Эбзеланы Абу-Юсуф хаджиге къонакъгъа барабыз!

Девушка Гор 18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле.

Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди.
Абу-Юсуф хаджиге соруулары болгъанла, былайда джазыгъыз!
Абу Юсуфну кесини энчи сайты барды www.ebze.ru , ма былайда къараргъа боллукъсуз анга
Бу назмулагъа бир тынгылагъыз, мадары болгъан
http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA

http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA

Бу назмугъа уа тынгыламай боллукъ тюлдю. Артыкъсыз да джаш адамлагъа
http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA

Ответы

мираж 21.10.2011 23:06:36
Энтта бир соруу:
"Аллахы кёпню - шайтаны кёп" -, деген аллай бир сёз барды дейдиле миллетде. Аны не магъана бла айтадыла сизни оюмугъузгъа кёре?
Sabr 21.10.2011 23:21:16
Сорууланы кечигиб берсек да, артда бу темагъа кириб, Абу-Юсуф хаджи алагъа джууаб эте туралмазмы? Бу теманы ууакъ-ууакъ бардыра, соруулагъа джууаб эте бармазмы?

Бу да бир соруу
Abdullah 22.10.2011 02:13:51
Ассаламу алейкум!
Джангы-джангы къайтдым къайтдым къонакъдан)) Танг да кеч къалыб кетдик кёреме)) Абу Юсюб хаджи кёрдюк, ушакъ этдик, соруулагъа бек узун-узун джууабла берди, хар нени ачыкълаб, ол себебли былай кеч да къалдыкъ болур. Джууабланы сакълагъыз.
Абу Юсюб хаджиге да Аллах узун ёмюр берсин, джылы джаш болмагъанлыкъгъа, акъылы бла кёлю бла бек джаш кёрюне эди, МашааЛлах!
Abdullah 22.10.2011 17:25:42
Эбзеланы юйдегиге эм да Эльбрусоид организациягъа тюненеги тюбешиуню юсю бла разылыгъымы билдиреме
Аллахдан къууаныгъыз!
всезнайка 22.10.2011 17:42:58
Ассаламу гъалейкум! Бек сеийр тюбешиуге барыб келдигиз!
Суратлада сабийчикле туудукъчукъларымыдыла?
Девушка Гор 22.10.2011 17:52:01
всезнайка
Суратлада сабийчикле туудукъчукъларымыдыла?
Хоу Суратларыбыз, видеобуз да кёбдю. Джаздыра турабыз, Аллах айтса, бюгюн салыб башларыкъбыз
Девушка Гор 23.10.2011 17:17:07
Абу-Юсуф хаджиге да, юйдегисине да уллу разылыгъыбызны билдиребиз. Кеч барыб, джунчутдукъ, сау болугъуз алныбызгъа къараб, сыйлаб сорууларыбызгъа джууабла бергенигиз ючюн.
Багъалы форумчанла, сизге Абу-Юсуф хаджи бла тюбешгенибизден хапар айтайыкъ
Эм биринчи соруубуз, дин назмуланы юсюнден болду





Къуранны къарачай-малкъар тилге кёчюргенини юсюнден айтады



Шакай улу Хаджини юсюнден, бусагъатда шыйыхла бармыдыла, деген соруугъа джууаб этеди, суфийлени, къарачайда дин бегимегенини юсюнден айтады.



Шакай улу Хаджини юсюнден ма былайда окъургъа да боллукъду
http://dl.dropbox.com/u/24099987/Hadji.pdf

Динден, шериатдан терен хапарлы, билимли болуб, дин авторитет болурча джаш адамланы юслеринден, дин назмулагъа, музыкагъа, сурат салгъаннга къалай къарагъанны юсюнден



Дуаланы, китаб ачханны юсюнден айтады Абу-Юсуф хаджи



.............продолжение следует.........
Sabr 24.10.2011 04:50:16
Девушка Гор
Бек аламат. Быллай тюбешиулени не къадар кёбюрек эталсагъыз, бек иги боллукъду.
Джамагъат организацияланы башчылары бла да бардырсагъыз быллай тюбешиулени...
Къарачай шахарда Дем.Джамагъатны тамадасы Кечерукъланы Азрет-Алий хаджи. Ол да кёб зат айтыр. "Барс Элни" къуралыууна да бек разы болгъанды.
Бек иги ишле этесиз - Аллах болушсун!
Девушка Гор 26.10.2011 15:45:06
Tinibek
Сизни сорууларыгъызгъа джууабла

Абу - Юсуфну назмуларын окъугъандан сора, алагъа тынгылагъандан сора, бусагъатда джаш тёлюню къалай ёсдюрюрге керекди, деген соруу келди кёлюме


Эшитмегенле, тынгылаб къалыгъыз Абу-Юсуф хаджини назмуларына. Джаш тёлю, иги тынгылагъыз сиз
Девушка Гор 26.10.2011 15:46:58
kalejchi
Сиз Къуранны къаллай бир заманнга кёчюргенсиз? Кёчюрген сагъатда эм къыйыны не эди? Сизден сора да, сизге деричи эсе да (билмейме), Къуранны Хубийланы Абу-Хасан да кёчюргенди деб эшитгенме. Аны кёчюргенин сиз кёргенмисиз, не айтыргъа боллукъду аны юсюнден?




Sabr
Бу теманы ууакъ-ууакъ бардыра, соруулагъа джууаб эте бармазмы?
Аллах айтса, бюгюн регистрировать этерикбиз Абу -Юсуф хаджини форумда.

Ушагъыбыз бошалгъандан сора, Абу-Юсуф хаджи кесини библиотекасын кёргюзтдю бизге



Эшта, быллай китабны уа къолларында бек аз адам тутхандыла



"Современный библиотекамды бу" - дейди Абу-Юсуф хаджи



Былайда олтуруб, Абу-Юсуф хаджи назмуларын окъуйду, Эльбрусоидни форумуна киреди



Абу-Юсуфну юйдегиси бла картхада тюшдюк, кете башлагъаныбызда
Sabr 26.10.2011 17:41:14
Халкъыбыз ючюн кюрешген, Халкъыбызны атын иги бла айтдыргъан адамла бла тюбешиу, аланы видеогъа алыб, форумчула бары да кёрюрча, тынгыларча этиу - бек иги ишди. Быллай ишлени башлагъаны, уста баджаргъаны ючюн Девушка Гор премиягъа тыйыншлыды. Билмейме, журналист года зат дегенча, Эльбрусоидде аллай зат бармыды? Бар эсе - ол атха Фатима тыйыншлыды.

Тюз джазылгъандан бла къалмай, видео бла адамны кёрюрге, эшитирге болгъаны - артыкъ да аламатды.
Эбзе улу 28.10.2011 18:49:34
Энтта бир соруу:
"Аллахы кёпню - шайтаны кёп" -, деген аллай бир сёз барды дейдиле миллетде. Аны не магъана бла айтадыла сизни оюмугъузгъа кёре?


Мен аллай нарт сёз билмейме. Мен гитчеликден эшите тургъаным: "Малы кёбню - шайтаны кёб" деб, Къарачай джанында сёз алай джюрюйдю.
Муслиман адам диннге къаты болуб, Аллахына бек джууукъ болургъа излесе, озаманда шайтан да аны бла бек кюрешеди. Бу дин китабла бла бегиген сёздю. Бу магъанада айтала эсе, билмейме. Сау бол, Аллах разы болсун!
доча 28.10.2011 18:54:47
Эбзе улу
МашаАллах сизге! Аллах иманыгъызны къаты этсин!
всезнайка 28.10.2011 23:10:27
Эбзе улу
Ассаламу гъалейкум уа рахматуллахи уа баракатуху!
Хош келигиз!
Ахлян бикум уа сахлян!
Мындан ары бизни кесигизни присутствиегиз бла къууандыра турурсуз-деб ышанама. Бек магъаналы иш этгенсиз, къуранны кёчюрюб, Аллах сууаб базманыгъызгъа джазсын!
Девушка Гор 01.11.2011 12:25:27
Эбзе улу
-игиз!
казбек 02.11.2011 04:06:01
Эбзе улу
Ассаламу г'алейкум Абу Юсуф хаджи.Мен Ертенлени Казбекме Зеленчюкде джашайма.Аллах разы болсун сизге бек уллу ишле этгенсиз миллетибизни динин к'айтарыр ючюн,кельтюрюр ючюн.Аллах эки дуньяг'ыздада сауг'аласын не тюрлюда ашхылык'лабла.Тууг'анларыг'ызг'а туудук'ларыг'ызг'ада Аллах сиздеча иманда,билимда,болумда берсин дин джаярг'а деб тилейме.
Сизге соруум барды заманыг'ызг'а,бошлуг'уг'узг'а кере джуаб берсегиз.
Бюгюнлюкде билесиз бизде школлада эркинлик бердиле дерслени тышында дин дерслени берирге.Алая анга шартла(условия) салг'андыла.
Биринчиси школда ишлеб тург'ан устаз берирге керекди дерслени.
Экинчиси тарих халда берилирге керекдиле дерсле.Имамла барыб диндеча айтыб ок'утург'а джок'ду бюгюнлюкде мадар.Школда устазланыуа диннен хапарлары джок'ду ол себебден орус тарих китаблада не табсала аны айтадыла бир к'аум неда к'алайда айтмайдыла.Джангыз сизни районда андан сорада эки-юч школда имамла дыгалас этиб бир аз ок'утург'а кюрешедиле.
Христианлауа бюгюнлюкде китаблада чыг'арг'андыла эмда дерследа бередиле.К'уру тарихблада к'оймай толу динлерин айтырг'а кюрешедиле.
Муну барысында айтханым не ючюндю?Бизда табабыз школда ишлеб тург'ан устазла.Сюйюбда ок'утурук'дула.Алая сабийни ок'утурча китабла джок'дула.Не кесибизни тильде джок'дула не орус тильде джок'дула.Сизге тилеригим.Сабийлени ок'утурча тарих халда динни юсюнден китабла чыг'арсаг'ыз бек ашхы иш боллук' эди деб турама.Юч тюрлю китаб.Гитче класслаг'а бир,орта класслаг'а бир,уллу класслаг'а бир.Аланы ичинде к'уру тарих болуб к'алмай аны тышындада муслиман хали,атаны ананы сыйламак'лык,чомартлык',харам халал деген затланыда англатырча.Бизда ол китабланы хар школдада бир программабла берирча этерге кюреширик эдик.
Бу китабланы тышындада юйде ана баласына,неда сабий юйюнде кеси ок'урча к'ысха хапарла халда' кесибизни тилибизде Файхамбарны а.с. эмда аны сахабаларыны чомартлы'ларыны юсюнден,ариу халилерини юсюнден,батырлык'ларыны юсюнден китабчык'ла джазсаг'ыз деб тилейме.
Бюгюнлюкде сизден сора динненда,джашауданда хапарлы болуб,миллетибизни адетин халисинда билиб,эмда бланы барысында бири бирине келишдириб сизден сора джазаллык' адам бильмейме.Сиз билеесегиз айтыг'ыз ангада тилеик олда болушсун сизге.Бюгюнлюкде бек керекди бу бизге.Динни юсюнден сабий китаб болуб бизде дююрюген джангыз к'уран ок'ург'а юретген китаблада бардыла алада орус тильде.Буну барысында сизге барыб кесиге айтырг'а деб тура эдим алая бери джазайым менден сорада к'ошарык'лары болг'ан бар эселеда.
Бу затны юсюнде кесигизни хазыр этиб тург'ан затыг'ыз бар эседа бильмейме ангада бек к'уаннык'быз.Бизден не болушлук' бар эседа кюреширикбиз.Аллах болушсун хар ашхы ишигиздеда.
Sabr 02.11.2011 04:43:07
Бек тюз соруула.

Сабийлеге динибизден, тарихибизден, культурабыздан, белгили дин ахлуларыбыздан, бизни халкъдан чыкъгъан шыйыхладан сабий тилде джазылгъан китабчыкъла бек керекдиле.

Ариу джарашдырылгъан, суратла бла да таб джасалгъан христиан китабчыкъла кёбдюле. Бизде уа аллай зат болуб билмейме. Муфтиат быллай затлагъа сагъыш нек эте болмаз экен?

РПЦ келиб алан храмларыбызгъа дери ие болуб кюрешген сагъатда, биз сабийлени ариу дин халиге юретген китабла чыгъармай тургъаныбыз - бек уллу кемликди.
казбек 02.11.2011 23:11:34
Sabr
Эмда кесибизни тилибизде китаб джазыучуларыбыз к'арачайны малк'арны батырларыны джигитлерини юсюнден сабийда уллуда ок'урча китабла чыг'арсала керек эди.Сез ючюн Гапалауну,Ачемезни,Джатдайны эмда бла кибик батырларыбызны джашауларын чучхуб китабла чыг'арылса бек сюйюб ок'урук эдик.Мен билиб бюгюнлюкде бланы к'уру джырлары барды бюгюнлюкде.
казбек 02.11.2011 23:15:26
Сора бу ишни "Барс Эль" к'олг'а алса бек ийги боллук' эди,эмда баджараллык' эди деб турама.
Эбзе улу 03.11.2011 13:19:23
Алейкум ассалам уа рахматуллах багъалы къарнашым Казбек! Сизни айтхан сёзюгюзню бек тюзге санайма. Эртдеден да ол затха мен бек дыгалас эдим. Алай болгъанлыкъгъа, биз мында этген оноу башдагъылагъа джарамайды. Министерство просвещения деб да барды, духовное управление деб да барды, аладан эркинлик болмай, мында биз этген оноу джарарыкъ тюлдю. Мен кесим окъутхан, кесибизни школда устаз къызчыкъла бардыла. Алагъа ийман, дин, адеб юретген китабчыкъла элтиб, сабийлеге быланы айта бир туругъуз, деб тилеб кёргенме. Баш джанындан эркинлик болмай, тартыныб, эталмагъандыла. Иш алайды - буйрукъ башындан келирге керекди.
Мени кёлюме келген, халкъыбыз сагъайыб, ол затны излерге керекди, тилек къагъытла да джазаргъа керекди. Къралны закону анга къаршчы тюлдю, Россияны Конституциясы бла эркинлик барды. Хомухлукъ халкъда да болур, алай болса да аны уллу айыбы аллыбызда тургъан башчыладады.
казбек 04.11.2011 01:43:26
Эбзе улу
Сез джок'ду сиз айтхан барыда кертиди.Алая толу школ программабла дерс бералмаг'анлык'г'а дерслени тышында алг'ын кружокла деб бар эди,ол халда ок'утурчады.Кесибиз сайлаг'ан китаблабла к'рал запрет салмаг'ан эсе ол китаблаг'а.Даг'ыда хазыр китабла болсала башына муфтиятха к'алг'аннгада барлык' эдик селеширик эдик.Бюгюнлюкде Аллахха шукурла сезлери етген к'олларындан кельген диннге бек джан аурутхан джашларыбыз бардыла.Бир саг'ыш этигиз энтада бу затха.Миллетни саулай уяталмазбыз алая к'олубуздан кельгенича кюреширикбиз.
Эбзе улу 04.11.2011 15:39:37
ИЙМАННЫ ШАРТЛАРЫ.

Джаратхан Уллу Аллахыны аллына сюелир акъылы болгъан муслиман адам, ол алайда бети уялмаз ючюн, джашауунда не халгъа тюшседа, кесин Ол буюргъанча тюз тутаргъа керекди. Аны разы этер джанындан болургъа, дыгъалас этерге керекди. Ол адамны бу дунияда тюрлю-тюрлю халлагъа салыб сынайды. Къоркъуу бериб да сынайды. Къайгъыгъа, бушуугъа салыб да сынайды. Бай этиб ашхылыкъла бериб да сынайда. Джашауун аламат-мамыр этиб да сынайды. Сейир заланы кёргюзюб да сынайды. Гюналагъа кийириб да сынайды, терс ишлерине сокъураныб, Менден кечмеклик тилеб, тауба эте билликмиди деб. Къоркъуугъа салыб да, ачлыкъ бериб да, ауруу, ёлюм бериб да сынайды. Тарлыкъгъа салыб да сынайды. Тюрлю-тюрлю буйрукъла бериб да сынайды. Буйругъуна бойсунуу бла да , инджиуге тёзюу бла да сынайды. Ма бу сынамла бары да Бир Аллахдандыла. Андан буйрукъсуз джукъ да болмайды. Ол затлагъа муслиман адам кесин хазырлаб турургъа керекди. Бары да Уллу Аллахны буйругъу болгъанын ангылаб, Анга бойсунуб, не кёрсе да, Андан айыб алмаз джанындан кюрешиб турургъа керекди. Ма бу затла барыда ийманны ичине киредиле. Осебебден муслиман адам ийманына къоркъуб, алагъа сакъ турургъа керекди. Джашау деген сынам болгъанын ангылаб, кесини сыйын тюшюрмей, махтау джолда джашауун ётдюрюрге керекди.

Энди Бир Аллахха ийнанган адам кесин тюз тутар ючюн, былайда аны юсюнден бир талай затны джазайыкъ:

1

اَللهُمَّ إِنِّي أَعْدَدْتُ لِكُلِّ هَوْلٍ لاَ إِلَهَ إِلاَّ الله

Эй, Аллахым, хар тюрлю къоркъууда ? ляя иЛяяха иЛлахны хазырладым ? Бирден башха къуллукъ этерге тыйыншлы Аллах деб, джукъ джокъду, дегенни.

2
وَ لِكُلِّ هَمّ وَ عَمّ مَا شَاءَ الله

Хар бир къайгъыгъа, бушуугъа да ? маа шаАллахны хазырладым ? Аллах ушатханча болады, дегенни.

3
وَ لِكُلِّ نِعْمَةٍ اَلْحَمْدُ لِلَّه

Хар бир ашхылыкъгъа да ? алхамду лилЛяяхны хазырладым ? махтаула бары да Аллаххады, дегенни.

4
وَ لِكُلِّ رَحَاءٍ وَ شِدَّةٍ الشُّكْرُ لِلَّه

Хар мамырлыкъгъа, къыйынлыкъгъа да ? аш шукру лилЛяяхны хазырладым ? бютеу бюсюреу, сыпас Аллаххады, дегенни.

5
وَ لِكُلِّ أُعْجُوبَةٍ سُبْحَانَ الله

Хар бир сейир затха ? субхаанАллахны хазырладым ? хар айыбдан Аллах тазады, дегенни.

6
وَ لِكُلّ ذَنْبٍ أَسْتَغْفِرُ الله

Хар гюнахха да ? астагъфируЛлахны хазырладым ? Аллахдан кечмеклик тилейме, дегенни.

7
وَ لِكُلِّ مُصِيبَةٍ إِنَّا لِلَّهِ وَ إِنَّا إِلَيْهِ رَاجِعُون

Хар бир бушуугъа да ? иннаа лилЛяяхи уа иннаа илейхи рааджигъуунну хазырладым ? ишексиз биз Аллахныкъылабыз, къайытырыбыз да Аны аллынады, дегенни.

8
وَ لِكُلِّ ضَيقٍ حَسْبِيَ الله

Хар бир тарлыкъгъа да ? хасбияЛлахны хазырладым ? Аллах тамамлыкъ этеди, Ол менге джетишеди, дегенни

9
وَ لِكُلِّ قَضَاءٍ وَ قَدَرٍ تَوَكَّلْتُ إِلي الله

Аны буйругъуна, планына да ? тауаккалту иляЛлахны хазырладым ? Аллахха таяныб, таукеллик этиб тохтадым, дегенни.

10
وَ لِكُلِّ طَاعَةٍ وَ مَعْصِيَةٍ لاَ حَوْلَ وَ لاَ قُوَّةَ إِلاَّ بِالله

Хар бир Анга бойсунуугъа, неда ассы болуугъа ? ляя хауля уа ляя къууата илляя билЛяяхны хазырладым ? не кюч, не къарыу джокъду, къуру Аллахдан болмаса, дегенни.
Sabr 06.11.2011 16:51:09
Ассаламу г'алейкум, Абу Юсуф хаджи.
Къурманыгъыз къабыл болсун, бютеу этген тилеклеригизни Аллах къабыл этсин.
Бу форумда эм тамада Сиз болурсуз - Аллах келир къурманнга да къууанч бла джетдирсин. Динибизни ангылатыуда, джайыуда мындан ары да биягъынлай къаты кюреширча Аллах кюч берсин Сизге.
Къара да таныгъан, къара да джайгъан онглу адамларыбыздансыз.
Сиз умут этгенча этсин халкъыбызны Аллах.
казбек 06.11.2011 17:40:59
Ассаламу г'алейкум.
К'ошулама менда алг'ышлаг'а.Аллах к'абыл этсин к'урманыг'ызны Абу Юсуф хаджи.Аллах иманнан айырмасын.
Эбзе улу 10.11.2011 14:33:42
Алейкум ассалам! Сизникин да Аллах къабыл этсин! Кечигиб джазгъаныма айыб этмегиз, таблыкъ алай болгъанды.
Кечирек болса да, меннге къонакъгъа келиб айланнган эльбрусоидчиланы да, къалгъанланы да, Къурман Байрам бла алгъышлайма! Къачан да къабыл этерик Аллахды.
Эбзе улу 10.11.2011 14:34:55
Abdullah 10.11.2011 17:11:50
Алейкум ассалам! Сизникин да Аллах къабыл этсин! Кечигиб джазгъаныма айыб этмегиз, таблыкъ алай болгъанды. Кечирек болса да, меннге къонакъгъа келиб айланнган эльбрусоидчиланы да, къалгъанланы да, Къурман Байрам бла алгъышлайма! Къачан да къабыл этерик Аллахды.
Эбзе улу
Биргелей, Аллах разы болсун! Мени кесими да бу джыл Къурманда бир кёб ишим бар эди да чырт киши къайгъылы болалмадым, былай сууукъ къар баш келгени бир кесек джунчутхан эди.
Эбзе улу 12.11.2011 14:06:46
Багъалалы танымагъан муслиман къарнашым Казбек, мен сени ол школда сабийле окъурлай китабла болсала деген сёзюнгю сансыз этиб къооймагъанма. Аны къайгъысындама Аллах буюрса. Аллах разы болсун ол ишге къайгъыргъанынга. Мен да эртдеден бери да дыгаласма ол затха. Кесибизде школда, менден Къуран окъугъан къызла, окъуб келиб устазла болуб тургъанла бардыла. Алагъа китабчыкъла бериб да кёргенме, сабийлеге аз-аз бир айта туругъуз деб. Эталмайла алай. Баш джанындан къоркъалла. алай болса да аны къайгъысын кёрюрге керекди, башчыла бла, кимле бла боллукъ эсе да, таблыгъын излеб.
казбек 14.11.2011 02:28:55
Эбзе улу
Аллах разы болсун Аллах болушсун.Узаймайын Аллах айтса кесигизге бир тюберме разы болсаг'ыз.
Эбзе улу 20.11.2011 10:36:17
ТЮЗ ИЙМАН.

Адамны ийманы толу болур ючюн, къуру Аллахха ийнанама деген бла ийман болуб къалмайды. Джаратхан а барды деген сёзню, кёб миллетле айтадыла, аны бла иш тыныб къалмайды. Ол ишеклик келтирмей, чайкъалмай, ма бу затлагъа толу ийнаныргъа керекди-борчду:
1. Дунияланы джаратхан, джашауну къурагъан Бир Аллах болгъанына.
2. Биз кёрмесек да, Аны мёлеклери хакъ болгъанына.
3. Заман заманы бла, Джер юсюнде халкъына, тюз, тынч джашау этер ючюн, джорукъ китабла джибергенине.
4. Кеси джаратхан халкъына, ала тынч джашау этер ючюн, тюз джолну кёргюзюрге файгъамбарла, келечиле джибергенине.
5. Бу дунияны, бир кюн бир ахыры боллугъуна, аны бошаллыгъына.
6. Бизге келген: игилик, аманлыкъ болса да, Бир Аллахны буйругъу бла келгенине.
7. Адам, дунияда этген ишлерине джууаб берир ючюн, ёлгенден сора тирилиб, Аллахыны аллына барлыгъына.
Читают тему (гостей: 1)

Форум  Мобильный | Стационарный