"АКЪТАМАКЪ"

ЛИТЕРАТУРНО- ПОЭТИЧЕСКОЕ КАФЕ

(виртуальное)


" Назму деген накъырда тюлдю,
Джюрекге эшик ачады"

Джырчы Сымайыл.

Хош келигиз ,багъалы джазыучу джаш тёлю!

Форумда назму, хапар джаза билгенле, тилейбиз, былайда салыгъыз джазгъаныгъызны.

Джазыучуларыбыз, поэтлерибиз сизге болушурукъдула,окъуучула сюйюб окъурукъбуз,сизни бла ушакъ эте ,тил-тин байлыгъыбызны ёсдюрлюкбиз.

Sabr,
сау болугъуз.

Аллах хакъ дуниясын жарыкъ этсин Хамзатны. Алай айта билген, ол керти да уллу адам эди. Сезю халкъда нарт сезча жюрюйдю. (Кертисин айтсам, жюрегим да къыйналад анга - Хамзат айтхан эди деп хазна адам айтмагъанына, билмегенине. )

Кечегиз къуатлы болсун, Багъалыларым!

Цитата
Sabr пишет: Кёлюгюзге келгенни бир айтыгъыз. Кемликге мен джангыз бир затны санайма: Кязим хаджи бла Джырчы Сымайыл атлы Конкурсну юсюнден джукъ айтылмагъанды, сиз да ол Адабият эришиуде хорлаб, ёчлю болгъаныгъыз джазылмагъанды. Ол зат айтылса, зараны болмаз эди деб турама.

Sabr, джаш поэтлерибиз кеслерини кёллерини келгенни айтырла......

Мен ангылагънга кёре- бизни бусагъатда болумубузда ....хар атламыбызны белгилетирге кёргюзтюрге керекбиз, къаллай джетишмлери, башламлары болгъанларын джаш джазыучуланы....уста джашланы, къызланы.....Ол алай бош джыйылыу болмагъанды да.....эки белгили поэтибизни атлары бла байламлы....эки миллетни бирлешдирген.....тилибизни ,поэзиябызны,литературабызны ёсгенин , айныгъанын кёргюзтген иш болгъанды.

Аны алай сансыз этгенле....биле-биле этгендиле.!

Ол иш, дурс иш тюйюлдю.

Анама
Дом там, где мама, где мама, там твой дом. Фелисити Мартин.

Жулдуз анам, жангыз сени
излейме мен, болсам мудах.
Жарыкъчыгъын кезлерими
сакъла, сакъла, Сыйлы Аллах.

Халал анам, жангыз сени
бийик кереме тауладан.
О, ушатдым жюрегинги
насып чыкъгъан шауданлагъа.

Къайда болсанг, андад юйюм,
къайда болсанг, анда къуууанч,
сенден кенгде жулдуз кюйдю,
жюрегиме киргенди къач.

Тюшлериме киред юйюм,
тансыкъ эте жылыуунга.
Эки дунья да тенг тюйюл,
мени сартын, тылпыуунга.

*****

Таулу тюзде абыныр.
Батырбекланы Хамзат.

Кемсиз сюйюп, олий кибик, бир Тауну,
булутланы акъ къарына ушата,
айланады, тюзде абына, таулу,
акъ умуту кюнден-кюннге жашата...

Кезкермезге элтип атды жазыуу,
кезкермезде къалгъандыла къаяла...
Жюрегине сыйынмагъан жарсыуу
къаратады Журту таба уяла.

Байракъ этип езден халкъны адетин,
уулу нафсын налат ташха байласын,
таулу тюзде унутмаса миллетин,
сакълап турур Жаннет Журту баласын.

Жулдуз

Табийгъат да мудахды, шошду,
Бир аязмады бюгюн кюн...
Ах, къарайма да, бары бошду,
Бош этеди жюрек тютюн.

Сен къайдаса эм мен къайдама
Жюрекден жюрекге жолсуз.
Алдандым, тобагъа къайтама...

Бийикде керюнед жулдуз.

Тезе эсенг, къоркъма

Алдама мени, кесинги да алдама,
узакъды, узакъ арабыз.
Сезим умутха чакъырады, анда уа
къаланмай къалгъан къалабыз.

Жаулама мени, кесинги да терслеме,
кючюнг жеталмаз жазыугъа.
Сюе эсенг - бек, чырмауну уа эслеме,
эслей эдик биз, жарсыугъа.

Къышда жылыунуча, алай излерикме
сени, мен билеме алдан.
Кюе, бир бата, барына тезерикме...

- Тезе эсенг, къоркъма андан.

была бла къоя турайым.

Jabel, Къызчыкъ, бравввоооооо!!!

Цитата
Jabel пишет: Тюшлериме киред юйюм, тансыкъ эте жылыуунга. Эки дунья да тенг тюйюл, мени сартын, тылпыуунга.

шедевр.....без комментариев.....

Цитата

Jabel пишет: Таулу тюзде абыныр. Батырбекланы Хамзат. Кемсиз сюйюп, олий кибик, бир Тауну, булутланы акъ къарына ушата, айланады, тюзде абына, таулу, акъ умуту кюнден-кюннге жашата... Кезкермезге элтип атды жазыуу, кезкермезде къалгъандыла къаяла... Жюрегине сыйынмагъан жарсыуу къаратады Журту таба уяла. Байракъ этип езден халкъны адетин, уулу нафсын налат ташха байласын, таулу тюзде унутмаса миллетин, сакълап турур Жаннет Журту баласын.

Къара чачлы, Jabel,

Сау болугъуз,къызла , бу джюрегими къозгъаб......къуандыргъан ингиригизге.......

Къара чачлы,
Jabel,
машаАллах къызла, бек къуандым:) хотела, как обычно, почитать и выйти, но не смогла не написать. Какие вы молодцы.!

Амий,

наши подтягиваются))))......Я вся такая .....счастливая)))))

Цитата
Jabel пишет:

Цитата

Анама Дом там, где мама, где мама, там твой дом. Фелисити Мартин. Жулдуз анам, жангыз сени излейме мен, болсам мудАах. Жарыкъчыгъын кезлерими сакъла, сакъла, СыйлЫ Аллах. Халал анам, жангыз сени бийик кереме тауладан. О, ушатдым жюрегинги насып чыкъгъан шауданлагъа. Къайда болсанг, андад юйюм, къайда болсанг, анда къуууанч, сенден кенгде жулдуз кюйдю, жюрегиме киргенди къач. Тюшлериме киред юйюм, тансыкъ эте жылыуунга. Эки дунья да тенг тюйюл, мени сартын, тылпыуунга.

Лаура, сенде керти назмучуну халлары бардыла. Сеннге кереги энди - не гитче халатынгы да эслетиу. Бу назмуда мен "къош", "къорат" дер зат джокъду. Джангыз - башында тёрттизгинде - басым тюз тюшмеген бир джери барды. "болсам мыдАх" - сыйлЫ Аллах.
сыйлЫ Аллах дегенде логическое ударение сыйлЫ сёзге тюшеди. Аны себебли, "мыдах" - "Аллах" сёзле кеслери къалыб кетселе, рифмоваться этедиле. сыйлЫ деген къошулгъанлай а, ударение "сыйлЫ"-гъа кетиб къалады. Ангылатыр ючюн, сёз ючюн,
Сыйлы Аллах - бир бЕк мыдах = былай болса басым тюз тюшеди экисинде да. Не да былай болса:
Жулдуз анам, жангыз сени
излейме мен, болсам мудАх.
Жарыкъчыгъын кезлерими
умутчума - сакълар АллАх. болсам мыдАх - сакълар АллАх = уджарение экисинде да ахыр бёлюмге тюшеди, потому рифмуются. Бу назмунгда мен эслеген башха кемлик джокъду.

Цитата

Jabel пишет: ***** Таулу тюзде абыныр. Батырбекланы Хамзат. Кемсиз сюйюп, олий кибик, бир Тауну, булутланы акъ къарына ушата, айланады, тюзде абына, таулу, акъ умуту кюнден-кюннге жашата... Кезкермезге элтип атды жазыуу, кезкермезде къалгъандыла къаяла... Жюрегине сыйынмагъан жарсыуу къаратады Журту таба уяла. Байракъ этип езден халкъны адетин, уулу нафсын налат ташха байласын, таулу тюзде унутмаса миллетин, сакълап турур Жаннет Журту баласын.

Жюрегине сыйынмагъан жарсыуу
къаратады Журту таба уяла. "уяла" - къайсы сёз бла байланыбды? "джарсыуу" сёз бла. Джарсыуу уяла - тюз магъана чыкъмайды. "Уялта" дерге керек болур эди. Башха айтырым джокъду - иги назмуду.

Цитата

Къара чачлы пишет: Sabr , салам. Мен кире,чыгъа турама. Ингушетиягъа барып келдим кёп болмай, белгили суратчыбыз Ахматланы Леуанны кёрмючю бола эди. Билал, Муса Джалильни назмуларын таулу тилге кёчюрюп, китап чыгъаргъандыла. Анда Бабаланы Ибрагимни, Гуртуланы Салихни, Беппаланы Муталипни, мени эм Додуланы Аскерни кёчюрмелери бардыла. Мен тёрт назмусун кёчюргенме: Латифагъа Биргебиз биз, кюн да бата, Турабыз тасхала шыбырдай. Латифа жюрегими жарыта, Кечени жарытхан кибик ай. Танг да атды, жокъса къатымда, Эрттенликде жокъ болгъанча ай, Эринледе ахыр саламынг. Жарыгъым мени, кетдинг алай. Бу кюн терезенге ашыгъа, Мен а жангыз, кёлюм къарангы. Мен а жангыз, тансыкъма санга, Жюрегим сакълай къарамынгы. Нек келдинг, кюн? Кёрмеймисе сен Мени Ачы жарсыууму ? Нек сыйырдынг айымы кёкден, Аны бла бирге жарыууму? Былай терк бу кече нек озду? Кюн да нек келгенди ашыгъып? Латифа , дуния жарыгъым, Кетди,анны нюрю ашырып. Келсе эди къолунгдан сени Окъургъа кёлюмю теренинден. Сезеренг суннганымы мени Ёмюрге айырылгъан сенден. Ийнанмайды жаным къадаргъа, Жанып барама, болалмайма. Ингир келсе, жол жокъ мадаргъа Танг да жокъ, аны табалмайма. Угъай, унутурукъ тюйюлме, Мен Къолларынгы жылыуларын. Латифам жаратылгъан жерде, Термилиуюм табар къадарын. Жылланы алгъа элте заман, Акъгъынчы чакъгъан гюл да къуруп. Шо, бир тюбесем эди санга, Жеталсам эди сени къуууп. Сени жылы эринлеринге Шо Бир тийсем эди, ёлюмге Тюберик болсам да ол сагъат, Сенден атланса да агъач ат. Заманым болса, бирсилени да жазарма.

Къара чачлы, иги хапар айтдынг. Китаблада басмаланнган иги затды. Джангыз, орус тилдегисин окъугъунчу, джукъ айталлыкъ тюлме. Алай а, бу строфала бек аламат кёчюрюлгендиле:

Ийнанмайды жаным къадаргъа,

Жанып барама, болалмайма.

Ингир келсе, жол жокъ мадаргъа

Танг да жокъ, аны табалмайма.


Угъай, унутурукъ тюйюлме,

Мен Къолларынгы жылыуларын.

Латифам жаратылгъан жерде,

Термилиуюм табар къадарын.


Жылланы алгъа элте заман,

Акъгъынчы чакъгъан гюл да къуруп.

Шо, бир тюбесем эди санга,

Жеталсам эди сени къуууп.

Муса ДЖАЛИЛЬ

ЛАТИФЕ

Заря близка, а мы еще вдвоем,
Все шепчемся о тайном, о своем.
Ты бьющееся сердце озаряла,
Светясь, как месяц, в сумраке ночном.

Рассвет расцвел - тебя уж рядом нет,
И губы жжет прощальный твой привет,
Как месяц, что под утро исчезает,
Ушал и ты, невесть куда, мой свет...

А солнца луч уже спешит в окно,
Я одинок, в душе моей темно.
Я одинок, я по тебе тоскую,
И сердце ожидания полно.

Зачем пришло ты, солнце? Разве ты
Моей не видишь горькой маеты?
Зачем мою луну ты погасило,
Сорвав завесу милой темноты?

Зачем так быстро эта ночь прошла?
Зачем заря так рано день зажгла?
Куда исчезла Латифа родная,
Чья нежность так отрадна и светла?

О, если б ты могла, мой друг, ясней
Читать в душе и знать, что скрыто в ней!..
Мне наш последний вечер показался
Последней песней юности моей.

Последний вечер памятного дня
Вобрал весь жар душевного огня,
Как будто молодость моя живая
С тобой навек покинула меня.

Душа не верит горестной судьбе,
Я весь горю, я изнемог в борьбе,
Приходит вечер - я тобою полон,
А рассветет - тоскую по тебе.

Нет, не забыть мне, видно, милый друг,
Прикосновенья теплых, нежных рук.
И теплится во мне неугасимо
Тоска глухая - спутниуа разлук.

Уносит годы времени поток...
Покамест в жизни не увял цветок,
О, если б мне увидется с тобою,
Чтоб допылать, чтоб долюбить я мог!

Хотел бы я прильнуть к устам родным,
К твоим губам, горячим и хмельным,
А там - хоть смерть... Пускай умру я с песней,
Испепеленный пламенем твоим.

ЛАТИФАГЪА

Биргебиз биз, кюн да бата,
Турабыз тасхала шыбырдай.
Латифа жюрегими жарыта,
Кечени жарытхан кибик Ай.

Танг да атды, жокъса къатымда,
Эрттенликде жокъ болгъанча Ай,
Эринледе ахыр саламынг.
Жарыгъым мени, кетдинг алай.

Бу Кюн терезенге ашыгъа,
Мен а - жангыз, кёлюм - къарангы.
Мен а жангыз, тансыкъма санга,
Жюрегим сакълай къарамынгы.

Нек келдинг, Кюн? Кёрмеймисе сен
Мени ачы жарсыууму ?
Нек сыйырдынг Айымы кёкден,
Аны бла бирге жарыууму?

Былай терк бу кече нек озду?
Кюн да нек келгенди ашыгъып?
Латифа , дуния жарыгъым,
Кетди,аны нюрю ашырып.

Келсе эди къолунгдан сени
Окъургъа кёлюмю теренинден.
Сезеренг суннганымы мени
Ёмюрге айырылгъан сенден.

Ийнанмайды жаным къадаргъа,
Жанып барама, болалмайма.
Ингир келсе, жол жокъ мадаргъа
Танг да жокъ, аны табалмайма.

Угъай, унутурукъ тюйюлме,
Мен Къолларынгы жылыуларын.
Латифам жаратылгъан жерде,
Термилиуюм табар къадарын.

Жылланы алгъа элте заман,
Акъгъынчы чакъгъан гюл да къуруп.
Шо, бир тюбесем эди санга,
Жеталсам эди сени къуууп.

Сени жылы эринлеринге
Шо, бир тийсем эди, ёлюмге
Тюберик болсам да ол сагъат,
Сенден атланса да агъач ат.

кёчюрген
РАХАЙЛАНЫ Диана

Къара чачлы, салам.

Ана тилибизге башха тилледен суратлау чыгъармаланы кёчюрюу - бу да фахмунгу бир джангы джаны.
Джалилни Латифасын бек таб айландыргъанса бизни тилге.
Алай а, ахыр тёрттизгин джангыдан, башха тюрлюрек, оригиналгъа джууугъуракъ кёчюрюлсе, таб боллукъ эди деб келеди кёлюме.

Цитата

Кергелен пишет: Кечегиз къуатлы болсун, Багъалыларым! Цитата Sabr пишет: Кёлюгюзге келгенни бир айтыгъыз. Кемликге мен джангыз бир затны санайма: Кязим хаджи бла Джырчы Сымайыл атлы Конкурсну юсюнден джукъ айтылмагъанды, сиз да ол Адабият эришиуде хорлаб, ёчлю болгъаныгъыз джазылмагъанды. Ол зат айтылса, зараны болмаз эди деб турама. Sabr , джаш поэтлерибиз кеслерини кёллерини келгенни айтырла...... Мен ангылагънга кёре- бизни бусагъатда болумубузда ....хар атламыбызны белгилетирге кёргюзтюрге керекбиз, къаллай джетишмлери, башламлары болгъанларын джаш джазыучуланы....уста джашланы, къызланы.....Ол алай бош джыйылыу болмагъанды да.....эки белгили поэтибизни атлары бла байламлы....эки миллетни бирлешдирген.....тилибизни ,поэзиябызны,литературабызны ёсгенин , айныгъанын кёргюзтген иш болгъанды. Аны алай сансыз этгенле....биле-биле этгендиле.! Ол иш, дурус иш тюйюлдю.

Да бек сейирсиниб турама.
"Лауреат премии им.Кязима Мечиева и Исмаила Семенова" дегенден сыйлы не болур? Ол зат сагъынылмай, къарачай газет да Ёзденланы Шамилни назмуларын басмалагъанды.
"МИГИ тАУ" да алай этгенди.

Джаш фахмулагъа айтырым: чыгъармаларыгъызны къайда, къайсы тилде басмалатсагъыз да, атыгъызны тюбюнде "лауреат премии им.Кязима Мечиева и Исмаила Семенова" деб, джазаргъа унутмагъыз. Ол зат - закий шайырларыбызгъа тюл - сизге керекди. Ким биледи, ала да ол дунияда къууаныргъа, разы болургъа да болурла сизге - джетиб келген фахмулу тёлюге...

Кергелен,
Амий,
ас-Салям алейкум. Келлендиресиз, сау болугъуз, Аллах разы болсун.)))))

Sabr,
Малкъарда «аязмады» деп жазылады. «Чийчиклерими» кергюзтгенигизге эм кел кенгдиргенигизге сау болугъуз.

Цитата
Jabel пишет: Sabr, Малкъарда «аязмады» деп жазылады. «Чийчиклерими» кергюзтгенигизге эм кел кенгдиргенигизге сау болугъуз.

"чийчиклеринги" (уллу хаталары болм аса да) кёргюзтген болурма, "кёл а кенгдирмегенме".
Къарачайда "кёл кенгдирген" деген сёзтутушну магъанасы "злорадствовать" дегенчады. Малкъарда башха тюрлю болур ол да...

Sabr,
къайдам, "кел кенгдирген" дегенни келлендирген деген магъанада айтып билеме жангыз. Разы болугъуз.

Русско-карачаево-балкарский словарь: злорадствовать - табаларгъа, кёл кенгдирирге
Санга къачан да разыма - халкъыбызны бек сюйгенинг ючюн да, аны назмула бла айта билгенинг ючюн да.
Къазахлыла айтыучулай, джаса - живи и твори.

http://www.smikbr.ru/2014/zaman/08/23.pdf

70 джылны мындан алгъа Моабит зинданда фашистле Муса Джалильни ёлтюргендиле. "Заман" газетни 4-5 чапракълары татар поэтни юсюндендиле. Джалильни юсюнден Къайсынны макалеси-статьясы, бизни тилге кёчюрюлген поэтни назмулары. Аланы кёчюргенле: Бабаланы Ибрахим, Рахайланы Диана, Беппайланы Муталип, Додуланы Аскер.

РАХАЙЛАНЫ Диана кёчюрген назмулары Муса ДЖАЛИЛЬНИ

Сюймекликни къулу

Къарамынг – сёзсюз,
Мен мудахма.
Къара кёзлериме,
Ала да кёлсюз,
Тюйюлдюле къургъакъ
Кеч мени, арыгъанма,
Кел манга, сюйгенинге.
Къулунгма, къарыусузма.
Тюз отдача кюйгенме.
Бетиме къара да кёр
Къоркъууну жаныма.
Ёлюм манга болмаз тёр,
Батылсам къарамынга.

Эсимдеди

Биринчи тюбегенде
Ышаргъанынг - эсимде.
Мени: «Хау» дегениме
Уялгъанынг - эсимде.

Кёп бармай, къойдунг мени,
Жюрегими ачыу тешди.
Термилгеним, тилей сени,
Жукъусуз кечеле - эсде.

Тюшча, жарыуум озду,
Бары жашай кёлюмде.
Сюймеклик отну ойду,
Ичим ёртен кёрюне.

Бу тюшмюдю ?

Бу тюшмюдю - озуп кетген?
Жюрегимде жангы чыракъ жанды.
Кече созулмай, терк жетген,
Кёлюмю биягъы сезим алды.

Тынч жашадым, сынамай мен
Сюймеклик, кёрмей къара кёзлени.
Келдим, санга чыдамай мен,
Сюйюп къойдум, сюйюп сени.

Сен келген бла тынчлыкъ кетди,
Аны къайтармазча артха, алдынг.
Жетди, жаным, кючюнг жетди,
Биягъы ёртен отну салдынг.

Бу тюшмюдю?
Табалмайма жууап.
Бу тюшмюдю,
Не, биягъы - азап?

Сени ючюн…


Болурча тукъумгъа баш,
Туусун хар юйюрде
Жаш.
Къызгъанмасын
Аллах атадан
Уланны,
Аны атын сакълагъан.
Бир юйюр да
Болуп мадар,
Ёз Жашсыз къалмасын.
Атала санала баргъан
Къадар,
Тукъум терекде
Белги салынмасын.
Жаш – туудукъгъа
Термилмесин
Къарт – ата
Ёмюрню къыйырында.
Излегенин кёрмей
Кетмесин,
Жилямугъу
Агъа мыйыгъына.
Бир таулу атаны
Арбазы да,
Бош къалып,
Ханс басмасын.
Башха юйюрлю къызы да,
Анга тарала къалмасын.
О атам, багъа атам,
Бу назмуну да тиземе
Сени ючюн!
Жангыдан тууарча болсам,
Жаш болуп
Тууар эдим,
Сени ючюн!
Кеч мени, тийген эсем
Кёлюнге!
Сыйынмай
Къалмадым сёзюнге.
Кеч мени
Былай сюйгеними,
Кеч мени юйден
Кетгеними!
Чакъыр, къайтайым
Сени ючюн!
Жаз къызыуда,
Биченде,
Халкъны
Жашы ишлегенде.
Кеч, жашлача
Ишлеялмадым.
Санга билеклик
Эталмадым!
Алай, кюрешдим.
Сени ючюн!
Сабий заманда,
Кечеде.
«Жаш болуп тууар эди», - дей,
Къалкъыдым.
Не медет,
Эрттенликде,
Биягъыча, жарсыдым.
Неге да хазыр эдим,
Сени ючюн!
Болгъанынгда
Юйден узакъда,
Кийиминги къучакълай,
Жукъладым.
Кюнле ёте,
Тургъанча тузакъда,
«Къызым» дегенинги
Сакъладым.
Жерингде уа, ырыслап,
Жатмадым.
Сени ючюн!
Ёчюлте жаулагъа
Дертими,
Кёзлериме къарап,
Окъудунг ниетими.
Кёрдюнгмю
Къалай сюйгеними?
Сенича ким
Ангылар мени?
Сенден
Букъдурайым нени?


Атам, жашау жолуна
Чыкъдым.
Кёп жарсыуну да
Жыкъдым.
Ыразыма,
Ата борчунгу
Толтураса,
Жашау дагъаным
Болуп тураса.


Сени ючюн эте
Хар атламымы,
Санга тилек бла
Атдырама тангымы!
Кечериксе
Жангыз къызынгы,
Сакъларыкъма
Мен ызынгы!
Ёхтемлигинг,
Ёзденлигинг Къанымда.
Насийхатынг хар заманда
Жанымда!
Жол чырагъымса,
Атам, мени!
Менича ким сюер сени?

РаДиТа.

Бизни поэзияда бек кючлю назмуланы сафына къошуллукъду бу. Бирер назмудан къуралгъан Антология джыйыла тебресе, бу назмуну уялмай ары салыргъа боллукъду. Бек къууандым, Диана.

Атанг сени джазгъанларынга не айтады экен?

Sabr,
кёрмегенча,билмегенча этеди..)))Алай, ыразылыгъын а кёзлеринде, къарамында эслейме.
Атам сёзлеге чырт уллу эс бермейди дерге боллукъду, иш бла тутдура барсанг айтханынгы, ол заман ангыларма керти болгъанын деучюдю. Не да болсун, мен жюрегимдегин былай тизе бир барайым да, андан арысы уа Аллахны къолундады, мен а тутханымдан артха турмам.
Билал, бу арт заманда бир затны толу ангылагъанма, бир кишиге жукъ айтмай, ишни къолгъа этип, тындыра барсанг, биз этмезлик жокъду, ол ызда бир тап, абынмай барама, Аллах айтса, муратыма жетерме деп, умутлума.

Цитата
Къара чачлы пишет: Билал, бу арт заманда бир затны толу ангылагъанма, бир кишиге жукъ айтмай, ишни къолгъа этип, тындыра барсанг, биз этмезлик жокъду, ол ызда бир тап, абынмай барама, Аллах айтса, муратыма жетерме деп, умутлума.

Аллах айтса. Бек тюз фикир, ким да эсге алырча. Андан игиси джокъду.