйлагъан Билал Лайпановны ТУУГЪАН КЮНЮДЮ!)))

Билал, таза джюрекден алгъышлайбыз барыбыз да ТУУГЪАН КЮНг бла! Аллахдан тилейбиз эм
алгъа саулукъ, къаты ийман, насыб, узакъ емюр, тынчлыкъ, рахатлыкъ, кесинги не муратларынг
бар эсе, бютеу барысын толу этерин!

экинчиде - не заманда да кез туурабызда турурунгу тилейбиз, форумда болсун, энтда басмадан
чыкъарыкъ китабларынг болсун. Джангыз бу темада огъуна барды бир талай джаш адам, сени
болушлугъунг бла, сени оноуунг бла, сени кел бергенинг бла эки-юч джылны ичинде белгили
поэтле болгъанла. Къарачайлыла айтханлай, ызы къалын болсун! Энди тууарыкъ телюлеге да
устазлыкъ этерча берсин Аллах!


Я самая классная на форуме))))))))))))))
Sabr 22.04.2019 15:20:46
Сообщений: 7254
Цитата
Сэстренка пишет:


Бюгюн "Акътамакъ" литература - поэт кафеде уллу къууанч кюндю: белгили поэтибиз - джазыйчубуз,
Ата джуртун бек сюйген, Ана тилин бек сюйген, къарачай-малкъар миллетин бек сюйген,
ата-бабаларындан келген адетлени бек тутхан, джаш телюлеге акъыл юретген, кеси юлгю болгъан,
биз да аны бек сюйген, келюбюз бла сыйлагъан Билал Лайпановны ТУУГЪАН КЮНЮДЮ!)))

Билал, таза джюрекден алгъышлайбыз барыбыз да ТУУГЪАН КЮНг бла! Аллахдан тилейбиз эм
алгъа саулукъ, къаты ийман, насыб, узакъ емюр, тынчлыкъ, рахатлыкъ, кесинги не муратларынг
бар эсе, бютеу барысын толу этерин!

экинчиде - не заманда да кез туурабызда турурунгу тилейбиз, форумда болсун, энтда басмадан
чыкъарыкъ китабларынг болсун. Джангыз бу темада огъуна барды бир талай джаш адам, сени
болушлугъунг бла, сени оноуунг бла, сени кел бергенинг бла эки-юч джылны ичинде белгили
поэтле болгъанла. Къарачайлыла айтханлай, ызы къалын болсун! Энди тууарыкъ телюлеге да
устазлыкъ этерча берсин Аллах!


Сэстрёнка, кечериксе, энди кёре турама алгъышлауунгу. Алгъышлыкъ бол. Иги сёзлеринг – барына да мен тыйыншлы болгъандан тюл – кесинги игилигингден, джюрегинги ариулугъундан, тазалыгъындан, уллулугъундандыла. «Эльбрусоид» дегенлей, эм алгъа Сен эсиме тюшесе. Джаш болсанг да – башса. Менича джыллары келгенлени да кёллендире, кесингден джашыракълагъа да джол кёргюзте, бютеу халкъыбызгъа да ёкюллюк эте – саулукъ бла, къууанч бла кёб джаша. Келгенден ары, джангы туугъан бир назмуму да къоя кетейим – орус тилге кёчюрюб, тылмачлыкъ фахмусун кёргюзтюрге излеген болса да, бек къууанныкъма. Аллах къууандырсын барыбызны да.


НЕ КЪЫЙЫНДЫ «ДЖАШАУ» ДЕГЕН ДЖОЛ

1
Джаралы джугъутуру сауду Кязимни,
Къан ызын а кёреме тауда:
Джууалмайды аны не джауум, не заман.
Джангы къан ызны да кёреме:
Эски джарасымы ашланнган болур,
Огъесе,
Джаралымы этген болурла джангыдан?

2
Къайсынны джаралы ташындан да
Къан тамчыла туралла тама.
Тот болгъан кюн шкок бла къама,
Тохтарыкъ болур къан саркъгъан андан да.

3
Джуртда Джангыз Терекни уа
Кюрешелле кесиб мычхы бла балта,
Бир кере кесгенлери этгенча азлыкъ.

Шайыр джанындан эте да юлюш,
Джашаугъа къайтарады аны.
Ала уа – мычхы бла балта –
Къанлы ишлерин башлайла джангыдан...

4
Мурдарлыкъ бла джашауну арасында
Къалюбаладан бери барады къазауат:
Ёз джюреклерин этиб къалкъан,
Сёзлерин да этиб къылыч-къама,
Шайырла къутхарыб кюрешелле
Кийикни, ташны, терекни да...

Джанлы, джансыз табигъатны да
Кюрешелле къутхарыб поэтле.
Иннетлери, сёзлери, ишлери бла да
Ушатыргъа излей джерни джандетге,
Кетедиле джашаудан ала.

Мингджыллыкъ сёз ызларында
Джюрек къанлары уа уюмай,
Халкъны турадыла тюшюндюре,
Тюшюндюре, къайтара таубагъа.

5
Джаралы кийикни, ташны, терекни,
Джаралы эсни, джюрекни –
Барын да кёрелле Сёзде.

Неди Сёз –
Джарылгъан джюрекден
Акъгъан бир къан тамчы.
Акъ болса да – къызылды ол.
Не къыйынды «джашау» деген джол.
20-04-2019
Sabr 16.12.2019 17:25:26
Сообщений: 7254
Загрузка плеера


https://www.facebook.com/groups/alanla/
Sabr 16.12.2019 17:35:21
Сообщений: 7254
Загрузка плеера


https://www.facebook.com/groups/2982015002024097/
ALANULAN 30.12.2019 19:32:56
Сообщений: 856
Цитата

Гаечка пишет:
къум бла гардош къабукъ бишириб ашай эдик деб хапаргъа тынгылаб,
джазгъан эдим тюнене.

((((((....

с УВАЖЕНИЕм !
Читают тему (гостей: 1)

Форум  Мобильный | Стационарный