"АКЪТАМАКЪ"

"АКЪТАМАКЪ"

Кергелен 21.06.2012 01:04:19
Сообщений: 856

6 0

"АКЪТАМАКЪ"

ЛИТЕРАТУРНО- ПОЭТИЧЕСКОЕ КАФЕ

(виртуальное)


" Назму деген накъырда тюлдю,
Джюрекге эшик ачады"

Джырчы Сымайыл.

Хош келигиз ,багъалы джазыучу джаш тёлю!:гоккачыкъ:

Форумда назму, хапар джаза билгенле, тилейбиз, былайда салыгъыз джазгъаныгъызны.

Джазыучуларыбыз, поэтлерибиз сизге болушурукъдула,окъуучула сюйюб окъурукъбуз,сизни бла ушакъ эте ,тил-тин байлыгъыбызны ёсдюрлюкбиз.
Изменено: Кергелен - 05.10.2012 19:25:11

Ответы

Sabr 23.11.2014 05:56:01
Сообщений: 7254
Малкъар литератураны тамбласы барды: анга шагъат - Диана бла Лаура.
Къалгъанла не эте эселе да, тауушлары чыкъмайды (окъуу бютеу заманларын алыб, джазгъанларын бери салыргъа да заман табмай тура да болурла). Джамбулат бек фахмулу эди - джазгъанын къоюб олтургъан болмаз.
Алай болса да, джаш джазыучула (къуру Къара чачлы бла Шаудан тюл) алкъын бизни къууандырырла деб, турама.
.
shaudan 23.11.2014 23:50:06
Сообщений: 659
Ас салям алейкум, ингиригиз ахшы болсун, Билал. Сиз айтханча, окъууда къазауат заманларыды бир къауумуну. Джаппуланы Юсуфну кере туруучума жангы назмуларын. Разы боллугъун билсем, кесим салыр эдим назмуларын былайда. Аллах айтса, Езден Шамиль алыкъын бизни сейирге къалдырлыкъды. Уллу ийнаныудама алай болуруна. Аллах айтса, жазгъанны къойгъан чыкъмаз.

Махталмаз жеримде махтайсыз мени уа, Билал, бери кирип окъугъанла мени керти да бир иги къыз сунуп тура болурдула.
Изменено: shaudan - 24.11.2014 01:59:59
shaudan 24.11.2014 02:02:23
Сообщений: 659
Найнайны жангы назмуларын окъурукъ эдим ))
ШАТ 24.11.2014 12:50:52
Сообщений: 1421
Къара чачлы, Салам !!!!

Аллах эсенлик берсин, бериулернге къарагъанма, бек къууаннганма, сау бол !!!

Назмуларынгы да сюйюб окъйма....

Тутхан ишингден КЪууан !
Къара чачлы 01.12.2014 18:51:43
Сообщений: 1750
ШАТ,юйге да игилик))))))
29 Москвадан жыйылдыкъ)))
Билалгъа да тюбедим. тынгылы олтуруп хапар айтдым, алай тансыгъымы алмадым)))
Аны юсюне Юсюф бла да танышдым, бир иги жашчыкъ къылыгъы - тили, сёлешгени да керти таулу улан, назмуланы да къоймагъанма дей эди, бир оюнчу кеси да))))
Бериуле ючюн сау бол, энтта жашау алдады, Аллах айтса, къууандырырма деп ышанама)))

"Къадарны этегинде...","Сени ючюн"...(с)
Sabr 08.12.2014 07:38:20
Сообщений: 7254
Москвада Конференцияда кёб адам китабларын саугъа этиб, берген эдиле манга - Дианачыкъдан Олжасха дери. Ала бла шагъырей болуб, Диананы китабындан башлагъанма.

Олжасны саугъасы - аны "1001 сёз" Сёзлюгюне аталгъан китабы эсе,
Дианакъы - аны басмадан быйыл чыкъгъан биринчи Сёзюдю-Китабыды. Китабны аты - " Къадарны этегинде ". Китабны аты орус тилге кёчюрюлмей, тауча къалгъанды. Аны магъанасын башха тилде толусу бла берген къыйын болгъаны себебли, этген болурла алай.

Китабны юсюнден джукъ айтырыкъ тюлме - "Олжасдан Дианагъа дери" аты бла бир макале джазар акъылым болгъаны себебли.

Къара чачлы Диана, китабынгы электрон вариантын "Эльбрусоидни" электрон кютюпханесине-библиотекасыны салдыр - джазыучула, окъуучула да окъусунла, къууансынла. Кючюнг кёб болсун, китабынгы ызы къалын болсун. Муратларынга джет.
Къара чачлы 09.12.2014 17:29:55
Сообщений: 1750
Sabr, бу бериуге бир кьара:
http://www.youtube.com/watch?v=jM-G5YOWtBc
Мизиев Исмаилны юсюнден.

"Къадарны этегинде...","Сени ючюн"...(с)
Sabr 09.12.2014 20:11:18
Сообщений: 7254
Цитата
Къара чачлы пишет:
Sabr , бу бериуге бир кьара:
http://www.youtube.com/watch?v=jM-G5YOWtBc
Мизиев Исмаилны юсюнден.
Къарадым. Тыйыншлы адамны юсюнден тыйыншлы бериу.
Мызыланы Исмайыл джандетли болсун, аны ким болгъанын ангылаб, ёрге тутханла - кёб джашасынла.
Уллу адамларыбызны юслеринден бериулени къалай этерге кереклисине юлгюдю бу бериу.
Орусча сёлешгенлени да тау тилибизге кёчюре айтылгъаны - бек аламатды.

Къарагъыз, джамагъат, бу бериуге - сокъуранмазсыз.

shaudan 14.12.2014 22:19:54
Сообщений: 659
Къара чачлы,
Аллах кюч– къарыу берсин, бек керекли иш бла кюрешесе. Кесинг да эслеген болурса, бериуден бериуге профи болуп бараса. Аллах айтса, кесинги юсюнгден да аллай бериуле этилирле «халкъ адамы» деп. Хайт де.
shaudan 14.12.2014 22:22:18
Сообщений: 659
*****

Жазыкъсынмайбыз биз бир–бирни.
Адамны къанындамыды ол ?
Биз сатыпмы алгъанек Жерни,
кётюрюрча анга окъун къол ?

Адамла кёп болгъан дуньяда
къалай аз жолугъад адамлыкъ,
Сабийле кёп болгъан дуньяда
нечик кёпдю зорлукъ, артыкълыкъ...

Мен жукълайма, къымсызды кече,
биреуню уа отдады Журту,
Муслийман къарнашым, эгечим
хатасыз, терсликсиз тутулуп !..

Жюрек дау эталмазча бизге,
Ол къатыпмы къалгъанды да сын ?!

Жан аурутмайбыз кесибизге,
Кечиучю Аллахым, жазыкъсын...
Sabr 15.12.2014 07:41:36
Сообщений: 7254
Цитата
shaudan пишет:
*****

Жазыкъсынмайбыз биз бир–бирни.
Адамны къанындамыды ол ?
Биз сатыпмы алгъанек Жерни,
кётюрюрча анга окъун къол ?

Адамла кёп болгъан дуньяда
къалай аз жолугъад адамлыкъ,
Сабийле кёп болгъан дуньяда
нечик кёпдю зорлукъ, артыкълыкъ...

Мен жукълайма, къымсызды кече,
биреуню уа отдады Журту,
Муслийман къарнашым, эгечим
хатасыз, терсликсиз тутулуп !..

Жюрек дау эталмазча бизге,
Ол къатыпмы къалгъанды да сын ?!

Жан аурутмайбыз кесибизге,
Кечиучю Аллахым, жазыкъсын...
Таудан эннген шауданда бир джюрек тазалыкъ, бир фахму къудурет барды . Аламат назму. Алай а, бир-эки ууакъ-тюек кемликчигин да айтайыкъ. Биринчи тизгинде:

Жазыкъсынмайбыз биз бир–бирни. Былайда "биз" салынмай къалгъанлыкъгъа, хата болмаз эди, нек десенг, "биз" аны аллында сёзде барды, окъугъан сагъатда да къыйынды аланы айтхан. "Биз" - 1-чи бла 3-чю тизгинде бёлюмле, басым да тюз болур ючюн салыннганы кёрюнюб турады. Аны себебли, аны орнун тутарыкъ башха сёз джокъ эсе, тура берсин.

Къарачай джанында "огъуна", Малкъар джанында "окъун" дей эселе, ашхы.

"Муслиман къарнашым, эгечим" деген тизгинде, муслиманны орнуна, кенгирек магъанасы болгъан бир сёз табалсанг, бютеу адам улуна айтылгъан, игирек боллукъ эди. Зулмудан муслиман болмагъанла да ачыйдыла.

Быланы айтмай къойсам да боллукъ эди, алай а, аламат назмуну несине болса да илинирге керек эдим да, илиндим. Ёзге тургъаныча къалса да, бек аламат.

Шаудан, Къара чачлыгъа айтханынглай, профи болуб бараса. Мадарынга кёре кёбюрек джаз - джауум да кёлге джауа эди дегенлей - илхам да ишлегенни кёбюрек джокълаучанды.
Sabr 15.12.2014 08:53:59
Сообщений: 7254
Лаура, бютеу назмуларынгы, тас болмазча, бир джерге джыя бар. Ала басмаланыргъа тыйыншлыдыла, бизни адабиятыбызгъа юлюш къошарчадыла.
shaudan 15.12.2014 17:53:27
Сообщений: 659
Sabr,
ас салям алейкум. Кюнюгюз ахшы болсун, Билал. Аллах разы болсун, бек сау болугъуз, къуру да келлендиргенлей турасыз.

«Бизге» бир оноу этерге да къуралып, дагъыда чегине жолукъдурмай къойдум. )
«Окъуна» – айтылыуу, жазылыуу да, алай «окъун» деп да тюбеучюдю литература чыгъармалада, назмулада асламысында, къара сезде хазнамы. Андан къысхартхан эдим, башха сёз излемегенлей.
«Муслийманны» уа не бла алышыргъа да билмейме... Хар ким кесиникине бегирек жарсыйды да, аны бла жазгъан эдим. Сора кюн сайын дегенча, бирине заран жетип турса, кезюнг кере. Алай сиз айтхан тюз керюнеди энди кесиме да. Иги жумуш бердигиз, Билал, Аллах айтса, бир керейим.
shaudan 15.12.2014 18:35:57
Сообщений: 659
Sabr,
тас болгъан не эди, жазып, атып баргъан да бир адетим барды. Жаза туруп сейирлик керюннгенликге, бир кесекден алып къарасанг, ачыуунг келеди.
Къара чачлы 16.12.2014 14:29:51
Сообщений: 1750
Билал, къысха заманны ичинде Минги тауну юсюнден этерге сюеме бериу.
1. Биринчи этеклеринде жашагъанла кимледиле!
2. Теппесине ким чыкъгъанды!
3. Къайсы ат болгъанды башына ёрлеген!
4. Ненча аты барды эм "Минги тау" магъанасы недеди!
Ма бу сорууланы тамамларгъа излейме!
Бусагъатда адамла жыя турама!

Дагъыда жакнгы циклм барды "Илхам келгенде" деп, анда назмула жазгъан адамланы юсюнден бериуле этеме, биринчи бериу тамбла ингирде эфирге барлыкъды Аппайланы Ларисаны юсюнденди.
"Биринчи атламла" деп да барды циклм, анда назмучулукъ жолгъа жангы чыкъгъанладыла.Бу эки циклны да этген заманда, Джырчы Сымаил эм Да Кязим атлы ёчню къайгъысын кёреме, мен бу адамладан назмуларын алып, былайгъа сала барырма деп акъылым алайды.
Изменено: Къара чачлы - 16.12.2014 14:36:52

"Къадарны этегинде...","Сени ючюн"...(с)
Sabr 16.12.2014 17:37:08
Сообщений: 7254
Къара чачлы, къууандыраса барыбызны да. Хар ким къолдан келгенни эте барсакъ, миллет ангы, эс, тил, адет - бары сакъланыр.
Бериулеринги ашыгъыб сакълайбыз.
Кергелен 17.12.2014 00:41:45
Сообщений: 856
Кечегиз ашхы болсун, Багъалы Алан джамагъат! :превед: :ухх: :превед:

Sabr,Къара чачлы, бек къъуандым Сизни тындыргъан джумушугъузгъа , бири-биригиз бла тюбешгенигизге бетден- бетге.

Къуруда аллай магъаналы ишледе ,бет джарыкълы болугъуз ...... :браво: :ялучший:


shaudan, бек ашхы назму джазгъанса....къалгъан назмуларынгча .... бек деменгили философия....тилек сыфатда. :гоккачыкъ:

Сора, Сенича фахмулу адам джазгъанын тас этерге боламыды?....Уллу поэтледа , ал джазгъанларын джаратмасала талай замандан ,тюзетиб тургъандыла. Джазгъанынгы тас этме.....бек сокъуранырса артдагъыда.

Цитата
Sabr пишет:
Къара чачлы , къууандыраса барыбызны да. Хар ким къолдан келгенни эте барсакъ, миллет ангы, эс, тил, адет - бары сакъланыр.
Бериулеринги ашыгъыб сакълайбыз.
+1 :alamat: :гоккачыкъ:
Кергелен 17.12.2014 00:43:09
Сообщений: 856
Цитата
Кергелен пишет:
Кечегиз ашхы болсун, Багъалы Алан джамагъат!

Sabr , Къара чачлы , бек къъуандым Сизни тындыргъан джумушугъузгъа , бири-биригиз бла тюбешгенигизге бетден- бетге.

Къуруда аллай магъаналы ишледе ,бет джарыкълы болугъуз ......


shaudan , бек ашхы назму джазгъанса....къалгъан назмуларынгча .... бек деменгили философия....тилек сыфатда.

Сора, Сенича фахмулу адам джазгъанын тас этерге боламыды?....Уллу поэтле да , ал джазгъанларын джаратмасала талай замандан ,тюзетиб тургъандыла. Джазгъанынгы тас этме.....бек сокъуранырса артдагъыда.
Цитата
Sabr пишет:
Къара чачлы , къууандыраса барыбызны да. Хар ким къолдан келгенни эте барсакъ, миллет ангы, эс, тил, адет - бары сакъланыр.
Бериулеринги ашыгъыб сакълайбыз.
+1
shaudan 17.12.2014 20:49:13
Сообщений: 659
Кергелен,

Аллах разы болсун, сау болугъуз )))) тюзетип, тюрлендирип кюреширча, келюнге жетген бир тизгин окъуна болургъа керекди да, Кергелен))) аллайы болмагъан «назмугъа» не оноу ?)) ол назму болмаз )))
Кергелен 27.12.2014 21:46:19
Сообщений: 856
Ингиригиз ашхы болсун, Багъалыларым! :превед: :ухх:

Къызла, джашла, кафени нек ташлагъансыз?

Нек кирмейсиз......нек джазмайсыз?

Джангы джыл джуукълашыб келеди..... киригиз ....джазыгъыз.....тёгерекни джангыртыгъыз. :превед:

Билялны бир кёб къыйыны барды кафеде, шо атмагъыз , джарты джолда этгенигизни. :превед: :ухх:
Sabr 28.12.2014 06:06:16
Сообщений: 7254
Кергелен, бек да джарсыма. Излеген табарча белгили болгъанды адабият кафенг.

Бери киргенле да "эски" танышларыбыздыла, джангы фахмула кёрюнмейдиле.
Биягъынлай, Кязим бла Исмайыл атлы Конкурсну ачсакъ, къарыуларын сынаргъа энди джаш къауумдан киши табыллыкъмыды экен деген сагъышым да барды.
Алай болса да, кёрюрбюз. Чыгъарла джангы фахмула да.
Кергелен 28.12.2014 16:40:30
Сообщений: 856
Кюнюгюз къууатлы болсун, Багъалы Алан ДЖамагъат! :превед: :ялучший:
Цитата
Sabr пишет:
Биягъынлай, Кязим бла Исмайыл атлы Конкурсну ачсакъ, къарыуларын сынаргъа энди джаш къауумдан киши табыллыкъмыды экен деген сагъышым да барды.
Алай болса да, кёрюрбюз. Чыгъарла джангы фахмула да.
ИншАллах! Эсен джетейик ол заманга!

Фахму шауданыбыз таркъайгъан болмаз....Аллах айтса.....тегеран тартынмай кириб джазсынла.

Сора, Билял, миниатюра хапарчыкълагъа .... къайдам- джаныуарланы юсюнден, орамда кёрген суратчыкъла, табигъатдан суратлау хапарчыкъланы да бир кёргюзтселе джаш тёлюбюз.

Къалай къарайса анга?
Sabr 28.12.2014 17:19:30
Сообщений: 7254
Цитата
Кергелен пишет:
Сора, Билял, миниатюра хапарчыкълагъа .... къайдам-джаныуарланы юсюнден, орамда кёрген суратчыкъла, табигъатдан суратлау хапарчыкъланы да бир кёргюзтселе джаш тёлюбюз.

Къалай къарайса анга?
Бек аламат. Джазсынла ансы. Бизге прозаикле, драматургла керекдиле - ала джетишмейдиле.
Sabr 01.01.2015 03:34:13
Сообщений: 7254
Багъалы къаламдашла!

Джангы Джыл огъур бла келсин. Илхам да келсин аны бла бирге - джангы чыгъармаларыгъыз бла халкъыбызгъа джарарча, барыбызны да къууандырырча.

Сора, дагъыда...

БИЛЕМИСИЗ,

келе тургъан 2015-чи джыл - Къарачай-Черкес республикада Ана тилни джылы болгъанын?

2015 год - Год Родного Языка в КЧР

Ана тилибизге атала эсе келе тургъан 2015 джыл, биз да анга кёре атлайыкъ. Ана тилибизде биз сёлешмесек, биз джазмасакъ, Ана тилибизни биз сакъламасакъ, айнытмасакъ - ким сагъыш, къайгъы этерикдим анга?
Makiavelli 03.01.2015 16:30:05
Сообщений: 817
Амин Аллах, Билял. Джангы джылда барыбызгъа хайыр келсин..

Шамильхан.
Кергелен 03.01.2015 18:03:55
Сообщений: 856
ДЖумушакъ ышара - беркети бла , Иманы бла, насыб юлюшю бла кирсин 2015 джыл арбазларыбызгъа, къралыбызгъа, саулай Дуния башина!


Бусагъатда ...орус хоншум кириб---Сыйлы Файгъамбарыбызны (Саллалейхи Алейхиссалам) туугъан кюнюдю -деб , алыгъышлаб кетди.

Аллаху Тагъаля бизни суннадан тайдырмасын.....Иманыбызны терен этсин.!
Изменено: Кергелен - 03.01.2015 20:11:06
Кергелен 03.01.2015 18:06:15
Сообщений: 856
Sabr,Makiavelli, Алгъышларыгъыз къабыл болсунла! :браво:
Кергелен 03.01.2015 18:16:55
Сообщений: 856
Цитата
Sabr пишет:
БИЛЕМИСИЗ,

келе тургъан 2015-чи джыл - Къарачай-Черкес республикада Ана тилни джылы болгъанын?

2015 год - Год Родного Языка в КЧР

Ана тилибизге атала эсе келе тургъан 2015 джыл, биз да анга кёре атлайыкъ. Ана тилибизде биз сёлешмесек, биз джазмасакъ, Ана тилибизни биз сакъламасакъ, айнытмасакъ - ким сагъыш, къайгъы этерикдим анга?
ИншаАллах! Тас этмезге кюрешейик Ата-Бабабаладан келген, къыйынлыкълада чыныкъгъан.....къум тюзледен тас болмай къайтхан.....
Тау шоркъаны кирсизлигича.....татлылыгъыча-АнаТилибизни........!
Sabr 07.01.2015 15:35:25
Сообщений: 7254

1 0

Архив материалланы тамалында орус назмучуланы юслеринден видеобериу

https://www.youtube.com/watch?v=8b7y2sJUeE8&feature=player_embedded
«КОКТЕБЕЛЬСКИЕ КАМЕШКИ» Андрея Осипова, 90 мин
shaudan 09.01.2015 03:33:56
Сообщений: 659
ас– саляму алейкум))) биттеу да рахатсыз, эсенсиз деп, ышанама))

Ана тилде ана сютню татыуу,
халкъны эси, ёз жеринги ийиси,
къыйынлыкъда бола билед асыуунг...
Насып санга, тау тилими иеси !

Аллах айтса, болур жаныма сууап,
таянчагъынг болурума итинсем,
ана тилим, ана къачынча сыйлап,
нарт сёзюнгден жорукъ чыгъара билсем.

Жашауну бла сюймекликни ёртени
болгъанда да тутуругъунг–ёзегинг,
тау бийикде тууа келген эрттенни
салкъынлыгъын сакълайдыла сёзлеринг.

Къаргъыш жетип, къалса халкъынг аманнга,
тинибизге болуп турдунг къалауур,
салырма бой, буйрукъ келип, заманнга,
санга жетмез, Аллах айтса, къарыуу.
Читают тему (гостей: 1)

Форум  Мобильный | Стационарный