"АКЪТАМАКЪ"

"АКЪТАМАКЪ"

Кергелен 21.06.2012 01:04:19
Сообщений: 856

6 0

"АКЪТАМАКЪ"

ЛИТЕРАТУРНО- ПОЭТИЧЕСКОЕ КАФЕ

(виртуальное)


" Назму деген накъырда тюлдю,
Джюрекге эшик ачады"

Джырчы Сымайыл.

Хош келигиз ,багъалы джазыучу джаш тёлю!:гоккачыкъ:

Форумда назму, хапар джаза билгенле, тилейбиз, былайда салыгъыз джазгъаныгъызны.

Джазыучуларыбыз, поэтлерибиз сизге болушурукъдула,окъуучула сюйюб окъурукъбуз,сизни бла ушакъ эте ,тил-тин байлыгъыбызны ёсдюрлюкбиз.
Изменено: Кергелен - 05.10.2012 19:25:11

Ответы

BigRamazan32 03.07.2012 20:57:42
Сообщений: 21
Кергелен, салам,бир къауумланы кёллери къалады алай этмеда ма былай эт десенг,менде аллай зат джокъду, айтылгъаннга тынгылагъан этеме.Аны ючюн джазама бери.
Кергелен 03.07.2012 21:14:53
Сообщений: 856
BigRamazan32,

Цитата
BigRamazan32 пишет:
ийнанама сени ант сёзлеринге,
огъай тюльме болургъа бирге,
биз
бир-бирибизге ышансакъ,
джашауубуз ётер тынч-рахат.

Мен англай болмам, алай а -" Огъай тюлме болургъа бирге" - мне кажется ,что -то другое сюда нужно.
Получается противиречие -мне так кажется.
Башында таралыб келеседа.... сора мен -огъай тюлме....))
Усталаны сакълайыкъ..... не зат айтырыкъларын....
Изменено: Кергелен - 05.10.2012 19:25:31
BigRamazan32 03.07.2012 22:48:46
Сообщений: 21
тюппе тюз айтаса,башха зат керекди алайгъа.
elya 04.07.2012 00:10:20
Сообщений: 242
.
Изменено: elya - 06.11.2014 07:34:05

Слушай
своё
сердце -
как оно стучится к тебе!
а вдруг ты не услышишь,
а ему надоест...
BigRamazan32 04.07.2012 00:36:41
Сообщений: 21
биринчи куплет джаш экинчиси къыз барагъанын англагъан болурсуз Аллах айтса :)
Sabr 04.07.2012 00:50:31
Сообщений: 7254
Ёлмезланы Мурадин бизге бек керекли адамды, алай а, регистрациясы бла бир проблемала бардыла, форумгъа киралмайды. Аны себебли, аны джазгъанын бери мен салгъаным аны ючюндю.

Мурадин Ёлмез джазады:

Аллахны ахшылыгъындан, назму жазгъан жашларыбыз, къызларыбыз бардыла. 1990-2010 жж.(жыйырма жылны ичинде (!) литературабызгъа къошулгъан адам болмай, биз къайгъылы эдик. Алай иш онгуна айлана барады. Анга шагъатха Нальчикде чыкъгъан «Тейри къылыч» деген китапны келтирирге боллукъду. Ол китап жаш жазыучуланы чыгъармаларындан къуралгъанды. Авторланы санында Газаланы Аминат бла Аппайланы Жаннаны атларын энчи айтыргъа сюеме. Ала поэзиябызны мутхуз бола баргъан кёгюн жарытып келген жарыкъ жулдузчукъладыла.

Аладан сора да барды къууанып айтыр сюйюнчюбюз. Лайпанланы Билал манга Салпагъарланы Мариямны назмуларын ийип, мени кемсиз къууандыргъанды. Ол керти да уллу фахмусу болгъан къызчыкъды. Аны назмуларын «Минги Тау» журнал бек сюйюп басмалагъанды. Поэзиябызгъа быллай жаш поэтле келген къадар, Аллахдан фахму юлюшюбюз таркъаймаз.

Алай тилибизни, литературабызны жарсыулары бек кёпдюле. Алагъа эс бёлмей жарарыкъ тюйюлдю. Болжалсыз этилир ишни юсюнден айтама. Ол да неди десегиз: сабийлерибизге ана тилибизни сюйдюрюу. Аны ючюн а къарачай-малкъар сабийлеге даражасы орус журналдан кем болмагъан тюрсюнлю журнал керекди. Сиз не дейсиз ансы?

Тюзюн айтыргъа керекбиз: къачан да сабийлеге аталып чыкъгъан назмуларыбыз, анда-санда бирин айтмасакъ, къарыусуз затла эдиле. Осал жазылгъан назмула уа сабийлени ана тилден кёллерин къачырады. Аллай чыгъармаланы заранлары бир да уллуду. Бир амал болуп, аллай «чыгъармаланы», аланы «авторларын» да журналладан кенг тутаргъа керекди. Ана тилге къайгъырыу, аны айнытыу жалан да жазыучуланы угъай, хар керти адамны да борчуду.
Бу мен айтханнга сиз къалай къарайсыз?

Хурмет бла, Ёлмезланы Мурадин.
Изменено: Sabr - 05.10.2012 19:25:32
Кергелен 04.07.2012 00:57:27
Сообщений: 856
Ингиригиз Ашхы болсун ,Аланла!:превед:

elya,:ялучший: биз да Сенден узакъгъа кетмегенибиз, тыпырдасакъ бир себеб болурму деб кюрешебиз ансын.)))

BigRamazan32,

Цитата
BigRamazan32 пишет:




биринчи куплет джаш экинчиси
къыз барагъанын англагъан болурсуз Аллах айтса :)


Cообщение
E-mail
Тоба ,сезген эдим , бу алай бош болмаз деб ,алай а тут должно наверное быть какое-то правило..... что-то всё-таки исправить надо....
Изменено: Кергелен - 05.10.2012 19:25:33
Кергелен 04.07.2012 01:14:10
Сообщений: 856
Sabr,

Цитата
Sabr пишет:
Ол да неди десегиз: сабийлерибизге ана тилибизни сюйдюрюу. Аны ючюн а
къарачай-малкъар сабийлеге даражасы орус журналдан кем болмагъан тюрсюнлю журнал
керекди. Сиз не дейсиз ансы?

Да не дерикбиз- игитда керекди суратлау чыгъарма - чегетледе битген тереклени, кёкенлени, хансланы суратлары бла атлары бла, бизде битмеген гюл,джокъду дерчады. Езенлени, сыртланы , сууланы.......кёб затны билирге боллукъду суратлау журналдан. Тарихни.... литератураны...культураны..ашарыкъ- ичерик джорукъну.... кёб зат сабий гитчеликден илеширча. Къургъакъ сёз бла, сабий, тилни биз излегенча сюйюб къоялмайды , медет.
KALAYSA Pictures 04.07.2012 03:58:57
Сообщений: 3036

1 0

Юсуф деб бир джаш барды форумда, ник аты aaaa.. ол тюрк тилден назмуну ана тилге кёчюргенди.. автору бизники болмасада, назму бизге бек келишеди деб сунама.. бери салайым аны.. оригинал тюрк тилдегин блайда къараргъа боллукъду: http://www.youtube.com/watch?v=acvlEM4PX9c

кёчюрюлгени да буду:


Бу халланы сынарыкъгъа ушаймы эди, миллетибиз?


Эштмегенибизни эшите,
Кермегенибизни биз кердюк...
Бар эди эки шай акъылыбыз,
Терк тас этдик аны да биз...

Чархы тутмагъан арбача
Тикден энгишге ычхыныб,
Биз барабыз тохтаялмай,
Джолубузну тас этиб...

Бутакъдан тюшген чапракъча,
Джелге бойсуна барабыз...
Минг джылы толгъан эменча,
Балта ургъаны бла ауабыз...

Ёсдюрмейин джукъ… ашадыкъ…
Хазыргъа юрениб… къурудукъ…
Табылырмы амал, аланла…
Биз бойсунмазча бу халгъа?…

Сыйсызлыкъгъа ачыб къучакъ…
Сингдирдик къаныбызгъа...
Аман аурууча джайылыб...
Заран береди саулукъгъа...

«Джигит» деб бар эди атыбыз...
Сыйсызлыкъгъа…биз баш ийдик...
Бу халланы сынарыкъгъа...
ушаймеди миллетибиз?...

Башха миллетлеге биз ушаялмай...
Адетлерибизни да сакълаялмай...
Эки межгит арасында да...
Турабыз биз намаз къылалмай...

Сатыб биз болгъаныбызны...
Кесибизни да унутдукъ...
Эниклерге биз къадалыб...
Терс затланы айнтыдыкъ...

Билимсизлик тартар артха..
Билигиз…эй, алан туудукъла…
Илмусуз къалгъаныбыз...
Этеди миллетни къысыр…

Бу болуму миллетни...
Къанатады джюрекни...
Сый бермеин билимге...
Биз барабыз адежде...

Азатлыкъ унутулду...
Унутулду тарихибиз …
Халкъыбызны сакълагъан…
Къадау болалмадыкъ... биз...

Джолну аягъына келиб...
Ангылайбыз... джокъду башха джол...
Ётген ёмюрлеге къарай...
Сорабыз аладан оноу...

Ол джууабха тынгылайбыз...
Уялтады халыбыз...
Билеме… тюлдюле разы…
Ата-бабаларыбыз…

Халкъ джашнарын излеб,
Джан бергенле ахсынырла...
"Бу халланы сынарыкъгъа...
ушаймеди миллетибиз?"...

...
Sabr 04.07.2012 05:54:52
Сообщений: 7254

1 0

«ОЙ ПУШКИНЧА УА КЪАЛАЙ ДЖАЗГЪЫН...»

«Ой, Пушкинча уа къалай джазгъын. Аны назмулары сууча барадыла». Бу сёзлени гитчелигимден башлаб да, эшитир керекли къалмагъанма. Алай а, джазыучуладан джангыз бири да «Пушкинни назмулары сууча нек баргъанларын» меннге ангылаталмагъанды ол заманда.

Тёртюнчю классда джазгъан бир назмучугъуму къарачай газетде басмалагъан эдиле. Махтагъан да этиб. Ёзге, энди къарасам, алада эм уллу халатха басым (ударение) тюз тюшмегенин санайма. Аны уа тюзетмегендиле не да манга «тюзет» демегендиле.

Назму уа — басым тюшген бёлюм бла басым тюшмеген бёлюмлени кёзюулешиб барыуларыды. Ол силлабо-тоника джорукъду Пушкинни назмуларын баргъан сууча кёргюзтген. Ол джорукъну билмегенлери, биле эселе да аны бла джазмагъанларыды бизде поэзияны тынч окъулурча этмеген.

Блокну оюму: «Как бы мы ни оценивали Пушкина - человека, Пушкина - общественного деятеля, Пушкина - друга монархии, Пушкина - друга декабристов, Пушкина - мученика страстей, все это бледнеет перед одним: Пушкин - поэт. Едва ли найдется человек, который не захочет прежде всего связать с именем Пушкина - звание поэта.
Что такое поэт? - Человек, который пишет стихами? Нет, конечно. Поэт, это - это носитель ритма».

Мени ол сабий назмучугъумда быллай тизгинле бар эдиле (басым тюшген джерлени уллу харифле бла джазама):

Да кёрлЮксе хауада
созулуб гыбЫ ауланы.
УзакъдагъЫ таулада
джангЫ тюшген къарланы.

Къарыусуз эселе да рифмала (кафиеле) бардыла: хауада — таулада, ауланы — къарланы. Алай а, рифмаладан хайыр болмай къалады, басым (ударение) тюрлю-тюрлю тюшюб, барын бузуб къояды. Аны себебли, бу тёрттизгин — назму болалмай къалады.

Пушкинни романындан:

«ОнЕгин дОбрый мОй приЯтель,
родИлся на брегАх НевЫ...».

Кёчюреме:
«ОнЕгин ашхЫ менИ шохУм,
туугъАнды джагъаларындА НеванЫ».

Назму болургъа унамайды. Сёзню сёз бла (буквально) кёчюргеним ючюнмю? Огъай. Ритм сакъланмагъаны ючюн.

Кёчюреме:

МенИ ашхЫ шохУм ОнЕгин
НевА джагъасындА туугъАнды...»
Ма энди бир кесек Пушкинни ритмине келише башлады.

Къарачай поэзия силлабо-тоника джорукъгъа кёчмегенди алкъын. Малкъар джаны кёчгенди дерге боллукъду. Алай а, къаллай ёлче бла джазылса да шийир, бир ритмге бойсунмай мадар джокъду. Ритм джорукъ бузулса, назмудан татыу къалмайды — аритмия къыйнагъан джюрекге ушаб къалады ол. Алай а, сакъат джюрек адамны кесин къыйнай эсе, «бузукъ» назму окъуучуланы, артыкъсыз да сабий халкъны, бек къыйнайды. Таб, поэзиядан, андан да озуб, ана тилден кёлюн чыгъарады сабийни.

Горькийни акъ назмусун — «Буревестнигин» (Над седой равниной моря ветер тучи собирает. Между тучами и морем гордо реет Буревестник, черной молнии подобный.) — Биджиланы Асхат къалай кёчюргенине къарагъыз. Эркин кёчюргенди, акъ назмуну бир тюз назмугъа бургъанды. Алай а, назмуну магъанасын, ауазын, суратлау кючюн тас этмей сакълаялгъанды. Горькийни Буревестнигин Асхатдан иги кёчюраллыкъ бар эсе, сынасын къарыуун. Назмуну революцион ритмин сакълагъанды Асхат.

БОРАНБИЛГИЧ

Чал тенгизни
кенг тюзюню
тюз башында
булутланы
джел бир джерге
джоббу джыяд.
Тенгиз бла
булутланы
арасында
боранбилгич,
элияча
къаралгъанлай,
къатыб турад.

Ритмни юсюнден былай айтады белгили поэт Юрий Левитанский:
«А все же — все же разговор о ритме, о строфике, о стихотворных размерах — разговор не столь уж о частном. К слову, ритм вообще полагаю основой, самою душою стиха. Перефразируя Флобера, можно было бы сказать: ритм — это человек. В нем, в ритме, и осуществляется и живет поэтическая индивидуальность, неповторимость ее интонации, все ее модуляции и оттенки, ее речь живая, и голос, и жест. Поэзии нет без ритма, как нет дерева без ствола и ветвей.
Рифмы — они как цветы на дереве, и может не быть их вовсе. В ритме, как в генетическом коде, заключена программа. Без рифмы поэзия умеет вполне обходиться, и примеров тому сколько угодно, от того же Александра Сергеевича (и гораздо раньше) до наших дней, а без ритма поэзии нет».

Узун сёзню къысхасы: назму ритм эсе, ритмли назмулагъа кёчерге керекди къарачай поэзия да. Силлабо-тоника (ямб, хорей, анапест...) бизде орунлу болмай, ««Ой, Пушкинча уа къалай джазгъын. Аны назмулары сууча барадыла» дегенлей турлукъбуз. Излесек, кюрешсек, Пушкинни да сейирсиндирирча назмула джазаргъа уа боллукъбуз. Тамада тёлю джарты къойгъан ишни, джетиб келген фахмулу джаш тёлю баджарыр деб умут этебиз.
Изменено: Sabr - 05.10.2012 19:25:35
Кергелен 05.07.2012 15:00:48
Сообщений: 856
Салам!:превед:

KALAYSA Pictures, Сау бол ,бек аламат кёчюргенди Юсуф.:ялучший:Тюркню иги англагъанга , автору адам сагъышлы болурча окъуйду. Тюркде ол къайгъы болгъан сагъатда, тоба, биз а бошламазгъа керекбиз буасагъатдагъы болумубузну.....

Цитата
KALAYSA Pictures пишет:
Башха миллетлеге биз ушаялмай...
Адетлерибизни да сакълаялмай...

Эки межгит арасында да...
Турабыз биз намаз къылалмай...


Цитата
KALAYSA Pictures пишет:
Билимсизлик тартар артха..
Билигиз…эй, алан туудукъла…
Илмусуз къалгъаныбыз...
Этеди миллетни къысыр…

Сау бол, Юсуф, бек асыл сёзлени табханса...:браво:
Изменено: Кергелен - 05.10.2012 19:25:37
Кергелен 05.07.2012 15:18:53
Сообщений: 856
Салам,Билял!:превед:
Биджиляны Асхатны сабийликден сюйеме, биз гитче заманда "Ана тил"китаблада кёб назмусун азбар этгенме.

Цитата
Sabr пишет:
БОРАНБИЛГИЧ

Ч ал тенгизни
кенг тюзюню
тюз башында
булутланы
джел бир джерге
джоббу джыяд.
Т енгиз бла
булутланы
арасында
боранбилгич,
элияча
къаралгъанлай,
къатыб турад
Эки тылпыуу алгъанынг бла окъулады. Джаш адамла азбар этселе бу назмуну ,тилни бурургъа бек аламатды. Сейир! Сау бол, Билял ,къууандыргъанынга.

Цитата
Sabr пишет:
Узун сёзню къысхасы: назму ритм эсе, ритмли назмулагъа кёчерге керекди
къарачай поэзия да. Силлабо-тоника (ямб, хорей, анапест...) бизде орунлу болмай,
««Ой, Пушкинча уа къалай джазгъын. Аны назмулары сууча барадыла» дегенлей
турлукъбуз. Излесек, кюрешсек, Пушкинни да сейирсиндирирча назмула джазаргъа уа
боллукъбуз. Тамада тёлю джарты къойгъан ишни, джетиб келген фахмулу джаш тёлю
баджарыр деб умут этебиз.
Меники ,тюзлюкдю! Кюрешесе, къарыуунгу аямай. Эринмесинле, уялмасынла, сорсунла, бирда кишиден джукъ джашырмайса.
Аллах бет джарыкълы этсин!:браво:
Изменено: Кергелен - 05.10.2012 19:25:37
Кергелен 06.07.2012 00:46:51
Сообщений: 856
***
А я люблю читать свои стихи.
Я их тихонько даже напеваю,
Но, вот, возьмёт ли кто-нибудь в тиши
Их перечесть наедине - не знаю.
И потому на суд их ваш несу,
И тороплюсь, и так переживаю,
Я искренне вам душу раскрываю,
И в ваших взглядах искренность ищу,
А что в ответ на это получу -
Гадать не буду.
Лишь на доброту
И прямоту я вашу уповаю.
Ведь только я стихами называю
То, что на суд ваш строгий выношу.
Nainai
Кергелен 06.07.2012 00:48:54
Сообщений: 856
***
У нас еще вовсю гуляет лето,
А в Питере ? осенняя пора.
В плащи и куртки, и зонты одета
Вся площадь. В этом,
В общем, нет секрета ?
С Кавказа мы,
А Питер ? севера.
Тут ветер северный,
Волна идет накатом,
В Неве холодной ?
Свечи фонарей.
Билет на поезд первый ?
Мне обратно,
Домой так хочется
Вернуться поскорей.
Я по тебе скучаю
очень сильно,
Так хочется тебя увидеть мне,
Наверно, стала ты
еще красивей,
Не вспоминаешь даже обо мне.
И, рвясь домой
из городского плена,
Я знаю, будет так
со мной всегда.
У нас сейчас идет уборка сена,
А дальше ?
огородная страда.
По вспаханным полям ? цветные тени,
От белых в синем небе облаков.
Они плывут по пашне, как тюлени,
Их видно далеко
с вершин холмов.
Я остаюсь с тоской,
Щемящей сердце,
На берегах Невы
На все пять лет.
Ты, став такой
Заманчивой невестой,
Вопрос ? меня дождёшься
Или нет.
Чтобы потом
судьбою обернуться,
Надеюсь, постучишься
в сны мои.
Я постараюсь рано
не проснуться,
Чтобы подольше
были вместе мы.
У вас ещё вовсю гуляет лето,
А в Питере ? осенняя пора.
Я буду ждать сердечного привета,
С Кавказа прилетит он вместе с ветром,
От сердца сердцу передать слова.
Nainai
Кергелен 06.07.2012 00:51:58
Сообщений: 856
***
Забубенная головушка, февраль,
Обещалка, непоседа, жуткий враль
Всё бахвалился: ?К вам за руку весну
Приведу я, приведу я, приведу.
Очень просто, - хвастал, - лета синеву
Я зимою покажу вам, покажу.
С южным ветром дружбу издавна вожу,
Тучи в небе, как руками, разведу.
Третьим с краю я не зря в конце зимы ?
Я исполню все заветные мечты...?
И да сбудутся желаемые сны!
Только снова за косым снежком ? ни зги.
И, закована в сосульки, спит капель.
Хоть обещана весна ? она в пути.
На дворе у нас не март и не апрель.
То обманчиво тепло ? час не настал.
И, охапками морозные цветы
Разбросав по окнам, долго хохотал
Обещалка непутевый, жуткий враль,
Забубенная головушка ? февраль.

Nainai
Кергелен 06.07.2012 00:53:59
Сообщений: 856
***

Золотым дождем завешены
Все витрины вдоль дорог.
Я, опять тобой не встреченный,
Переступлю через порог.
Смотрит в окна вечер сумрачный -
То ли дождик, то ль снежок.
И уют в квартире призрачный,
И на сердце холодок.
Как горят огнями яхонты
На сережках золотых!
Если б знала, если б знала ты,
Трудно как и одиноко жить
Мне без глаз твоих родных.
Где ты ходишь, с кем встречаешься,
И кому ты улыбаешься,
Чьи подарки принимаешь ты
И не знаешь о моих?
Я тебе сережки выбирал,
Чтоб носила их всегда.
Просто, я тогда ещё не знал,
Где мы встретимся, когда.
Может, я тебя во сне видал?
Ветер свежий волосы трепал,
Золотистый завиток.
Где ты ходишь, мной не встречена,
Дорогая моя женщина,
Мой лазоревый цветок?
Как горят огнями яхонты
На сережках золотых!
Если б знала, если б знала ты,
Трудно как и одиноко жить
Мне без глаз твоих родных.
Золотым дождем завешены
Все витрины вдоль дорог,
Я, опять тобой не встреченный,
Переступлю через порог...
Nainai
elya 06.07.2012 01:49:58
Сообщений: 242
Цитата
Золотым дождем завешены
Все витрины вдоль дорог.
Я, опять тобой не встреченный,
Переступлю через порог.
Смотрит в окна вечер сумрачный -
То ли дождик, то ль снежок.
И уют в квартире призрачный,
И на сердце холодок.
Изменено: elya - 07.11.2014 23:02:43

Слушай
своё
сердце -
как оно стучится к тебе!
а вдруг ты не услышишь,
а ему надоест...
Sabr 06.07.2012 04:42:50
Сообщений: 7254
Кергелен эмда хурметли джамагъат!
Джолдашла!

Кёлюме келген бир зат: "Акътамакъ" кафеде къуру ана тилибизде джазылгъан затланы сюзсек иги болурму?
Кесибиз да къуру ана тилде сёлешсек, къалгъанлагъа юлгю кёргюзте.
Ансы, орус тилли болуб кетер деб къоркъама тема. Огъесе, къалай дейсиз?
Sabr 06.07.2012 06:33:41
Сообщений: 7254
Джангылыкъла
Изменено: Sabr - 05.10.2012 19:25:43
Sabr 06.07.2012 06:42:43
Сообщений: 7254
АДАБИЯТЫБЫЗНЫ ТАМБЛАСЫ БАРМЫДЫ?
Изменено: Sabr - 05.10.2012 19:27:58
Sabr 06.07.2012 06:47:12
Сообщений: 7254
Цитата
АДАБИЯТЫБЫЗНЫ ТАМБЛАСЫ БАРМЫДЫ?

Бюгюн бизни адабиятда джылы 50-ден тёбен джазыучу джокъду. Сора, джыллары 50-60 тёгерегинде болгъан тёлю джашаудан кетсе, литературабыз ёлюбмю къаллыкъды? Да ёлмей не этерикди, ана тилибизде джазгъан болмаса? Къуугъун этерча зат тюлмюдю бу?

Джуртда джашагъан джазыучуларыбыз ангылаймыдыла экен келе тургъан палахны? Ангылай эселе, хар бирери бирер элде адабият бирлешлик къураб, фахмулу сабийлени нек кёллендире болмазла? «Сиз мадар этсегиз, мен да къадар этерме»,- деген шойду Аллах.

1970-чи джыллада Лайпанланы Сейит Ючкёкенде адабият бирлешлик (литературное объединение) къурагъан эди. Ары джюрюгенле: Аппакъланы Ибрахим, Биджиланы Идрис, Ёзденланы Барисбий, Эриккенланы Къази-Мухаммад, Лайпанланы Билал, Берберланы Бурхан, Лайпанланы Сейит кеси. Ол айтылгъан адамланы китаблары да чыкъдыла, бары къралны джазыучула Союзуна да кирдиле. Сейитни ол ишин унутургъа боллукъмуду? 6 адамны джазыучу джолгъа чыгъаргъан Сейит барыбызгъа да юлгюдю.

Юлгюдю, алай а, не эсе да, аныча кюрешген джокъду бюгюннгю джазыучуларыбызда. Неда болсун, тарыгъыргъа юреннгенбиз, иш этерге уа — огъай. Кертиди, уллу къуллукъда, оноуда тургъан адамларыбыз Алийланы Умарча болсала, бизни джерибизге, тилибизге да къоркъуу болмаз эди. Китабла, журналла, газетле да чыгъар эдиле. Проблема болмаз эди Ана тил бла адабиятдан дерс китабланы чыгъарыу.

Бюгюннгю башчыла уа, устазланы, алимлени, джазыучуланы айтханларын къулакъгъа да алмайдыла — 20 джыл къарачай тилден, адабиятдан дерс китабла кереклиси чакълы чыкъмай, школлада сабийлени не бла окъутургъа билмей тургъанлы. Сора, тилибиз кетиб барады, сабийле тилни билмейдиле дерге кюрешебиз. Аюню кёре тургъанлай, ызын ызлагъанча...

Къарачайны аты бла оноугъа, къуллукъгъа илиниб, Къарачайны джерин, тилин, адамын сакълар джанындан джукъ этмегенле — ишлеринден кетерге керекдиле. Ана тилибизни ёлтюре тургъанла аладыла — миллет республиканы къурагъан эм уллу халкъны — газети, журналы джокъду, ана тилге юретген дерс китабла чыкъмайдыла, суратлау адабиятны айтмай огъуна къояйыкъ. Миллет иш биздеча «оу» тюлдю хоншу республикалада.

Бир-бирде сорурум огъуна келеди: къарачай атны, тукъумну джюрютгенликге, къарачайча сёлешгенликге, бизни башчыла къарачайлыла болмазламы? Ансы къарачай эллени чачылыб баргъанларына, культурабыз седиреб, тилибиз къуруб баргъанына, къарачай джюреги болгъан алай сансыз къалай къарар?

Фахмулу сабийле джаза башлаб, артда нек тохтаб къаладыла? Алагъа кереклисича эс бёлюнмегенинден болады алай.
Совет властны кёзюуюнде къалай эди? Фахмунг, билиминг джете эсе, китаб джазаса, аны китаб басма чыгъарады, тюкенле, библиотекала аланы аладыла. Автор да, эм азында бир джылны ишлемей джашарча, гонорар алады.

Энди уа къалайды? Артыкъсыз да бизде?
Энди уа джазгъанынгы кесинги ачханга чыгъарыргъа керексе. Бизде журнал да джокъду, анда басмаланырча джазгъанынг. Джаш къаламчылагъа уа артыкъсыз да къыйынды.

Джаш джазыучуланы кёллендирир ючюн:


1.аланы джазгъанлары басмалана турургъа керекдиле. Аллында журналлада, джыйымдыкъ китаблада. Маджал назмулары китаб болурча болса, аны къайгъысын да кёрюрге борчлубуз.
2.аз-кёб болса да, гонорар тёлерге керекди. Ол да бир стимул болур бу къыйын заманлада.
3.бу ишни эталлыкъ — ачха-бочха джюрютген адамларыбыздыла.

«Акътамакъ» атлы адабият кафеде фахмулу джаш-къыз кёбюрек бола, джазгъанлары да джыйыла барса, бу башында айтылгъан соруулагъа кёчерге боллукъду. Иш алайгъа джетсе. Ёзге, элледе назму джазгъанла болурла, алай а, интернет бла байламлы компьютерлери-зат болмаз, бизден хапарлы къалай болсунла ала.

Кюрешмесек, бир джыйырма джылдан къарачай джазыучугъа тюртюлмей къалыргъа боллукъду. Иш алайгъа бара турады.
Изменено: Sabr - 05.10.2012 19:13:28
Кергелен 06.07.2012 14:36:23
Сообщений: 856
Кюнюгюз Ашхы болсун, Къууатлы болсун Багъалыларым!:превед::ялучший:
Цитата
Sabr пишет:
Джолдашла!

Кёлюме келген бир зат: "Акътамакъ" кафеде къуру ана тилибизде
джазылгъан затланы сюзсек иги болурму?
Кесибиз да къуру ана тилде сёлешсек,
къалгъанлагъа юлгю кёргюзте.
Ансы, орус тилли болуб кетер деб къоркъама
тема. Огъесе, къалай дейсиз?
Билял, Сенсе тамадабыз , алай болсун дей эсенг......Мусса да не айтырын кёрейик......
Мен умутуму айтаим: Джазсынла ,тегеран тырмашсынла,ыхтырмайык артларына- Ана тилде джазмайсыз деб. Аллах айтыб чыкъгъа эдиле - Токмаковала, Ахмадулинала, Тютчевле, Есенинле, Бунинле,.......Къарачай тукъумлары бла.
Ана тилде джазаргъа уа тилейик, джалбарайыкъ......
Ушакъны " Акътамакъ"-да Ана тилде бардырайыкъ . Окъургъа юренсинле Ана тилде назмуланы.
Кергелен 06.07.2012 14:50:12
Сообщений: 856
Цитата
Sabr пишет:
Джаш джазыучуланы кёллендирир ючюн:

1.аланы джазгъанлары
басмалана турургъа керекдиле. Аллында журналлада, джыйымдыкъ китаблада. Маджал
назмулары китаб болурча болса, аны къайгъысын да кёрюрге борчлубуз.
2.аз-кёб
болса да, гонорар тёлерге керекди. Ол да бир стимул болур бу къыйын заманлада.
3.бу ишни эталлыкъ — ачха-бочха джюрютген адамларыбыздыла.

«Акътамакъ» атлы адабият кафеде фахмулу джаш-къыз кёбюрек бола,
джазгъанлары да джыйыла барса, бу башында айтылгъан соруулагъа кёчерге
боллукъду. Иш алайгъа джетсе. Ёзге, элледе назму джазгъанла болурла, алай а,
интернет бла байламлы компьютерлери-зат болмаз, бизден хапарлы къалай болсунла
ала.

Кюрешмесек, бир джыйырма джылдан къарачай джазыучугъа тюртюлмей
къалыргъа боллукъду. Иш алайгъа бара турады
Бисмилля!!! Деб джолгъа чыкъгъанга Субхан Аллах болушур!
Бир сборникчик чыгъаралсакъ да уллу файда боллукъ эди. Бизни миллетде Ата-Анала быллай затны айнытырыкъ тюлдюле , медет.
Школлада керти Устазла болушсала ,не билеим ансы. Тоба " сууу таркъйгъанчады "чот, Сен , айтыуудан,Билял.
Берекет 06.07.2012 16:40:38
Сообщений: 150
Кюн ашху болсун, Кергелен!
Ма былай келеди керти Хозяйка кесини арбазына. Гогкалабла, алгъышлабла…
Кел, Кергелен, огъурбла кел! Бек разы этдин алхышларынгбла, Аллах разы болсун санга.
Да, былайда, хайт деб, иш кёб болуб барады, эгечим. Кире да чыгъа заман табалмай турама ансы, ишни баджара барыргъа.
Бусагъатда уа, огъай дерик джокъ эсе, Узакъчыны «Айрылыуну сууукълугъундан да къоркъма!», Салпагъарланы Мариямны «Мен-хауачыкъма», «Къач» деген назмуларын «Акътамакъ» кафени табхасыны эм башында салама.
Алайда турургъа тыйыншлыдыла бу назмула.
Былай къарайма да, энтда бир назму барды дейме аланы къатына тюшерик, заман болуб иги къараялсам, айтырма.
Sabr 07.07.2012 06:37:56
Сообщений: 7254
Кергелен пишет: "Тоба \" суу таркъайгъанчады \"чот, Сен , айтыудан,Билял".

Кергелен ханым!
1.Талай адам биригиб, кюреше барсакъ, халны тюрлендирирге боллукъду.
Джаш авторланы джазгъанларын "Минги Тау" журналда Мурадин Ёлмез басмалата барады. Ол алайда ишлеген къадарда, фахмулу джаш тёлюге басмаланыр джер барды.
"Тейри къылыч" деб, джангы джазыб башлагъанланы назмуларындан къуралгъан китаб да чыкъгъанды Малкъарда. Бизде да табылыр аллай бир китабны чыгъартырыкъ адам - джангыз, джаш авторла кеслерин кёргюзтюрге, танытыргъа керекдиле.

2.Бусагъатда эследим:

" Назму деген накъырда тюлдю,
Джюрекге эшик ачады"

СМАИЛ.

"Смаил"ны орнуна Джырчы Сымайыл десек таб болур эди - ол кеси айтыучуча, джазыучуча.
Sabr 07.07.2012 17:05:42
Сообщений: 7254
БИР ТЮЗ СЁЗ БОЛУР ЮЧЮН АКЪ...

Боз дууадакъ джюджекле да
ёсе келселе боладыла акъ.
Бек фахмулу поэтлени уа
биринчи сёзлери да — акъ.

Алай а, бозара келиб,
артда агъаргъанлагъа да джокъду сёз.
Танг да агъарады, саргъала келиб —
сёзюнг акъ болгъунчу, ашыкъма да, тёз.

Сёз, агъарыб, къанатлы болгъунчу,
ийме аны джюрекден-уядан.
Къуш бала да къанаты къатхынчы
базмайды кёкге атларгъа къаядан.

Къарангы кёкде джаннганча джулдуз,
акъ сёзге бурулады сезим.
Къарангы кёлню-джюрекни
джарытады шайырны сёзю.

Тюз сёз Акъ къанатлы сёзге
бурулур ючюн керекди заман.
Сабырлыкъ да керекди. Ангылау да —
джаш фахмугъа джетмезча заран.

Фахму да терекди. Керекди
аны аяргъа, болургъа да сакъ.
Керекди болушлукъ Кёкден да, джерден да —
бир тюз сёз болур ючюн Акъ.
Изменено: Sabr - 05.10.2012 19:13:33
Кергелен 07.07.2012 17:07:29
Сообщений: 856
Салам,Хурметли Джамагъат!:превед:



Цитата
Sabr пишет:
"Смаил"ны орнуна Джырчы Сымайыл десек таб болур эди - ол кеси
айтыучуча, джазыучуча.

Билял, ма энди барыбыз да ушатханча болду, сау бол.

Цитата
Sabr пишет:
1.Талай адам биригиб, кюреше барсакъ, халны тюрлендирирге боллукъду.
Кюрешмесек боллукъ тюлдю......Бизни аллыбызда джашагъанла уллу Тин Берекет къоюб кетгендиле ..... тас этсек ол хазнаны ,бизни киши истемез Аллахайнан.
Кесинг менден эсе иги билесе.....
Сау къаллыкъла, Малкъарда журнал да ,китаб да, кюрешиб чыгъарыб турадыла.

Билял, Джырчы Сымайылны Сен чыгъаргъан китабындан, къызчыкъгъа джаздырама......
Келлик тёлюге.


Къаллай насыблы адамлабыз биз !
Сёлешир ючюн - хазыр тилибиз.
Бютеу аламда болгъан затланы
Бир да къалмайын барды атлары.

Зыгъырдан башлаб джулдузгъа дери
Бу тилни ичине кирелле бери...
Хар не затны да сыфаты , саны
Тилибиз кесгин тамамлай аны.

Келген тёлюле! Келлик тёлюле!
Сакълагъыз аны , миндемей энин.
Къошулгъан къона, къорагъан къайта
Ол бизни халкъгъа ёкюллюк этсин!
Изменено: Кергелен - 05.10.2012 19:13:33
Берекет 08.07.2012 02:23:20
Сообщений: 150
Джер юсюнде андан уллу байлыкъ бармыды? Кёкден келген фахмунг болуб, аны бошуна джоймай, халкъынгы къуандыра билсенг. Сёз ючюн макъамлы болуб, джырлай билсенг.
Джырчы Сымаил келеди эсге эм биринчи, алай а, былайда бир эки сёз айтыб къоялмайма. Аннга энчи сёз айтыргъа керекди, аны мийиклигин, кенглигин, теренлигин ангылаб бошаб. Ким бошагъанды?
Отарланы Омар каллай бир джырыбызны, джырлаб, джаздырыб, тас болуб, унутулуб къалмазча этгенди…
Ёзден Спарны, Ёзденланы Альбертни джырларында есгенбиз барыбызда … Ёзденланы Парисбийге тынгыласанг, эсинг бир джанына кетиб къалады, аны огъурлу да къаты, къатапа джумушакъ (бархатный) ауазыны ариулугъундан.
Газаланы Алимге уа, тамагъы ташны джарырча, къурчдан кючлю болуб, кёб тынгылаялмай къаласа, асры къозгъалгъандан…
Деменгили, тутхан ишлерини багъасын, соруун ангылагъан адамларыбыз… Атлары джыллагъа, ёмюрлеге къаллыкъ адамларыбыз… Ол тюлмюдю байлыкъ? Аллай джырчыларыбызда, джырлаучуларыбызда аз болмай келгенди хаманда...
Мен бирледе, кесим не иги, не терен ангыламагъан затланы юсюнден селешим башлагъан бир аман адетим барды. Бюгюн да ол джанына таяргъа башлагъанма…
Бир кюн, бир эки-юч джыл мундан алда, Масква джанында, е-е-ей-хей, къарачайча бир джыр барад «тёгерекни сагъайта», экскаваторну ичинден. Ичинде уа, джылы къыркъгъа джетген, джаш. Сапарны джырларын салыб, къампайыб турад, кёзлерин сюздюрюб. Гагауз джаш. Колька. Айтады Колька хапар, хар сёзюнден сора, мени айтханына ажымлы инандырыргъа кюрешиб, ейбогуну басыб, ант эте.
- Молдавияда, гагаузла джашагъан тёгерекледе къарачай дискле, малкъар дискле кёб сатыладыла. Кесибизникиледен эсе бек джаратама, артыкъда бек сёзлерин, запислени качествосуда бизникиледен игиди…
- Башха джырларынг бармыдыла?
- «Салам» и ещё на «Дж», - деб «Джёгетейни» айтад...
Бу къышны аллында анга Сапарны джангы дискин, дагъыда «Саламда», «Джёгетейда» болгъан джырланы бериб кетгенем
- Къайсысын джаратаса? – деб сорама артдан
- На «Дж». Аланы аллай джырлары барды, аллай джырлары барды… дунияда эм иги джыр. На «Кчр»
- Нек?
- Аны аллай сёзлери барды, аны аллай сезлери барды…
- Болгъан сёзлерин да ангылаймыса?
- Огъай, аныда бир джанындан кесича игилиги бард…
Ма алай кибик сёлешим чыгъабыз Колька бла, кючден бутдан айырыб « на Кчр» деб кюрешгени, КЧР болмайын, «Кёгюрчюн» болгъанын.
Колькагъа тюбегенчи да, бек уллугъа кетиучен эди эсим. Кёб джырыбыз барды, эскиледен да, бек эскиледен да тюл… Сёзю, макъамы, ауазы бир бирине таб джарашыб, бирде джылата, бирде кёлюнгю басдыра, бирде къуандыра да кюлдюре… Былай кеси кесим бла даулашым башлаучанма, биздеча джырлары болгъан халкъ, артыкъда бек сёзлерини магъанасы, суратлау арийлугъу биздеча болгъан, джокъду бу дунияда деб. Колька айтханлай, ма «Кёгюрчюнню» сезлери, тюз джазалгъанма сёзлерин, деб ышанмасамда.

Барды, барды бир кёгюрчюн джюрегимде
Учуб чыгъыб кеталмайды мийик кёгге
Айтыр сёзюм айланады тил учумда
Дуния бары сыйынганды уучума

Джетегейли джети джулдуз джанган кёкге,
Джангкъылычны нюр тогъайы тургъан чекге
Къалырбызмы джеталмайын биз экибиз,
Тоюбузгъа джыйылмазмы тау элибиз?
Керилгенме садакъ атыб джиберирге
Тюшген джери мекам болур экибизге
Къар тюбюнде джанкъоз чыкъгъан сеир джерде
Табылмазмы бир болургъа мадар бизге
Кёкню джети къатына да джетер кибик
Джети нюрню джукъланмайын кетер кибик
Учургъанма джюрегимден бир джилтинни
Бошлагъанма бир термилген илипинни
Барды, барды бир кёгюрчюн джюрегимде
Учуб чыгъыб тебрегенди мийик кекге
Тыйяым деб кюреширик тюлме энди,
Къайры сюйсе ары учсун дуния кенгде!

Бир сёзеим, деб сала турмайма бу джырны сёзлерин былайгъа
Юлгюге сала турама.
Ма быллай болургъа керекди, керти джырны, керти сёзлери…
Алай а, бюгюн башха затлагъа кетгенди эсим...
Къарачайда болуб, бир кюн, эсимдемиди, былтыргъы джай болур эди, кесим джангыз узакъ джолгъа атланама мешна бла. Джол джёнгер да неге керек эди – бир талай джангы джыр диским къолумда. Салама, ичинде джюзден аслам атлагъан джыры болгъанына къуана, сатыучу къызчыкъ, современный, молодёжный эстрадабыз, деб махтаб берген, биринчи дискни. Салсанг, аллайгъа сал, «оу» бла «шау» бирбирлерине нёгер болуб, тынгылаялмаймада къалама «молодёжный эстрадабызгъа». Биринден бирине дженгил дженгил чынгата барама да, ийнаныгъыз, къуру 55-чи джырны артына дери тынгылаб чыгъалама. Олда, алданмай эсем, эски джырланы бири болуб, джангы ауаз бла джырланган бир зат. Сонгура - джол узакъ, ашыгъыу джокъ - уллугъа кетгенсе джаш, кесибизни джырлагъа хыликге этиб, деб, кесиме айыб эте, сабырлыкъны къолгъа алыб, джангыдан салама да, артына дери тынгылаб чыгъама. Не хайыр? Ол талай джырны ичинде, не иги бла, не аман бла, меники болсун деб айтырча къуру 10-12 джыр. Энди джыр кёб бармаучанды, кёбюнде тёрт, тёрт бла джарым, болмаса беш-алты минут. Былада, тюгел къалмай, хар джырны, сёзю башланганчы, бири бирине ушагъан, макъам маталлы бир болмагъан, бир дынгырдау созулады 40-50-60 секундха. Джырынг а къайда, деб сакълай, болгъан джыланларынг чыгъыб бошаб, тюгел чыдамынгы таусхандан сора, келир бир заманда джырда. Айхай, андан да не хайыр. Джырны макъамы, макъам дерге боллукъ эсе анга, ол аллында дынгырдаугъа чыртданда келишмеген, кеси джанына тартгъан, бир тюрлю бир зынгырдау.
Джырлаучуланы макъам ауазларыны юсюнден а, аман айтмаз ючюн, джукъ айтмайым да бир къояым. Мен бу джаш джырлаучуланы ичинде бир алтын ауазмы излей эдим, былай эрикгенден тынгыларча бир зат болса да боллукъ эди. Къалай алай болсада, джырларгъа чыкъгъан эселе, бир кесег болсада, быланы джыр ауазлары болургъа керек тюлмюдю?
Ким айтханды бу «булбуллагъа» тамагъынг арийду, макъамлыса, барда джырла деб?
Ким штамповать этиб барады бу одноразовый пшикалкаланы?
Джибердим дискни ол кюн огъуна мешнаны терезесинден джол тюбюне, чыртда ызындан ахсынмай. Обочинадады бу джырланы орунлары, деб айталлыкъ тюлме, мен тюлме былайда оноу этерик...
Сёзюмю аллына бир чабайым. Къайтыб келиб хапар сорсам, «наивнякны да, «непродвинутыйны да»» басыб, уллу кюлдюле манга: - «Бусагъатда бу мода болуб къалгъанды. Хар тукъумну къой, хар юйню кесини джырлаучусу барды».
Ангыладым : Ачханг болса - джырчы, ачханг болмаса - джалчы!
Ангыламадым: Аллах бермеген нюрню, сатыб алаллыкъмыса? Джырчыны багъасын, сыйын алай тюшюрюге боламыды?
Энди джырлайма дегенни аллынмы тыяллыкъса, зор этиб да. Джырласынла. Алай а, кёб болмасалада, мени чыртданда чыдатмагъан, бир зат барды. Къайдан табхандыла была, къайда эштгендиле бизни джырлада, ол Орта Азияны халкъларыны джырларындача, азербайджанланы джырларындача макъамны ичинде, артыкъда бек тизгинни арты созулгъан джерде, тамакъны, бир къысха-къысха, бир гитче, бир уллу ойнатыб, бир созуб подвывать этген зат, къайда эштгендиле бизни джырлада алай сарнагъан зат. Хыликге этиб айтмайма ол халкъланы сарнау этгенлерине. Ол алагъа джарашады, ол аланы ёмюрледен келген песенний культураларыды. Ол къысха заманчыкъны ичине къазакъ тилге къатышыб, тилибиз, эсибиз бузулуб къайтханыкъдада (Аллахха шукур - ызыбызгъа къайтардыкъ тилибизни. Артына дери къайтаралдыкъмы – аны академически окъуулары, билимлери болгъан адамларыбыз айтсынла. Мени аллай мадарым джокъду, айтырыкъ затым болсада), бизни джырчыларыбыз алгъынча джырлаб тургъандыла, джукъ бузмайын.
Эркек бёрю, матёрый бёрю къалай улуйду? Узун, бирча, тохдаусуз ариу бардырады, къайсы менме деген эрни да, ётюн богъурдагъынга джыйдыра.
Тиши бёрю анга къошулса бузады оюнну, къысха-къысха ушахыусуз сарнай, гнусавит этиб къусдура.
Бизни джырлагъа бу джюрек джарыу кыскыныкла-къусдурукъла керекмидиле?

Энди, уллу кёллю болуб, кесими багъалата сёлешмейме джамагъат. Артыкъ да бек ол джырланы сёзлерине къыйналама. Бири бир ызындан тизилиб, ма былай джазылмазгъа керегди джыр назму деб, къычырыкъ этиб, юлгюге салынганча, бири биринден мыжыкъ затла.Тёгерекге къарай билмеймидиле была, къаллай бир аламат джыр назмуларыбыз бардыла, кёрмеймидиле. Огъесе, кесим джазама-кесим джырлайма, деб, назмуну ичинде «Шам Къарачай», «Ана сют», «Ана джыламукъ», «Кириш къая», «Шоркъа суу» деген сёзле бар эселе, джыр хазырды деб, акъылларынамы келеди быланы. Джырны сёзюн халкъны аллына чыгъыб айтырынгы аллы бла, билген адамлагъа (аз тюлдюле) къаратыргъа нек болмайды?
Огъесе мен ангыламагъан бир затмы барды былайда?
Артыма айланыб къарайма, ол джаш заманымда сюйген-тынгылагъан джырларыма. Ала болурламы мени «бузуб» къоюб, бюгюн мен асры мийик планка салыргъа кюрешгеним?
Къозбаланы Акълиманы джырлары: «Насыбымса», «Къуанчымса», «Атынгы айтсам…»
Батчаланы Лидияны джыры: «Ангыламадынг».
Алтуева Зояны джырлары: «Къызны сагъышы», «Сен мени кюнюмсе»
Бу джырла бла, былача джырла бла ёсюб келгенме мен. Бу джырла боягъандыла манга таулу къызчыкъны, таулу къызны, таулу тиширууну суратын, тюрсюнюн, аны кёз къарамын, сан субайлыгъын. Бу джырланы макъамлары, сёзлери, джырлагъан къызчыкъланы (ала ол заманда джаш къызчыкъла эдиле) сёзлеринде къой, ауазларында болгъан илешли, сюйюмлю, джумушакъ адеблери, иннетлери сюйндюргендиле мени таулу тишируулагъа. Бу джырланы кёзлери бла кёреме мен кесибизни тиширууланы. Бу джырла юретгендиле мени тиширууланы къуанчларына къуана билирге, тарыгъыуларына джан аурута билирге.
Ма, Къозбаланы Акълима джырлагъан, мен, ол бири биринден иги джырланы ичинден айырыб, бек сюйген, джыр

Айтхан эдинг бир кюн сен таукел
Сюймекликни татлы сёзлерин,
Мен а джылы джуаб бермеин
Ахсынама ол кюнден бери
Припев:
Джолгъа чыгъыб сакълайма сени
Мен барлыкъма кёрсем аллынга
Кёзлеринге къараб уяла
Къор болайым дерме джанынга
Кече кюнда кетмей туралла
Кёз туурамдан ариу кёзлеринг
Сакълаума къарыу бергенлей
Барадыла татлы сёзлеринг
Нек джашырдым ариум сенден
Джюрегими керти болумун
Нек къыйнадым багъалым сени
Къолларынгдан тартыб къолуму
Джазыу кёред кыъйын халымы
Джюрегими бошлаб тузакъдан
Сюймекликни джилтинин сакълаб
Сен келирсе наным узакъдан

Ий, халкъ бу затха не сагъыш этеди, огъесе биягъы мен халкъдан акъыллы болуб, оза башлагъан болурмамы? Сагъышлыма, Тейри...
Хар заман кесини джырын джырлайды, деучендиле.
Ким огъай дейди?
Джырласынла кеслерини джырларын, ДЖЫРЛА ДЖЫРЛАСЫНЛА, ансы.
Кергелен 08.07.2012 23:23:11
Сообщений: 856
Ингиригиз къууатлы болсун ,Багъалыларым!:превед::ялучший:

Цитата
Берекет пишет:
Джер юсюнде андан уллу байлыкъ бармыды? Кёкден келген фахмунг
болуб, аны бошуна джоймай, халкъынгы къуандыра билсенг. Сёз ючюн
макъамлы болуб, джырлай билсенг.
Джырчы Сымаил келеди эсге эм биринчи, алай
а, былайда бир эки сёз айтыб къоялмайма. Аннга энчи сёз айтыргъа керекди, аны
мийиклигин, кенглигин, теренлигин ангылаб бошаб. Ким бошагъанды?
Отарланы
Омар каллай бир джырыбызны, джырлаб, джаздырыб, тас болуб, унутулуб къалмазча
этгенди…
Ёзден Спарны, Ёзденланы Альбертни джырларында есгенбиз барыбызда …
Ёзденланы Парисбийге тынгыласанг, эсинг бир джанына кетиб къалады, аны
огъурлу да къаты, къатапа джумушакъ (бархатный) ауазыны ариулугъундан.
Газаланы Алимге уа, тамагъы ташны джарырча, къурчдан кючлю болуб, кёб
тынгылаялмай къаласа, асры къозгъалгъандан…
Деменгили, тутхан ишлерини
багъасын, соруун ангылагъан адамларыбыз… Атлары джыллагъа, ёмюрлеге къаллыкъ
адамларыбыз… Ол тюлмюдю байлыкъ?

Мусса, бу адамла бизни "культура терегибизни " тёммегидиле. Тёммекге уллу бутакъла ,гитче бутакъчыкъла да бирча керекдиле. Гитче буткъчыкълдан боладыла уллу бутакъла. Тегеран "терекни" тюз ёсдюрюрге керекди.

Мени бир сейрсингеним барды джашлыкъдан да. Гюрджюде ( Грузия) Нико Пиросмани деб сурат салыуучу болгъанды. Аны миллет тынчха -къарыуусузгъа санаб , сабийле ташчыкъла атыб ызындан , кёнчегин чыбыкъчыкъла бла тешерге умут этиб, къозуб тургъандыла. Бусагъатда аны суратлары мелиуан долларлагъа сатыб алыргъа табмайдыла.
Аны айтханым......ким биледи арты къалай боллугъун.

"Ючкекен" группа чыкъгъанында ,Аллах айтса - тас болмазбыз деб ,алай къууаныб , саугъа эте эдим кассеталарын.
Боташланы Зуриятны " Джашауну чархы " деген джырындан сора , башха джыргъа тынгыламай талай заманны тургъан эдим.
Джашау орун айырта барады, джазаргъа тырмашсынла , фахмулары болгъанла тунчукъдурмасынла тегеран . Билеб туругъа керекди сёзню да, макъамны да.
Изменено: Кергелен - 05.10.2012 19:13:40
Кергелен 08.07.2012 23:56:02
Сообщений: 856
Сизге Саугъа:гоккачыкъ:
Загрузка плеера
Читают тему (гостей: 1)

Форум  Мобильный | Стационарный