"АКЪТАМАКЪ"

"АКЪТАМАКЪ"

Кергелен 21.06.2012 01:04:19
Сообщений: 856

6 0

"АКЪТАМАКЪ"

ЛИТЕРАТУРНО- ПОЭТИЧЕСКОЕ КАФЕ

(виртуальное)


" Назму деген накъырда тюлдю,
Джюрекге эшик ачады"

Джырчы Сымайыл.

Хош келигиз ,багъалы джазыучу джаш тёлю!:гоккачыкъ:

Форумда назму, хапар джаза билгенле, тилейбиз, былайда салыгъыз джазгъаныгъызны.

Джазыучуларыбыз, поэтлерибиз сизге болушурукъдула,окъуучула сюйюб окъурукъбуз,сизни бла ушакъ эте ,тил-тин байлыгъыбызны ёсдюрлюкбиз.
Изменено: Кергелен - 05.10.2012 19:25:11
Sabr 21.06.2012 04:11:43
Сообщений: 7254
Кергелен, сау бол. Огъур бла. Муратынгы Аллах берсин.
Сагъыш этгенме да, аты былай болса табыракъ боллукъ болурму эди: "Литературное кафе "АКЪ СЁЗ". Алай а, аты къалай болса - алай болсун.

Энди джаш тёлюню эски форумда къалыб кетген назмуларын табыб, былайгъа ким салсын? Анда уа аламат затла бар эдиле. Эсигизде эсе, "Най-най" деб биреулен джаза эди. Аны тёрт тизгини эсимде къалыб кетгендиле:

"Джюрегимде джарагъа,
дарман-балхам салмайма:
турсун алай къан тама -
Сенсиз джашаялмайма".


Назмуланы юсюнден кёб зат джазылгъан эди эски форумда. Ёлмез улу Мурадин, Берекет айтхан сёзле былайда джарашыб къаллыкъ эдиле. Алай а, ол темаланы мен атларын унутханма.

"Мои стихи" темада джазгъанымы былайгъа салайым.
Думаю, я смогу курировать пишущих на родном языке.
Пишущих на русском языке может курировать Берекет (если согласится). Привлечем к этому делу и других.
Соберем здесь талантливую молодежь.

Может, \"Эльбрусоид\" каждый год один номер своего журнала отдаст молодым дарованиям.
Потом, можно будет думать об издании отдельных книг достойных авторов.
Можно подумать об учреждении премии им. Исмаила Семенова.
Если молодежь окрылить - не будем бояться за завтрашний день нашей литературы.
Представители нашей творческой молодежи должны участвовать на всероссийских Совещаниях молодых писателей.
Имеющие дар и желание должны учиться в московском Литературном институте. И т.д. и т.п.
Сказано же: дорогу осилит идущий. Иги иннет - Иги сёз - Иги иш.
Sabr 21.06.2012 04:25:43
Сообщений: 7254
http://www.smikbr.ru/2012/pressa/mingit/02-2012.pdf
МИНГИ ТАУ / ЭЛЬБРУС /№ 2/2012, 201-204 бетле

САЛПАГЪАРЛАНЫ МАРИЯМ

Салпагъарланы Мариям 1994 жыл Гитче Къарачайны Терезе элинде туугъанды. Школну майдалгъа бошагъандан сора, Къарачай шахарда Университетге киргенди. Назму жазып школда башлагъанды. Ана тилибизде жукъ жазгъанны къой, сёлешген да аз бола баргъан заманда, назму жазгъан эгешчигибизге биз бек къууанабыз.

НАЗМУ ОКЪУРУМ КЕЛЕДИ САНГА

АТА ЖУРТУМ

Гитче Къарачайда туугъанма
Гитче уллу жюрегим бла.
Тау этегинде тургъанма
Ёрге къарай кёзлерим да.

Нарат чегетни хауасы
Таза эди, татлы эди.
Кёкге тартхан бийик журтда
Кёлюм да къанатлы эди.

Къобан сёлеше эди мени бла
Эне келип Минги Таудан.
Айта эди хар толкъуну:
«Ёлюп къалма джанынг саудан.

Къаялагъа, таулагъа къара –
Журтунгдула сени ала.
Аладан аллыкъса къарыу.
Алайсыз къаллыкъса арып».

Къобан суу сугъарады
Юй аллында терегими.
Журтну аязы сылайды
Кёлюмю-жюрегими.

Къарт атамча, Минги Тау да
Манга къарап ышарады.
«Журтун сакълар, жакълар» деп,
Туудугъуна ышанады.

Ичимден къычыра, тышымдан шыбырдай,
Барама джашай – болмай арыу:
«Аллах,- дейме,- бер бир къарыу
Сакълар кибик тауларымы».

Биз таулада туугъан эсек,
Халкъ – былайда болгъан эсек,
Къалай къоярбыз тауланы,
Ата джуртубуз тауланы?

КЪАЧ

Тубан шылпы. Тубан шылпы. Тубан шылпы.
Аязмайды кюн.
Сары джыламукъладан – чапыракъладан – толуду жер,
Кёргюзтмейди Кёк да кесин.

Дейдиле: келгенди къач.
Къачха уа – къуру оналты жыл.
Оналты джылда келемиди къач?
Юзюлгенди къыл къобузда къыл.

МЕН – ХАУАЧЫКЪМА

Жаннетден къысталгъан Адам бла Хауаны
Туудукъларыма мен. Хауачыкъма.
Терекден юзгенме алманы...
Жюрегим – жаланды, ачыкъды.

Хауачыкъма. Кёрюнмесем да – барма.
Солургъа хауа жетмей тебресе,
Алай излериксе мени,
Алай кюсериксе мени.
Бюгюн а – эслемейсе мени. Мен а – барма.

ДЖАШАУ БЛА ЁЛЮМ

Иги тюлмюдю ёлюп кетген
Жашлай, гюнахсызлай.
Башлагъанем кетерге алай –
Ким тыйды, не тыйды, нек тыйды мени?

«Кёрюрюн кёрмей – кёрюне кирген»
Къауумгъа къыйналалла бек.
Не ючюн? Нек?
Жашагъандан аманмыды ёлген?

Кесим ючюн тюйюл,
Мени сюйгенлени къыйнамаз ючюн
Джашаугъа къайытханма мен.
Мен сюйгенле, мени сюйгенле
Ёлселе уа –
Мени да тыяллыкъ тюйюлдю киши.

БУ ТАУЛАГЪА КЁЗЮМ ЖЕТГЕНЛЕЙ

Бу таулагъа кёзюм жетгенлей,
Сени сагъынып тебрейме мен.
Не болгъанды? Жаным, къайдаса?
Къыйнайса сен мени, къыйнайса!!!

Сау дунья да тас болуп къалгъанча,
Бютеу адамла мени унутханча…
Сени сакълайма кече да, кюн да!
Сенсе мени тюшюм, тюнюм да!

Угъай, угъай! Излемейме мен сени!
Керек тюйюлдю магъанасыз ийнаныу!
Сакъла, насыплы эт, жаным, кесинги!
Уллу Аллах берсин санга чексиз къарыу.

Мени уа эсинге да тюшюрме!
Унут, жаным, сюйген эсенг да унут!
Энди мен ол тели къызчыкъ тюйюлме –
Этме да къой менден умут.

Энди сен мени кёрсенг да танымазса.
Жылла ётюп кетгендиле ёретинлей
Мени къатыма келирге да базмазса!
Мен а… мен а турама сюйгенлей!

НАЗМУ ОКЪУРУМ КЕЛЕДИ САНГА

Эй, таулу жашчыкъ, кёзюме бир къара!
Башымы тас этдим болурму, дейме…
Ненча заманны тураллыкъса мени марап?
Жашил кёзлеринги бир кёрсем кетерме.

Назму окъурум келеди санга!
Ол а, билеме, игиге тюйюлдю!
Неге тартаса быллай бир кесинге?
Экибизни ортабыз бютеу ёмюрдю!

Кёзлеринги энишге ийсенг да,
Кирпиклеринг белги жиберелле!
Эшик аллында ышарылып сирелсенг,
Кюн таякъла кеслерин женгдирелле!

Мен таулу къыз! Къалай болду алай?
Сени жашил кёзлеринге сукъланама!
Тылпыуум тыйылад сени ызынгдан марай!
Къалам алсам кёзлеринги суратын салама!

Назму окъурум келеди санга!
Ол а, билеме, игиге тюйюлдю!
Неге тартаса быллай бир кесинге?
Экибизни арабыз бир ёмюрдю!
Totur_Ram 21.06.2012 05:42:11
Сообщений: 5904
Хош келдим, джаза билмегенлигиме))):серенада:
В архиве форуме должна быть тема "Назмула собственного сочинения", не могу найти че-то. Модераторы, если эта тема еще не удалена, сможете скопировать стихи оттуда сюды? А то там были молодые таланты, я еще хотел спеть пару стихов, кажись, до того они были лиричными)))

Текущий мой топик прошу потом удалить)))
Sabr 21.06.2012 15:33:29
Сообщений: 7254
Jamilya Danaeva
***
Къыш боран уруб келеди
Джюрегимде уа джай
Не боллугъун , ким биледи?
Уллу Къарачай!
Къыш кетеди , джаз келеди
Шоркъулдай, ойнай
Джазны –джай тебереди
Исси кюн бла алдай!
***
Бир джылайма , бир джырлайма
Джюрегим тохтайд!
Бир ойнайма, бир алдайма
Башым сагъышын къоймайд!
Бир кюлеме , бир сарнайма
Сен менге бир айт!
Нек къарайма ? нек къоймайма ?
Бек тилейме къайт !
"Мелегим "

Сен мени мелегимсе , билемисе ?
Сени ючюнд джашаум ,
Кюлдюремисе , неда къайгъы этдиремисе ?
Тезерикме, джетер къаруум ,
Джюз тюрлю джолла бла элтемисе ?
Джашауну билдириб татуун,
Къанатла бериб келтюремисе ?
Санамай заман баруун !
Джамиля, эринме да, бу назмуларынгда хар сёзде басым(ударение) къайсы бёлюмге тюшгенин бир салыб чыкъ. (Басым тюшген джерни уллу харифле бла джазсанг — ангылашынныкъды. Сёз ючюн: келЕме. Былайда басым экинчи бёлюмге Е-ге тюшеди).
Мен ангыларгъа излейме назмуну къалай джазгъанынгы, окъугъанынгы.
Кергелен 21.06.2012 15:50:01
Сообщений: 856

1 0

Салам, Хурметли Аланла!:превед:

Sabr, сау бол,тегерекни джарашдыргъанынга! Теманы аты къалсын, биз джаш тёлю ючю ачабыз да, романтика болсун))):ялучший:

Sagal- " Къайгъысыз джашлыкъны сандырагъы"

Nainai- " Творчество на суд сплеменников" - архивде " Литература и история" бёлюмде 11 бет
Кечюралмайма ......зависает ...болушугъуз)))
Изменено: Кергелен - 05.10.2012 19:25:15
Sabr 23.06.2012 05:09:11
Сообщений: 7254
http://www.smikbr.ru/2009/jurnals/mingit/11-12-2009.pdf МИНГИ ТАУ / ЭЛЬБРУС /№ 6 (148)

Элияс БОЛАТ
*

Жюрек мюлкюбюзню кёбейтейик

Жашлыкъ гузабадан, акъылсызлыкъдан абадан тёлюбюзню – къартланы – сан этмей не насийхат-аманат этгенлерине тынгыламай, айтхан сёзлерин унутуп къоябыз. Артда сокъурансакъ да, – заман а кетип.

Къартла

Ачылыкъ кёп кёрген асыл къартла,
Биз тилейбиз сизге талай саулукъ.
Къопдугъуз, тюзлюк ёкюлю нартла
Къопхан кибик, къадар этсе жаулукъ.

Кёп къарыу табылсын саныгъызда,
Таяндырмай таякъгъа жашау.
Энди этилмесин жаныгъыздан
Бек сюйген тауларыгъызгъа да дау.

Чачы агъаргъан мени къарт атам
Аманатла кёп салгъан эди манга.
Жаннетли болсун. Ол ахшы адам
Эди. Ачыу сынатмады инсаннга.

«Кёлсюз адамгъа халкъ айып салыр, –
Деучю эди, – жанынг болмасын жалгъан.
Жаннган отдан да юлюш алыр,
Жюрегинде таукеллиги болгъан!»

Къартла! Кенгдедиле энди, узакъда
Жюрекле эзиучю талай азап.
Кючлю болдугъуз къадар тузакъда,
Чынтты таулулача, таукел жашап.

Огъурлулукъ

Сёзле табалмайма айтыргъа.
Да къайдан табайым аланы?
Амал жокъду къыйын къадаргъа…
Къалмады Алийни адамы.

Сабий эдим мен ол кезиуде.
Бир жол Алий манга сёлешди.
Огъурлулукъ кёп эди сёзюнде,
Халы жюрегимде жерлешди.

Сиз да таныйсыз ол жарлыны,
Жер-жерледе айланады ол.
Бир базарда кёрелле аны,
Бир а шахаргъа элтеди жол.

Былай болду: Алий жюн базарда
Бир къызгъа ахча тилей барды.
Къыз хычин берди да, кёлю жарып,
Ол, сабийча, таза ышарды.

Хар къуруда: «Тели Алий», – деп
Бир къауумла анга кюлелле.
Адамлыкъ барыбыздан да кёп
Анда болгъанын а билелле.

Эл, жамагъат алай бош этед,
Керексизге гюнахла ала.
Къурупму барад ахшы адет,
Жюрекге къара мухур сала?

Мискин адам биреуге – оюнчакъ.
Тауукъдан багъа тергелмейди ол.
Нек бош турады намаз минчакъ?
Ал да, таза да, халал да бол.

Тау адетни биз къаты тутуп,
Керекбиз адамлай къалыргъа.
Аланла, къоймайыкъ биз унутуп
Намаз минчакъны чюйден алыргъа.

Жюрек мюлкюбюз

…Алайлай кенг жолну юсюнде
Бир къарт киши ауа тебреди.
Ажал жаныгъан кюнюнде
Кишиден болушлукъ кёрмеди.

Сюркелип, къоллары къалтырай,
Кырдыкга жатаргъа изледи.
Ахыр къарамы бла къарай,
Бармакъларын хансха бегитди.

Халкъ къарайды анга узакъдан.
Аны ма былайды сагъышы:
«Чыгъалырмы ажал тузакъдан?..»
«Тапдынгмы, ичгичи гыбышы?!.»

Аны къатында тургъанла,
Басынып, ёлюрюн сакълайла.
Тюкенден ётмек алгъанла,
Юсюне сюелип чайнайла.

Игилик къолларындан келмеген
Адамла саладыла «махтау».
Билгенлери, мыллык излеген
Къаргъалача – жутлукъ эм марлау..

Хуржунунг ахчадан толуп,
Къошда малларынг талай бир.
Кетдими бизден игилик, къуруп?
Толу жауапны энди келтир.

Кёкге айланып этсек да тилек,
Адамла, биз бузулгъанбыз халек.
Ким айтсын манга, аланла, нек
Болгъанбыз былай ташжюрек?!

Шагъат болдум кесим: «Дуния
Жут болуп барады!» – деген сёзге.
Огъурсузлукъну аллын тыя,
Къалсын игилик биргебизге!

Бай болургъа кюреше эсек,
Гузабасыз сагъыш этейик.
Къошуп игиликден кесек-кесек.
Жюрек мюлкюбюзню кёбейтейик.

Малкъарда

Назму жазаргъа фахмум да болмаз,
Алай кёлюмдегин айтайым.
Жолгъа чыкъмасанг, муратынг толмаз.
Мен Малкъаргъа барып къайтайым.

Тау жерлеге – Малкъаргъа – бардым.
Тенгим, бир махтанайым санга.
Къарачайдан ариу жокъ деп турдум,
Энди экилиме мен анга.

Акъ таулары биздеча бийик,
Къаялары чынгылдыла, тик.
Тау тарлары, кёллери терен,
Биченликледе кёпдю гебен.

Жанларындан юлюш этелле
Ала, хан къонакъ келген кибик.
Къарачайны бир да бек сюелле,
Кётюрелле намысын бийик.

Юйге къайтайым деп жол тутдум,
Алай тюбедим да бир къызгъа,
Юйюме тансыгъымы унутдум,
Къалды жюрегим амалсызгъа.

Ол, ушап субай санлы жургъа,
От салды да къойду жюрекге.
Ётюм жетмей атын сорургъа,
Бир сейирле болдум кесекге.

Кёзюме къарады, ышара, –
Кёрдюм эки жарыкъ жулдузну.
Къалдым аны ызындан къарап,
Сёзге тыя билмедим къызны.

«Ай, тели уа!» – дей, кесиме
Урушдум, жыйылып юйюме.
Тюшеди да ол къыз эсиме,
Кёкден нюр жауады юсюме.

Шах Малкъар сынатды игилик:
Кёрдюм бек ариу жулдузну.
Излерме, айкъанат сюймеклик,
Табарма ол жур кёзлю къызны.

*Элияс БОЛАТ - джаш назмучуну псевдонимиди. Тюз атын да айтыб, кесини юсюнден хапар айтыргъа излесе - "хош кел" дейбиз.
Sabr 23.06.2012 06:45:36
Сообщений: 7254
НАЙНАЙ*


14.03.2008 22:44:55
ЧАМ ДЖЫРЧЫКЪ

Джюрегимде джарама
Балхам, байлау салмайма.
Турсун алай, къан тама,
Сенсиз джашаялмайма.

Туралалмайма мен сензиз,
Тансыкъ болама кемсиз.
Назик белден къучакълаб,
Кезлеринге къараргъа
Учунуб, муратлада
Джаяма къолларымы...

Сууукъ хал бла къоркъута,
Узалмайса, къол тута.
Сёзлеринг а - бычакълай,
Джюрегими чанчакълай,
Атадыла узакъгъа
Муратларымы.

Тохта, къызчыкъ, сабыр бол.
Саламлаша, узат къол,
Разы этмесенг мени,
Сокъуранырса кесинг...
...Атамы арбазында
Кечеги той чайкъалса,
Терк джасалгъан отоуда
Акъ гоккача, чагъарса...

Джюрегимде джарама
Балхам, байлау салмайма.
Турсун алай, къан тама,
Сенсиз джашаялмайма.

24.03.2008 23:12:48
НЕК СОРАСА МЕННГЕ

Джюрекден джюрекге
Джол болад , дейдиле.
«Сюемисе?»- деб, сен
Нек сораса менге ?

Билирге излесенг -
Джюрегинге къара,
Джюрегинги сынаб,
Джюрегинг бла тынгла.

Меннге сормагъанлай ,
Мен сенден джашыргъан
Джууабымы англа.

Англамасанг а,
Англаялмасанг а -
Кимди терс арада ?

Сюймей эсенг кесинг,
Нек излейсе сезим
Сен джюрек къалада?

Ичингден, ташада,
Бек омакъ сёзлеге
Къуу терекни бёлеб ,
Нек къараб туралла
Кёзлеринг кёзлеге,
Мыдахча, ёпкелеб ?

Сен мени сюйсенг а,
Джюрегинг бла талпыб,
Тансыкъдан кюйсенг а,
Менден кенгде къалыб,

Ийнандырырча,
Табар эдинг сёзле,
Башымы ийиб, мен,
Тынглар эдим сенге.

Саулай джер джюзюнде
Сюдю джокъду дейле
Огъай деген сёзге.

Сюймей эсенг кесинг,
«Сюемисе?»- деб, сен
Нек сораса менге,
Нек сораса менге?

26.05.2008 00:17:10
ЧЫГЪАМА ДЖОЛГЪА

Шимал шахар орам тахтада
Бир ингил, бир таза сарыла,
Бир терен токъ балий бетлиле -
Тюльпанла, аязда чайкъала,
Саладыла мени эсиме
Шимал Кавказда кюнлерими,
Терезе тюбюнде арбазда
Кесим ёсдюрген гюллерими.

Мындагъы бу джарыкъ кечеле
Тюшюрелле мени эсиме
Кириш къаяланы башында
Чолпан джулдузну эртденнгиде.

Володар кёпюрню юсюнден
Къурч бетли терен Нева сууну
Сабыр толкъунларына къарай,
Сюелеме, артыкъ джаратмай.

Кёз туурамда уа - эсимдеги
Теберди сууну кёк билезиги:
Ойнакълай, къая ташны джалай,
Къобаннга къошулгъаны, джырлай.

Джашил ханслада - къызыл джилек,
Юйню аллында - джюзюм терек,
Анамы къолунда - ун элек,
Табада къызгъан джауда - тишмек,
Эт хычынны ариу татыуу,
Ата юйюмю ёмюр джылыуу.

Тансыкълыкъ джюрегими кючлеб,
Адамларымы излеб, кюсеб,
"Сау къал" деб бу шимал шахаргъа,
Ата джуртума, юйге тебреб,
Мен чыгъама джолгъа.

*НАЙНАЙ - бек фахмулу назмучуду. Форумда кесин билдирмей, белгисизлей къалгъанды. Джангыдан кёрюнсе, бек къууанныкъбыз. Мени компьютеримде сакъланнган назмуларын салама былайгъа.
Изменено: Sabr - 05.10.2012 19:25:18
къарачайлы 23.06.2012 20:43:47
Сообщений: 169
Алмат намучуду ким эсе да бу Найнай деген
Узакъчы 23.06.2012 20:58:21
Сообщений: 2
Айрылыуну сууукълугъундан да
Къоркъма. Тюшюрсе да кёлекке
Бюгюнюгюзге , салса да ол тамгъа,
Кюч эталмаз джарыкъ тюненеге

Хар насыблы ётген ингиригиз,
Ингир къой, хар насыблы сагъат,
Хар ышаргъаныгъыз, кюлгенигиз,
Ёмюрлюкде сизни бла къалад
Изменено: Узакъчы - 05.10.2012 19:25:19
Sabr 27.06.2012 03:59:27
Сообщений: 7254
Халкъыбызны сёз усталарындан бири, джаш фахмулагъа артыкъ да эс бёлюучю Мурадин Ёлмез!
Заманынг болгъанына кёре, "Акътамакъ" кафеге келе тур. Сен излеген фахмулагъа тюртюлюб да къалырса мында.
Аллах айтса.
BigRamazan32 27.06.2012 16:27:59
Сообщений: 21
къарачай миллетни тарихи башланнган джерге,
кёб къонакъ келеди Къартджурт,Хурзук,Учкулан ёзенге,
кетиб тебреселе тилейдиле Аллахдан,
насыб бер деб энтда тансыкъларын алырча Къарачайдан.

мийик тауланы ортасында орналгъан,
сау дуниягъа ариулугъу айтылгъан,
къонакъбайынг Архыз,Теберди,Доммай,
минг джылланы джаша джашна Къарачай.

тау башлада ойнайдыла кийикле,
къушларынгда учадыла мийикде,
табигъатны ариулугъу ёмюрге,
къонакъланы къаллыкъдыла эсинде.
BigRamazan32 27.06.2012 16:28:45
Сообщений: 21
бир джарыкъ къууанчда тюбедик,
бирге ойнадыкъ тебседик,
мени къоюб кетдинг элинге,
Роза атынг къалды эсимде.

Роза Роза Роза хаман эсимде,
неми да берирем болсанг биргеме,
Роза Роза Роза илеш сен менге,
насыблы этерме ийнан сёзюме.

эсимде турады чырайынг,
тынчлыгъымы бузгъанд къарамынг.
джукъусуз болгъанла кечеле,
не мадар этеим джюрекге?!

къууанама кёргеним сайын,
сагъышда атады тангларым,
эки джюрек болурча бирге,
къачырыб элтеим юйюме
Sabr 28.06.2012 07:28:05
Сообщений: 7254
http://www.smikbr.ru/2010/zaman/09/14.pdf "Заман" газетни 4-чю бетинде

Жюрегине жетген затланы юсюнден - назмула бла

Яникой элде орта школда онбиринчи классны окъуучусу Газаланы Аминат бешинчи классдан башлап назмула жазады. Быллай фахмулу къызланы араларындан керти по-этессала, журналистле, филологла чыгъадыла. Малкъар культурагъа уа ала бек керекдиле.

Ол биринчи назмусун къалай жазгъаны эсиндеди: "Къыш, кетерге унамай, созулгъан эди. Арбазыбызда айва терекни бутакъларын къар басханына къарап, мен, жаз башына атап, назму такъгъан эдим. Жюрегими уа, къалай эсе да, хошлукъ бийлеген эди. Ол кюн ангылагъанма: айтырыгъынгы айталсанг, насыплы боласа".

Газаланы къыз филология факультетге кирирге умут этеди. Андан сора журналистикада кючюн сынарыкъды. "Журналистни баш борчу - болгъанны ары-бери бурмай жазыуну сунама", - дейди Аминат.

Ол тюрлю-тюрлю изданиялада адамланы энчи жашауларындан айыплы затланы кёргюзтюуню терсге санайды. "Жизнь" газетни бир номеринде бир белгили адамны эриши суратларын кёргенимде, сейир этген эдим. Не ишде да бир марда болургъа керекди".
Былайда даулашырчады. Ара телевиденияда бек уллу рейтинглери болгъан бериуледен бирлери Андрей Малаховну "Пусть говорят" эм "Детектор лжи" деген бериулеридиле. Алада хапар адамланы ич дунияларыны юсюнден барады: тыш кёзден букъдурулгъан, айыплы шартлары да болгъан.

Аминат тил байлыгъын ёсдюрюрге, поэзияда билимин терен этерге итинеди. "Бусагъатда француз поэзияны кёчюрмелерин окъуйма, бу китапчыкъны манга Беппайланы Муталип саугъагъа бергенди. Анга алгъаракъда жангы поэмамы кёргюзтгенме, ол, аны окъуп, къарыусуз жерлерин да кёргюзтгенди", - дейди Газаланы къыз. Шёндюгю малкъар назмучуланы араларында фахмулуладан бирине Табакъсойланы Мухтарны санайды.

Сёзсюз, поэзияда биринчи атламны этген тынч тюйюлдю. Назмучу къызны анасы Тамара, школда математикадан устазы Геграланы Лидия Исхаковна кёллендиредиле.

Школ байрамлагъа да Аминат назмула хазырлайды. Алай жалан да поэзия бла чекленип къалмайды. Музыка да жазады. Заманында музыка школну бошагъаны чыгъармачылыгъына себеплик этеди.

Жашауда кючлюле къарыусузланы бюкгенлери къызны жюрегин бек къыйнайды. Бу проблеманы толу ачыкълар ючюн, ол повесть жазып башлагъанды.

Битеудуния поэзияда бек баш темаладан бири - сюймекликди. Аминат да бу жарыкъ сезимни юсюнден кёп жазады. Бюгюн аллай назмула-рындан бири бла окъуучуланы шагъ-ырей этебиз. Анга ала кеслери багъа бичерле.

__________________________________________________

ГАЗАЛАНЫ АМИНАТ

* * *

Не боллукъ эди сенсиз...
Жашарыкъ эдим къалай?
Кечелени тилексиз
Оздурлукъ эдим къалай?

Терс болсанг а ичимден
Къаргъарыкъ эдим кимни?
Жарылса да жюрегим,
Кечерик эдим кимни?

Ким ючюн андан да бек
Жарсып, кюерик эдим?
Ким ючюн, ол къыйналса,
Бугъуп жилярыкъ эдим?

Ичимде къайгъыланы
Кимге айтырыкъ эдим?
Ангыларса деп кимге,
Къоркъмай, ачыллыкъ эдим?

Ким ючюн бу жашауну
Сюерик эдим алай?
Ким ючюн бу дунияны
Ангылар эдим алай?

Ким ючюн мен жанымы
Берир эдим Аллахха?
Андан сора айтчы бир,
Не керек болур санга?..
Изменено: Sabr - 05.10.2012 19:25:20
Берекет 29.06.2012 01:54:24
Сообщений: 150
Огъур бла башлансын, аллындан огъуна Джырчы Сымайлны сыйы тюшген иш.
Кергеленни эртдеден бери чыгъарыб кюрешген мураты, насыб болуб, толуб къалыргъа башлагъанды.
Бу кюнледе, мне эштиб, Кергелен, бери кирелмей турады да, башланган иш сууб къалгъынчы, мен къонакъбайлыкъ этерге кюрешеим, башхаланы алларына кириб.
Берекет 29.06.2012 02:04:15
Сообщений: 150
Айрылыуну сууукълугъундан да
Къоркъма. Тюшюрсе да кёлекке
Бюгюнюгюзге, салса да ол тамгъа,
Кюч эталмаз джарыкъ тюненеге

Хар насыблы ётген ингиригиз,
Ингир къой, хар насыблы сагъат,
Хар ышаргъаныгъыз, кюлгенигиз,
Ёмюрлюкде сизни бла къалад
Узакъчы.

Салам, Узакъчы! Джуукъ бол, биринчи къонакъ!
Сакъланмагъан керти назму салдгъанса арагъа.
Мен да бир кесек узакъдан бир башлайым, Узакъчы. Бизде, айырылыу десек, эм биринчи эсибизге, бир болуб тургъан юйюрню бузулгъаны , келин къалдырыуну суукълугъу тюшеди , къачанда кёблени бек джарсытхан зат болуб. Къатын къоюб, келин къойдуруб, аны айыбын ангыламай, аны башына сыйгъа санаб, сёзюн этиб турургъа ёч болгъан адамларыбыз аз тюлдюле. Келин къойгъан зат джазылмагъан адетлерибизни бири болуб къалгъан болурму?
Аны айтыб кюрешгеним, Узакъчы, ол сёзден эсе бир башха сёз бла башланса керек эди назму. Къайсы башха сёз? Табалмадым джукъ, айланада бу сёзге къайтыб турдум. Сенда алай болгъан болуренг.
Мен ангылаб, бу назму айырылгъан юйюрню юсюнден тюлдю. Башхаракъ да айтайым, къуру ол затны юсюнден тюлдю. Алай эседа, мени башха тюрлю, андан кенгирек да теренирек ангыларым келед назмуну. Дыгаласха киргенме кесибизча сёз табалмай. Былайда орусча бир айтайым. Здесь речь не о разводе или не столько о разводе, а о печали расставания вообще, о холоде разлуки, горечи потери.
Ёлмез Мурадинни бу темагъа бир аламат, бир да бир аламат гитче назмучугъу барды.
Айырылыу
отну эки айырдым –
жылыу бла жарыкъгъа.
сен жарыкъны алдынг,
мен – жылыуну.
сен жарыкъса энди,
жылыусуз.
мен жылыума энди,
жарыкъсыз.
жаланда экиси бирге
келеди жаз.
Сеирлик! Мурадинникидеча болмай, сени назмунгда, айырылыу деген сёз, окъуучуну эсин бир джанына буруб ийеди.
Аны ючюн болур, къыйыныракъ окъулады биринчи тёрттизгин, тик джолгъа чыкъгъанча. Къыйыныракъ дегеним – джангыдан, дагъыда джангыдан окъургъа керек болады, магъанасын тюз ангылар ючюн. Энтда эки былджутхан затчыкъ. Эслеб бир къара . Айырылыб, огъесе Айрылыб. Огъесе экисида тюзмюдю? Назмуну биринчи тизгини бирлик санда джазылгъанды, андан къалгъаны – кёблюк санда. Бир кесек сыларгъа керек болурму былайчыгъын?
Башха илинир зат табалмадым.
Экинчи тёрттизгин а, аламат чыкъгъанды, тикни башына чыгъыб бошаб энгишге баргъанча.
Назму уа, кертида аламат назму. Джукъа сёзчюкле болмай, бир бирине таб джарашыб баргъан, керек, тюз сёзле. Сёзле да тюл – сёзлени ызындан келген магъаналы, огъурлу сезимле...
Джашау алайды. Джашау юретеди.
Къатынгда тургъан кесинги адамынга къой, ётюб бархан джолоучугъа да, кимге да, дуниягъа да, джашаугъа да , бюгюн кесинг къаллай халда эсенг да, бюгюн терен къайгъыда эсенг да, айырмай бирча ышарылыб джарыкъ джюрекден къарай билгенден ашхылыкъ джокъду.
Бюгюнгю тик джолдан къоркъма, адам улу - не тикни да энишгеси барды!
Сау бол, Узакъчы!
Берекет 30.06.2012 18:16:26
Сообщений: 150

2 0

САЛПАГЪАРЛАНЫ МАРИЯМ
МЕН – ХАУАЧЫКЪМА

Жаннетден къысталгъан Адам бла Хауаны
Туудукъларыма мен. Хауачыкъма.
Терекден юзгенме алманы...
Жюрегим – жаланды, ачыкъды.

Хауачыкъма. Кёрюнмесем да – барма.
Солургъа хауа жетмей тебресе,
Алай излериксе мени,
Алай кюсериксе мени.
Бюгюн а – эслемейсе мени. Мен а – барма.

Хауачыкъма мен!
Алай да болуучанды бир бирледе, эртден бла огъунакъ, кесингда ангаламагъанлай бир ашхы затчыкъ эсинге илинетда, айланаса сора кюнню кюн узунунуна кеси кесинг бла ышара. Сора, ий, нек шарыб айланама деб сагъыш этсенг, кесингда тюшюрелмейсе эсинге иги къозгъамасанг. Аллайын болдум кёб болмай, къарт башым бла халкъны ызымдан къарата, эртден бла эртде «Мен-Хауачыкъма» деген назмучукъну окъудумда.
Хап хазыр аламат назмучукъ.
Артыгъы, не кеми болмагъан джарыкъ назмучукъ.
Былай бир чуакъ кюн, джылы тылпуучугъу бла дженгил хауачыкъ ургъанча, бу назмучукъ келиб кёкюрегимде кесине бир джерчик алыб, Хауачыкъма мен деб, джарашыб къалды.
Ма быллай, сёзле бла тюл, сезимле бла джазылгъан назмуну бек сюйюченме мен.
Сезимин да аккыллы болуб, тюз ангыладыммы деб, сескекли бола, алай джазылгъан назмуну сюйюченме мен. Назмуну ичинде, артына дери ажымлы ангыланмагъан, бир таша затчыгъы (тайначыгъы, секретчиги, загадкачыгъы) къалыб, айланада эсинге келе, сагъыш этдире, къозгъаб тургъан затчыгъы болса, аллай назмуну сюеме мен. Олду назмуну артыкъ суратлау кючлюлюгю.
Керти да, барда ангылачы, ажымлы айтда бир кёрчю, кимди Хауачыкъ? Неди Хауачыкъ?
Солургъа хауа жетмей тебресе,
Алай излериксе мени,
Алай кюсериксе мени.
Кимге айланыб айтады бу сёзчюклени Хауачыкъ?
«Джалан, ачыкъ» джюрекчикни юсюне биринчи сюйюмлюкню нюрю тёгюлген джаш къызчыкъ, марлаб тургъан сюйген джашчигъына айта болурму? Джюрекчиги ачысада, къаршчылыгъы, дертлиги болмай сёзлеринде. Алай эсе да, аламат! Бек сюйюндюреди кесчигине таулу къызчыкъны таза иннетчиги, намысчыгъы.
Огъесе бизда билмеген, билмесек да сезимин тутуб тургъан, бир инсан болурму Хауачыкъ, «бюгюн эслемейсиз мени. Мен а – барма», къараб турама, деб?
Огъесе айтхан сёзюгюзге, тутхан ишигизге, адебигизге, намысыгъызгъа, энчи сыйыгъызгъа сакъ болугъуз, деб, кёкден келген таушчукъ болурму?
Оъгъесе, «кёрюнмесем да – барма» деб, хар къайсыбызны да имбашыбызда тургъан, бизни тюз джолгъа илешдирирге кюрешген, Мёлекчик болурму?
Кимди экен бу Хауачыкъ? Ким къалай ангыласа, алай ангыласын. Алай болсун.
Барса, Хауачыкъ, барса! Хаманда бол!
Бу назмучукъну суратлау ариулугъундан тоялмайма. Бир бир назмулада, назмуда айтылгъан адам да, назмучу кеси да бир адам болгъанча, назмучу кесини юсюнден джазгъанча, ол халгъа кириб къалады окъуучу, экисинда бир этиб. Алай этерге болмайды. Алай болса да, бу назмуда мен да алай болуб къалгъанма. Кесим да ангыламайма кимни юсюнден сагъыш эте турама бусагъатда. Хауачыкънымы юсюнден, огъесе – Мариямчыкънымы?
«Князны джангыз къызчыгъыча» деб, кёбюсюне, хыликге этерге излеселе айтыучандыла бизде алай. Мен а махтаб, къуаныб айтама. Бир бек джаратдым. Кёрдюгюзмю, князны джангыз къызчыгъыча, бийче къызчыкъча, мен Хауачыкъма, деб, Мариямчыкъ, салыб къойду аллыбызгъа бу къошакъ сёзчюклени. Джаш адамчыкъ, кесини адамлары бла, билген, таныгъан, ышанган джуукъ адамлары бла сёлешсе айтыучанды алай ачыкъ. Окъуучу да, кесин аллай адамланы бирине санаб, сюйюнюб къалады Хауачыкъгъа-Мариямчыкъгъа. Мен да сюйюндюм Хауачыкъгъада, Мариямчыкъгъада, назмуну кесинеда. Хап хазыр, аламат назмучукъ, алай а бир бирле «Терекден юзгенме алманы...» деген тизгинни джаратырыкъ болмазла...
КЪАЧ Тубан шылпы. Тубан шылпы. Тубан шылпы.
Аязмайды кюн.
Сары джыламукъладан – чапыракъладан – толуду жер,
Кёргюзтмейди Кёк да кесин.

Дейдиле: келгенди къач.
Къачха уа – къуру оналты жыл.
Оналты джылда келемиди къач?
Юзюлгенди къыл къобузда къыл.
Биринчи назмуда да, мунда да, форма, содержание, размер, рифма деб, тинтиб айланырым келмейди. Назмуну суратлауу асры аламатдан, ол затла былайда керек тюлдюле. «Аламат» деген сёз аузумдан тюшмеди да къалды, ха!
«Дейдиле: келгенди къач.» - бек джаратдым.
Мадар болса, бу назмуну, эм тюбюнде тизгинин чыгъарыб къойярыгъем. Суратлауу, сёзю таб болсада, артыкъча кёрюнеди бу тизгин. Бу тизгинсиз да айтыллыкъ сёз айтылыб бошалгъанды, керекмиди окъуучугъа ызындан джетдириб чайнаб кюреширге, не айтыргъа излегенинги? Бир бирледе керекди, алай а хаманда тюл. Бу джерчикде, ол мен башында айтхан таша затчыкъ (загадкачыкъ) къалса керек эди. Назмуну артына окъуучу кеси сагъуш этсин, окъуучугъа да къоя турургъа керекди бир бирледе кесини сагъышын салыр джерчик. Болсунму алай?.. Назмучу, кеси да анъылай тургъанлай, тёрттизгинни толтурайым деб салгъан эсе ол тизгинни, чыртда хата джокъду ючтизгин болуб къалса. Назму кючлюдю, аны кючю эркинлик береди алай этиб къояргъа.
Шылпы джангурда, шылпы тубанда джашаудула, Мариямчыкъ. Къуру чууакъ кюнледе джашаб турсанг, джазаллыкъмы эдинг быллай назмула? Алай терен билелликми эдинг джашауну.
Сау бол, Мариямчыкъ. «Хауачыкъма мен» деб тур хаман, бизни кесинге сюйюндюре.
Бизда, заман келир, Аллах айтыр, поэзиябызны Бийче Къызчыгъы деб атарбыз атынга.
Sabr 30.06.2012 22:38:26
Сообщений: 7254
Берекет, минг берекет сеннге!
Назму къаллай болургъа кереклисин ким да тюшюнюрча айта билесе. Бу халда бардыра барсанг - бек аламат.
Сора, дагъыда айтырым: джазгъанларынгы бир джерге джыя барсанг - литература критика оюмларынг джарагъан бир китаб болуб къаллыкъдыла. Бизде аллай зат чыкъмагъанлы кёб заман болады. Байрамукъланы Нинадан сора аллай литературно-критический статьяла джазгъан да джокъду.
Аллах кюч берсин.
Sabr 01.07.2012 04:28:23
Сообщений: 7254
BigRamazan32, салам алейкум!

КЪАРАЧАЙ

Къарачай миллетни тарихи башланнган джерге,
кёб къонакъ келеди Къартджурт, Хурзук, Учкулан ёзеннге.
Кетиб тебреселе тилейдиле Аллахдан,
насыб бер деб энтда тансыкъларын алырча Къарачайдан.

Мийик тауланы ортасында орналгъан,
сау дуниягъа ариулугъу айтылгъан,
къонакъбайынг Архыз, Теберди, Доммай,
минг джылланы джаша, джашна Къарачай.

Тау башлада ойнайдыла кийикле,
къушларынг да учадыла мийикде,
табигъатны ариулугъу ёмюрге,
къонакъланы къаллыкъдыла эсинде.

1.Назмучугъа эм бек керекли зат — тилди. Сен ана тилибизни билгенинге сёз джокъду. Хазна халат иймей джазгъанынг да анга шагъатды.

2.Адамны фахмусу болмаса, назму джазыб да кюреширик тюлдю. Сени къаламгъа узалтхан аллай кюч барды. Ёзге, «фахму 100%-ден бириди. Къалгъан 99 — эринмей, къаджыкъмай кюрешиудю, юрениудю» дегендиле. Алай кюрешсенг — поэзиябызгъа юлюш къошаллыкъса.

Энди назмуларынгы юсюнден.

1.Къанатлыны къанатлары тенг болмасала, кенгликлери, узунлукълары да бирча болмасала, ол учаллыкъмыды?
Назмуну къанатлары — тизгинледиле. Ала тенгиширек, бирчаракъ болмасала, назму да назму болургъа унамайды. Классика джорукъда джазылгъан назмулагъа айтама.
Назму бир ёлче бла башланса, ахырына дери алай барыб турургъа керекди.
Сени биринчи назмунгу («Къарачай» дегенме атына) ал тёрт тизгини бек узундула. Алада бёлюмле да тенг тюлдюле. Экинчи строфа уа къысха тизгинледен къуралгъандыла.

Эски заманлада назмуну къуралыуун бёлюмлени санлары бла тергеучен эдиле, ма былай:

Къарачай миллетни тарихи башланнган джерге, 14
кёб къонакъ келеди Къартджурт, Хурзук,Учкулан ёзенге, 16
кетиб тебреселе тилейдиле Аллахдан, 13
насыб бер деб энтда тансыкъларын алырча Къарачайдан. 16

Мийик тауланы ортасында орналгъан, 12
сау дуниягъа ариулугъу айтылгъан, 12
къонакъбайынг Архыз,Теберди,Доммай, 11
минг джылланы джаша, джашна Къарачай. 11

Тау башлада ойнайдыла кийикле, 11
къушларынг да учадыла мийикде, 11
табигъатны ариулугъу ёмюрге, 11
къонакъланы къаллыкъдыла эсинде. 11

2.Рифма (назмуну ахырында ушаш сёзле) кючлю болургъа керекди.
«джерге - ёзенге, Аллахдан — Къарачайдан, орналгъан - айтылгъан, Доммай — Къарачай» была бек къарыусуз рифмаладыла. Сёзлени ахырлары тюл, тамырлары ушаш болсала, ол заманда рифма кючлю болады. Маяковскийни назмуларына къара.

3.Сеннге дери да кёб айтыла келген сёзлени къайтарыу назмугъа джукъ къошмайды. «Джаша, джашна», «сау дуниягъа ариулугъу айтылгъан» деген сёзле аллайладыла.

4.Орус тилде назмула тынч окъуладыла. Не ючюн? Бир ёлче бла джазылгъанлары ючюн, ол ёлче да бузулмай баргъаны ючюн.

Барын да айтханым — иги назмула джазаргъа къолунгдан келликди да аны ючюн
.
Назму джазыуну техникасына юреннген къыйын тюлдю, магъана болса, кебин табаргъа боллукъду. «Сюек болса, эт келир» дегенлей.
Назму сёзюнгден кесинг да къууан, бизни да къууандыр.
Джангы назмуларынгы сакълайбыз.
Изменено: Sabr - 05.10.2012 19:25:26
elya 01.07.2012 18:57:04
Сообщений: 242
Цитата
Айырылыу
отну эки айырдым –
жылыу бла жарыкъгъа.
сен жарыкъны алдынг,
мен – жылыуну.
сен жарыкъса энди,
жылыусуз.
мен жылыума энди,
жарыкъсыз.
жаланда экиси бирге
келеди жаз.
:alamat:

Слушай
своё
сердце -
как оно стучится к тебе!
а вдруг ты не услышишь,
а ему надоест...
elya 01.07.2012 19:01:53
Сообщений: 242
Жаннетден къысталгъан Адам бла Хауаны
Туудукъларыма мен. Хауачыкъма.
Терекден юзгенме алманы...
Жюрегим – жаланды, ачыкъды.

Хауачыкъма. Кёрюнмесем да – барма.
Солургъа хауа жетмей тебресе,
Алай излериксе мени,
Алай кюсериксе мени.
Бюгюн а – эслемейсе мени. Мен а – барма.

Хауачыкъма мен!

Бир бек джаратдым бу назмуну...

Слушай
своё
сердце -
как оно стучится к тебе!
а вдруг ты не услышишь,
а ему надоест...
Берекет 01.07.2012 22:39:28
Сообщений: 150
Ингир ашхы, elya. Эки сёзчюк джазыб къутуллукъ къызчыкъ тюлсе сен. Быстренько напиши, ну, скажем, к завтрашнему вечеру, более развёрнутое сообщение.

Бир иги хапар айтайым, бир къуанч хапар, elya. Сейчас только позвонили из Дружбы, что под твоим Черкесском. Моя любимая, ну очень очень, больше всех любимая племянница (башхала эштмесинле) только что родила дочку. И тут выясняется, что они там, обе стороны, между собой решили, что имя девочке буду вымучивать я и только ждали рождения самой девочки. Ну а мне, что вымучивать, тут же и выдал автоматом готовое имечко с кончика языка. Мариямчыкъ. Будет она у нас Мариям Шамилевна. Как ты смотришь.
elya 02.07.2012 00:57:45
Сообщений: 242
Ашхылыкъ кёрюгюз, Мусса! :превед: Алгъышлайма, АЛЛАХ джашаулу, насыблы, иманлы къызчыкъ болургъа буюрсун!! Гитче эгечими аты Мариямды, игитда джаратама! :ухх:Джашауу ариу болсун, сизни барыгъызны да къууандырыб, не къадар иги джаны бла атын айтдырырлай адамчыкъ болсун!
Изменено: elya - 05.10.2012 19:25:28

Слушай
своё
сердце -
как оно стучится к тебе!
а вдруг ты не услышишь,
а ему надоест...
elya 02.07.2012 01:11:56
Сообщений: 242
Берекет, насчет развернутого сообщения... :финкинг: с удовольствием читаю, но формулировать свои мысли на родном мне сложно...
Изменено: elya - 07.11.2014 22:33:09

Слушай
своё
сердце -
как оно стучится к тебе!
а вдруг ты не услышишь,
а ему надоест...
Берекет 03.07.2012 14:43:29
Сообщений: 150
Салам алейкум, Sabr!
Къажыкъмай, эринмей, талпымай кюрешесе бизни къадарыбызны, бюгюн джашаубазну да алгъа тебериб. Сенден да джукъ аямасын Уллу Аллах! Сау бол!
«Акътамакъны» ашын а, суутмайын бардырыргъа керекди да, мадарыма кёре мен да кюреширигем…
Алай а, бир аламат боллукъ эди, былайда назмулары салынган-сёзюлген адамларыбыз, башхалада, бери кире да бир бирлери бла да, бизни бла да сёлеше турсала.
Эринген этедиле, огъесе айтыр сёзлери джокъду, деб турмайма. Ыйлыкъгъан, тартынган эте болурламы… Аман бла иги бла да, къычырыкъ этиб, ариу айтыб, бир мадар табаргъа керекди быланы бери джыяргъа.
Ансыз, кафебизни кухнясында къуру сууну къайнатыб турлукъбуз...
Берекет 03.07.2012 15:43:50
Сообщений: 150
Сау бол, elya! Сени алгъыш сёзюнг бла, анданда бек джаратдым Мариям атны.
А, что удачно (ну, очень удачно) обыграно хауа-Хауа и я обратил внимание, но пытался быть кратким. Говорю же, что тебе есть что сказать, что написать и не держи себя, пожалуйста за гостью «Акътамакъ», а будь одной из хозяеек.
Кергелен 03.07.2012 19:12:17
Сообщений: 856
Салам, Багъалы эмда Хурметли Алан Джамагъат!:превед::гоккачыкъ::превед:
Билял ,:превед::ялучший:
Мусса,:превед::ялучший:
Эля,:превед::ялучший:

Нет мне прощения, но так сложились обстоятельства.

Кечигиз, къонакъ сюймеген къонакъбайча...... , хотя менден не уллу хайыр боллукъду.)))
Мусса, джашаулу къызчыкъ болсун гитче Мариямчыкъ! Туугъанындан да бек джашаууна ,насыбына къууаныгъыз!:браво:

Цитата
Берекет пишет:
Ансыз, кафебизни кухнясында къуру сууну къайнатыб турлукъбуз...

Аллах айтса тюзелирбиз.... къошда бара-бара тюзеледи (с) да.)))
Энди бизни кафебиз спецефичныйди да.....СИЗ ,усталасыз, бош юй болуб къаллыкъды)))
Уллу бюсюреуда , ыспас да сизгеди, Багъалыларым!:ялучший:

Аллах айтса, мы откроем новые имена! ( Амин,Амин,Амин Аллах!)
Изменено: Кергелен - 05.10.2012 19:25:29
BigRamazan32 03.07.2012 20:27:33
Сообщений: 21
"сагъышла"-эм биринчи ишимди:

чууакъ кёкню къара булут басханлай,
эсимден кетмейле сагъышла.
ортабызны не бузгъанын англамай,
кесиме сорама соруула.

акъ тауланы басхан кибик булутла,
башымы басханла сагъышла.
джюрегимде къалгъанд сыфатынг,
эсимден кетмейди къарамынг.

менден башха бар болурму бир джашынг,
джюрегинги ариу сёз бла алдагъан,
кёз аллымда турад хаман чырайынг,
энди сени ызыма къайтаралмам.

бир сейирди кесинги джюрютгенинг.
менден башха болгъан кибик сюйгенинг,
ариулугъу джюрегингден бошагъан,
экибизде ортаны бузгъан.

кёргенимде къарамынгда англатды,
джюрегингде болмагъанын башханы,
ант этерем сёзлериме ийнансанг,
эм насыблы этерме-мени бла болсанг.

ийнанама сени ант сёзлеринге,
огъай тюльме болургъа бирге,
биз бир-бирибизге ышансакъ,
джашауубуз ётер тынч-рахат.
BigRamazan32 03.07.2012 20:32:19
Сообщений: 21
терс затланы айта, ёрете барсагъыз, менда анга кёре терслени тюзете барлыкъма. кёл къалды зат болмай :)
Кергелен 03.07.2012 20:49:32
Сообщений: 856
Салам, Уллу РАМАЗАН!:браво: Къарт Атамы атын джюрютген джашха, башха тюрлю къаратырыкъма)))).
Джанларым, Халкъны нек къозгъаб айланабыз......? Сизни хар джазгъан харфыгъыз - Миллетге байлыкъ боллукъду......кёл къалды , ол бу деген болмазгъа керекди ....
Ийнаныгыз,тилеб , кюсеб табмазлыкъ адамладыла -Брекет да,

Sabr да, Эля да , бир кюнюгюзню сырафха иймегиз, хо-хо мени неме джарарыкъды?- демегиз , тас этмегиз фахмугъузну.:браво:
Читают тему (гостей: 1)

Форум  Мобильный | Стационарный